胡爐 (已結業)

限聚令放寬，一早已經火鍋成癮既我，當然要趁呢個時刻好好刷返餐，一解火鍋之癮最近興起養身鍋熱潮， 極多朋友極力推薦胡爐， 今晚我都急不及待啦～筆者見到鍋底竟然有佛跳牆選擇咁吸引~ 二話不說即點呢個鍋鍋很快就上枱啦！ 簡直嘩一聲四個字來形容【真材實料】【濃湯佛跳牆雞翅鍋】侍應捧鍋上枱，打開鍋蓋，已經見到整個鍋也舖滿了高級食材有滿滿粗粗的大排金翅、大大隻鮑魚、超級肉厚既海參、肥大肉厚既花膠，乾瑤柱，雞件 忍不住先喝湯一口，果然色香味俱全，啖啖都充滿了濃郁純厚既參茸海味味道+雞湯味感受到廚師製作這個鍋的用心、時間喝完湯，食完豐富既湯料就開始打邊爐啦醬料盤非常充足【冰豆腐】打邊爐必備，爽口既冰豆腐吸引哂濃郁既湯底【手切安格斯肥牛】入口即溶鬆軟，充滿牛味，與湯底非常配合【黃金墨魚丸】新鮮手打 入面係蟹籽 + 咸蛋黃，非常彈牙有口感 非常難忘既火鍋店， 物有所值，高級既食材用黎打邊爐，係獨特既食法，筆者非常滿足滿足

自疫情開始之後，我地都味試過打邊爐。到依家疫情開始緩和，我地兩個binlo lover 就再次出動啦！入到去個環境係坐得舒服既，幾開揚，而且樓頂有d波波裝飾，幾有浪漫氣氛一入到去枱面上已經有個漿料既mini bar，可以俾你自己混漿我地跟住叫左個佛跳牆湯底，個湯泥到既時間得地都非常驚訝！好！足！料！呀！個鍋入面已經有雞、唐白菜，仲有埋飽魚！所以如果大家都唔係好大食既，可以減少其他配料既份量而配料方面，我地叫左必要點既午餐肉，份量都足夠既，以兩個人食泥計，每人可以食到三舊。而由於佢太好食既關係，我地係個湯底味熱之前就已經食哂左成碟下次泥到一定要再叫同埋試埋佢落湯既效果另一個必點item就係魚皮啦！魚皮非常之香口，送埋入個湯到內脆外軟，無得頂呀！我地仲有點到墨魚丸，入面包住鹹蛋黃，但個鹹味又唔會搶左個墨魚丸既鮮味跟住又點可以無點平時唔太食，但打邊爐必食既皇帝菜！份量好夠，同埋個菜好新鮮呀！最後到最後登場既黑毛豬！非常爽口而且無臭豬味！下次一定要encore!!打邊爐又點少得啤酒呢～個啤酒非常易入口，而且唔苦

之前同朋友上網睇到呢間胡爐好似幾吸引咁但係之前暫停營業所以一直都冇試到依家終於都重開番喇，終於可以同朋友去試吓雖然間舖頭唔係好大，但係都坐得好舒服，而且仲唔會污煙漳氣而裝修同埋碗碟都有宮廷嘅感覺落咗單之後店員就比咗調味架我地，好多選擇！小弟打邊爐都必定會落炸蒜，呢道嘅炸蒜好新鮮好香脆，一食就知唔係擺咗好耐黎食之前都有上網睇過d湯底，所以二話不說揀左呢個估唔到，係勁勁勁正首先係d湯料超多，鮑魚花膠螺片金華火腿素翅雞件同埋津白平時多數新年先飲嘅湯大大煲係我地面前一滾我地就即刻飲番啖湯先～OMG!!!!真係好好飲我地一碗接一碗咁飲，飲到其他野食都開始到齊第一次打邊爐係咁唔想放野落個湯底度而且我地得兩個人，真係好擔心會食唔晒d野，因為個湯底真！係！好！多！料!!!!!!!估唔到細嘅都幾大碟肥牛好新鮮，入口即融好食呀小弟不嬲都麻麻地響鈴，但係朋友中意食所以點咗.....呢個響鈴都好大舊，食落去唔算好油膩不過小弟都係對響鈴無咩興趣呢個墨魚丸食落去好有驚喜，平時食墨魚丸都係食到麵粉多，但係呢個咬落去係彈牙嘅而且佢個蛋黃做得好好，有流心嘅效果，唔會因為淥得耐而整熟埋個蛋黃，勁蝦丸都係超級彈牙，亦食到有

以前就話天氣凍就打邊爐、食雞煲，而家邊有呢樣野，熱一熱都可以打邊邊，最近我都經常食火鍋，而且試左幾間都係新式、兼有麻辣鍋湯底嘅火鍋店呢，幾間質素都唔錯。尖沙咀厚福街一向都多野食，呢棟H8有幾間餐廳都未試過，是日收工就黎到16樓嘅胡爐，餐廳位置唔大，幸好一早預訂左位置，見到呢度嘅裝潢，古色古香、懷舊擺設、木色屏風等都令我諗起最近試過嘅另一家走宮廷風格嘅火鍋店，呢度嘅枱櫈就較密麻，不過座位間空間感足，可惜當日坐嘅位置有少少滴水情況，有礙進食。餐牌選擇豐富，價錢中上，湯底都有超過15款，靚料嘅有龍蝦海鮮鍋($368)、花膠雞翅鍋、花膠雪耳大眼雞；另外有而家好熱門嘅多格湯底、九宮格湯底($168)；價格最低嘅有三款：潮汕沙嗲鍋、雜菜清湯鍋、芫茜皮蛋鍋，定價$98。醬料每位$22，需要嘅都有，不過由於湯底都幾濃郁，我都冇乜點沾過。店員推介呢個紅白湯底，一邊紅彤彤嘅就係四川麻辣湯底，另一邊係牛乳花膠木瓜湯底。店員提示我地可以等湯滾起先飲牛乳湯底，飲落就比想像中清淡啲，裡面有唔少花膠，都幾滋補，木瓜食落清甜，食唔到辣嘅朋友就可以用呢邊湯底；至於四川麻辣鍋底，裡面有豬皮、豬紅、腐竹等配料呢，非常入味，