醉胡爐 (已搬遷) 新店位置

今次食呢間火鍋，係連staycstion package 酒店148的。不過喺純睇味道黎計，絕對好味。先講湯底，因package,有椰子雞同金翅花膠乳鴿。椰子雞周圍都有，所以試金翅乳鴿湯，估唔到個湯好濃，仲好好味，有啲翅，同花膠，未打邊爐先每人嘆一碗，已經好享受。另外，每次乾水時，都會加魚湯，令湯底唔會淡，好鮮味。火鍋料有牛肩胛同伊比利亞黑毛豬，手打牛肉丸，蝦丸，雲吞同魚皮鮫，脆脘片，日本廣島蠔，炸魚皮，唐生菜。追加了黑松露墨魚丸。熟食方面有串燒鴨腎，燒牛舌，一夜乾，老友鬼鬼。無論火鍋料，定熟食，都好出色。老友鬼鬼尤其出色，外層油炸鬼炸得好深層，除了脆之外，仲有深炸既味道，而上面既墨丸滑又好彈牙。炸魚皮比出面既出色，一片片好工整，不似出面啲魚片會扭埋，而且鬆脆耐浸，浸過湯底一陣都仲係好脆。環境方面都好整潔乾淨，服務態度好，而提供既熱茶都好有淡淡茶香。如果唔計價錢，絕對好味。

今日歌手嚴淑明同李健達請左一班工作人員去佐敦醉胡爐慶功，好榮幸都有份出席。這家餐廳裝修好靚，主打養生湯，好重視湯底。今次湯底就有，金湯鴿翅花膠湯，原隻乳鴿湯底，濃湯佛跳牆雞翅鍋及火焰龍蝦海鮮鍋。金湯鴿翅花膠湯好足料，用左全只乳鴿，加上翅及花膠好養生。佛跳牆好足料，鮑魚大大只。我就最鐘意個火焰龍蝦海鮮鍋，好濃既龍蝦湯味，全部湯底都可以先飲左個湯，品嚐完先再吃火鍋，未食火鍋我已經飲左兩大碗龍蝦湯。菜式選擇超多，今次就試左。。。。。手切頂級安格斯肥牛，好有肉味，食火鍋必備。紫菜炸響鈴即點即炸，好香脆必點，跟龍蝦湯超夾。黑松露蟹肉餃，黑松露墨魚丸 ，好重黑松露味，我覺得放落火焰龍蝦海鮮鍋到，超級夾。兩樣都係我最愛。，

2018年9月12日。晴。佐敦。冬天打邊爐，夏天都可以嘆住冷氣打邊爐呢日約咗朋友烚下烚下湯底選擇多，仲要唔係平時見開嗰啲沙爹、清湯款款睇個名都好吸引最後叫咗鮮椰青雞鍋揀完湯底，選擇困難症大爆發成兩頁火鍋配料可以揀唔啱心水嘅話仲有串燒同刺身明明極肚餓，但都研究咗一番先落到單等湯底期間，先撈咗個醬先一應俱全湯底送到啦～見到貨真價實，入面真係有椰子，當然仲有雞啦～開咗蓋就係高潮所在侍應會過來幫手炒香啲配料，然後再一把火。。。將佢變成火焰雞煲，當佢係表演咁又幾好睇喎～再倒原個椰青水落個煲度，最後再加埋香濃雞湯湯底就係咁嘅樣啦～個湯超級香濃，椰香十足，味道香甜，未開始打邊爐已經飲咗兩碗配料都陸續送到自家製炸響鈴，$68有6件，每件都勁大卷香脆鬆化，大件嘅程度係可以有飽肚感，抵食！大份手切頂級安格斯肥牛，$298本來覺得略貴，點知原來咁～大份！賣相一流，份量夠多，肉質唔錯秘製蝴蝶腩，$108個名又靚又神秘，身為好奇寶寶嘅我哋就放膽點咗一份點嘅時候以為係牛腩，原來係豬嘅橫隔膜食落無論質感同味道都好似鹹瘦肉，鍾意鹹瘦肉嘅可以一試黑松露墨魚丸（半份），$52黑松露嘅香味非常濃郁，墨魚丸又彈牙食完半份有想

來一起玩火吧🔥‼️打邊爐真係不分時節架 想幾時打都得 正今次去左醉胡爐 試下佢嘅特色湯底☺️呢到好大 中間仲有酒吧位可以飲下酒食下串燒 好多元化呀👍🏻不過今次主要都係食邊爐先😘用openrice訂座送湯底呀 平好多架‼️火焰海鮮龍蝦鍋 $368有一大隻龍蝦 仲有多蜆🤩話明火炙 當然無甘簡單啦店員落酒之後點火快炒 炒香配料再落湯 聞到超香嘅龍蝦湯味 極吸引呀‼️ 龍蝦湯好濃 味道很好👍🏻 我飲左幾碗架😽打邊爐前先飲龍蝦同蜆龍蝦啖啖肉 蜆又夠鮮甜🤤齋食同飲個湯已經滿足仔了邊爐配料方面都好岀色喎💓 麻辣牛肉餃 $44(半份)夠唒麻辣呀 喜歡食辣同餃不妨試試佢💓 手打芝心牛丸 $44(半份)手打嘅丸好結實 牛肉味又濃小心熱辣辣嘅芝士辣親口呀🤭💓 黑松露墨魚丸 $44(半份)黑松露味都幾岀 墨魚又q彈的👍🏻💓 秘制蝴蝶腩 $108蝴蝶腩其實係豬黎架 上枱嘅時候已經熟左架啦 仲好淋添💓 自家製炸響令 $68響令超大舊！仲炸得好香脆架浸一浸落龍蝦湯 好味喔👍🏻我仲嗌左個小食‼️炸芝士釀雞翼 $48好好食 好重芝士味架 仲要無骨🤤揸住雞翼尖食 正😚🍽 醉胡爐🔎 尖沙咀柯士甸路20號保發商業大廈地舖

今日同老婆黎到人來人往既尖沙咀打邊爐，一早book好枱， 所以慢慢行完街就向餐廳出發。由地鐵站起程，經過諾士佛臺，黎到位於柯士甸路既醉胡爐，第一眼見到間餐廳，就覺得裝修好靚好特別，有種潮既感覺，有別於一般打邊爐既地方。坐低咗之後就那那聲影下相，一心都想推介俾大家黎感受下。打邊爐首先要點咗湯底先，呢度有成15款湯底選擇，樣樣都好有特色，梗有一款啱你~ 我地就揀咗冬瓜花膠雞翅鍋。點好湯底之後，侍應隨即送上醬油俾我地。除左一般嘅蔥、沙茶醬、蒜蓉、莞茜、椒絲、蒜蓉之外，不得不推介，呢度有個麻辣醬，非常值得一試，麻辣味好正，好惹味。醬油 $22/位冬瓜花膠雞翅鍋 $368 - 好快就上枱，侍應打開，我地第一個反應就係一個嘩字，所有食材舖排得好有氣勢，有一大舊冬瓜放底，中間有雞肉(未熟的)，而最上層就有魚翅及魚子，大大鍋，睇見都想快啲食。等佢滾起既同時，我地已經點好晒其他食材，等開餐。鍋物終於滾起了，侍應好細心將冬瓜切好一舊舊，方便我地食。湯底材料用料十足，真材實料。我地都急不及待試下個湯底先，清甜既冬瓜雞湯，我地每人足足飲咗兩大碗湯。同埋食咗幾舊鮮雞肉、冬瓜先正式開始打邊爐，因為佢既份量唔食緊啲