騷 (已結業)

見到樓上cafe係咪以為會係油尖旺銅鑼灣呢其實佢係諾士佛臺仲有live music添但地方太細的關係音樂好大聲 同朋友傾計有d辛苦 雖然acoustic音樂都幾好聽既環境亦比較黑 似酒吧一班人聚會黎啤一啤係唔錯既全日早餐 | $98要讚黑松露炒蛋 超重黑松露味非常香好足料但個蛋就略嫌唔夠滑另外薯餅都炸得好香脆 幾好食 但焗豆同雜菇係凍的 明顯係較早預備腸唔夠juicy 呢d都有待改善黑松露大啡菇意粉 | $98黑松露味好濃同好香黑椒味 意粉煮得幾好 硬度幾啱 鐘意佢上抬熱辣辣真係即叫即煮 (所以等得有d耐 不過黎得cafe都唔係要趕住食既)有鮮番茄仔 增加味道 整體幾好味👍🏻係得諾士佛臺點會冇酒飲 有各式手功啤酒同雞尾酒我揀的重水果味 似cider幾甜 總結：下次一班人放工想gathering不防考慮諾士佛臺的呢間小cafe

諾士佛臺真係有好多酒吧同飲野既地方週末最岩同朋友去飲飲食食鬆一鬆😎餐廳內會有射燈勁有趣同幾有氣氛🤣朋友叫既手工啤酒我偷飲左一啖感覺唔算太甜幾正🤤由於我唔太飲得酒所以只可以叫mocktail估唔到又幾好飲😳因為有檸檬又有青瓜味道好清新同時又有士多啤梨同蘋果既甜唔錯唔錯叫個starter黎食下🤤煙鴨胸都幾厚切配埋青瓜好開胃蜜糖芥末醬唔會過甜同煙鴨胸都幾夾好好食既意粉😍雖然黑松露味唔算好重但意粉炒得好香而且大啡菇好好食好juicy調味都調得好好呢個奄列又係必食😍外層煎得好香內裡啲蛋煮得岩岩好加左洋蔥既奄列香氣滿溢就算配蟹肉都唔會好腥牛角包雖小但十分有牛油香🤤配埋沙律食加添一點清新好正呀🤤另外餐廳有個位係比人jam歌唱歌是晚為陳奕迅之夜😉😂聽住廣東歌食飯飲野好有feel😍整體黎講餐廳氣氛幾唔錯😍食物質素都幾okay😍

黎到諾士佛臺嘅樓上舖嘅SOUL騷呢度少左樓下喧鬧嘅感覺 帶點悠閒帶點舒適相對黎講 呢度會岩我同朋友黎飲酒傾計多d😽.今日無駐場嘅live band表演 但仍然播住好chill嘅音樂🙌🏿我同男朋友黎到 佢一心想試呢度嘅手工啤原來選擇極多 本地同外國嘅手工啤都有🤤.Maneblusser ($88)店員話呢個係比利時嘅入口手工啤會相對易入口😊 飲第一啖會有好重嘅麥香味 然後會慢慢感受到有雲呢拿嘅幽香🌾.我就最後決定嗌杯mocktailEncore ($68)呢杯係比較酸酸甜甜有果香嘅mocktail 相對平時飲嘅好似多泡d 有🥒青瓜嘅味道飲落好清甜💓.蟹肉洋蔥奄列配牛角包 ($98)個奄列比我想像中大嘅同時 🥐牛角包比我想像中細😂不過個奄列係我全晚最愛入面有炒香左嘅洋蔥 令到成個奄列除左蛋香仲帶種惹味而且真係啖啖都食到蟹肉🤤牛角包應該係現成貨 都頗香脆 但如果可以烘熱佢上碟會更好😅😅沙律菜用黑醋醬係我至愛🙌🏿.黑松露大啡菇意粉 ($98)松露嘅香氣一上枱就完全感受到呢個同蕃茄醬嘅組合唔錯 相對感覺light d😌啡菇好多汁好juicy💓.餐牌參考:

最近我啲fd 成日話諾士佛臺有間上樓既bar 好正..終於都約到個fd 陪我去啦🎉yeah!!啲裝修好特別似間cafe 多啲🤤仲有人唱live ..好有香港特色👏🏻👏🏻👏🏻現場氣氛好好野食都幾多🤤好少bar係咁多選擇行街行到攰己經好肚餓啦😯😯手工啤酒都唔係成日飲😯我地仲煩惱緊簡咩既時候,個staff好似知道我地簡唔到,主動過黎解釋啲手工啤有咩分別⋯⋯☝🏻我簡左易入口唔太苦既Maneblusser 🤔😍好好飲呀,以往既手工啤味道會好重⋯所以我一直都好小飲⋯但啲枝好易入口仲好滑我fd 簡左麥味多啲苦啲既1842黎到主菜💁🏻我簡左啡菇意🙊都係staff推薦既果然好食 黑松露味道唔會太濃⋯淡淡既香味🤤啡菇好大粒同黑松露都幾夾另外叫左個小食☝🏻炸薯條聽住live 摸下酒杯底 🥂好開心我fd 叫左👆🏻好香既蒜味辣辣地好開胃佢唔洗5分鐘已經清左成碟😂😂好彩都俾左1啖我⋯🙈🙈見隔離枱個雞翼好似幾正咁⋯食到小小飽慢慢傾下計食都幾舒服⋯雞翼😯即炸好鬆脆💁🏻好入味話咁快就飲第2枝🙈🙈🙊見到個名都覺得幾得意鹹檸啤🎉小小酸味😆又唔係話好咸青檸既味道令到支酒更香👏🏻👏🏻👏🏻幾成功既本土作品 👍🏻😂😂😂👆🏻哩支真心

平時要係諾士佛台搵間少人又靜既酒吧都有點困難，加上又唔太識飲酒，大多數既drink menu都係英文，十居其九都唔知係咩飲品，有時想同啲姊妹去happy hour都幾尷尬。但呢日姊妹帶我黎去左呢間樓上既咖啡室格局既吧，一樣有live music聽，仲要係本地band。呢道既食物製作比較家庭式，比較上係屬於輕盈，送酒的話唔會太heavy。蕃茄煙鴨胸意粉 ($98)意粉煙韌道剛好，茄汁味道好有屋企整既味道。黑松露大啡菇意粉 ($98)呢個意粉係無汁的，油炒再加黑椒，所以有點辣。大啡菇咬落好多水，唔會乾爭爭。Summer (左), Encore (右) ($68)雖然見到有好多款手工啤，但呢排皮膚唔太好，所以叫左兩杯mocktails。一杯Summer係熱帶生果菠蘿同檸檬既味道，另一杯Encore係紅桑苺同桃，兩杯都酸酸味味。總結黎講，呢道既格局都比較local，而且home feel，係個可以靜靜地坐底傾下計、聽下本地音樂既一個cafe bar。

今日去開尖沙咀行街， 朋友建議去諾士佛臺搵嘢食，  都真係好耐冇行開嗰頭，  可以一試。 喺樓下見到有個餐廳廣告， 寫住單字一個騷， 幾特別喎， 就試下呢間啦。呢間餐廳，有簡單的美式裝修， 最特別嘅係我一坐底就留恴到喺中間有一套樂器， 應該會有樂隊表演卦， 果然不出所料， 坐咗一陣駐唱歌手已經大展歌喉。 寧靜輕快的音樂 ，配合餐廳嘅氣氛，傾計談心真係一流。食物方面， 我就叫咗一個墨西哥芝士粟米片， 一份黑松露大啡菇意粉。 嘢食黎之前仲叫咗支叫做油麻地果欄嘅香港手工啤， 飲落去真係好特別 ，好重蘋果味， 酒樽上面寫住一支啤酒係用四個蘋果製作而成，真係誠意之作。 一啖入口， 陣陣蘋果香湧去喉嚨， 即時胃口大開。小食黎啦，係墨西哥芝士粟米片。粟米片上面鋪咗好多芝士粉， 上面仲有一層厚厚嘅芝士， 另外仲有少少茄汁， 食落去香脆， 但又唔覺得熱氣，份量唔細足夠兩個人食。主菜就係黑松露大啡菇意粉， 佢賣相好靚 ，除咗兩片大啡菇之外， 仲有幾粒車厘茄伴碟。 意粉爽口 ，仲有好濃香嘅黑松露味， 如果鍾意黑松露嘅人一定要試。 反而呢個主菜有啲細份， 如果可以大份啲就更加好啦。價錢唔貴，係呢個地段係超值，

聽個蒲開酒吧既朋友講最近林立嘅諾士佛臺開左間樓上酒吧，於是就約左成幾丁友上去試下。 一入到去就見到中間場地係一個夾ＢＡＮＧ既地方，聽店主講會邀請愛音樂既人上黎分享，店主唔會刻意限制樂隊類別，只想係酒吧度製造一個音樂小平台彼此欣賞。雖然場地唔大，但勝在夠ＦＥＥＬ！ 好喇，入黎酒吧坐底緊係要睇下有咩野食同野飲架啦！雖然小食同主食唔算話好多元化，但以主打野飲既酒吧黎講都算中規中矩。店主好熱情咁推薦我地試下本地啤酒。其中一款係蘋果啤：蘋果味唔太重，亦唔係好甜既一款啤酒，感覺係好清新。另一款係（唔記得咩啤）：較甜同酒味無咁重，適合鍾意口感較juicy既人飲。食物方面就叫左黑松露大啡菇意粉：大啡菇配埋黑松露好夾。

今日同M佬去諾士佛臺嘅騷Soul食飯，台上嘅演出者選擇咗呢首歌：……從眉梢中感覺到，從眼角看不到，彷彿已是最直接的裸露……我A姐真係好鍾意哥哥，每次聽到佢啲歌都會好有感觸……幸運嘅係，我識咗M佬，可以同佢分享每首歌嘅感動！而今晚呢位演出者所唱嘅歌又幾啱我哋嘅口味，邊食邊聽真係一個好好嘅享受。Hong Kong Whistle – Apple Cider：嚟到諾士佛臺，有Live Music又點可以無酒呢，但太strong嘅酒唔啱我，太普通嘅酒又唔襯我！所以呢間餐廳嘅店主就介紹我呢杯 Apple Cider。吓！咩話！APPLE CIDER？但原來呢杯Apple cider都大有來頭，係由油麻地果欄買入嘅新鮮蘋果搾汁而成，所以飲落口係有好清新嘅蘋果香味，估唔到啤酒同果汁都可以咁Match！柚子蝶豆花茶：M佬今日竟然唔飲酒，因為佢話想試吓呢度嘅柚子蝶豆花茶，仲可以自己加檸檬汁調配最適合你嘅口味，真係好似做實驗咁呀！而店員預先將柚子製成冰，所以就算冰溶咗，味道都唔會變淡！味道好有層次，驚喜在於柚子味好香濃，飲完又夠晒解渴！炸魷魚圈：炸到金黃色，脆卜卜呀！配合埋個蛋黃醬，真係好夾呀！用嚟佐酒真

上星期六晚我同個朋友去左尖沙咀諾士佛臺一間樓上餐廳食晚飯, 嗰度環境既環境幾舒適, 好有氣氛 好適合星期五或星期六日同朋友黎食個飯、飲下酒、傾下計。Menu上既食物款式都算多, 店員好有禮貌地慢慢同我地講下餐廳有啲咩特別既菜式同埋有啲咩好既酒精飲品推介。飲品方面, 我首先點咗一杯無酒精cocktail, 佢就係柚子蝶豆花飲品。蜂蜜係另外上, 所以可以根據自己鍾意既酸既程度而倒入適量既檸檬汁。我自己就鍾意酸少少, 所以我落曬成樽檸檬汁, 我朋友就點左一支黑啤。主菜方面, 我地點咗碟蟹肉洋蔥奄列配提子穀麥包同埋黑松露大啡菇意粉。蟹肉洋蔥奄列既蟹肉味好香, 啖啖蝦肉同洋蔥, 分量好足料, 旁邊既提子穀麥包係我最鍾意既麵包, 煙煙韌韌, 配蛋一流。Mini burgers 真係一大啖就可以食完一個, 漢堡包用既麵包帶點微脆既質感, 咬落去食到惹味既豬肉汁同芝士, 得三個其實真係滿足唔到我地兩個既胃。食飯既時候仲有band喺旁邊唱歌, 增添唔少氣氛, 重點係仲可以點歌, 一邊食飯, 一邊聽自己鍾意既歌。 由於呢度既環境真係好舒服好relax, 所以我地飯後亦點咗幾杯酒, 一邊傾計, 一邊聽歌,

今日同朋友黎到一間尖沙咀新開既bar聚餐。我本身就吾飲酒既，但又想試下佢地既手工啤酒店員就推介左兩款無咁重酒精濃度同口味較淡既比我地龍王柚啤 酒精濃度 3.5%係由啤酒同柚子梳打各半調製而成，柚子味濃 吾好酒既人都接受到 鍾意柚子味既人會like依款鬼佬酒精濃度 4.2%啤酒味較重 但我反而更鍾意依隻味飲落有種醇香 仲愈飲愈順口 不經不覺就飲曬成支叫啲小食黎試下先，南乳豬手聽得多 雞翼版吾知味道如何呢？南乳雞翼 $58原來佢地南乳味已經改良過 之前有客人反映南乳味吾夠今日我試過覺得南乳味夠香濃 但又吾會搶過雞翼既鮮味雞肉非常嫩滑又juicy 雞皮又香又脆 讚喔店員會注意客人對味道感覺 不斷精益求精 值得一讚！大啡菇沙律 $88非常清新既一款沙律 大啡菇厚肉多汁 沙律菜又夠新鮮 淋上橄欖油 令整個沙律變得更可口蟹肉洋蔥奄列配多士 $78非常推薦這款！奄列煮得岩岩好 外面煎得微脆 但切開蛋汁即刻流出黎 超正！食落蛋香味濃 吾好睇小入面 有滿滿既蟹肉 仲好鮮甜 軟軟既蟹肉配搭白洋蔥 增加其咬口 為口感添加一點變化！而且奄列調味非常適度 吾似出面普遍既奄列都會加牛油或偏咸 但佢地既奄列做得很好

Spent a weekdays' evening here to enjoy a stress-free night! Noticeably they have well-equipped sound systems, seems like something exciting is going to happen during weekends - A BIG YES! I definitely love live music shows!!! And I was glad to know that anyone could free jam at Soul! So I  had a shameless solo here (thank god I wasn't kick out of the shop) Isn't that exciting though! Back to food and drinks, there's plenty of handcrafted beer choices available, an array of up to 30 options!! Th