阿麥廚房 (已結業)

聖誕正日怕人太多 所以提早一星期慶祝呢條街前後左右都好多野食上年黎食過一次  覺得幾好味  再黎食多次因為預祝聖誕  所以豪一餐  叫晒最貴的黎試下香煎法國鵝肝配焦糖酒醋藍莓十分肥美  入口即溶  配埋個醬食調下味仲正份量岩岩好  因為食太多鵝肝會膩大蝦占米多蝦肉整碎配忌廉  似似地食薯蓉感覺啖啖肉  食到停唔到黑松露忌廉湯極濃的黑松露味  飲完其實已經好飽個湯真係好足料  好香  好滑蟹肉南瓜忌廉湯應該係有打爛個南瓜落去整 個湯每一啖都好似食緊南瓜咁  要加錢都抵黑松露麵包蟹意大利飯呢個唔到睇佢細細個但因為有忌廉 蟹肉  蟹膏  所以食完好飽個飯係整返適合香港人口味的軟飯  其實正宗的意大利飯  個飯係硬硬地烤辣味西班牙豬肋骨薯條一流  條條都好脆  仲要係粗薯個豬肋骨好大條  辣辣地幾野味而且D肉好嫩骨  骨肉分離  好易食得到最後兩杯朱古力作結二人兩個SET 升級加埋一  $724 雖然貴  但係一年一次聖誕大餐  值得

今日同朋友去銅鑼灣搵嘢食，印像中加路連山道有幾間餐廳，見到有間西餐廳門面設計唔錯，就入去試下。 我哋大約夜晚六點幾去，入邊人唔算多，但好多位已經留咗畀其他人。 我哋總共叫咗兩個餐，一個係果仁焗三文魚扒，配香煎法國鵝肝配焦糖酒醋藍莓同黑松露忌廉湯。而另一個餐係香煎帶子配黑松露野菌意大利飯，配大蝦占米多同蟹肉南瓜忌廉湯。 等咗五分鐘，兩個頭盤同時送上，個法國鵝肝比我想像中大舊，鵝肝煎得啱啱好，兩邊煎得甘香，亦冇影響到中間嘅味道，配上麵包好味。 而大蝦占米多，隻蝦好大隻好多膏，而且幫我哋拆咗蝦殼，用獨特嘅醃料來泡製入面嘅大蝦肉，蝦肉好爽口同有鮮味。 跟住有蒜蓉包，黑松露菌忌廉湯同蟹肉南瓜忌廉湯。個湯黑松露味好濃，入面有好多野菌，鍾意黑松露味嘅人一定會鍾意。 而蟹肉南瓜忌廉湯，南瓜味都好濃，而且入面有好多蟹肉，仲有一條蟹腳既肉係入面，比較驚喜。 之後果仁焗三文魚扒送上，三文魚扒好大塊。啲果仁同獨特嘅醬汁圍住塊三文魚扒，增加咗佢嘅鮮味，加上魚肉焗嫁時間啱啱好，令到魚嘅肉唔會太硬或者太淋。 最後係香煎帶子配黑松露野菌意大利飯，喺番上面有兩塊好大舊嘅香煎帶子，成個帶子係透明色嘅，

放假日出銅鑼灣接男朋友收工食晚飯，佢就帶左我去平日食lunch偶然會經過既阿麥廚房！男朋友話平日行過見環境都唔錯幾好feel，睇人地食評都唔差，價錢又適中，所以想帶我黎試下☺️晚餐選擇不少，價錢由$160到$240，視乎選擇邊款主菜，而每個主菜都有跟沙律、是日餐湯及飲品唔想食得咁簡單，加錢升級埋本來跟餐既沙律及餐湯喇🤓咩都鐘意加一餐既我，當然今次都唔例外喇😎（當然係睇過係自己鐘意食既先加喇😆）首先黎左香煎鵝肝配蕉糖酒醋藍莓，一黎到已經聞到好香，鵝肝岩岩煎好帶微熱，而且頗厚身，咬落滿口油香，好正😋另外蕉糖酒醋藍莓汁帶甜及微酸，食落好醒胃，又可配搭隔離沙律菜一齊食，係好好既前菜😊這個大蝦占美多真係不得了😵將大蝦🦐切開數小件，蝦肉十分彈牙，加上佈滿濃濃既蝦膏，一試難忘既美味🤤個人認為係絕對值得加$58升級既前菜😋👍🏻另外轉埋兩款餐湯，首先係蟹肉南瓜忌廉湯，都幾鮮甜，啖啖湯都充滿南瓜蓉同蟹肉，飲落好有口感👍🏻而男朋友都升級左做黑松露菌忌廉湯，有好多菇粒，同蟹肉忌廉湯一樣都係好有口感，黑松露香味濃郁😋因為兩個湯都好正，所以同男朋友一人一半sweet sweet share😆主菜揀左黑松露麵包蟹肉意

琴日, 朋友話帶我去試下一間好特別嘅西餐廳。係喺銅鑼灣加路連山道，聽就聽得多加路連山道，不過我就未去過。原來嗰邊有好多特色嘅餐廳，今次朋友帶我去嘅就係叫做阿麥廚房。終於到左餐廳，原來氣氛幾有情調嘅，燈光亦都特登較暗左，有relax既感覺。另外牆身貼滿左唔同國家既畫，令到有d異國風情，搞到我有啲想去旅行添！黑松露忌廉湯，喺面頭有啲黑松露，將佢撈埋一齊，味道好重黑松露味，而且仲有淡淡的忌廉香味同蘑菇味，味道很濃郁呢！呢個係南瓜蟹肉湯，顏色係淡淡地嘅黃色，味道比較甜，係有南瓜嘅甜味, 而且湯入邊仲有啲蟹肉碎添，增加左湯嘅鮮味。呢個都係頭盤，係鵝肝配藍梅沙律。這個鵝肝很甘香肥美，配多士一齊食，外脆內軟又香口。另外藍梅酸酸甜甜，而且沙律已經落咗醋，味道都係酸酸甜甜，很開胃呢！主菜方面，叫咗個黑松露帶子意大利飯。帶子煎得很香很鮮甜，飯粒鬆軟有口感，更加帶有黑松露嘅香味，不過份量就比較少。跟住呢個係西班牙豬肋骨，分量非常之大，應該有30 cm長。整個豬肋骨非常之香，廚房預先幫我地切開咗少少，所以我哋可以更加容易去切。不過呢個豬肋肉非常之軟熟，輕輕一切就可以切開。味道有少少番茄汁味，所以酸酸甜甜咁。另

最近某人工作太忙，一有空說要去食好野，便帶了我來浪漫一番。今晚任我選食什麼，見到有鵝肝，當然要好好享受一番。香煎法國鵝肝配焦糖酒醋藍苺，只需HKD58，便可以從晚餐的頭盤改為吃這個鵝肝。鵝肝沒有油膩的怠覺，藍苺醋做的幾好，把鵝肝的味道蓋過了。多士都幾脆口，沙律配醋吃又能把鵝肝油膩減去，是一個昔的頭盤。黑松露忌廉湯，只需要 HKD38，可以從晚餐的餐湯變為黑松露忌廉湯。黑松露都幾香濃，還能吃到粒粒的菌粒，菌的味道也很香濃，再伴上蒜蓉多士一起吃，多士又香脆，很快便把整碗餐湯飲完。德國式燒咸豬手，HKD208豬手已經切件，還有都幾大件，對於我這樣的懶人是最好的安全。豬手的皮很脆，肉也很有味道，口感一流。薯條較為粗身，份量也不少，薯仔味道又惹味，好乞到吃不停口。熱朱古力是跟餐的飲品，還劃上花都幾吸引，朱古力味也很濃郁，好飲。餐廳燈光相對較為暗，很合適和情人前來浪漫一番。食物味道水準也不錯，晚餐的安排也很有彈性，可以加錢便升級其他選擇，確實吸引。

踏入十月生日月，友人帶我到一間位於加路連山道有的西餐廳。走進餐廳，他們已預備了一柸暖水，讓你慢慢選擇食物。餐廳以SET DINNER 為主，我們一行三人選擇不同:本人先點了黑松露忌廉湯，用上不少新鮮蘑菇打成的湯，很有嚼頭，再加上一大湯匙的松露，另此湯可妣美高級餐廳水準，一試難忘。前菜選了大蝦占米多:已起的蝦肉夠新鮮彈牙，加上菇菌洋蔥配上特制醬汁，味道就好像龍蝦般非常惹味。旁邊伴了些新鮮蔬菜沙律，又帶點清新。主菜我選擇了黑松露麵包蟹意大利飯:將麵包蟹拆肉, 用作燴意大利飯，然後鑲入蟹殼裏，可算是又一誠意之作。還附上黑松露醬拌吃，將飯的層次升華。最後餐飲點了earl grey, 質素保証， 友人點了熱朱古力，她讓我試了一口，味道幼滑，充滿朱古力香但又不太甜，恰到好處，最特別是上時還拉了一隻狗仔頭的花，十分有心思。最後三人合共$992,每人約$330。