素菲亞 (安發大廈) (已結業)

平時唔太好素食，今次比依間新素食餐廳嘅menu同裝修吸引到，食過之後對新派素食完全改觀呢！黑松露雜菌意大利飯面頭嘅雜菇同牛肝菌經烤焗後特別香，意大利飯軟硬適中有咬口，充滿黑松露同菇菌嘅香味，依道素菜喺其他餐廳都好常見但佢亦整得幾出色～泰式冬陰意大利飯就有fusion味，夠晒特色又有驚喜！最特別嘅係用到素蝦同素魚露，加上冬陰功醬同炸羅勒葉，呈現番泰菜豐富嘅味道，同素菜普遍俾人嘅印象好唔同。本身怕跟餐嘅士多啤梨荔枝茶會係死甜嗰種，但原來淡淡地幾清新；另外荔枝青檸梳打亦都好refreshing，仲有兩粒原粒荔枝，清甜又解渴。餐廳嘅設計走日系田園風，主要用木製傢俬同素雅嘅色調，令人感覺好舒服，連牆上嘅掛畫我都好鍾意呢！

朋友喜歡食素，所以選擇咗黎「素菲亞」試吓，看餐牌有很多很特別的菜式，實在吸引😍～鬼馬肉醬墨西哥脆片 $58脆片上的肉碎是大豆做的，質感和味道真的很像牛肉，而味道較濃。不過配上脆片及芝士卻讓我回味無窮。 士多啤梨荔枝茶 （免費）士多啤梨味沒有荔枝味那麼強烈，而味道是淡淡的。 荔枝青檸梳打 $24(跟餐)荔枝味和青檸味都濃烈和比較甜，所以要等冰溶多一點才喝比較好。市面上很少有這個配搭，效果好夾，好好飲。 黑松露雜菌意大利飯 $128意大利飯是真的用意大利米，食落煙韌有o趙口，黑松露雜菌味道適中，真的煮得好好味。 紅咖哩魚黑糯米飯 $138紅咖哩汁是泡沫形狀上碟，汁沾滿魚上，食落一點都不辣，魚的味道較濃，很像真的魚，其實是腐皮、紫菜和豆腐乾製成。

星期日瞓醒起身行咗去堅尼地城嗰邊覓食，今時唔同往日，呢頭嘅餐廳多到每日食一間、一個月都未必試得匀。起身無耐想食得清淡啲，素菜會係一個好選擇，起碼避免咗大魚大肉🍖。「素菲亞Sofia」利用咗「素」字名命，既有氣質，又切合素食主題。環境好清新，簡約裝修令人舒服，我最鍾意光光猛猛嘅餐廳☺️。餐廳有做午市套餐，另外亦有單點餐單，兩者嘅價錢分別其實唔算太大🙈。由於想食多樣主菜，所以呢日就無嗌餐湯了。後尾我仲發現網上訂台原來有折！豆腐英雄漢堡配薯條($138)，雖然聽就聽過好多次豆腐漢堡，但食都係第一次，佢加埋英雄兩個字，感覺特別型😎。成個組合頗為豐富，有沙律菜、炸薯條同主角－豆腐英雄漢堡。「漢堡扒」超巨型，有我手掌咁大塊🖐️，而且好厚身，估計有3-4cm高，相當墜手呢！不過好搞笑地意式香草軟包就只得薄薄一片，但醉翁之意不在酒，無所謂啦，仲唔駛咁飽滯添。兩者中間塗咗層黑松露沙律醬，十分惹味；而最上層嘅紫椰菜同菜式勁夾，微酸味帶走咗吉列嘅油膩。吉列豆腐扒味道不比牛肉漢堡扒遜色，皆因豆腐壓碎後仍然保持少少滑嘅口感，但同時加入咗唔同嘅蔬菜，如菇菌、洋蔥粒同生菜等，咬落帶點爽口，幾正😋！伴碟嘅炸薯條亦好好食🍟