霸王山莊

營業中

休息中

朋友即將移民 係離開前最想食就係香港嘅中菜🍚聽朋友講原來呢間係老字號 係到屹立左好多年 學生時期大家都黎食過 食物水準keep得住👍🏻👍🏻👍🏻因為多人食 叫左好幾款菜 一齊試下好多款都好好味喎❤️糖醋松子桂花魚 真係好耐無食過呢道菜 酸甜酸甜 好好味 而且魚嘅擺盤都好靚✨ 小籠包肉汁豐富🥟宮爆蝦球都幾新鮮 又大隻開頭上蔥油拌麵個陣 因為面頭成碟都係蔥絲 覺得無咩特別 食落有驚喜喎 勁香蔥香味唔夠三分鐘 就比大家夾晒 讚🌟水煮牛都幾唔錯 不過本身自己唔太食得辣 稍為覺得偏辣小小 🤏🏻本身仲想食個烤鴨 但朋友話一般要點一隻先食到片皮鴨 但大家已經飽到不行了 唯有下次再約朋友黎試😋😋😋

抵食2人片皮鴨套餐片皮鴨 例牌份量只有8片，但我問過侍應姐姐，佢話半隻其實都係得12片，而且套餐價錢抵食好多，所以最後揀左套餐，片皮鴨上枱既時候唔係好熱，但皮都仲脆口，亦唔會太油膩，整體感覺OK黑醋小排骨這個反而有少少驚喜，酸度剛剛好又唔會好油膩！其他餸菜都不過不失，2個女仔食的話，份量有啲多，現時做緊信用卡優惠，HSBC有7折，埋單大概$500味道:★★★★☆性價比:★★★★☆🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #片皮鴨 #尖沙咀 #尖沙咀美食 #食評 #情侶好去處 #霸王山莊

之前食開一間尖沙咀k11既霸王川莊，覺好水煮魚好食又過癮，今次就又想食片鴨，所以就試下霸王山莊，點知差一個字就真係差好遠，野食質素同環境都比川莊“地”好多。因為HSBC card有做套餐優惠，所以就選左套餐，野食份量多就多，但真係麻麻，應該冇下次。晚市信用卡套餐（2位） $523雞絲粉皮作為涼菜，唔凍已經麻麻地，粉皮過厚，麻醬花生醬味道夠，但太“杰”了，唔單止有啲難撈，食到咁上下都有啲啲漿口同膩 砂鍋雲吞雞(位）湯係比味精湯有誠意少少，雲吞味道OK, 雞就一般“鞋”，不過反正係湯料，唔太拎利食，就冇咩所謂黑醋小排骨算係全晚最好食，酸味夠，肉質都夠軟諗，只係略為有少少肥瘦不均北京烤鴨（例）基本上我都係為左烤鴨而叫set, 但真係一般，可以比酒樓更一般，面皮過厚，醬汁味道有少少怪，鴨肉同皮之間既肥膏冇片走，而樣係我食片鴨最怕的，有啲噁心乾貝蛋白炒飯份量超多，但味道係1，冇咩味，覺得只係驚唔夠餓而塞落個set到霸王小籠包一般貨仔，只係比叮叮多汁啲啲總括而言，我話抵食，只係基於而個價錢有咁多野食，出去食片鴨一般都唔平，所以而個價有咁多野食算抵，份量又大，但質素真係麻麻偏低，所以應該冇下次了

今晚加班到差唔多9點放工諗住搭車返屋企，喺霸王山莊門口等屋巴士之際，突然覺得好肚餓，所以入去諗住食個快，入到去好彩仲有一張檯唔洗等，一坐低見到隔離檯有兩位靚女食緊黑醋排骨，突然令我口裏一酸，所以我二話不說都叫左一個，加個白飯簡直無敵，黎到一碟有好多件，酸甜比例非常唔錯，用啲黑醋汁黎撈飯食，真係好好味😋，最後我自己一個都係食唔晒，最終都要打包食剩左嘅返屋企留返聽日帶返公司當午餐，成張單埋單百多元必有下次👍🏻

放假同屋企人食飯就搵左呢間食上海菜既試下。叫左三個冷盤，上簽口水雞，味道唔錯，麻辣口味，不過以份量嚟講，價錢就有d貴，唔算特別出眾，就係一般口水雞既味道。另一個冷盤，三色拼盤，都係無乜特別，個倉魚係凍既反而唔係咁好食。鎮江水晶肴肉，之前係杭州食過覺得好好食，所以特登叫嚟試下。食落去唔會好油，入口即溶，不過我就覺得佢個皮太厚，而且仲食到d毛，破壞口感。主菜方面就叫左招牌既北京烤鴨。食落真係有d失望，個皮一d都唔脆，d肉又韌...黑醋小排骨，覺得有d太甜。上湯蒜子浸翡翠苗，我自己本身就好鍾意食翡翠苗，所以覺得唔錯，但有屋企人唔鍾意佢陣草青味，所以食完就扁晒咀。總括而言，就係性價比唔高，菜式好一般，但價錢就比較貴，當然係尖沙咀食野就一定偏貴，如果想食上海菜，可以有更好既選擇。

記得多年前霸王山莊是有很多分店的。不知道是否租太貴的原因，慢慢霸王山莊已經越來越少分店。今天在尖沙咀出席完座談會之後，想起這裏有霸王山莊，便來回味一下。這裏的裝潢，相比我多年來食的時候，已經變得不同了。（証明太耐無幫襯😂）醉雞的水準只是一般。大部分的上海店整也比這好。雞也上算是嫩滑的，但酒味不算太入味；不過不失，但算不上回味。賽螃蟹不錯 。有些店舖混的是蝦肉；這裏是蟹肉，所以感覺比較嫩滑一些。蛋白雖炒得不是很滑很幼，但我感覺可以接受，因為味道不錯。霸王小籠包，是中上的味道。皮薄，餡又不錯，不肥，不會吃到成口油；但是夾的時候皮破了，有點可惜。 雖巿面有很多比他好吃的小籠包，但是我認為這個也算是過得去了。這個上海菜肉餛飩，反而是我今天最驚喜的項目。蔥花湯的蔥味很香，很清；而餛飩的皮薄餡也很好，也是沒有一點的肥，而肉香依然四溢。霸王炒飯：雖然有櫻花蝦，但是我感覺他和一般的蝦米分別不是太大。沒有特別的蝦香， 所以在我心中這只是一個簡單的蝦米蛋白炒飯。黑醋小排骨是另外一個有意外驚喜的食物。 黑醋汁稠而不油膩；更值得一讚的是，小排骨的肉很鬆化很香口。這個上海豆沙鍋餅，有滿滿的芝麻，和外面吃的很不一

霸王風沙雞 $135/半隻皮炸得算脆。但雞冇雞味，肉質唔夠硬實、食落軟淋淋，唔新鮮，可以唔試！黑醋小排骨 $92一碟有六舊排骨。排骨夠瘦，冇咩肥膏，啱曬我😆食落啖啖瘦肉！唔好以為啖啖瘦肉一定好柴，咁諗就錯啦！排骨烹調時間掌握得啱啱好，肉質硬實，但又唔會太韌咬唔到，屬於有口感但一咬即開既肉質，處理得非常好👍🏻輕輕咬開，排骨既肉會變成絲狀。好正黑醋汁係稠身既，食落酸酸甜甜好好味！送飯一流！雖然食得出醋味，不過黑醋汁酸味同甜味既比例係3:7。好惹味，但食到最後會覺得偏甜左少少，如果唔用黎送飯會更濃味。整體黎講，好食！當然，如果少甜更好！糖醋松子桂魚 $160炸左既桂魚淋上糖醋醬汁，好難唔好食姐！魚係成條上，其實唔算太大條，因為沾左炸粉炸起先會覺得好似幾大咁，食落先發覺魚肉唔多。而炸粉唔算太厚但又唔太薄，都接受到既。魚肉質地炸完仲保持到嫩滑，肉質唔似食魚柳咁太淋冇口感，都算係咁，但魚既鮮味就一定食唔到啦！除左魚既本身同糖醋汁之外，魚上面既配料係另一個重點！配料有大量松子、菠蘿粒、蕃茄粒、青椒粒、洋蔥粒，同兩粒蝦仁。青椒、洋蔥粒保留到爽脆口感；菠蘿、蕃茄粒正常味道，唔會難食；蝦仁仔雖細粒，但佢係

今晚我們尖沙咀漆咸道南嘅「霸王山莊」食晚飯！我們叫咗霸王小籠包、黑醋小排骨、蜜汁火方餅、滋潤木瓜魚頭湯、四川樟茶鴨、東坡肉同雪城高力豆沙！特色飲品：香檳葡萄果醋、蘋果果醋、士多啤梨果醋同西柚果醋！霸王小籠包嘅皮極之薄身，湯汁超多，肉質亦好嫩滑！黑醋小排骨嘅黑醋醬汁味道酸酸甜甜，非常醒胃，肉質亦好鬆軟！蜜汁火方餅嘅金華火腿沾滿晒香甜嘅蜜糖，腐皮炸得相當香脆鬆化，青瓜亦好新鮮，夾埋晒喺鬆軟嘅包塊一齊食，真係好惹味！滋潤木瓜魚頭湯嘅湯底係奶白色，味道非常鮮甜濃郁！四川樟茶鴨嘅肉質都幾鬆軟，鴨味都幾香濃！雪城高力豆沙嘅表面色澤金黃，質感鬆滑軟綿嘅蛋白，包住香甜軟滑嘅豆沙，真係好好味！特色飲品：香檳葡萄果醋、蘋果果醋、士多啤梨果醋同西柚果醋嘅賣相都幾吸引，味道比較甜！

差不多2年沒有到過霸王山莊再試都能保持水準7點幾都唔full，到埋單都仲係唔full可能係星期一啦，所以訂位都訂左下層因為上層係好迫好嘈好窄鎮江餚肉幾好，水晶同肉嘅比例唔多唔少雞絲粉皮好夠味，但份量少左d小籠包仲係咁ok，讚！素菜餃好大隻，好食，不過唔係好明點解佢會俾小籠包嘅醋醮，素菜餃要醮野嘅咩？ 牛(月展) 黑金剛麵 x 2明明係order牛(月展) ，但裡面有3件牛筋囉，雖然都好食，但係我要牛(月展) o架嘛做咩搭d牛筋俾人呢？同埋份量少左，比起我以前食嘅好明顯少左，所以order左2碗松子魚 $138招牌菜，都唔錯，唔會d炸粉多過魚 黑醋小排骨我覺得甜左dd，但都okwaiter 反應都算快起碼茶壺冇水都唔駛等好耐4個人食左$52X

見幾多人, 真的有D誇張, 夜晚一行6人去食晚餐, 8點去到, 見門口好多人, 不過我地訂左位, 都要照等, 等左10幾分鐘, 終於有位, 上樓上食, 6個人, 佢比左張長方形枱。未坐埋位, 已經感到地方異常局促, 人流又多, 一班女仕坐了在我們後面, 講野既音量同街市賣菜既無分別, 我地都覺得好難頂~~~~好喇, 一坐埋位, 已經比D人嘈到我地要嗌破喉嚨咁講野, 勁辛苦!之後, 我地叫左個4人套餐, 再加左D野食~~飲佢地D茶, 完全唔似茶, 淡過飲水, 仲要收錢既。啤酒成廿幾蚊一枝, 唔好去搶????肯定唔會叫囉~!!!! 先黎個酸辣湯, 大家一致覺得佢得個"辣"字, 又稀, 又無酸辣湯應有既味, 一味得個辣!!!!!再黎個什麼" 龍井蝦仁", 蝦仁無味, 只是點落D醋度就有D味, 不過唔多好味囉, 食剩勁多~!!! 小籠包.......嘩~一夾即穿, 無水準可言, D汁已經流晒出去, 咁易穿, 好無癮囉~!!!!6個人食, 無人夾唔穿, 同王XX個D差得遠呢.......因為人地個D皮簿得黎唔易夾穿。鮑汁離錦炒飯- 個賣相OK, 粒粒飯都有蛋, 第一啖食落都OK, 食到第4,5啖