BriKetenia (已結業)

邊個話法國餐細碟又貴又唔飽？呢到價錢唔貴，好食仲食得飽添！今次第一次黎食，先自動波上左法包。有兩種包類：法式酥條同法包條，配上銀魚沙律醬。包類拎上手仲暖，已見誠意，法國包皮一如既往偏硬，但白麵包部份香軟，點埋沙律醬酸酸甜甜，食完仲想再食。Set dinner starter點左煙吞拿魚片伴牛油果醬，朋友點左蒜香大蝦小墨魚酥皮撻。煙吞拿魚片好甜，係鮮甜，好驚喜煙燻過都保留到鮮甜味！除左牛油果醬，伴碟上的橙色醬一樣好好味，酸酸味味，解左牛油果種小膩感。小墨魚酥皮撻我就冇食，比唔到意見。但朋友話小墨魚好爽口，好甜！main course 點左燴牛面頰米型意大利粉伴巴馬臣芝士及新鮮時菜，朋友就豪啲，點左波士頓龍蝦扁意粉配龍蝦燉蛋。米形意粉好得意，外形同risotto好似，但口感係意粉口感。意粉細細粒反而仲索到更多芝士醬味。另外牛面頰煮得超淋，刀都唔洗用，只係用叉就杯得散。除咗煮得淋，仲好入味。不過略嫌新鮮時菜太少，只有少量蘑菇同翠玉瓜。朋友個龍蝦扁意粉就真係抵食到爛。個燉蛋超濃龍蝦味，口感creamy，好似食緊龍蝦味版北海道燉蛋，龍蝦肉更加唔使講，啖啖肉又鮮甜。而個扁意粉其實亦都相當入味，但應

今晚男朋友話帶我去食好野😍😍登登登登~~係米芝蓮一星餐廳 BRIKETENIA😘🥖麵包配銀魚沙律醬麵包有2種，分別係法國麵包&麵包酥條。法包焗到外脆内軟，麵包酥條焗到好鬆脆，搭配銀魚沙律醬好滋味，沙律醬微酸帶少少咸，食完仲可以再refill。👍🏻香煎帶子南瓜濃湯帶子同南瓜湯係分開上嘅，湯碟上放左香煎帶子同幾粒麵包粒，然後侍應再將壺入面嘅南瓜湯倒上，保證飲到熱辣辣嘅湯。微微煎過嘅帶子保持軟嫩口感，配上十分濃稠嘅南瓜湯，口感綿密清甜而不膩。讚！😋鵝肝焦糖燉蛋 (加$30)侍應介紹嘅餐廳特式菜。原來係凍嘅，可以搽上面包食，亦可以就係食。鵝肝味淡淡地，燉蛋口感幼滑，食落咸香咸香又帶少少焦糖甜味，幾驚喜😍西班牙黑毛豬豬扒伴松露薯蓉配小甘筍及鮮蘆筍黑毛豬豬扒帶少少肥肉，煎得適中仍保留肉汁，肉質亦唔會過老，整體味道偏淡。薯蓉好滑，蘆筍好爽甜。👍🏻👍🏻波士頓龍蝦扁意粉配龍蝦燉蛋龍蝦燉蛋嘅龍蝦肉超級彈牙，肉質鮮甜，燉蛋滑嫩。另外意粉煮得剛剛好，每一條意粉都充滿龍蝦醬汁，超好味。大推環境舒適，音樂唔會太大聲影響用餐。一邊食飯一邊傾計，好滿意。侍應服務好好，每次上菜都會介紹菜名同建議食法，收碟斟茶都好快手。

今日和太太往觀塘Briketenia 食法國菜慶祝相識2週年紀念, 我們點了兩份晚餐, 太太點了野菌磨菇濃湯, 波士頓龍蝦意粉,龍蝦燉蛋和熱lemontea, 我則點了法國干邑龍蝦湯(跟加$50), 西班牙黑毛朱配薯蓉及法國玉豆和熱lemon tea, 最後點了朱古力心太軟配雲呢拿雪糕。餐廳是一星級米芝蓮, 好期待法國大餐,座位好舒適, 我們坐在半圓形的私人座位空間, 坐得舒服。太太的野菌磨菇湯味道香濃, 磨菇和野菌好香滑、湯入面碎面包好香脆, 配上細細塊的芝士令湯更加香滑；波士頓龍蝦意粉龍蝦好彈牙好鮮甜, 意粉好爽口配上香濃龍蝦汁, 食落去口感層次豐富, 好美味；龍蝦燉蛋賣相一流,入面有好香好大件的龍蝦肉配上碎蛋, 碎蛋好有蛋香配上彈牙的龍蝦肉, 食落熱辣辣, 濃湯配上碎蛋食落不會膩, 龍蝦配湯汁好鮮甜美味, 熱lemon tea味道適中, 酸度剛剛好；法國干邑龍蝦湯好濃香忌廉味, 湯入面有龍蝦, 露筍和碎面包, 龍蝦湯配忌廉令湯飲落去好滑, 龍蝦細細粒好彈牙鮮甜、露筍食落爽口好清新, 碎面包配上龍蝦湯口感豐富, 味道香濃的湯；西班牙黑毛朱配薯蓉及法國玉豆, 黑毛朱切開細細件, 配上