逸之燒 (已結業)

家人推薦這間居酒屋，食物高質，環境有feel。今晚放工約朋友食飯傾計，一於試下！餐廳裝潢別緻，燈光較暗，有居酒屋的感覺。我們坐在轉角位置，私隱度較高，旁邊有一桌食客，但仍然覺得有空間感，舒服安靜。我和朋友都不常到居酒屋，見到餐牌眾多選擇，在選擇困難症驅使下，果斷點了一個雜錦串燒十六本，有16串串燒，另加一個廚師推薦牛油果軟殼蟹沙律、雜菜湯稻庭烏冬和甜品。上菜速度很快，店員提醒“趁熱食”，很窩心。鹽燒豚肉荔枝燒烤16串，擺放整齊。最有驚喜的是鹽燒豚肉荔枝，外層是烤得脆香的豚肉，裹著酸甜多汁的荔枝，荔枝汁滲透豚肉，超好吃，簡直讓人精神為之一振！牛肉車厘茄也有相同層次感，咬一口，車厘茄汁唧出來，很過癮。燒廣島蠔非常有驚喜，蠔味濃郁，軟綿綿的口感，回味！其他墨魚仔鬚、迷你番薯、多春魚、雞軟骨等，也燒得脆香可口，真心不錯。牛油果軟殼蟹沙律軟腳蟹炸得脆軟，牛油果厚厚一片，沙律醬足夠多。雜菜湯稻庭烏冬烏冬口感適中，配昆布湯底，淡淡清香味，中和了剛才燒烤的惹味。Affogato最後是甜品，我點了墻上海報推薦的Affogato甜品，咖啡＋雪糕，濃郁的咖啡倒進雲呢拿雪糕裡，本以為是咖啡雪糕的味道，但竟然咖

門面睇落裝修好靚，就係因為咁，所以有點嚇人。初初行過見到想試但感覺會貴貴的。睇食評也有不錯的成績，所以當我的起心肝要去食返餐可說是十分期待！餐廳內的環境都好舒適，適合一pair pair 或一大班friend一路飲sake一路吹水。下次要叫d friend 黎飲下 sake😍開頭睇menu 都睇左好耐，本menu 超厚，好多野order🤦🏻‍♂️可以試試從廚師推价個menu 開始。和風魚生沙律，刺身幾新鮮，配上酸酸的沙律汁，又另一風味。食落好開胃👍🏻山葵昆布飯團，山葵都幾攻鼻。慢慢通鼻又得，立即通鼻亦得，得左。😂其實飯團對我黎講，最重要係塊crispy 紫菜。呢方面💯呢兩舊唔係餃子，係燒年糕😍我好想問，點解燒年糕可以整到好似糯米糍咁，超柔軟加上脆脆的皮。。。超op🤤🦐吉列蝦芝士返卷🦐炸到脆脆嘅蝦再用飯同芝士包主。點會唔好食。🤤$42一隻沖繩網燒鮑魚仔😍雖然係新鮮鮑魚，但係唔知係唔係醃左定係燒個時嘅蜜糖汁，食落好入味。係我幻覺定係食落有d 似乾鮑的感覺😳北海島黃金燒帶子。😅又係唔知咩汁，開頭意謂係感蛋黃，但食落酸酸甜甜🤔一口放隻帶子入口個汁同帶子好配😳呢間餐廳好古惑，食咩都係開胃嘅😭燒牛肉

元朗南攸街是近年的新興食街, 內街食肆林立, 大都是走平民化路線, 見到網評話呢到D食物質素唔錯, 決定相約好友食好嘢。門口不大唔太起眼, 但木質和麻石設計為主好有天然質感。餐廳雖然主打串燒和日式火鍋, 其實總類都好多, 壽司、刺生、米飯、麵食等等。打開menu樣樣都想叫, 最後連甜品, 共order咗10樣, 可謂十全十美:1. 安格斯牛小排壽喜燒($138)2.吉列蝦芝士反卷($48)         3.黑椒牛脷串燒($36)4.汁燒魷魚筒($82)5.鹽燒豚肉白菇串($26)         6.芝士啡菇($30)7.鹽燒海虎蝦($99)         8.松葉蟹粥($108)10. AFFOGATO($38)總括來講呢到的食物質素唔錯, 包括食材來原和廚工。個人最欣賞係鹽燒海虎蝦, 蝦身足足有手掌咁長, 超大隻, 外殼燒到好脆, 蝦身啖啖肉好鮮嫩, 蝦頭亦好清甜。其次松葉蟹粥大大窩, 而且蟹肉都唔少, 粥底唔太糊入口夾雜淡淡的海水鹹味和蟹肉的清甜味, 真係唔錯。再其次安格斯牛小排壽喜燒, 牛小排雪花均勻薄薄一片入口即溶, 個湯底都好清甜, 如果多D牛排就更好。最後不得不提個

近着元朗最大型商場YOHO，有一間在元朗區很有口碑的日本餐廳，和女朋友訂了兩位晚餐，店舖雖小都可以容納20多人。菜式眾多，刺身、壽司、壽喜燒、串燒包羅萬有，還有套餐給二人和四人選擇。今天不想時吃生冷菜，點的全都是熟食。壽司🍣壽司師傅切出兩片新鮮三文魚，再用火槍高溫烤焦表面，火炙三文魚壽司上面金黃色，又帶點魚油光澤，入口即溶。吉列蝦芝士反卷一碟六件，中間包着香脆炸蝦天婦羅，面上的三文魚子沾了沙律醬，又有另一番風味。點了芥末豉油，配上芝士多重滋味。串燒🍢一咬鹽燒豚肉芝士年糕串，就滿口芝士，豚肉的味道很重，燒得剛好。鹽燒雞翼的水份較少，肉質鮮嫩，燒後鹽味道令肉味更出。每次串燒必點鹽燒鯖魚，滴幾滴檸檬汁把肉味帶出來，微焦外皮很香。通常在燒烤店吃的是原條茄子，這次汁燒茄子串是兩舊一串，燒汁又甜又香，切開的茄子更入味。鹽燒銀杏串很特別，不過原來銀杏本身有點苦，第一次祼吃銀杏，不錯不錯。小吃🥢土佐豆腐外脆內軟，很多醬汁，味道十足。鍋物🍲日本黑毛豚肉鍋包括麵條，一碟薄切黑毛豚肉，一碟蔬菜，選豬骨湯底，香濃得很，豚肉很快熟透，肉味十足。甜品Affogato香濃espresso覆蓋在雪糕上，甜味和口感十足

今日去到元朗探朋友,友人話帶我去食日式燒烤,梗係一口應承啦。估唔到元朗都有間好有日式裝修感覺,都地方好款趟,有個水吧位，可以望住廚師預備食物。餐牌除了有套餐外,仲有前菜,手卷,刺身,串燒,炭爐燒，一品料理,壽喜燒,涮涮鍋,好多唔同種類。唸咗一會,我和友人叫了很多食物,其中一樣是松葉蟹粥,真是值得推介。好大鍋,好多蟹肉,一絲絲,有葱和紫菜絲,中間有隻雞蛋,樣貌已很吸引。撈勻啲材料一起。個粥底好綿,不是粥水。有好香蟹肉啲鮮味。因粥底夠熱,所以生雞蛋撈勻後,都熟了，好好味嚟到依到,又點樣可以唔叫燒物,叫了數款,~鹽燒豚肉菠蘿串每串有3件,雖然豚肉好似有些肥,但中間夾了菠蘿一起燒,菠蘿吸了豚肉的脂肪,食落唔覺肥,菠蘿的酸酸甜甜,正好中和了豚肉的油膩.赤燒西京燒 可能西京燒啲魚個肉質比較林滑,所以,嚟到嘅買相不是太吸引,但食落好嫩滑,肉質一絲絲,全件都係肉,配埋西京燒汁來吃送飯一流,沾埋沙律醬就唔覺熱氣啦。還有叫了燒油甘魚餃 一碟有兩件魚餃,應該用了些鹽一起燒,肉質較爽,因比較香,食魚餃最開心就是食啲轉彎位,連骨都啜埋,滋味無窮.海鮮叫了兩款,蔬菜類又點可以唔叫,我和友人叫了兩款,汁燒茄子串 這

今晚嘗試的這間元朗日式食店, 經常座無虛席, 襯著 今天weekdays 前來一趟。這裡食物有日式涮鍋, 魚生, 燒物, 飯類, 飲品等等, 各式其式。劍魚腩剌身: 一碟4片冰鎮上桌, 魚腩厚身, 冰凍新鮮, 口感肥美。鹽燒牛利串: 薄切燒烤, 口感爽而不韌, 惹味可口。干燒黃花魚半條: 外脆內嫩, 外皮焦香略鹹, 但裡肉鮮甜, 無腥味。海胆炒飯: 炒飯底配料有义燒粒, 雜菜粒加海胆, 熱辣辣, 味道鹹香帶淡淡海胆甘香, 炒飯面鋪上數片海胆剌身, 甘甜味道和黏稠質感在口腔中久久不散, 貪心的我略嫌海胆分量不夠。松葉蟹粥, 蟹粥面層加了一隻生雞蛋, 和鋪滿松葉蟹肉, 賣相吸引。將蛋和蟹肉攪拌後吃, 軟綿粥底加上蛋, 口感十分滑溜; 松葉蟹肉鮮甜肉厚, 蟹粥啖啖都充滿海鮮鮮味, 是今晚我的最愛。最後點了一杯Affogato(意大利文沉浸的意思), 咖啡冷飲及甜品。將一杯Espesso 淋上一球雲尼拿雪糕中, 這甜飲 層次真的很棒, 一口可嘗不同口感, 又冷又熱, 又甜又苦的滋味, 很幸福。