影片
更多
2021-03-18
2671 瀏覽
久仰「NINETYs」大名，但一直未有機會幫襯，直至呢日拎咗假睇醫生就順路可以食埋🙈。灣仔店喺正胡忠對面，相信中午時份應該坐滿哂上班一族。不過由於我係Weekday嘅下午四點幾嚟幫襯，餐廳就唔算太多人，唔使同人迫同限坐幾耐確係令人開心😝。呢度環境裝修唔錯，木系傢具平實樸素，不失格調，但我略嫌枱同枱之間比較窄。雖然未食過，但餐牌上嘅飲品款式同食物菜式均係顯得有花過心思設計💕，並唔係去求其一間餐廳都食到。定價中等啦，不過我留意到佢有同唔少平台合作做優惠，有興趣可以搵下。Sassy Belly ($148)，材料包括波蘭五花腩肉🐷Poland Pork Belly、意大利青瓜Zucchini、茄子Eggplant、紅甜椒Red Bell Pepper同水波蛋Poached Eggs。🥚水波蛋流心效果一流！五花腩肉煎製得非常出色，油份逼咗出嚟，食落一啲油膩感都無；同時廚師無用上重口味嘅調味，咁樣我哋就食到最Pure最True嘅肉味，品嚐到五花腩嘅肉質😋。加上呢件連皮豬腩嘅肥瘦比例適中，所以食落好有層次。配菜墊咗喺底，微微煎香已經好味道，但如果份量多啲就好。The Pumpkin Cake ($
久仰「NINETYs」大名，但一直未有機會幫襯，直至呢日拎咗假睇醫生就順路可以食埋🙈。灣仔店喺正胡忠對面，相信中午時份應該坐滿哂上班一族。
不過由於我係Weekday嘅下午四點幾嚟幫襯，餐廳就唔算太多人，唔使同人迫同限坐幾耐確係令人開心😝。呢度環境裝修唔錯，木系傢具平實樸素，不失格調，但我略嫌枱同枱之間比較窄。
雖然未食過，但餐牌上嘅飲品款式同食物菜式均係顯得有花過心思設計💕，並唔係去求其一間餐廳都食到。定價中等啦，不過我留意到佢有同唔少平台合作做優惠，有興趣可以搵下。
Sassy Belly
$148
33 瀏覽
0 讚好
0 留言
五花腩肉煎製得非常出色，油份逼咗出嚟，食落一啲油膩感都無；同時廚師無用上重口味嘅調味，咁樣我哋就食到最Pure最True嘅肉味，品嚐到五花腩嘅肉質😋。加上呢件連皮豬腩嘅肥瘦比例適中，所以食落好有層次。配菜墊咗喺底，微微煎香已經好味道，但如果份量多啲就好。
The Pumpkin Cake ($128)，材料包括南瓜Pumpkin、西芹Celery、紅蘿蔔Carrot、韭蔥Leek、洋蔥Onion、細蔥Chives同Poached Eggs with Paprika辣椒粉水波蛋。🥦菜，全部都係蔬菜，無錯佢亦係一道素食！
呢件南瓜糕係鹹食嚟，雖然係將唔同蔬菜打碎整成，但質感出奇地結實，唔係薯蓉類咁淋身。主角－🎃南瓜有份獨特嘅甜味，非常之鮮明，而混合埋嘅其他蔬菜配料亦絕無喧賓奪主，恰如其份作為配角；佢哋提升咗南瓜糕嘅口感同香味，個人認為西芹味嘅突出程度係僅次於南瓜。
Flat White ($42)，友人揀選咗果味無咁重嘅咖啡豆☕️，即係Choco Blend，伴旁嘅藍莓乾粒酸酸甜甜，正好襯托出咖啡嘅香。佢話咖啡沖調得好合心意，一啖啖細嚐濃郁嘅奶香味，順滑嘅口感。
It’s Easy ($48)，呢杯EC係由Lime同Milk Oolong製成，青檸令到飲品味道變得清新🍋，但茶底就未算好香。同埋我略嫌呢杯Mocktail造型較平庸，無得打卡🤣。
總括嚟講，餐廳所提供嘅食物睇得又食得，而且仲富有營養價值，係Superfood健康之選👍。邊諗到豬腩肉都唔一定等如肥膩呢？唔信嘅就要嚟9️⃣0️⃣NINETYs試下🍽～。
張貼
