Relish

營業中

休息中

12點半左右到餐廳，因為時間尚早，唔系好多人，不過去到1點半左右，就大概有9成入座，平日Lunch hour walk in都應該問題不大~餐廳裝潢用左好多木材，玻璃窗採光恰到好處，用餐環境舒適~Menu有Lunch Set，供應時間系11:00am-16:00pm，Lunch Set包左沙律或餐湯 2選1，同埋一杯飲品，Americano (H) / Genmal-cha (H) / Jasmine Four Season Jade Tea (H) 都不用加錢，亦可以選擇加錢轉其他飲品~ 而我今次Order左牛油果醬忌廉汁大蝦意大利粉，Lunch set 配了餐湯及+$16點了熱Latte~ 餐湯飲落冇咩調味，新鮮南瓜打成溶既感覺，比較原汁原味~ 而意粉同樣都系牛油果打成溶既感覺，都系偏向清淡，無咩調味~ 因為食材用得還可以，又唔會感覺唔好食，但會系食材本身味道比較出~ 而Latte就不過不失，加$16蚊我覺得系Okay既~Spaghetti w Prawns & Mushrooms, Avocado Cream Sauce牛油果醬忌廉汁大蝦意大利粉HK$158  (另收加一服務費)

母親節就到啦！今次同媽媽一齊嚟食cafe打卡💕 估唔到媽媽都識用部相機啊🤩 好叻叻😘 Lunch set 田園沙律或是日餐湯🫕是日餐湯：南瓜湯🥗沙律：田園藜麥沙律🍲北海道帶子紫薯意大利飯 $158成個飯都喺紫色，帶有淡淡紫薯香氣，帶子煎得金黃色大大隻！意大利飯粒粒分明唔會好黏牙，裡面仲有雜菌添！🍍🍔芝士西班牙黑毛豬漢堡伴烤菠蘿 $148勁大個burger! Burger 外皮同最底部保持到脆口感，麵包層鬆化！連媽媽都贊呢個burger皮！黑毛豬漢堡肉汁滿滿又好夠味，配上酸酸甜甜菠蘿味道超夾！仲有蕃茄片同生菜～☕️Latte +$12🍵Matcha Latte +$12靚靚拉花，奶味香濃～🍰Chiffon Cake Slice $58期間限定嘅甜品：北海道蜜紅豆抹茶麻糬三文治，蛋糕層綿密唔會太甜，中間有煙韌麻糬～

上一次黎已經係舊年年尾仲係試業既時候，呢半年開始忙之後都好少出去食lunch，慳返啲時間又唔想迫。不過臨近生日，係附近返工既好朋友約我就一口答應🤣想坐得舒服啲諗都唔諗揀Relish。不過咁耐冇黎，同first impression都幾大差別，坐得好full不意外，但人聲嘈到好似food court咁🥲坐低之後根本聽唔到朋友講嘢，只好入鄉隨俗提高聲浪，後遺症就係耳仔痛喉嚨又痛。唔係因為食物水準搭夠，我諗我下次唔會想再係lunch hour幫襯😣🍴飛驒和牛漢堡伴炸蕃薯條(賣晒轉左普通薯條)配黑松露醬$138🍴西京白味噌燒比目魚柳配炒野菜及洋蔥炒薯$168lunch set連餐湯/沙律及指定飲品☕️Latte/ Cappuccino +$12上次黎我係食意粉，呢個和牛漢堡好好食，麵包係乾身脆法包口感，和牛扒偏郁身同埋爆多肉汁，我叫5成已經好熟，好彩係完全唔嚡口，算係我最近食過最滿意既burger！好可惜冇蕃薯條🥲我有40%係想食蕃薯條先叫呢個set。比目魚我試左少少，唔算太吸引，朋友對個餐都冇咩評價。餐湯蕃茄湯好味，配埋浸濕左既蒜茸多士味道剛剛好。咖啡奶味重，啡味相對輕柔，好耐冇飲咖啡既我有得

book左平日晚上6點我地係第一枱客，幾好可以享受下短暫包場嘅氣氛同埋寧靜在場傢俬都可以買，仲有露天座位日頭黎打卡都一流背景音樂好舒服，冷氣凍左少少，連廁所都十分講究，有香味，仲係用aesop嘅磨砂洗手液店員都好有禮貌，Service好快，基本上一食完就即刻收碟換下一道叫左杯Latte，但泡量略嫌太多了，果然咖啡不是重點Ice Matcha Latte賣相不錯，味道也一般前菜：煙燻法國鵪鶉脾伴巨峰葡萄醋汁一黎到已經聞到好香嘅味道不得不讚佢個葡萄醋汁好出色，完全挑起了人地嘅食欲鵪鶉脾第一次食，有少少似火雞味，又未到好“鞋“，不錯的前菜Soup：松露野菌忌廉湯黑松露淡得黎剛剛好，唔會停留係口腔或者胃度太耐，影響食其他野嘅味覺通常飲完忌廉湯會好飽，但呢度唔會將雜菌攪碎之後摻係湯度，好豐富嘅感覺Pasta：香煎北海道帶子．自家製蟹肉意式雲吞係成個dinner我覺得最遜色嘅一道菜雲吞皮太厚了，蟹肉有點不新鮮的味道Refreshment記憶中是玫瑰橙的一個味道，香氣好足，味道略淡Main：香煎鵝肝紅花大啡菇意大利飯都係好鐘意佢個葡萄醋汁，好似配咩都特別好食，有加到分好欣賞佢個risotto，比較軟

登登登！又係觀塘嘅樓上Cafe！繼續吹日系風格嘅裝修，配上木傢具，小木檯，小盆栽，感覺清新自然。宜家多左Cafe 會售賣一些精品，例如咖啡杯、餐具、香薰，Relish 更會有手工醬料及飲料，的確別樹一幟。點了兩份午餐，選了薯仔蓉椰菜湯，加上一片蒜蓉包，又香又濃，主菜是大啡菇意大利飯，大大隻啡菇，加菠菜及白汁，意大利飯軟軟綿綿，口感細膩，另外就是飛驒和牛漢堡，和牛漢堡肉汁鮮美，入口即溶，配上柚子醋沙律菜，好快就成碟KO左！最後當然唔少得一杯提神香濃嘅咖啡，又一頓完美午餐！下次要試埋甜品蛋糕！