芯 (已結業)

又開始掛住日本啦~😗 要食翻啲日本菜平衡下心理先得😂 今次俾我搵到銅鑼灣呢間日式小店😍，位於銅鑼灣廣場一期，主打壽司刺身、鐵板燒、大阪燒、串燒等，全部都幾高質，定價幾合理又多選擇!👍 環境簡潔坐得幾舒服，店員都好有禮貌! 😚💛1. 🐮M6-7和牛牛腹肉 ($178/200g)和牛牛腹肉即叫即燒，用鐵板燒完嘅肉好香口，大約五至七成熟，切件上，肉質粉嫩😋，但有一兩件帶少少筋，點埋碟邊嘅岩鹽食味道就更突出，但記得唔好點咁多呀，太多就會過咸~😂2. 海鮮丼 ($125)有超大隻赤蝦、帶子、三文魚、北寄貝、油甘魚，豉油同埋wasab，加倍提鮮! 🤤👍🏻 全部刺身都好新鮮，飯微溫又大碗，抵食之選! 😝3. 🦑唐揚魷魚 ($48)即叫即炸，熱辣辣，粉漿唔會過厚，魷魚爽滑彈牙，仲附送蜜糖芥末醬俾客人點嚟食，真係非常夾!😍4. 🍣壽司炙燒左口魚邊壽司 ($23)魚油味甘香，囗感嫩滑，入口即化! 😍 🤤 👍🏻 👍鰻魚壽司($27)一口壽司上面有塊鰻魚，原來中間都夾咗塊鰻魚，成個口都充滿住鰻魚，好滿足!😋👍

雞肉親子丼 🐓 $65 (8/10)雖然叫做迷你丼 但係份量一啲都唔迷你 蛋炒得幾滑身 有蛋香味 雞肉都好大粒 🌟M6-7和牛牛腹肉 🐄 $178/200g (9.5/10)鐵板燒牛肉係小店嘅其中一款主打 最突出就係個黑蒜牛油汁 牛油味好香好重 配埋黑蒜好惹味 完全可以帶出牛肉個香味 今次揀咗五成熟 見到紅紅地嘅肉質 脂肪比例均勻 幾有咬口而且份量都幾多明太子大阪燒 🇯🇵 $73 (8.5/10)小店嘅大阪燒有好多款口味任君選擇 今次就試咗明太子味 入面有啲薑片 帶有微微嘅香辣大阪燒嘅粉漿比例得宜 煎得幾香口🌟牛舌 🐄 $42/ 2串 (9.5/10)呢個牛舌串燒真係強烈推薦 冇諗過咁大份 而且仲要超級厚切 肉質好軟身 而且牛味都好濃郁帶子刺身 🌊 $32/2件 (8/10)帶子刺身算係正常發揮 厚度適中 食落都幾新鮮 唔會有雪藏味青檸薄荷梳打 🥤 $29 (8/10)飲來有少少似Mojito青檸同薄荷味道好突出 但唔會互搶 係一個比較清新嘅配搭 適合配一啲重口味嘅菜白桃乳酸梳打 🥤 $31 (7.5/10)有啲似韓式汽水milkis 帶啲乳酸味 甜甜地幾容易入口OVERALL: 大推

💛係銅鑼灣想食日本野 見到呢間大阪燒種類都好多 而且好抵食 就揀左呢間 仲要係黃店💛餐廳係銅鑼灣廣場 門面唔算顯眼 但好欣賞餐廳有好多都係梳化位 而中間嘅吧枱位都好雅典 簡單裝修但好舒服💛食物種類鐵板燒 大阪燒 壽司 丼 串燒 一品料理等🐮m6-7和牛牛腹肉 $178 /200g粉嫩色嘅牛肉五成熟 肉質軟嫩 經鐵板燒後嘅肉好香口 不算油膩 點埋碟邊嘅岩鹽食味道更突出😚🇯🇵櫻花蝦大阪燒 $81餐廳有9款大阪燒選擇 大阪燒面鋪滿左櫻花蝦同木魚 （按：望住木魚郁郁下真係好治癒）。大阪燒夾左好多椰菜 同豚肉 ，煎得好香 質感都唔係太粉或者太乾，配埋燒汁同蛋黃醬🥰有去左日本嘅感覺😚🍖牛舌 $42/2串牛舌非常大件+厚切 肉質依然保持到軟身 牛舌味亦相當之香濃🍣壽司選了三款 火炙三文魚 （$25）火炙左口魚裙邊 （$23）同鰻魚壽司 ）$27）其中鰻魚壽司較出色 面有一片鰻魚 內裡亦有驚喜 都藏有另一片鰻魚💛整體性價比不錯 特別係大阪燒 👍店員都好nice 會主動汁水 收碟 係一間值得更多人認識嘅良心餐廳

星期六日搵食真係特別難！今次嚟到銅鑼灣廣場一期嘅2樓 居然比我發現到間高質餐廳～哩間叫芯嘅餐廳裝修比較低調 冇大大隻店名 但係肥Glor就比佢個menu吸引左💛好多梳化位令人坐得特别舒服 店員都好友善💛·M6-7和牛牛腹肉 $178/200g聽聞牛腹肉呢個部位十分刁鑽 食落果然有驚喜！生熟度處於五同七成中間 食落肉嫩鮮美 牛味濃郁又唔會好油膩 表面嘅胡椒同旁邊嘅粗鹽有效癖走牛嘅血腥味👍🏻·蟹棒甲羅燒 $93咁細個松葉蟹蓋入面居然可以塞到咁多蟹肉同蟹膏🙌🏻蟹膏調味出色 味增味突出又不失鮮甜蟹味～表面上嘅鮮甜蟹肉非常新鮮！蟹蓋旁邊仲有4塊燒得香脆嘅麵包 蟹膏+蟹肉+麵包呢個組合食落口感好豐富～·櫻花蝦大阪燒 $81櫻花蝦份量多到鋪滿成個大阪燒💛兩面燒得夠香脆 醬汁當然係基本！大阪燒仲夾住幾隻蝦 夠爽口！檯面仲有大大支沙律醬 適合重口味人士無限refill沙律醬喔～·油甘魚刺身 $43/2件頗厚切！肉質夠結實 魚味鮮甜 兩塊過下口癮都唔錯～·帶子刺身 $32/2件比想像中厚身 極具彈性 夠鮮甜 性價比幾高～·吉列軟殼蟹 $73估唔到炸軟殼蟹切開左兩邊都咁大隻 食落勁脆口而且勁多汁！肥Glor

夜晚買左7:15既戲飛睇戲，於是我同男朋友早啲食晚飯。我地叫左正宗大阪燒、M6-7和牛牛腹肉、刺身拼盤、帶子刈包。正宗大阪燒上碟啲木魚郁郁下，好過癮。Size比我想像中大，包住好多椰菜，仲有啲紅薑，成件事令人好似有去左日本既錯覺。M6-7和牛牛腹肉肉眼睇都覺得係靚牛，燒到五成熟，肉質幾腍，有牛味。刺身拼盤有四種刺身: 三文魚、油甘魚、帶子、赤蝦。全部都好鮮甜而且厚切，令人好滿足。帶子刈包(海膽&紅蝦)原來係帶子夾住海膽同紅蝦一齊食，好奢侈既感覺，食得出好新鮮既味道，啖啖肉既口感好正。