ラーメン天鷲 (已結業)

我呢啲鄉下仔，過去幾十年都無乜去過港島區，過去一年已經多過我有生以黎既次數。但係每次都急急腳要走，想正正經經搵食下都無。機緣巧合下，某日有機會去到北角工作，做完野，又係搵野食開飯既時候。初頭諗住係北角呢區唔易搵到心儀既餐廳，點知一開 APPS，就已經發現面前有一間拉麵鋪要懲罰下。店鋪偏細，只係有三張細枱，同埋BAR 枱得幾個位。無咩特別裝修，不過有我最喜歡文宣，已經夠哂！幾位哥仔都好笑容，完全唔覺得就黎結業。我通常都唔係中午食飯，下午茶時間都有幾枱客唔錯。啱啱果日過去仲有蘋果日報睇，如果唔係趕時間，真係想坐係度睇哂份報紙先走。食拉麵最緊要就係湯底，湯50 麵25 餸25，個湯唔好，其他野點好都無用。豚骨拉麵 + 章魚丸豚骨湯底唔會油淋淋，飲得出係落足料餚出黎。配幼麵我覺得唔錯，唔使成日攪啲 gimmick 野既，其實有時大路正路野反而仲好。章魚丸︰好多時都食落成舊粉，食落足料又脆。佢地既章魚丸唔會淋汁攪到腍哂。辛辣豚骨拉麵 + 餃子因為我唔太食得辣，所以剛好，不過鐘意辣既就應該覺得唔夠過癮！雖然辣味無蓋過豚骨味，但我都係鐘意豚骨湯多啲。餃子︰香，薄，脆。好食。蝦味噌豚骨拉麵 + 炸雞蝦

大阪黑咖喱豬扒飯 $80賣相吸引，吉列豬扒份量大，炸得可口，日式咖喱不太辣，配飯吃一流。辛辣豚骨拉麵 $85拉麵選用了較幼的麵條，日式叉燒帶點肥但不會膩，辛辣湯底頗辣的。 跟餐+$30還可配上小食和飲品喔。 日式餃子一口的大小，煎得香口，十分美味。

🍜 蝦味噌豚骨拉麵 · HK$85 同朋友都食同款拉麵。拉麵份量正常，偏幼身。湯面頭有櫻花蝦，湯底幾滑身，味道幾香，唔會太鹹。😝 唔喜歡重味嘅我覺得湯底還可以，所以飲下堂湯底都唔會覺得好口乾。😗 不過如果你係偏向喜歡濃味鹹啲嘅，就可能無咁喜歡啦。豚骨肥瘦剛好，幾軟滑。不過整體無乜驚喜。.🍢 套餐加配 · HK$30 (一款小食 + 一款飲品).🥢日式餃子 (五件)就係普通豚肉餃子，餃子少少脆身，但可以再脆少少，相信會更香口。.🧆 忌廉蟹肉薯餅 (兩件)薯餅好脆身，忌廉幾有，幾creamy幾香，但可惜蟹味唔係好覺有。--📌 免加一服務費

本身聽人講話幾有質素，但我唔知佢係咪唔記得咗調味，食落只係得油冇黑蒜同埋豚骨味🤮我朋友試左個蝦味增味一樣只係食到淡淡嘅蝦味，湯底完全唔夠濃郁，麵亦都唔夠彈牙同即食拉麵嘅質素差唔多。收費唔算好貴但係呢個價錢可以食到好多更加有質素嘅拉麵，就算係連鎖店都好食過佢。😊

幾個月前 見到天鷲告急 第日就諗住去懲罰佢點唔知其他手足又高效率又賣力 所以我去到個陣 因為部份材料未有 而未開鋪👉🏼👈🏼無諗過事隔幾個月 碌碌下面書見到既係天鷲結業既消息😢第日即刻拉埋同事外賣自取碗拉麵做lunch🍜豚骨拉麵🍜 ($75)外賣既拉麵會分湯上👍🏽 幼麵條保持至爽口既質感湯頭好濃厚😋 叉燒肥美又大塊~~仲有大量木耳絲同蔥!飲左大半碗湯既男同事食完碗拉麵都覺飽啊😌呢度除左有拉麵食之外 仲有咖喱飯🍛芝士炸雞咖喱飯 ($75)覺得熱浪薯片辣度係極限既同事覺得呢個咖喱有少少挑戰性🤭 試左一啖既我就覺得屬於微辣~~咖喱入面都有少少肉粒 唔似係現成汁!炸雞係炸雞扒~~厚身又大塊 但🧀芝士唔太出!+$30可以配小食一款+飲品一罐!我地試左👇🏽(前) 香蒜炸雞(後)忌廉蟹肉薯餅炸雞三舊都大大舊 🧄蒜味重又juicy!薯餅就外脆內creamy! creamy到唔係幾食到薯仔🥔既存在~~雖然$100up既lunch 對我黎講 係幾貴但而家唔支持 好怕再無機會幫襯喇😢希望天鷲早日物色到又平又正既鋪位 早日重開🤜🏽🤛🏽

呢間天鷲，係炮台山開業好一段時間，一直都見午餐坐滿人，趁今日有趁會，入去一試。呢間鋪頭地方細細，得十個座位左右。而且因為無門既關係，夏天食熱辣辣既拉麵有d熱。但雖然有缺陷，勝在有品質保證。我點既黑蒜豚骨拉麵，捧上黎時已經有淡淡既蒜香。嚐一嚐湯底，濃滑細膩，豬骨既油脂精華溶入湯中，造成細緻綿綿既口感。淨係湯底，都應該比滿分。因為拉麵既成敗絕對好睇湯底。因為麵同豚肉都會吸收湯既精華。豚肉剛好嫩滑，肉帶半肥瘦，咬落冧身易嚼。麵身有彈性，食落自然有口感。估5到，一間細細店舖，會有令人意外既驚喜。

晚飯時間，意外途經發現一間拉麵店，和朋友也很耐沒有吃拉麵，就決定入去食返碗先😆發現佢可以加30蚊就可以有個小食和汽水飲品，我們就加了30蚊食套餐，叫了一個黑蒜豚骨拉麵，一個蝦味噌豚骨拉麵，一個香蒜炸雞，一個忌廉蟹肉薯餅，一罐可樂和一罐檸檬茶😌黑蒜豚骨拉麵$85湯汁蒜味重已不過鹹，喜歡他的麵條是幼身，可以掛上很多湯汁吃😋豚骨肉也很淋，很軟滑！蝦味噌豚骨拉麵$85相比下，蝦味噌的湯味是香濃得來很清，用了櫻花蝦去做湯底，好好味😋豚骨肉也一樣很滑淋，朋友只俾一啖我吃後他就連湯也喝哂🤭香蒜炸雞炸到肉質還很滑，皮脆肉滑忌廉蟹肉薯餅炸得很通透，外層鬆脆，內裏有軟滑的蟹肉忌廉，很好吃😋

呢間拉麵呢…，其實睇個名就已經想試好耐，但自發現佢次之後都冇機會或者去左第二間XD 個日係專登去既!我覺得佢個麵底正常，湯就有少少特式啦～蝦味噌set $115呢個個湯底比較濃，蝦味都重辛辣set $115話明辛辣，我就覺得佢唔夠辣啦，我唔係個種要死辣個種，我都要平衡既~個忌廉蟹肉薯餅比預想中好味，呢個就值得試下，但餃子就正正常常囉～好啦，而個3樽野，我會覺得芽菜好似太林(唔知係放得比較耐定佢係比較林身)

現時揀野食以良心為前提呢間幫手擺手工義賣、有lennon wall仲送yell card接待既店員好有禮貌令人感覺舒服食物方面我食豚肉拉面，整體較淡但餐牌都有寫明湯底冇味精愛好健康人士可能鍾意但我就想咸番d或者如果有豉油比我落下就好(係咪好港式)佢有幾款調味料提供既：蒜泥、拉面pepper、辣粉、辣芽菜、芝麻叉燒都係冇乜味咁，如果可以醃重手少少或燒下會好d我會諗起都係黃店既一生懸面旺角分店既叉燒有d燶味好惹味不過當然各花入各眼既拉面加30蚊可跟餐，有小食+飲品我地2個人，揀左日式餃子同炸雞餃子味道唔錯皮薄又脆，炸雞估佢唔到好大舊，味道都ok呀個咸度比較岩我想評埋個面質，係ok既!同埋本人愛幼拉面，唔知大家啦；)

位於炮台山的拉面小黃店,已經告急多時,所以今次趁放工去支持,如果喜歡套餐的話會建議加配小食,因為不算太貴,但我這次直接品嚐拉面就夠啦~吃完拉面建議去附近的娘娘喫茶支持,同樣是告急的小店豚骨拉面  75元  3/5分1. 幼面,不能選軟硬度,這點可以改善一下,而我個人喜歡吃粗面,所以非戰之罪2. 多蔥可以提出,而木耳都多,配菜方面可以接受3. 湯底味道奶白色,偏向清淡,沒有味精,走的是另一種風格的豚骨拉面,我更喜歡濃湯4. 豚肉兩小薄片,無什麼特別5. 建議變成其他日式拉面店,讓客人寫紙自己決定拉面的配菜,不用直接用口下單更為方便糖心蛋  10元追加   4/5分有驚喜的蛋,夠流心及冰凍,不過本身拉面無包有點可惜整體來說是一間正常的拉面小店,可以一試。

排隊等左10幾分鐘，入到鋪因為天氣熱，坐低即刻到杯麥茶飲，即時解渴消暑拉麵選擇唔多，我同女朋友分別叫左蝦味湯底同豚骨味，相信係師父想專心做好幾個湯底2款湯底都勁濃郁，麵質啱啱好，叉燒入味好食，成碗野都夠晒熱，同出面嘅罐頭拉麵2回事成碗湯我最尾仲要飲晒，但之後一d口渴感覺都無跟餐小食份量1d都唔少，我地叫左炸雞同薯餅，即叫即炸，炸得啱啱好，點埋嗰醬，真係好好食炸雞唔係出面普遍嘅炸雞粒，係雞件，食落去係唔會食粉，同有肉汁，火候控制好好一定會回頭食

見到告急訊息，就和朋友來這裡幫襯下，反正我不嬲好喜歡拉麵的。本身這裡就是一個小店，所以座位不多，還因為無良政府不封關，令武漢肺炎在社區傳播，再整啲食肆入座限制等政策，真是令飲食業雪上加霜！由於都有10多個人在店外排隊，而堂食的座位只有10個左右，所以都等了大半個小時。店員很有禮貌，我們坐bar枱，還幫忙找位置放我們的背包。【豚骨拉麵】湯底睇落淡淡的，估不到嚐了第一口覺得湯頭夠重豬骨味道，有種奶滑細膩口感，好滋味。拉麵就選用了幼細的白麵，亦是我最喜歡的麵底，很容易掛湯。兩片叉燒肥口分明，不錯不錯！【忌廉蟹肉薯餅】熱辣辣即叫即炸，中間蟹肉味就不太濃郁，但是軟綿綿口感不錯。這裏拉麵其實很出色而且價錢不算貴，店舖雖小，但店員和廚師都很敬業樂業。加油！

辛辣豚肉拉麵👍义燒半肥瘦軟熟不乾身，豬骨湯好味😋 濃香而不肥膩，加了辣也不會蓋了味。配料有蔥、海苔、黑木耳、赤唐辛子，比某些連鎖拉麵店好食。檯上有芽菜、蒜蓉、芝麻、胡椒等給客人自行添加。我只加了些芽菜及少少芝麻，因為我覺得碗麵已好夠味，不需要加料了。下午茶套餐包汽水一罐。有誠意的小店，會再幫襯。店內座位不多。受疫情影響所以今日空檯很多，趁現在去食不需等位。入座前會替客人量體溫，店內有提供酒精消毒液。

💛疫情之下，這次晚上七時在這裏吃晚飯，裡面只有寥寥幾位客人， 坐得頗為寬鬆，而且店家為每位食客量度體溫，令人感覺放心。我們兩人點了一碗蝦味噌拉麵 ，一碗黑蒜油拉麵，還套餐追加了一客蟹肉忌廉可樂餅。拉麵的湯底雖然不算驚為天人，但勝在味道頗為鮮美，麵條幼身柔順彈牙，加上粟米粒和蔥花，值得一讚的是檯面有大量配料供自行添加，有黑胡椒 蒜蓉 辣芽菜和五味粉，我作為一個愛辣口味的人，當然加了大量的蒜蓉和五味粉。要是能再加上溏心蛋或筍就錦上添花了。💛💛另外，店家的牆上貼滿令人鼓舞的訊息，這裡吃麵更找到歸屬！

先講環境，空間比起別天神寬敞好多，而且位置數量亦都較多，歡迎各位同學成群結隊去食， 即使係坐吧枱位都感受到寬敞嘅感覺，而且凳下面有位置畀你放袋，安排貼心佢而家有大學生買一送一優惠，絕對值得懲罰， 然後嗌多咗一個章魚燒先講拉麵， 相比起別天神我覺得佢嘅湯底係冇咁濃，但係有一種清甜嘅感覺， 而我覺得飲落去係比別天神濃濃嘅感覺舒服好多，麵嘅份量亦都係好足夠，一碗其實已經可以夠飽，而湯底加咗蒜蓉之後味道係濃好多，適合鍾意重口味嘅各位同學價錢：75蚊章魚燒方面，由於係即叫即製，所以係熱辣辣，而外皮亦都係脆卜卜，一個章魚燒入面大概有兩個章魚粒，而加醬令到章魚燒豐富咗口感，所以我認為章魚燒係絕對值得推薦價錢 ：35蚊唯一批評就係拉麵唔包溫泉蛋，要加十蚊，感覺上溫泉蛋嘅味道同口感冇別天神咁好， 性價比會比別天神低少少要注意嘅係間拉麵舖只係接受現金所以就要帶定足夠嘅現金去食，而別天神可以接受幾個付款方式，包括支付寶，八達通，信用卡等等較為方便