一人前拉麵

營業中

休息中

餓住個肚仔搵嘢食， 見到有間拉麵小店，又唔使排隊，於是乎入去試一試先不要小看，小小的店舖啊，人流確實不錯呢，二人前， 點了兩款拉麵，兩款小吃， 空虛的肚子正在期待著吃飽飽的感覺呢呢款係有海鮮嘅拉麵~ 湯底味道充滿濃濃的味噌香喜歡濃味的朋友可以點這個濃香的豬骨湯底拉麵來了喜歡清淡的可以点這個～😜叉燒有兩大塊呢在拉麵店有這樣一小塊的牛柳好像第一次見啊， 味道還可以吧 炸蠔也不錯， 熱騰騰的整體來說，喺元朗較為特式的拉麵店較少， 值得一嚐的

在元朗行街行到肚餓，二個人來到一人前拉麵店，試下呢間鋪頭，職員服務態度幾好，會主動介紹食物。今次試左呢兩晚拉麵，雞皮嘅處理好特別，食落特備香脆，有d似蛋散，絕不油膩。另一碗嘅湯頭惹味，無味精，元朗街坊可一試！

每一次經過都好想試下一人前拉麵不過望見一群正在等位嘅人就會令我卻步！難得尼日唔多人，終於可以試下喇。店內坐位不多，所以好快就已經滿座了！天氣太熱，所以叫左杯涷飲先：靜岡蜜瓜果汁碳酸飲料、完熟白桃果汁碳酸飲料，原來係原裝玻璃樽嘅飲料，味道呢？就係果汁味嘅汽水啦！胡麻冷凍豆腐：胡麻醬配上超滑、豆味濃厚嘅豆腐，我個人非常喜歡灯火拉麵：义燒、糖心蛋、黑木耳、筍、秘製辣味噌、葱、紫菜、黑蒜油，非常足料，湯頭濃郁，主角拉麵嘅表現都唔錯，軟硬度適中海鳴刂：虎蝦、帆立貝、黑木耳、碎海苔、京葱，濃湯帶有鮮味，虎蝦非常鮮甜。尼間拉麵店的確唔錯，有機會真係要試埋其他款式先得

未長篇大論前，先推介一下一人前的象拉麵，咖哩加炸雞皮我喜歡，當然另一款海鳴海鮮拉麵也很好。2019年5月至6月香港多災多難，先有豬肉發現有非洲豬瘟，後有因為政府修例有大規模市民遊行及衝突，兩件事都或多或少影響香港拉麵行業。修例一事有部份拉麵店舖強調自己的政治立場，另外當中亦有拉麵店鋪在遊行期間罷市支持，引起市民注意及讚好，甚至有報紙傳媒報導，罷市營業一兩天，損失有限，但這個不及豬瘟來得嚴重。豬瘟消息出現，屠房要殺盡豬隻，引致部份自行製作豚骨湯的拉麵店如一人前，因欠缺新鮮豬骨煲湯而要閉店數天以至一星期，及後活猪雖然恢復供應，但是供應數量有限，新鮮豬骨價格升了很多，就算有新鮮骨亦減低了利潤。一人前員工曾接受報章傳媒的訪問，今次豬瘟事件一星期就要損失八萬元生意加鋪租，員工表示為了堅持拉麵質數，寧願閉店也不考慮用外國雪藏豬骨製作拉麵。我在6月9日特意去一人前吃拉麵，當時一人前在Fb表示因豬骨有限所以拉麵限量供應，我點選食物時全部都有得選擇，價錢也沒有提高。這引申了下一步的思考，食材被污染有何影響香港的拉麵界? 香港的拉麵店要如何保持品質之餘亦要有營商利潤?幸好現在香港拉麵店已不再單單提供豚骨湯

星期五同朋友收工一齊喺YUENLONG食飯~成日經過雞地都見到呢間拉麵排長龍，想試好耐，今日終於嚟咗試喇可能我哋夜食，無平日咁長龍，等咗10-15分鐘就到我哋喇~我叫了白前豚肉拉麵+4色燒雞扒上菜時間算快，賣相同菜譜相片大致相同。白前豚肉拉麵:有二片（半塊）紫菜；，豬骨湯好濃，但又不至於好杰，幾岩我。成碗麵都唔錯，但最正我會覺得係舊豚肉豚肉有口感，肥瘦厚道適中仲有不得不提呢個流心蛋，好正啊！4色燒雞扒:即叫即燒, 仲保持了大部份的肉汁, 真的要俾5個

是咁的！我又一個人食晚餐🥣最近食飯都係自己一個食🤣🤣廢話唔多講，我地立即進入主題！店內小擺設一個人食都有好處就係可以坐吧台睇住師傅為你準備好味既拉麵主角出現啦！我今次食左個白前(都係個句，我走晒d配菜)不過今次唔同我加左紫菜.湯底唔算濃厚，但係味道非常好，飲多两啖都唔會覺得口渴！但喜歡食濃厚湯既朋友可能就會覺得麻麻地！裏面既薄薄既叉燒，肥瘦適中又夠大塊！日式煎餃普普通通的煎餃，不過可以一啖一件！

呢間拉麵店仔細細 唔係得好多個位 仲有bar枱位置可以坐係到睇住師傅整 價錢唔算貴 60幾70蚊都有一碗 仲可以簡麵既軟硬程度白前拉麵 湯底味道適中 鐘意食清湯d既朋友可以簡呢款 唔係好濃厚杰身既湯底 飲多兩啖ok 灯火拉麵 好多蔥 仲有黑蒜油 同樣都係偏淡味叉燒都有3塊 肥瘦岩岩好 溏心蛋相比其他拉麵店都係無咁多調味 一人前餃子 普普通通 細細舊一啖一隻 唔會太油炸雞幾好食 外脆內軟 熱辣辣 整體黎講 口痕想食碗拉麵黎一人前都係個好地方 不過不失食一餐

繁忙的工作，加一把勁來過渡。。。過渡後就去搵食，一人前拉麵🍜係又新街呢個角落位都唔少日子，係元朗做得長，其實都有番咁上下實力💪入舖頭無，老土香港腔既"郁世媽瀉 " ，只係輕輕放低點麵紙同Menu比你揀，之前食過白色，今日吔佢既海鮮，但都忍唔住手要加叉燒 （拉麵靈魂😛）等緊麵起既同時，欣賞下舖頭陳設，簡單木紋加埋黃燈，同埋柔和日文歌（唔係k pop😀💃) 再望下師傅笑住整麵，加埋舖頭小裝飾，空氣入面彌漫住淡淡湯底味，唔令人討厭，亦令等待都變成樂趣😇🤓叉燒額外加，分開上，有啲搞笑😂就咁兩塊上枱🙄 然後碗海鳴就黎喇，一黎就比我塞咗兩塊叉燒🐷🐖落去浸，薄嫩既叉燒吸咗湯底，係打開拉麵門扉既鎖匙🌟飲咗啖湯，濃杰但唔拿喉，忍唔住再添多幾啖，而凡立貝🐚咬落去有鮮味，無比湯底蓋過😮，海老🍤係煎香過，係濃湯下亦唔失色，浸咗陣依然保持煎起既香脆👏👏最後到個麵同配菜，揀咗硬身麵（各有所愛🤗）, 撈埋海笞，黑木耳同蔥，拌埋濃濃湯底，我係選擇咗瘋狂吔麵先再食海鮮😆😆成個用餐過程係將週二忙碌帶走晒，浮華掌聲裏 只想一個人讚慕。。。一個人拉麵，值得呢份浮華掌聲讚慕👏👏👏👏👏

一人前拉麵🍜平時都中意食拉麵 但係而加食個拉麵都最平90蚊起 係元朗發現左呢間價錢比市價低但質素唔差既拉麵店 原來都開左一段時間 不過我都係第一次食 有五款味道揀 白前 熱燗 象 海鳴 灯火 仲可以揀麵既較硬程度 再追加配料 坐係bar枱睇住師傅煮麵 唯一唔好處係一直望住自己碗麵幾時到😂順帶一提我地成十點到都坐滿人 佢地11點收鋪嗌左白前同灯火 好少拉麵店會有竹筍🍜👍🏻1.白前朋友話湯底味道適中 叉燒肥瘦啱啱好👌🏻2.灯火 有自加製既辣醬 湯底相比起其他拉麵店無甘濃 可能我重口味 覺得可以濃d呢個價錢黎講 拉麵好抵食 仲要質素唔錯

That moment you could get double onsen tamago is when your friend does not eat egg!Wandering in Yuen Long after bubble tea hunting, we found a ramen place on the less hectic street.I ordered a pork soup base ramen and the soup was quite thick and delicious. I love the texture of ramen which was pretty chewy, going well with the soup as a whole. Very satisfying.

一人前拉面白前湯明顯唔夠熱但濃郁，面夠彈牙象朋友點的試咗炸雞皮同薯仔，味道唔錯朋友話象個咖哩湯底比白前嘅湯好味餃子好食，仲好底食，唔會煎太燶，啱啱好凍豆腐個汁唔洗講度度差唔多，個豆腐好有豆腐味，唔係講廢話入坐前見唔到個死角位所以門口等咗一陣，個店員（可能係老細）見到我喺門口都做口形叫我等一等（應該個口形唔係叫我自己入去）坐低見佢哋生意都好好，一個接一個入，但唔會由你喺門口等，幾忙都出嚟開門比你廚房+打單+收銀+執枱+洗碗碟機得兩個人係等得耐啲但係值得嘅有理由懷疑要等埋一齊上所以我碗白前係冇咁熱店員有禮貌嘅，見我等得耐過遲嚟嗰個仲同我解釋番因為要炸啲咩咩咩~裡面枱枱都差唔多係搭枱，但又唔係話好迫嘅絕對可以再食衛生扣嗰粒星因為我坐廚房隔離，佢裡面有時倒水彈到我隻腳

元朗 一人前拉麵白前 $692-9-2018 午巿上下品 （欣賞透明廚房bar台及有冰水斟 氣氛好）一人前吃一人前拉麵故恰巧可以坐bar台可透過玻璃觀看廚師煮食 +2廚房清潔廚房有3筒巨型大湯底（冇蓋）使用切割機切叉燒未切割的叉燒沒有遮蓋薄豚肉叉燒2大片較瘦但不諧 圓周有脂肪無炙燒 有明顯薑味 據推斷使用豉油蒜薑熬製整體質素不錯湯底厚度中等 不至太鹹 （飲得多會鹹所以未能完食）可清楚見廚師將各種醬料（順次序：透明液體/油（可能豬油？）、麻醬、醬油）一殼殼倒進碗底 製作用心 無味精 +1餐廳提供無檸檬冰水水壺 符合日本風格 +1唯水壺非雙壁設計故此有倒汗水問題地下有一條倒汗水流麵條屬幼麵 非常彈牙 份量適中可以飽肚 +1餐廳總共2女店員2男師父（初段時間只有1男師父）均後生 態度良好舖位長條形偏窄bar台坐六人 入座時位置比較緊逼但進食時無逼夾感門口趟門有點難開位置稍偏

喜歡日本文化嘅我，當然不會錯過日式拉麵小店，今晚就相約朋友出來元朗聚會，於是同朋友仔吃「一人前拉麵」睇吓餐牌上有咩拉麵先，分別有5 款不同配料白前，象，熱燗，海嗚，灯火，仲有其他小食白前＄69湯底味濃郁，配上叉燒＋糖心蛋好豐富象$85 拉麵組合咖哩＋薯仔＋雞皮別有一番風味

今日lunch去左元朗呢間好細間既拉麵鋪食拉麵🍜 佢個白前湯底不過不失 味道就夠既 但係無乜驚喜 而海嗚d配料好食 有帆立貝啦 有大蝦 係海鮮湯底似的 但個湯底就麻麻 麵豉湯既味咁😂所以有點失望 反而個炸蠔就幾正 外脆內軟 又唔會好厚粉 真係幾好食😍四色雞扒一般 無乜特別 四款分別係用左沙律醬 千島醬 海苔 同七味粉 不過味道都唔錯 呢d配搭都幾match 所以無乜驚喜 但呢間拉麵店我覺得整體味道都ok既 😆😆❤️好岩兩個人黎食 都幾滿足 食下拉麵，食下小食😋

對上一次食呢間拉麵小店已經係3年前了物價上漲關係 而家價錢都貴左個時通常都係放工去食 食過都好多次了記得冬天去食特別多人因為位置不多 都要排隊等位個人覺得食物味道算不錯 價錢亦合理不過今次得一位拉麵師傅所以上食物速度慢等左大約30分鐘了兩個侍應都冇主動跟進叫左兩碗拉麵白前 同 象同一款小食 一人前餃子白前拉麵 $69麵: 普通 蔥: 要賣相ok 配料有叉燒、黑木耳、筍及糖心蛋湯底濃郁 帶有少少味精所以食完都會口渴而麵條比較爽口 又唔會好腍叉燒肥瘦剛好 幾軟腍糖心蛋流心 咬落去柔軟適中整體味道不錯！象拉麵 $85配料有咖喱球、叉燒、馬鈴薯、雞皮及黑木耳將極濃咖喱味嘅咖喱球同豬骨湯拌勻絕對適合喜歡濃味嘅朋友而配料有剛炸起嘅雞皮同薯仔令到口感進一步提升叉燒尚可反而腩肉偏多肥膏同未煮熱係象配料中嘅一大敗筆但整體黎講"象"都係一碗高質拉麵一人前餃子 $29普通餃子味道冇乜特別