一休(居食屋)日本料理 (長發廣場) (已結業)

唔太熟青衣有咩好嘢食，呢日喺附近做完嘢，因為有下場節目，先要醫肚，搵到呢間餐廳，就拉埋朋友陪我食。我哋叫咗幾樣嘢食～壽司方面，以下呢個係雙龍卷，一款係牛油果🥑另一款係芒果，兩款都大大件，芒果酸酸地，有啲醬汁配埋好好食！仲夾住隻炸蝦～珍寶蟹子沙律，大碟咗啲上圖呢個角度先影到份量有幾多呢！北海道芝士蛋糕🍰睇落平平無奇，食落好重芝士味。岩石燒雞粒鍋飯唔似雞粒，似雞塊多啲凍蜜桃梳打⋯唔記得叫少冰或走冰，似普通果汁🍹仲以為杯飲品會好靚⋯我想多了⋯大板燒！呢個好食！睇返menu, 頭先個沙律原來係青衣店限定！原來相都係好大一碟個飯仲有埋麵䜴湯食物全部都幾好，不過餐廳冷氣凍左啲，坐正風口位加冇帶外套好彩有叫啲熱食，哈哈！

我未試過等到野食未到就走人7:30 pm 落第一次單（叫左4樣野），等左15 分鐘，我再加單，之後個侍應問我之前落左咩，原來落漏單，佢係咁話叫廚房整我既單先，咁我都無話佢，算。咁8:00 左右加單既食物到左，咁我一路食一路等佢補返單既野食，等到8:15都未有，咁即係已經落左半個鐘，又話叫廚房整左我既先，根本就無！仲要佢補單都仲落漏左一樣野食！錯中錯！！！咁我同我爸媽即刻起身埋單走人，$64食左一肚氣。之後去左另一間餐廳食，落單唔洗15分鐘已經有得食。另外 我發現我地係無茶包，得水😡我決定以後唔食一休。慢同埋零服務

竟然係青衣搵到間高質嘅日本野，朋友一邊食，一邊勁讚一休。日本野黎講，真係好抵食，我地已經約定好下次再食過！一休嘅裝修好有日本風格，入面用木板間開一格格卡位，好舒服。朋友叫左個角切魚生飯，成碗滿晒都係$58足料之餘，魚生仲好新鮮！朋友食完已經話飽飽地！哈哈！我呢就叫左碟蟹籽海膽炒飯，又係好大碟架！成碟炒飯望落去金黃色嘅，食落去清清地。同埋啲飯炒得岩岩好，唔會黐埋一齊，反而一粒粒咁分開，所以好有口感！我地仲叫左啲小食，係我每次食日本餐廳都必叫嘅炸芝士年糕因為我太心急，所以當炸芝士年糕一上枱嘅時候，我就即刻放左入口...原來係岩岩炸起，好熱辣辣！入面有大量溶化咗嘅芝士，芝士味好濃郁呢個大阪燒嘅份量啱啱好，落左好多醬汁，再配埋爽口嘅生菜，味道一流！餐廳好細心，本身已經切開左4份，唔洗怕自己會切到散左

呢幾日心情不是太好，唯有用吃安慰吓自己，對自己好D永遠都冇錯啩。來到青衣長安邨的『一休(居食屋)日本料理』，見到一休可愛的樣，開心返啲。六點來到，可能有啲早，人少少，到吃完離開就唔同，幾乎坐满晒人，勁喎。睇吓菜單，都幾平，幾拾蚊就有嘢吃，同出邊比，真係平好多吖。好，可始點餸，叫咗三文魚肥腩刺身，特長鰻魚壽司，帆立貝串燒，特盛海鮮丼，還有火炙黑豚肉拉麵。拉麵有咬勁，豚肉亦好軟腍，且因炙過而微香，湯底也甜，幾好。特長鰻魚壽司注明青衣店特有，亦即係話旺角分店没有，個人睇法，28蚊一件超抵，為了佢，入青衣店吃都好，真係好味吖;帆立具串燒，28蚊一串有3粒，够甜够香，想吃多串添;至於特盛海鮮丼，同預期有D分别，但68蚊一碗亦好抵;48蚊一客的肥腩刺身令人驚喜，真係够厚够肥美

約左班D Fd係附近食飯，原來無左元気就試下呢間日本野,諗住係屋村商場都無咩期望，但原來都幾好食，價錢貼地環境唔錯，日式風格餐牌都幾多款式可以擇，有基本壽司，刺身，仲有串燒叫左一個雜錦魚生飯魚生份量都足夠唔會偷工減料食落去都好新鮮，唔係D雪左好耐既魚生飯的份量都好夠叫左個海膽試下，本身都無咩期望，因為個價錢唔太貴，但個海膽食落都唔錯， 有鮮味同甜味，唔會好腥，性價比高叫左兩個手卷，飯入面都好多料，材料新鮮辣既海鮮拉麵幾鍾意它個湯底，辣得來好過癮D拉麵質地我又幾鍾意，好彈牙爽口的拉麵個叉燒肥瘦均勻，唔會太乾，幾好食鰻魚壽司 份量足夠鰻魚汁唔會太甜三文魚海膽飯 三文魚都好新鮮加埋海膽的甜都好好食食完都好飽，估唔到屋村商場的日本野都唔差

好耐無黎呢個商場 以前番學個陣係附近番學 個商場唔同曬入面見到間日本野 就黎左食飯一入到去 見到間餐廳裝修幾多卡位 因為同朋友食飯想傾計 見卡位既私隱度比較高 同埋裝修都幾清新簡結 好多木類既裝修等左好快就有位入去見到menu 都好多野揀 有唔同類型既拉麵 壽司 刺身 串燒 一般日式店有既野都有 一開始就叫左個💓辛辣黑豚肉拉麵：湯底辣辣地 好開胃 D 麵都唔會太淋或者太硬 舊豚肉真係好好食 因為佢唔同一般出面咁 切到好薄而係好厚 但係又好入味 佢面頭又好香口咁另外叫左個💓鰻魚卷好好食 入而個舊好脆同香 出面個鰻魚都好濃既鰻魚味因為同朋友食 所以都叫多個角切魚生飯： 💓魚生飯d 三文魚生都幾大粒 仲有d 蟹子都好多 又有蟹柳 呢類角切魚生飯必備 好似料好似仲多過飯因為想食D 有湯既 又叫左個💓牛肉豆腐鍋：岩岩叫到黎 牛肉係岩岩好熟牛肉唔會un 個湯底同壽起燒個味一樣 偏甜 但唔會好肥膩陣味 又有好大舊冬菇 餐廳非常多人 坐爆曬咁 野食都抵食 比出面市區平幾多 同埋環境都幾乾淨 野食份量又唔會小 都幾推薦人黎 下次應該會再黎人均都係一百頭左右 勁抵食

係旺角試過佢地既一休 今次試下青衣既一休記住佢地7點前落單有優惠有幾種壽司都係9蚊雞件其實係幾抵叫左最愛既牛舌過下口癮先係用鹽燒既 少少咸 但佢既牛舌係屬於唔錯既 易咬 有濃既牛味好似山咁高既 蟹子沙津好足料可以叫來嘗嘗鮮 如果唔怕肥 可以叫佢另外一碟沙津醬會更惹味 下面仲有沙津菜增加口感佢地壽司好出色左下既炙燒蟹柳壽司係我最中意既可以點來試下緊係要叫翻d特色卷物佢既芝士三文魚卷口感很芝土香 仲有三文魚 加埋有好豐富既口感佢仲會上2隻味架 紫菜同蟹子牛油果軟殼蟹卷我都很推薦呢個 外型已足夠吸引而味道都唔錯 裹面既蟹係新鮮既 唔會有油益味佢既特式卷物 我都好中意可惜個胃太細 如果5係會叫多幾種來試下安格斯牛柳粒正好冧好香蒜味既口感預算多既人來講 呢個係必選餃子

星期二放工就去左青衣城行一下街，本身想去長發商場打邊邊，但見到有日本野又想食日本野！就去呢間位於長發商場既日本餐廳，果規模有點似和民，但呢間我覺得主打串燒、壽司刺身！所以我主要都係食呢d唐揚墨魚咀 $45呢碟好正好食，好有口感，炸粉吾會太多，我覺得我爭既係一杯啤酒😂🤭岩石燒魷魚 $78呢個好野味！好夠味！魷魚又吾會好煙un！呢個好想再叫多碟！四點刺身拼盤 $88有厚切三文魚三大片，好厚身，而且很新鮮很好吃，很滿足😚😚😚還有甜蝦、油甘魚、吞拿魚兩片都很不錯！果然刺身不錯吃火灸三文魚加州卷 $48呢個我以爲很小一件，總共6件，但每件都跟一般大小加州卷無異，如果是48蚊真的很抵食！而且火灸三文魚上還有芝士，真的很好吃～滿足我想吃火灸三文魚滿滿的慾望！牛舌鹽串燒 $26好！開始講下串燒先，呢個牛舌燒得岩岩好，又吾會過火，我連檸檬都無擠🤭太急不及待吃光了整串😚但是有點小貴，但也值得！煙肉芝士大菌 $26/一個我地以為果菇好細個，所以先叫左一人一個，但上台果size嚇親我😂其實叫兩個都夠食！首先，果菇好juice！！吾會乾爭爭甘～芝士、煙肉都係基本，果菇真係好正😍😍😍鋼燒牛排 $58我覺得他們

長發商場G 樓的一間日本料理，平時經過青衣都有見人喺馬路邊派傳單，今次第一次過黎食！裝修好有日本style, 位置坐得幾舒服，有好多卡位坐，又夠闊落！除左午餐menu, 仲可以單點壽司！價錢都唔算太貴。❤️三文魚蟹籽飯$50三文魚唔算厚身，有dd 薄，蟹籽夠爽口，不過以呢個價錢黎講，已經算唔錯，對得住呢個價錢既！同埋午餐可以加$3跟餐加配飲品！❤️雞扒拉麵$52拉麵夠爽口，個湯又夠濃味，唔錯唔錯，另外值得一讚的是雞扒，燒得剛剛好，配埋個燒汁，一流！

位於長發廣場既一休開左大約一年, 主要都係做街坊生意. MENU入面都算選擇多, 基本野如刺身, 壽司, 卷物, 炸物, 鍋物都算齊全. 是日叫左壽司拼盤(花) ($128), 蟹籽沙律 ($38), 鐵板牛油雜菇($48)同珍寶豬頸肉鍋($58) 壽司拼盤(花): 總共有11件壽司, 有三文魚腩, tuna, 魷魚, 熟蝦, 鰻魚, 蟹籽軍艦, 醋鯖魚, 北寄貝, 劍魚腩, 同埋精選壽司兩件. 我地果兩件其中一件係油甘魚, 另外果件我都唔識分~ XDD 全部刺身方面都幾新鮮, 壽司飯酸度適中, 女士黎講舊飯會大舊D, 一口食唔哂件壽司, 男士食既話就方便D. 蟹籽沙律: 上桌時俾佢個分量嚇親, 好.大.碗! 不過好好食~! 落足料既蟹籽沙律, 成碟野俾人感覺好新鮮, 真係好值得推介！鐵板牛油雜菇: 分量正常, 不過鹹左d珍寶豬頸肉鍋: 超級大既鍋, 分量足夠二人食. 肉都算多, 仲有好多配菜, 仲加埋隻生蛋上面. 食到舔舔脷~! 埋單$299. 整體是不錯啦! 街坊生意, 呢個價錢食到呢個分量既野, 可以返兜~!

自從長發廣場那邊裝修之後，沒再來青衣長發這邊，而機緣巧合下再來長發廣場，而同行的2位姊妹都想吃日本野，來到這間叫一休的日式餐廳享用我們晚餐，由於我們去的時間較早，很快就到我們入座，帶位的沿途上除了有4人卡座外，還有一大圍圓台，適合一班人。座位上已放好3份餐具，這裡的茶是用茶包，像玄米茶的味道。這間餐廳可像吃放題一樣，在紙上剔或直接叫服務員點也可以。來到日本餐廳，不可不叫刺身，由於我除了三文魚外，對其他魚都沒什麼興趣，所以我只點了一盤小的盛惠$88刺身拼盤，有甜蝦、三文魚、吞拿魚等，首先，三文魚是厚切，剛剛3片厚，吃上去非常有口感，而且新鮮，甜蝦也非常鮮甜，我同行朋友點評另外兩種魚也不錯。之後到壽司啦，壽司當然點我們最愛的灸燒類別，所以點了火灸三文魚加州卷，如我所期望的，一樣好吃，加州卷的配料再加火灸三文魚作面，再配上沙拉醬，非常豐富的口感。之後我們還點了炸物—唐揚墨魚咀，炸得不錯，最重要墨魚咀有嚼口，再點沙拉醬，味道不錯。串燒方面，我們只點了牛舌串鹽燒，一串有3個，牛舌也有種炭燒味，吃上去也有嚼口，不錯吃。同行者想吃牛小排，所以點了綱燒牛排，是屬於薄身，但肉汁飽滿！另外，岩石燒魷魚是不

今日同朋友仔黎左長發廣場一間叫一休既日式料理。門口個和尚仔logo有D似細個睇電視既一休。去到環境有D似日式放題店感覺。但野食好多元化，係居酒屋形式，叫左蒲燒鰻魚串燒($28)、牛肉秋葵串燒($25)、牛舌串鹽燒($26)、蜂蜜芥末炸雞球($56)同埋香草三文魚薄餅($46)。鰻魚串燒雖然燒得不夠燶，但勝在肥美入口即溶而牛肉秋葵串燒肥牛冇根配秋葵十分清爽，牛舌彈牙爽口。蜂蜜芥末炸雞球最適合我呢D食肉獸，份量足夠，雖然炸粉略厚，但雞肉處理十分爽口，肉爽多汁而且沒有雪味，配芥末醬食肥而不膩，配上啤酒更是一絕。香草三文魚薄餅餅底十分脆口，而且用料大方大量的千島醬令味道昇華。街坊價錢但高品質，難怪當日到場有咁多青衣街坊到場光顧。

長發可以話係青衣人一定去過嘅地方，除左美食城外，原來仲有呢間居酒屋🏮。三文魚肥腩刺身（$58）夠曬冰凍，而且幾新鮮，魚腩肉厚得黎真係肥美，口感一流。火炙黑松露帶子卷（$48）帶子配黑松露更顯高貴，每卷都有橫切開嘅半粒帶子，火炙後更香，係我最愛嘅卷物之一。三文魚海膽飯（$78）呢個價錢有曬海膽同三文魚絕對無過份，然而唔能夠祈求海膽真係十分高質，但起碼係唔腥，仲有咁多新鮮三文魚搭夠。大阪燒（$46）上枱時塊鐵板仲喺熱勒勒，味道亦正宗，重點嘅係醬好夠。鵝肝壽司（$28/件）係最愛所以叫左四件😆，件件都煎得外脆內軟，入口即溶，無失望。總結係青衣呢個成日俾人話係美食沙漠嘅小島，其實都有唔錯嘅餐廳。

今天放工特別興奮，因為媽媽深知我最愛吃日本料理，預約就近的日本料理店晚餐，為我慶祝生日~入座時，先奉上一壺熱茶~黑松露三文魚沙律，堆成小山的三文魚粒份量十足，粒粒厚切肥美，鮮嫩可口，混合黑松露醬更矜貴鮮香，配搭合襯，令人回味!三文魚海膽飯，面層鋪滿刺身海膽，賣相吸引，多片三文魚鮮美可口，軟滑的海膽份量十足，甘香豐腴，啖啖滿足，佐以珍珠米飯吃一流!吉列豬扒拉麵，拉麵麵條富彈性，幼細微曲，掛湯力強，加入粟米、紫菜及青蔥調味，令湯底清甜鮮香，同時加上溏心蛋，更添馥郁的蛋香，滋味十足!吉列豬扒炸得金黃酥脆，肉汁豐盈香口，配搭丘比特沙律醬更惹味，油而不膩~ 汁燒魷魚筒，即叫即燒，原條魷魚份量十足，魷魚筒柔韌彈牙，觸鬚焦香，充滿濃厚的魷魚鮮香味，塗上日式醬汁，鹹香鮮美，非常惹味!凍檸蜜，檸檬天然酸香，混合甜蜜滋潤的西洋菜蜜，清新香甜，味美可口，跟餐加配只需$10，抵飲!凍蜜桃梳打，富芳香清甜的蜜桃味，冰涼止渴，最適合夏天飲用~ 跟餐加配只需$10~款款前菜、正餐、小食及飲品優質滋味，尤其刺身鮮味十足，大感滿足，再次感謝媽媽~

今天又再去一休食晚餐。發現換晒d態度差的員工。真值得慶祝。因之前經歷多次不愉快的服務。現在變好了。老闆真英明。沒有老闆會花自己的錢去養倒米員工今次晚餐的服務待遇很好。叫咩有咩。結賬時我還問收費員工。之前班人無晒。他說是。我還對他說。之前我們在這消費是受氣的