一休(居食屋)日本料理 (長發廣場) (已結業)

長發邨的一休日本料理已經唔係第一次幫襯。地方大，價格化算，因此大部份時間都坐滿客，不過就係因為生意好，員工未能提供上及時的服務，老實說講員工數量唔係少，已經密密做冇停手午市套餐真心抵，仲要免加一三文魚海膽飯 $78，用料唔錯，不過d飯就似普通飯唔似壽司米，隨飯奉送麵豉湯汁燒魷魚筒$78夠淋身，配上類似鰻魚汁嘅汁真係好好味岩鹽三文魚皮 $28夠曬脆皮，跟沙律醬十分配清酒牛油煮蜆 $56 食到清酒味，但牛油味受唔多覺啦,但總結都係好味的主菜嚟啦，就係日本生蠔 $158半打，每次黎都必食

呢間餐廳都係長發開左一段時間，星期五放工諗住食日本野，見價錢實惠就試下。點知企左係門日一陣先有人帶位，心知都唔係好對路。落單後好快就有食物上枱，但店員態度直係要好好改善，由其某2個店員，要求要2隻碗仔，女店員攞到黎時係（有力度地）放係枱面，唔知幾時得罪佢，唯有快d食完埋單走。而另一高瘦男收銀物體，態度極差，問佢野唔應機，全程零表情及黑面，呢餐飯雖然平，但感覺似俾錢買難受，店員咁嘅態度對客，直情係幫老闆趕客。

青衣長發商場有間居酒屋，看上去環境不錯就去試試，我們點了幾道菜。蕃茄海鮮鍋，嘗下去味道較淡，海鮮配料還好。豬頸肉串燒（$22 /1串），味道一般雞肉小丸子，好食😬鰻魚串燒，不錯。牛油炒金菇，好難食，首先係無味道，其次用牛油炒應該會很香，但我真的吃不下這道菜，劣作。環境方面算舒適，位置多和寬敞，沒有限時交枱。服務方面不理想，未講完要求就轉身離去，我覺得這方面需要改善，態度好悔氣，我不太喜歡。整體一般，只是價錢算抵食。

話說今日去一休食下午茶，我同阿媽點左一碟鰻魚炒飯！殊不知個碟鰻魚炒飯太鹹同埋無鰻魚，我於是叫個Waiter換過新一碟！個waiter竟然話試過味後覺得d炒飯唔太鹹，而且又堅決唔肯換過新一碟，態度超惡劣，難怪呢間餐廳無生意啦！以後都唔會再幫襯！What the poor staff service!!😤

一開始去拎位，冇人理。一張等位飛都冇，特別星期日多人，顯得餐廳管理不善。搞到有啲人又話佢黎先，有掙拗。.一開始坐低，想要個保溫水壺自己斟水叫極都冇人黎，最後竟然要個洗碗姐姐拎過嚟，比個比洗碗姐姐！.去到落單，舉極手個個員工行過都當睇你唔到，直到有員工 終於見到我地要落單，直接一行過黎拎走我張落菜單就走咗，想問佢少少嘢都唔得。另外好多員工都黑口黑面，上菜時大大力放上檯，好似得罪咗佢全家咁。食物唔係平仲要受你地氣真係差到極。.食物方面唔錯，但希望可以改善下員工態度同質素。

男朋友踢完波都要食日本野有間似樣喎叫左個壽司set 唔算太新鮮再叫帶子壽司 好大粒 有驚喜唔夠飽再叫左炸蝦卷 隻蝦好大隻 唔係得粉叫左個燒茄子 好多蒜 好香口記得配埋Sapporo 啤酒

The guy served us was very rude, he was nice with everyone but us. The food was good but the guy’s attitude actually ruined everything. Even when I went to pay at the cashier counter, he came to take the money same rudeness and he was also being aggressive.

一休一直食開都係好抵食 前排重要見到夜晚有優惠小食 即刻要試試！不過我係星期一去 只有清酒煮蜆岩我 睇黎之後要再黎食啦！今次同兩個大食朋友一齊食 所以嗌左好野食😆我地要左個特價清酒煮蜆 好平 份量都多 但冇咩特別 蜆有啲有沙😢我地嗌齊三個卷物 鰻魚卷 三文魚加州卷 同松葉蟹卷 我中意松意蟹卷夠鮮甜 上面再鋪塊芒果 好夾 好fresh😆鰻魚同三文魚就冇咁特別~再叫左個岩石燒魷魚 呢個燒得好香 魷魚都好爽 唔怕太硬或者太un 好食😋另外 點左個炸雞 呢個好熱氣 不過啲雞裏面都好juicy 配埋沙律醬好夾 但好邪惡😳我地驚唔夠 重要多左個鍋😂呢個我成日都覺得抵過吉野家 材料唔少 又坐得舒服啲😎

位於青衣的一休，主打平民日本料理，地方寬敞，空間感十足。 款式種類多，有刺身、小食、拉麵等等。 特盛刺身定食材料有三文魚、吞拿魚、劍魚腩、油金魚、張紅魚、八爪魚、鮮𩶘魚（各2件) ，帶子、甘蝦、蟹棒（各1件)，配壽司飯，味噌湯。這個價錢，絕對非常抵食，一分錢一分貨，都不能要求太高。 黑蒜油蝦球烏冬 黑蒜味香濃，湯底不會太鹹，雖然湯表面上比較多油，但食下去又不感油膩，烏冬順滑易入口，蝦球很爽口，不錯。 跟餐更附送加洲卷。 牛肉秋葵串燒 秋葵入口滑滑的，外層脆脆的。加上牛肉，配搭特別。 岩鹽燒蝦 燒蝦帶點焦香，蝦肉爽口。 明太子雞翼 咬開雞翼之後食到一粒粒既明太子，好有口感，雞翼又不會燒得太乾，保留肉汁。 服務態度非常好，地方寬敞，價格便宜。

親民價日本食店我就最喜歡 仲要免收加一 套餐加仲可以加$3/$5有飲品。 新年時食了個$75刺身飯仲包埋面豉場 今日食個平平地$52 三色魚生飯 此價錢都無咩挑剔 但如果個飯真係正宗些就完美了

第二次黎青衣長發既一休，見到多左D 一人定食套餐，比較平既套餐連加一都係50幾60蚊，質素都可以，今次叫左個雞肉套餐，又有湯有豆有菜，幾豐富下，埋單都係$53以後夜晚一個人靜靜地食晚餐又多左個好去處

食物質素不錯, 特飲不錯拉麵也幾好食。但偏貴,員工服務差, 叫極都冇人理,尤其是男性員工，將啲杯碟好大力放落枱，並且沒有笑容。好似嬲咗成村人噉,以後一定不會再來。這個價錢可以有很多選擇。

第一次去這間店食，食物環境都正常。但某一個侍應態度全程奇差，黑口黑面，叫佢落單，佢完全唔應，直接行過塊打單電腦，只講一句「係埋落單」。我地落單全程唔應，我地講係咁多啦唔該，佢都係當我地透明。食野途中小朋友唔小心打翻左杯水，我地馬上用自己紙巾抹乾淨，然後同佢講「唔好意思啊，有杯水打翻左，台面已經抹左，地下要拖拖」。佢竟然反眼黑面完全唔理我！我唔明白咁樣趕客對佢間店有咩好處，我就永遠唔會再去，我第一次見態度咁差既人！

新開無耐，見到特定食物、特飲有7折，就入去試下啦！食物種類幾多選擇，雖然午市套餐無7折，但都係只需五六十蚊就有一個，份量算多，食得飽！特盛海鮮丼 $65有唔同魚同蝦既刺身，新鮮無腥味，鮮甜。個壽司飯粒粒分明，唔會痴到一舊👍🏻👍🏻每樣有啲，一次過食幾款，Yummy! 黑蒜油蝦球拉麵 $55好香黑蒜油味！湯底都好濃郁，蝦細舊左啲，但拉麵軟硬適中，爽！仲跟三件加洲卷。明太子手羽 $48剛炸起，脆卜卜，熱辣辣！咬開入面係明太子加雞肉，無骨。明太子微辣，好香，兩者夾埋好味！最緊要無骨，啖啖肉！岩鹽燒魚皮 $28好好好脆口！有少少岩鹽咸味，有啲薄薄一塊，有啲痴住少少三文魚肉，兩種都好好食！點埋個蛋黃醬更正！推薦！特飲 $29呢度既飲品超抵！平時飲開都要五十蚊以上，但呢度7折只需29蚊！大大杯，爽！總括黎講，呢度價錢平，食物質素唔錯，值得encore !

今日黎青衣搵個朋友食飯，佢介紹長發廣場呢間日式餐廳呢頭好少黎，搵路時都搵咗陣，要落到地庫先見到間野環境好好坐，黎到時仲係六點，好早無咩人，有卡位，乾淨整齊刺身拼盤(松)呢個刺身正野，有兩件赤蝦，三片吞拿魚、三文魚腩同劍魚腩搭半板海膽新鮮度黎講，十粒星都有八粒星海膽喺香港食好多都好腥臭，呢度都仲食到係鮮嘅，加埋紫菜配搭呢盤刺身都抵食!牛油果軟殼蟹卷食呢個對我黎講好食嘅指標係牛油果夠果同軟軟殼蟹要脆口同熱，搭埋唔會太鬆散嘅壽司飯就最好呢個做到前尾兩樣，蟹可以再新鮮脆熱啲雜錦牛肉鍋定食呢間餐廳晚市好抵食單機晚市套餐60樓下就出到門口仲要幾大煲下，搭個飯同湯，加野飲又唔會天價咁茶記價錢就有杯餐飲，推薦蕃茄鴨胸手打烏冬呢個烏冬好好食，最怕烏冬質感太淋無咬口同埋蕃茄湯超濃郁，蕃茄量同配料亦多，推薦推薦味淋魚干梅酒飲品叫咗杯梅酒係因為想食魚干，知道配酒一流，唔可以唔痴住咁食汁燒魚干有啲似食豬肉乾口感咁，但味道完全兩回事配有沙律醬，咸甜皆宜食咗咁多野埋單差唔多每人三百左右味道唔錯，可再光顧