一休(居食屋)日本料理 (長發廣場) (已結業)

午市抵到爛系列！今日放假行過，見到午市平均五十零蚊就有一份定食，仲要星期日，覺得超抵，就抱住一試無防既心態入去試啦！餐廳都幾大，卡位，又闊落，職員都好多，落單同上菜都快，幾好！壽司拼盤連烏冬或拉麵，$75有十二件壽司，望落都幾新鮮！魚生無腥味，鮮甜，飯細，魚生大件，材料好足！三文魚好厚切，好肥美！帶子爽口，清甜！湯底唔算好濃，烏冬彈牙，份量都唔少。食完呢個餐飽到不得了！只係75蚊！免加一！鯛魚腩蒲燒飯鯛魚腩超級超級嫩滑！！入口即融既感覺！配合埋甜甜地又好香既燒汁，好好食，送飯一流！好好食既鯛魚腩！煙肉芝士大菌個人好中意食菇！見到菜單有當然唔放過啦！菇好大只！焗到好香，面頭好多芝士，內裡係洋蔥、煙肉同蕃茄，一咬落去啲汁湧晒出黎！超好食！西京燒雪魚腩外邊煎到脆脆的，魚腩如鯛魚甘一樣嫩滑。因為用鹽燒，更香口！點埋蛋黃醬食都好夾！！黑牛菠蘿特飲，無酒精平時呢個係出面飲至平都要六七十蚊，呢度做7折，只需$24，真係好抵！！好香菠蘿味，夠晒氣，爽！總括而言，平靚正！好抵食！新張期間仲有折，免加一，一定會再黎！

🥢$50 難食過屋企煮的拉麵🥢劣食之中呢間都算係難食之中的難食，雞扒凍不突止，麵質是最普通港式拉麵口感，湯底純粹係罐頭豚骨湯，毫無誠意，重點隻蛋原隻上，完全是一隻白烚蛋，OMG🥢$50 仲難食過自己煮，呢個價錢仲有好多選擇，除非你個人無要求一休(居食屋)日本料理地址: 青衣擔桿山路6號長發廣場地下114號B舖

青衣呢邊我都好少黎，但朋友今日去開呢邊，所以就約左係度食飯😛這邊距離地鐵大約10分鐘，不算太遠係出面見到d鍋物幾抵，加上我之前係旺角都食過ok，所以進去一試🥰🥰👍🏻我地叫左個🥢雜錦牛肉鍋定食配了一碗白飯、味噌湯和一碟胡麻醬的青豆。先至$60，性價比okay！👍🏻鍋物裡面有冬菇、牛肉、好多菜、蔥、芋絲、豆腐、雞蛋，醬汁偏淡，但煮落都幾好！😋🥢三文魚刺身壽司拼盤，性價比幾高，炙燒三文魚腩壽命一流，好香魚既油味，不錯，剌身係肥既，好正🤩，份量幾多，好飽肚。卷物都有成6件，兩個人叫呢個加d小食都夠做！🤪🥢鹽燒多春魚烤得夠乾身ok！😊🥢芝士大蝦焗牛油果牛油果切粒上，有多粒大蝦拌了蛋黃醬，有點膩，不過好吃！😋👌🏻🥢蒜燒茄子(中華風)聞落好香蒜味，都烤得幾乾，無乜油~👌🏻👌🏻🥢原條海鰻壽司大滿足，啖啖肉！👌🏻👌🏻👌🏻

這家位於青衣長發邨嘅日式料理CP值極高，面嘅裝修頗具格調，大部份係卡位形式，位置坐得舒服，又夠闊落。呢度嘅menu實在好多選擇，琳瑯滿目，而最抵食嘅就係晚市定食！雜錦牛肉鍋定食， 用上熱鍋，慢慢加熱， 睇住肥牛慢慢變粉紅色， 雞蛋半生熟，入口嫩滑裏面仲有芋絲、蔬菜、金菇等等，超足料！而且個湯底好甜真係冇得輸！網燒牛扒定食，呢個set 有網燒牛扒一碟，碟邊仲有些沙律菜、沙律醬，同埋白飯及麵豉湯， 網燒牛扒一啲都唔韌， 而且好有肉汁！黑蒜油蝦拉麵， 湯底好香嘅蒜蓉味，再加上芝麻仲有紫菜、大蝦， 麵質很爽口，真係好有日本拉麵嘅味道！

今晚收工約咗個舊朋友喺青衣長發邨開餐，經過這間一休日式料理，畀佢門口嘅menu吸引咗睇咗一輪，因為我們都唔係十分肚餓，我哋決定去試下呢度嘅串燒。入到裏面睇睇餐牌真係花多眼亂，淨係串燒都有好多選擇，同埋價錢一啲都唔貴。串燒雞翼有三隻，燒得剛剛熟，味道剛剛好。燒雞腎唔算燒得太乾身，外層有些調味，很香口。燒帆立貝配上甜甜地嘅醬汁，帆立貝都好新鮮 連裙邊都好滋味。鹽燒牛舌夠曬厚身，入口好juicy，好香牛味。串燒和牛串，和牛真係，好柔軟，沒有太多渣。甜品都好抵食，北海道紅豆配綠茶小丸子雪糕，紅豆好大粒，綠茶小丸子凍冰冰加上紅豆確實係絕配！

原本以為青衣冇乜好嘢食，但經過長發既商場先知有一間相對較平嘅日本餐廳，質素仲唔錯添。比起普通嘅居酒屋，呢度選擇嘅款式比較多，亦都適合普遍香港人嘅口味。三文魚刺身壽司拼盤$168刺身拼盤嘅款式都唔少，有四件三文魚刺身、兩件三文魚壽司、兩件火焰厚切三文魚腩壽司、兩件辣味三文魚壽司、兩件花之戀同埋六件胡麻汁三文魚卷。每一款嘅大少都非常令人滿意，口感同味道亦都唔錯，火炙三文魚同埋三文魚刺身嘅厚度簡直係意料之外，係高性價比嘅選擇。火炙黑豚肉拉麵$65拉麵來講就不過不失啦，正常嘅發揮水平。但呢碗拉麵嘅焦點就落起炙燒黑豚肉上。浸起湯入邊都仲有乾身嘅口感，炙燒過嘅肉都十分之開胃。隻蛋仲要係流心蛋，值得一讚！炸雞軟骨粒$45呢個雞軟骨嘅份量同大細都唔錯，十分開胃

係附近接完男朋友放工，見到餐廳外面有幾個拉架介紹食物，好似好多款式，價錢又平民，幾吸引，所以我地就入左去。雖然我地得2個人，但店員好好咁帶我地去坐4人架位，話比我地坐得鬆動d。見到晚市定食一人套餐好抵，有好多吾同款既食物揀，但只係50-70內。因爲男朋友鐘意食牛，又見天氣凍，所以叫左雜錦牛肉鍋定食。鍋入面吾止有肥牛，重有好多款蔬菜，例如金菇、娃娃菜、小棠菜等，非常入味，好送飯，而且牛肉份量幾多。而我叫咗鰻魚炒飯，非常香口，重差吾多每啖都有鰻魚粒，幾惹味。之後想試魚生，所以點左半客三文魚肥腩刺身，幾新鮮，厚得黎有口感。大食既我地重叫左芝士吉列蠔卷，蠔炸得非常鬆脆，吾腥，配埋芝士，雖然好邪惡，但好食。間吾中放肆下，冇所謂既。最後，我地重叫左燒牛舌，醃得好入味。今餐真係食得好滿足。

想食價錢親民的日本料理？一休絕對幫到你，呢個一休名付其實係一個「酒肉和尚」，有酒牌又有肉食，真巴閉！所謂「酒肉穿腸過，佛祖在心中」，善哉善哉！講返入正題，呢度百零蚊有刺身壽司船，經濟實惠，真係唔食得都睇得！一共有十二件壽司，包括辣味三文魚軍艦壽司、火炙三文魚腩壽司、三文魚壽司、三文魚卷、櫻花卷，仲有三文魚刺身添，保證Omega 3 爆曬燈。呢度仲有烏冬套餐，可配三色刺身，非常新鮮，你睇三文魚腩幾咁肥美！當然唔少得要食埋沙律，呢度刺身沙律份量十足，幾十蚊黎計相當抵食，真係唔叫走寶！

今日係長發探親戚，探完就打算去商場醫肚。🍽多年無去過長發，個商場完全唔同曬，物事全非有啲感慨，不過同時亦多咗好多餐廳。最後睇過menu就決定食呢間一休～店內大部份都係卡位，再加日式裝修，感覺唔錯亦有私隱度。👍🏼⬆️Lunch menu⬆️佢weekend 都有lunch menu😯，價錢同食物都好吸引。見到個魚生set咁抵就叫咗份。⬆️正常menu⬆️見到佢正常menu有串燒😍，就簡咗幾款share 食。🍢石榴汁檸檬尼特飲($29) 咖啡(跟餐+$3)首先佢黎咗野飲～我見佢野飲page 有七折，就叫咗呢杯mocktail。呢杯mocktail 基本上係兩杯野飲既份量😂。佢上面係一枝lemonade 下面係一杯石榴汁，加埋一齊又幾好飲。🍹仲見到lemonade 樽身後面係made in Italy 🇮🇹 ，$29真係超值！杯咖啡就不過不失啦，正常跟餐咖啡。特盛刺身定食 ($75)佢有十種刺身，仲包飯同湯。😍 啲刺身食落口都好新鮮，雖然其中有一兩塊有啲筋，不過咁既價錢又係超值。帶子夠厚身，又鮮甜，咁多款刺身最like呢個。👍🏼串燒等咗一陣，應該係即叫即燒！🍢較特別既有牛肉秋葵($25)，而牛油

今天去青衣探表姊，行經商場有間一休（居食屋）日本料理，未到傍晚門口已經排曬隊，好奇之下，便入去試吓，餐廳地方十分寬敞，仲有好多卡位座，坐得十分舒適，看見餐牌上的多款的美食，價錢是十分抵食， 這個價錢可食到優質的美食，真係好有驚喜。芝士焗蠔，好香味的芝士，加上蔥花，令到成隻蠔十分惹味。黑蒜油蝦球拉麵$55/碗，拉麵好有煙韌性，加上黑蒜油及木耳絲等配料，另到湯底夠濃郁更豐富，認真抵食超值。燒鰻魚壽司，啖啖肉而又好有鰻魚味，再加埋燒汁配合軟腍壽司飯，令到整件鰻魚卷，食落口就即刻溶化，我的至愛。厚切燒牛舌$28蚊一串， 牛舌燒到外面香脆，入面就軟淋，十分有質感。鐵板帶子牛油燒$68，份量十足，以這個價錢，真係好抵食，啖啖肉的帶子加埋牛油的香味，十分配合。

中午時間想食日本野又怕太貴的話 呢間餐廳可能幾岩你中午同友人去食 餐牌上除左學生餐其實都仲有好多選擇呢個係係其中一個拉麵餐一次過食到拉麵加壽司都真係夠哂滿足湯底唔算濃但有海帶條夠爽口壽司都有成十二件 再大食既我都夠飽三文魚海膽刺身飯雖然無係日本食個D咁舖滿個面咁跨張 但都賣相唔錯 材料新鮮燒玉子值得一試 中間入面個層仲保留到綿綿既感覺真係食過返尋味燒茄子都好香又惹味 但多油左少少加返個炒菇就夠哂健康喇

旺角有一休，點知去完迪士尼見到有，就梗係試下啦。係張圖上面仲見到，新開，有刺部分的壽司同刺身都有7折優惠。果d都抵食！個場都好大，卡位都好闊落，坐得好舒服😚。我首先叫左個拉麵🍜share食黑蒜油蝦拉麵🦐🍜 (推薦指數:😋😋😋😋😋)我對拉麵都幾高要求，要d湯掛麵掛到佢令到d麵有味咁我先收貨，而呢碗都做到曬，而都只係$68蚊，其實CP值都真係幾高。蒜香味好重，隻溏心蛋一流呀。抵食，高質👍🏼👍🏼我叫左佢做7折優惠果個壽司拼盤🍣(推薦指數:😋😋😋😋😋)勝在多款，新鮮同抵食，三文魚，鰻魚，飯粒杯，甜蝦，螺肉等等。夠三個人食。香草燒雞翼🐔(推薦指數:😋😋😋)呢個就正常野，都okay既。汁燒完隻魷魚筒🦑🔥(推薦指數:😋😋😋😋)燒得好好，一d都唔乾，而且佢除左原有的燒汁之外都落左ginger，又估唔到係咁配合ga wo。北海道牛乳芝士蛋糕🍰(推薦指數:😋😋😋😋)

今日2018最後一日，準備倒數嘅我地決定係青衣醫飽肚先再岀去🤘🏻今次又係俾啲折扣吸引入去，大大個7折牌係門口😍我地3個人叫咗一個壽司🍣拼盤B，岩岩好每一樣都有3件每一件都好新鮮😋切身厚切，分別有三文魚🍣、鰻魚、酸味螺肉、蟹膏、帶子、甜蝦、劍魚腩、和風汁燒牛肉反卷😍有齊咁多款想食嘅野💞空運汁燒完隻魷魚筒，燒得岩岩好😍鎖曬啲燒汁係入面，juicy新鮮爽口🤩鹽燒鯖魚，隔離配上醬汁，有白蘿蔔絲可以加入去，檸檬汁可以去腥味，燒至金黃色最後加多個鰻魚炒飯，飯炒到一粒粒😋好好食加上鰻魚汁，十分惹味，$78大大碟🤤夠抵食，3個人都已經食到飽曬提一提，要夠平嘅話，9點之後仲有7折，真係夠曬經濟實惠🥰店內環境舒適，又夠多位

去開青衣玩，順便睇下青衣有咩好野食啦~想食日本野又見呢間一休有人推介，就行去try try啦~lunch時間有好抵食set lunch﹐見呢個特盛刺身定食好似好抵玩咁，就即管試下喇~黎到超有驚喜！原本冇睇清楚，以為得刺身，點知原來係有埋白飯同麵鼓湯！正呀喂！呢個刺身定食有好多種類的魚生食！除左三文魚，甜蝦，仲有油甘魚同吞拿魚等等。新鮮之餘，又夠甜美同肥厚，一d魚"聲"味都冇！好滿足呀！性價比好高，十分推介！

呢日去青衣玩，中午食飯時間諗唔到去邊度食好，又心思思想食日本野，上網見一休評價唔錯，所以就去幫襯下啦。前菜order左帆立貝串燒同厚切牛舌串。呢2樣一直都係我favourite﹐所以黎到呢間餐廳都一定要試一試！好好味呀！厚切牛舌果然名符其實地夠哂厚！質感有d脆口，加埋燒汁吊味，食落超級正！而帆立貝串燒都新鮮，大小適中，好食呀！主菜就order左個黑蒜油蝦球拉麵！呢個餐真係超級抵食！55蚊咋！！！仲要送2舊三文魚壽司！！！抵食到喊！三文魚壽司雖然係跟餐送既，但一點都冇揸流灘，係超新鮮肥美！拉麵都好正，湯底夠濃郁，拉麵夠彈牙！而且個蝦球都交足貨！呢個餐我勁推介！總括而言，一休性價比超高，會再幫襯！