一休(居食屋)日本料理 (長發廣場) (已結業)

這間日本料理門面簡約，但展示餐牌頗多，令顧客未進內已知該店所提供的各項出品。店內提供的卡位頗舒適且具格調，但數量不多。其他活動式枱櫈則舒適度不足。鰻魚炒飯用料及份量尚算充足，但炒功普通，熱度不足。炸軟骨餃香口有嚼頭，咬落頓覺其有别於慣常食用的餃子。蟹子三文魚炒飯賣相佳，食材及調味有水準，但熱度畧嫌不足。炸鷄分碟上，提升了拉麵的格調。炸鷄炸功佳，但拉麵彈牙度不足。炸蠔外面香脆，但裏面蠔身畧為鬆散，整體則尚算合格。炸蝦表面鬆脆，所用炸粉份量適中，蝦身亦屬彈牙，水準不差。牛肉炒烏冬水平一般，所用牛肉為一般肥牛，炒功普通，熱度不足。日式炸豆腐味淡，未必適合一般香港顧客口味，但賣相尚可。手卷飯量充足，天婦羅炸蝦香脆可口，盛載的木架亦見有心思及高雅。中華海草屬大路貨，未見特色但份量尚足。縱觀該店出品，大部份皆具水平，價錢亦算便宜，故生意頗佳。但不知是否無愁生意額，致令個别侍應待客態度欠佳，管理層需加强督促。

今天經過長發，見開左間一休，唸住試下啦～點知，從來未食過一間日本餐廳，叉燒麵湯底沒味道，叉燒又超硬，吉列豬扒麵湯底只有顏色沒味道，豬扒超硬咬唔開，炸豆腐炸到粉都分開，吉列蝦粉漿太厚。忽然價錢平，但係食物水準超唔掂。

難得有個Leisure Thursday🤪周圍遊走既小肥當然儲足動力醫肚肚啦🐷😚適逢有朋友介紹青衣呢間日本野大份又抵食🤪🍱還掂Lunch Hour黎醫下肚先去搵朋友啦😆位於青衣長發廣場既一休日本料理🇯🇵搭車黎長安巴士總站🚌或喺青衣站經青衣城二期行過黎亦夠哂方便🚇😆呢度簡約既環境設計☺️卡位座位設計有空間感坐得幾舒服☺️除左坐得舒服大廚亦煮出性價比高既料理定食👨🏻‍🍳😆一休炸雞球定食定食有包埋麵豉湯同餐飲😋呢個一休既招牌炸雞球以一流賣相上枱🤤🐔雞球沾上份量剛好既炸粉食落唔會太厚粉之餘😋炸得剛剛好唔會太過燶乾哂身☺️食落肉質都算滑嫩Juicy的😋🐔配合面頭既醬汁更係Perfect Match😆厚燒玉子玉子厚厚的新鮮整起上枱仲出緊煙🤣🍳玉子微甜而且甚有蛋香🥚🤤食落質感夠滑嫩唔會乾身😆😋原條鰻魚蒲燒燒香嫩滑肥美既鰻魚🤤配合濃郁鰻魚燒汁增添鮮味🤩

今日喺附近做完運動 行咗嚟長發商場搵餐廳食飯👍🏻 見到有呢間日本餐廳 價錢又合理就入咗嚟試試😼餐廳幾多卡位 坐得幾舒服 靜靜地傾吓計就啱晒 餐牌選擇都有好多 肯定可以揀到自己鍾意食嘅野😛三文魚刺身壽司拼盤 呢碟上檯嗰吓好震撼🤧 諗唔到佢有咁大隻船 我都嘩咗一聲呀 佢上面有三文魚刺身 三文魚刺身 火焰厚切三文魚腩壽司 辣味三文魚壽司 花之戀 火焰胡麻汁三文魚卷 我呢個三文魚迷見到都流晒口水🙊 有齊晒咁多款三文魚嘅壽司 佢嘅三文魚生全部都好厚切 火焰厚切三文魚腩壽司真係好厚👍🏻 魚既油香充滿成個口腔 好滿足 另外辣味三文魚壽司嘅味道同出面食嘅有啲唔同 佢入口係少少酸 之後先有辣味 好有層次 都幾好食🤓鰻魚炒飯 其實佢有好多款炒飯揀嘅 但女朋友特別鍾情鰻魚 所以就嗌咗鰻魚炒飯喇🐟 嗌嘅時候都唔知會配埋麵豉湯😮 碟飯嘅鰻魚粒都幾多 而且炒得好均匀 唔會有啲位好鹹有啲位好淡👍🏻 份量都幾足 啱晒做完運動 補充翻體力⚡️炸雞軟骨粒 冇諗到份量會有咁多😻 每粒都炸得好香脆 咬落去又唔會好油膩 配埋側邊嘅沙律醬好正🤤 炸物同呢款沙律醬真係好夾下次再叫條壽司船嚟打吓卡先😼

見佢門口有優惠又係新開就走入去試新嘢，睇個meue價錢合理，連晚市都有lunch time嘅定食叫都幾好，最緊要仲有一份7折嘅優惠meue我揀希望又平又好食啦。2個人叫咗份定食，一份三文魚壽司船，再叫多2款燒物...炸雞定食有前菜，湯，飯加8蚊仲有嘢飲都係60幾蚊，對於居酒屋晚市嚟講相當抵食，個炸雞嘅炸醬唔會太厚，食落口唔會太乾仲有少量沙律菜墊底，而個三文魚壽司船初初以為份量唔多，點知嚟到件件都唔細舊，7折後$168整體都唔錯，最少唔會有腥，係個軍艦嘅紫菜唔夠脆，三文腩都好肥美。另外我叫多一份燒芝士煙肉大啡菇，佢哋個醬汁有點似肉醬嘅感覺，但面加埋芝士夾埋一齊食口感勁豐富，相比個燒雞翼個芝士啡菇做得比較好。

陪親戚入嚟青衣掃貨 又唔想食大快活嗰啲連鎖快餐店 就諗住豪少少搵間日本嘢食下啦點知唔使豪不特止 仲要發現到一個午市咁抵食嘅地方 真係幾開心㗎 如果我係住青衣頭嘅話我諗我會成日嚟食lunch or tea 😂有圖為證 一碗魚生飯都係六十幾蚊 仲要送面試湯免收+1 我就叫咗個三文魚親子丼 $65有六塊三文魚 🍣 三文魚尚算新鮮雖然三文魚子唔係算太多 但係$65來講已經幾滿足 質素正常食日本野又點可以唔叫下佢啲壽司試吓海膽壽司份量都幾多 雖然唔係好甜 但係份量都唔少氣都算係咁右上角係火炙和牛壽司 唔會有和牛入口即溶嘅感覺 但係都幾淋身入口都唔使點樣咬 章紅魚壽司就係左上角 幾鮮甜 唔算好鯹到咗下邊嘅蔥吞拿魚軍艦 打碎左其實就唔係太感受到吞拿魚魚腩嗰種入口脂肪重嘅感覺但係份量足 都好食呢個就係大名鼎鼎嘅雙龍卷一邊係芒果加大蝦一邊係牛油果加大蝦兩邊俾人感覺都好新鮮 自己本身好鍾意食牛油果 🥑 終於試到牛油果加日本豉油似三文魚嘅感覺芒果加炸蝦都好Fresh 推薦大家嚟食要試吓食少少炸嘢更加滋味所以就叫咗個唐楊墨魚咀我鍾意佢嘅調味送清酒一流呢度嘅燒物都唔錯 但係大家注意返燒物係會另外收返加入因為唔

長發村都有高CP值日本料理啊今次同朋友一齊去開青衣興致起想食日本嘢見到呢間門面望落都唔錯就入去試下~.我地點左個三文魚刺身壽司拼盤佢係主打三文魚架 仲做緊7折添~折左就160蚊左右成架船咁上枱~有14件壽司同4片三文魚刺身有我最愛既花之戀同辣味三文魚添三文魚質量唔錯 火炙三文魚超juicy好厚肉 又好香 我朋友一個人食左7成lol.另外點左個鮮茄濃湯海鮮鍋好多海鮮 超足料魷魚 帆立貝 青口蕃茄湯底無得輸配飯無得頂 好好送飯.去開青衣既朋友絕對可以一試！

青衣不嬲都唔係好多咩嘢食選擇難得朋友話嚟青衣食飯 想食日本嘢就上網睇下有咩選擇先~.見呢間一休日本料理又有火鍋又有壽司就決定試一試佢服務唔錯 我同朋友3個人都坐得幾舒服我哋試左雜錦牛肉鍋定食 汁燒魷魚筒網燒牛扒定食 鰻魚炒飯 唐揚墨魚咀.估唔到佢啲鍋物又幾有驚喜 好多料 牛肉鍋好香 壽喜燒汁無得輸配白飯好正 尤其係底嗰啲菜吸曬肉汁同湯.網燒牛扒定食同樣配白飯 麵豉湯燒得仲有滿滿肉汁👍🏻最怕燒到好乾既牛扒份量適中 好食最緊要😍.鰻魚炒飯唔會炒到好濕 粒粒有油光同熱辣辣好食！鰻魚唔係話太多 啱啱好！面頭嘅葱可以走咗佢嘅~不過我就鍾意多葱😍.另外嗰2個小食都算做得唔錯墨魚咀脆脆的佐酒一流汁燒魷魚筒係成隻魷魚🦑燒汁好入味 份量頗多 suggest share食~~~.總括嚟講算唔錯而且唔貴食咁多先大約300多~~~係市區好難有呢個CP值~

今日去朋友屋企玩玩到咁上下 就去食晚餐天氣涼涼地 經常打邊爐 於是今日食下壽司中和下落到商場 見到呢間餐廳好多人排隊一定好好食 就攞位試下先入面全部係一格格卡位 好高私隱度2人卡位對全壽司吧 師傅們對話好風趣呢餐廳好多野食揀 刺身壽司卷物炸物天婦羅一品料理燒物鍋物拉麵丼飯 應有盡有令我開始有選擇困難症好彩朋友有主見 好快就揀好食咩而我就負責倒下茶水先先黎大阪燒 四件份量啱啱好 香口足料有蔬菜魷魚 燒汁亦好夠接著三色丼 用中華沙律掠起三文魚花又靚又足料 一碗飯有12塊刺身呢而且飯仲跟埋麵䜴湯 炸墨魚咀 香口夠脆夠大粒彈牙 唔會過咸牛油果軟殻蟹卷 啖啖軟殻蟹 而且蟹仲係脆口既好多蟹子 好滿足牛油果又夠新鮮 同軟殻蟹好夾最後壽司類 厚切火炙三文魚腩好新鮮肥美 鰻魚壽司 醬油好入味油甘魚 鮮甜燒得好靚好吸引最後叫返杯菠蘿梳打 酸酸甜甜 解返啲飽感飲完成個人清新晒估唔到屋村商場既日或餐廳質素咁高咁有驚喜要多啲約朋友去食先得高性價比值回票價

平日嘅下午，喺青衣搵食，經過呢一間居酒屋，見唔多人等位，決定入去試吓。一行兩人叫咗兩個午市定食，一個係咖喱吉列豬扒定食，令一個係豚肉炒野菜定食。每個定食會配一個湯，但要飲品的話要另外加錢。先講講個咖喱吉列豬扒，豬扒係香脆嘅，咖哩就應該係用咖喱粉開，豬扒好食過啲咖哩。而個豚肉炒野菜，炒得油左少少。同時間野菜仲未煮淋，再淋少少應該會好食好多。不過以呢個價錢，分別係$48同埋$50 ，仲唔使+1 ，真係已經算係咁啦

其實我真係好鍾意食壽司，基本上每星期都會食，見返工附近開咗新嘅日本餐廳幾就腳所以就黎試下。新餐廳有一樣嘢好嘅就係環境好整潔乾淨，員工服務都幾好，問佢食咩好，佢嘅答案又有幽默感。最重要嘅係因為我唔食得蝦，勁唔好意思咁要求佢地可唔可以轉走d甜蝦（其實我好鍾意食甜蝦😢），員工好好咁幫我轉咗，加分。試咗一個叫《竹》嘅魚生餐同埋壽司拼盤。魚生幾好味d魚片都幾脆口，鱆紅魚好肥美，色澤好通透，赤身都好新鮮可口，八爪魚很爽口，食落去十十聲。朋友覺得我食到好誇張笑咗。壽司拼盤又好多選擇，有鰻魚啦，花之戀啦，同埋好多種魚，不過d飯嘅質素可以改善下，如果唔係會再好味d。總括而已都幾好味，同埋係新餐廳，下次都會同其他朋友黎試下，順便試埋佢其他優惠！

今日接男朋友放工，見係青衣就揀左附近新開嘅【一休】，一黎鍾意食日本嘢，二黎⋯⋯我細細過好鍾意睇一休和尚😂餐廳好大好寬敞，d位都好足夠大嘅空間，唔會俾人覺得好逼嘅感覺。因為份menu實在太多嘢揀啦！睇圖已經覺得好吸引，琳琅满目。於是我地就直接問員工有咩介紹，好搞笑一開始我唔係好夠膽問因為個經理？員工？好有霸氣⋯⋯不過原來佢好nice架，仲要俾埋優惠餐牌俾我地睇，如果住呢頭附近真係幾好因為我見佢除左有全日優惠果d仲有宵夜優惠（心諗宵夜都食日本嘢好邪惡哈哈）跟住我就好港女咁嗌咗個香蕉棉花糖，棉花糖表面烤過，好脆又甜絲絲的，係我呢個港女嘅至愛⋯⋯跟住我地仲嗌咗天婦羅啦，西京燒等等⋯⋯天婦羅好好味！因為係即叫即整，粉漿又薄，外脆內軟，天婦羅香菇仲好juicy，覺得好幸福⋯⋯跟著西京燒都係即整ge所以就俾魚生果d要等一陣（其實都係遲10分鐘，我覺得ok），香口之餘魚肉嫩嫩的，對於我呢d鍾意食魚嘅人而言的確係不錯嘅選擇！另外一提係由於間開一間間，加上我地走果時都開始多人黎食，所以叫員工落單嘅時候都要俾d耐心同埋手舉高d，如果唔係員工可能睇唔到～～～

今日係我媽咪從加拿大返嚟香港，趁有時間搭機場快線，去咗青衣城食晚飯，步行約15分鐘有個長發廣場一邊搵到一間食日本嘢名叫一休日本料理。火炙吞拿魚沙律：吞拿魚外面用火槍燒過，入邊仍然有魚生效果，配上一堆生菜，配上日本芝麻醬 ，E個沙律都係一個好嘅選擇。日本室律生蠔：今日食好啲叫咗半打，每隻都非常肥味厚身，好重海水味，蠔嘅鮮甜味令到你個口腔徘徊咗好耐。最後叫咗個網燒牛扒定食：用燒嘅形式，系最襯的， 因為全部油份都可以一一帶走，肉質爽滑，生熟程度非常之好，牛肉味就相對比較濃。一休E間餐廳我下次一定會再嚟，因為其實無論地方坐得舒適，食物嘅質素非常之高，亦都好多種類，下一次可以同一家人食唔同嘅嘢，價錢亦都相當合理。

今日去試下依間新開既餐廳，佢下午茶餐都算幾抵食，免收加一有碗拉麵🍜又可以俾多幾元加碟壽司，所以入左去試一試！下午茶個價錢都算係抵食，同kfx嗰多嘴小食盒餐差不多.吉烈豬扒拉麵，永遠冇得輸，吉豬同平時普通一間餐廳整出黎既效果都係一樣，拉麵用豬骨湯底，個麵都算係實心，拉麵質地就同普通依兩件三文魚壽司，壽司飯係唔應該暖的，三文魚超級薄，不過加幾元算係咁！豚肉拉麵就好普通，得兩塊豚肉一set tea time都算豐富了！平既價錢食到壽司都算ok！

平時好少去青衣開飯，因為覺得果邊冇乜好食，聽講近年開左間新嘅日本餐廳，質素唔錯，今日lunch經過就去試下啦～不過記得間野係長發廣場，openrice個地圖係錯嫁！環境唔錯，有雙人卡位～黎個軟殼蟹手卷先，上臺一刻紫菜仲係脆脆地既，個軟殼蟹亦有去腮，味道良好～滑蛋豬扒飯，塊豬唔算大，但炸既火候岩岩好，加上蛋後都冇淋到，份量超大，d飯食唔曬～各種壽司，特別要讚下個鵝肝壽司，煎得表面好香脆，一啖食落去入口即溶，一啲渣都冇啲，油脂融入每日一粒飯之中。另外蟹膏壽司都唔錯，非常足料，蟹味都好濃郁～海膽軍艦，都幾creamy同鮮甜～睇下隻北海道帶子幾大，對半切都仲好厚～梅酒梳打fair la，冇乜梅味，應該梳打水落多左