一休(居食屋)日本料理 (長發廣場) (已結業)

一向對青衣嘅印象都係機場附近應該冇乜野好食所以平時都唔會點係青衣今次去搵朋友經過青衣試咗呢間日本居酒屋感覺幾有驚喜平時食開嘅日本野都係貴價細份但係一休居酒屋既價錢親民食物款式都算多我同朋友亦經過就比佢平價既下午茶丼飯套餐吸引左我一坐低我就叫咗個78既海膽三文魚飯食呢個價錢黎講海膽份量算係足三文魚亦都有驚喜最驚喜嘅係原來午市只係需要$65 買單嗰下真係開心到呢八爪魚咀烤得幾好個調味適中 送酒一流 但係如果唔要嘢飲嘅話可能會覺得鹹咗少少當然同高級壽司店梗係冇得比但係一定好過爭鮮元氣嗰啲質素起碼對得住個價錢跟住我哋叫咗個海老卷 （名字不正確） $108價錢來講算係貴左少少但幾好味啲蝦炸完出嚟仲係脆下次去應該都會encore呢個跟住我仲忍唔住手叫咗個劍魚腩刺身食落口幾鮮甜仲有啲冰坐住唔怕佢好快暖變壞！幾塊魚生仔都會用冰雪住睇得出馬虎嘅心態最後梗係唔少得甜品 我平平哋$18叫咗個北海道cheesecake 呢個價錢出邊啲咖啡店都食唔到食落口夠濃味！整體來講我覺得呢間居酒屋質素絕對對得住個價錢 呢個價錢平平哋食一個套餐飽肚又得豪少少食下刺身壽司魚生飯又得 啱晒放眼又或者一班人過嚟傾吓計食下飯！ 不

< 夾雜喺公屋同豪宅區之間點樣選擇 >長發廣場呢個位置係喺大量的公屋及少量嘅豪宅之間， 就近民居，位置方便。 估計新店開張，優惠特別多。出左個定食餐，一人一鍋送定食同白飯。好彩早到，個場都幾 full 。< 聽日中午會再黎食 >28蚊一個下午茶， 仲要係日式餐廳，可以喺邊度搵得到< menu >呢度有好多種唔同嘅嘢食，主要大部分嚟講都係大件夾抵食，隔離枱大部分嘅人都係食鍋物比較多， 我哋兩個一於就叫咗三個鍋物分別係牛肉鍋泡菜餃子囉同埋雜菜鍋，結果飽到頂心口，但係最嬲尾都食曬，簡直就係一個創舉<雜錦牛肉鍋定食> 58hkd鍋底嘅菜都係一樣，分別係在於佢上面嗰隻蛋，同埋啲牛，湯底係日式濃湯十種材料 < 餃子泡菜定食 > 58hkd有 香菇 洋蔥紅蘿蔔 泡菜 小棠菜芋絲金針菇餃子 豆腐白菜鍾意食酸辣嘅朋友一定好鍾意，因為呢個湯底好鮮甜， 好辣。< 三個大鍋 > 泡菜湯底/魚湯湯底 /豬骨湯底（由下而上）雜菜鍋 48 hkd梅酒 32hkd（雜錦刺身 ）< 招牌一休沙律 > 58hk

入黎青衣搵朋友，見到呢間日本野唔算貴，就一齊入去試下。餐廳採用半開放式廚房，設計好有東洋風。仲有特惠晚市定食一人套餐，價錢經濟👍🏻我地總共點左六樣野食，首先上菜嘅係炸芝士年糕，賣相一般，但食落口感佳，唔會好油，仲帶有陣陣香濃嘅芝士味👍🏻餐廳上菜速度快，接著黎嘅黑松露薯條雖然外表平凡，但一食落去卻令人驚喜，厚切嘅薯條炸得香脆，而黑松露汁更係非常惹味，令人點完又點。至於人氣推介嘅香草燒雞翼亦無令人失望，雞翼燒得啱啱好，配合適富嘅調味，食完都忍唔住講句燒雞翼我鐘意食。芝士古列蠔卷亦係非常好食，手卷包得夠實，蠔同飯比例剛好，再加上烤過嘅芝士，令人喜出望外。最後黎嘅主食岩石燒牛肉粒鍋飯，以及特盛海鮮丼則相對普通，個人建議大家如果黎，可以多叫小食！

一休除旺角外，現開設新分店，位於青衣市中心的長發商場，屋邨商場當然價錢亦相當重要。小妹初途經歺廳，被門口餐牌的食物及價錢吸引，因價錢平民，比外面日式餐廳較便宜，食物選擇種類多，有串燒，壽司，卷物，火鍋，熟食飯類等。因為小妹不是太餓，所以2人點了雞翼串，牛油果軟殼蟹手卷，黑松露帶子炒飯，幾件壽司及一杯特飲，人均不用150元。黑松露帶子炒飯～小妹最愛，黑松露夠香，帶子份量多，機乎每一匙都有一隻，抵食食物選擇及種類多，味道好，性價比算高。可以再幫襯啊！

自從長發廣場裝修之後，商店食肆都一併升級。一休居酒屋今次由旺角殺入青衣屋邨，今晚一於與朋友試下水準如何。晚餐做緊定食套餐，我揀咗一休炸雞球定食 $56。烤雞球份量超多，炸得十分香脆可口。定食包埋味噌湯，餐前小食，以$58套餐價黎講性價比十分高。本人唔太鍾意食白飯，決定加 $12 轉拉麵。拉麵味道都算合格，湯底夠濃郁。拉麵配可樂係定律，而跟餐額外再要多一罐汽水，都只係加 $8。價錢公道。朋友點了一客大阪燒 $46。大阪燒保持一貫日本街頭特色小吃嘅味道，醬汁夠滋味。餐廳有好多刺身、魚生飯、壽司供選擇，但係朋友唔食生冷野，所以我地單點咗啲串燒同小食。金菇牛肉卷三件 $48芝士吉列蠔卷 $42帆立貝串燒 $28厚切牛舌串 $28小食都做得十分出色，而且價錢實惠。青衣居民又多一個日本菜的好選擇了。

至從青衣城二期開咗後，青衣都算脫離咗美食沙漠嘅稱號。 但係今晚唔係喺青衣城食飯，而係去咗長發商場一間叫一休嘅日本料理 。唔好以為屋邨商場就出唔到廳堂，自從長發商場翻新之後， 感覺乾淨整潔新穎好多。今晚頭盤係黑松露三文魚沙律 $38 。滿滿嘅三文魚粒鋪喺面上，混合佐黑松露醬 。黑松露gas味同三文魚嘅鮮味互相輝映，配上新鮮爽脆嘅沙律菜，感覺好清新，作為前菜最適合不過。 下一道菜當然係食 三文魚刺身 $45有五片厚切刺身，真係蔗渣既價錢燒鵝髀嘅享受。之後仲有個牛油果焗大蝦 。 $28牛油果嘅size唔細( 自己喺超級市場買一個牛油果都要十幾廿蚊)，面頭鋪上大蝦粒同沙律醬，兩者嘅口感幾夾，沙律醬嘅酸酸味幾開胃，中和翻牛油果比較重身嘅口感質感，唔會令人覺得好溜。再嚟主菜就係豚肉拉麵 $65有三片大大的厚厚的豚肉，肉質軟林林，正。麵底好多，我同朋友share一人一碗之後都仲有好多麵淨低。溫泉蛋有一隻，切開蛋黃半流心狀態好好食。 然之後到角切三文魚丼 $58魚生切到大大粒，碗飯成座山咁大。我同朋友兩個大胃王都食唔曬。 價錢當自不過係58蚊，只可以用一句抵到爛嚟形容，出面食一碗閒閒哋要成舊水。最後甜

放工去青衣探訪朋友的新居入伙，之後朋友提議去長發商場的一間新開日本料理食晚飯。先說一下餐牌，有好多不同類型的食物，刺身，壽司，拉麵，料理，串燒，好豐富。朋友請食飯，我地都點左好多野食，先叫了一個鍋物，和牛紙火鍋，和牛分開上，紋理都好吸引，食落軟棉棉，牛肉味重，還有壽喜鍋湯底，正正子。再叫了少少壽司，壽司定價不貴，每份已是兩件的價錢，海膽壽司都是40元一份（即係兩件）。另外芝士煙肉燒菌都不能錯過，大磨菇本身多汁，上面還有著濃厚的肉醬加芝士，好juicy。我們還叫了一些串燒，有牛舌，茄子等，最後要讚一讚個燒白鱔，圖片的份量係兩串，一串價錢為45元，而家白鱔真係買少見少，但白鱔好肥美，去左骨，加左黑椒七味粉，好滿足。朋友笑說，這間餐廳會成為他日後的飯堂。

周末去青衣，男朋友提議去長發商場的新開居酒屋試一試。先點前菜，一客青芥辣八爪魚，青瓜絲配八爪魚，芥辣醒神開胃。經店員推介，我地點了一些串燒：燒茄子，蒜香溶入了茄肉內，茄肉一絲絲拉出，茄子的汁留著，好味。鯖魚鹽燒，鯖魚外皮燒得香脆，將羅白蓉放在餐廳提供的醬汁內，醬汁酸酸甜甜，提升魚的鮮味。芝士煙肉大菌，磨菇好大個，上面鋪滿了芝士，蕃茄肉醬同少量沙律醬，食起上來好juicy。男朋友知我喜歡食魚，點了燒白鱔，白鱔肥美，每一口都感到少量油份從白鱔肉滲出，燒得剛剛好，還加了點黑椒及七味粉，惹味非常。再來是大板燒，熱騰騰，上面的木魚絲在舞動，相當吸引，很有日本風味。最後還點了和牛紙火鍋，和牛分開上，自己煮，這樣就不會過熟，和牛入口好香，軟綿綿。湯底是壽喜鍋湯底，甜甜地，配合蔬菜食，如果有烏冬或粉絲就更好。這間餐廳是新開的，眼見都有好多街坊光顧，下次同男朋友可以再來。

下午茶時段大部分麵都係$32而烏冬需要另外加錢叉燒拉麵味就一般但麵量不少以咁既價錢食一碗拉麵實屬經濟之選$6 2舊壽司價錢尚算合理夾起都唔會鬆散8爪魚每件壽司只有一隻吉烈豬扒肉質唔算太硬 不錯朋友加錢要左烏冬不過口感一般加料選擇很多下午茶黎講都算係好地方

好少走到尼青衣呢邊，今日放工後，朋友推介尼呢間係長發廣場既一休日本料理，係青衣城行過去十分鐘左右。 呢間野開左冇奈，飲品同甜品都做緊8折優惠，估唔到呢到有冰室既黑牛飲，價錢都唔貴，仲有叫左個北海道芝士蛋糕———————《黑牛》杯黑牛好大杯，雪糕都大大份，爽啊—————-《北海道芝士蛋糕》個蛋糕真係好好味，芝士蛋糕控既我食過數以萬計既芝士蛋糕，呢個好滑，牛乳味道好濃。十分推介！！！——————《蕃茄湯鴨胸濃湯烏冬》個蕃茄湯超濃郁，啖啖蕃茄味道有點兒似金寶羅宋湯。 個烏冬係滑嘟嘟既讚歧烏冬，好彈牙————————《芝士炸蠔卷》個蠔炸起脆卜卜，飯同炸物既份量岩岩好，加上芝士味，成個卷物既口感同味道都好豐富———————-《特盛丼》丼配個麵鼓湯。 嫌飯有點兒太多，料雖然多款，有吞拿，三文魚，鯛魚，蟹柳，玉子，生蝦，熟蝦，魷魚等，但份量卻可以多少少。刺身好新鮮，蝦頭都可以啜，好味！————————《一休炸雞球》呢個都係我既飛佛，同我個朋友搶食啊！上面既醬係大板燒，小丸子既燒汁同蛋白醬。雞塊脆卜卜，裡面好嫩，火候剛剛好，嫌肥膩可以食底下既生菜中和下。——————————最後要讚讚餐廳員工既服務，人

今日係表姐生日，我專登約喺青衣區附近同佢慶祝，俾我上網發現這間一休日式料理居酒屋 是新開張不久， 於是同佢試下！我哋都好耐未試過出嚟飲下梅酒，食下日式料理， 難得青衣區都開了一間水準不錯嘅日式料理！ 今晚盡情放肆一下！鐵板帶子， 加上牛油， 十分香口， 大大隻帶子好爽口！香燒雞翼， 面頭糖漿略甜， 外皮亦都燒得很脆， 送酒一流！日本梅酒加上冰粒，好爽， 每日式食品簡直係一絕！炸吉列廣島蠔， 粉漿不算太多， 亦很乾身， 裏面嘅蠔好夠味！黑蒜蝦球拉麵， 麵質好柔軟， 蝦球新鮮爽口！燒鰻魚飯， 鰻魚好入味， 有些少特別嘅醬汁，味道唔錯！

今晚約咗朋友去青衣長發邨交收淘寶貨，發覺這個商場都改變不少，除咗有多間新食店之外，商場間隔也較之前大有改善!今晚喺商場地下，畀我哋發現咗一間唔錯嘅日式料理，我哋係畀佢門口嘅menu吸引咗，睇左輪真係好多選擇，可能由於屋邨商場關係，價錢十分抵食!我們點了一板海膽(細的$78)，估唔到色澤都好靚，入口亦新鮮!牛柳粒石頭鍋飯， 石鍋熱辣辣上絕不欺場， 牛柳份量好多都仲有洋蔥， 窩蛋， 入口美味。炸墨魚咀， 雖然墨魚嘴略為細粒， 但入口煙韌粉漿鬆脆， 炸得亦很乾身!我們點了一杯鳳梨特飲，好大杯而且很香菠蘿， 果汁味。裏面地方都算寬敞， 最緊要係價錢好大眾化， 絕對抵食!

叫日本餐廳但冇綠茶飲 得滾水送嗰碟手捲啲蟹子散到一碟都係 超級求其 ，杯凍齋啡種離譜好似五花茶走甜咁樣 完全冇咖啡味， 黑蒜拉麵 我懷疑係 出前一丁黑蒜油麵， 蝦球拉麵其實係蝦仁拉麵 與相片不符 讚岐烏冬林謝謝

終於等到啦。等到青衣有日本野食啦唔係講緊連鎖個啲喎 長發開左一休日本料理啦坐底店員就熱情介紹野食 地方大坐得舒服感冒底 無得食魚生飯 唯有叫赤貝刺身頂下癮好爽好甜 好想再食啊⋯鰻魚卷 唔會好多飯 中間夾左牛油果同黃蘿白紫菜脆脆的 口感一流牛肉豆腐鍋 用上甜醬油湯底 好香都幾多牛肉喎 重有勁滑嘅日本豆腐加埋稻庭烏冬 連埋啲湯一齊食 好正蒜片牛柳 上枱重吱吱聲 蒜味濃 唔錯最尾加左紫芋甘粟餅 即叫即炸 好熱好脆中間包住紫芋 紫芋重夾住粟子 好好味

一休住在青衣多年，其實很少到青衣城吃飯，因為人實在太多了，都要打開的時候特別人來人往，好像沒有詮釋的空間。走到長發商場，發現了一間新開的餐廳，正是長發商場的最底，以前華潤超級市場的舊址。裝修和一般日式餐廳差不多，都以木為主題，很喜歡餐廳有大量的卡位，還巧妙地設計了一些像屏風般的設計，把四人卡位巧妙地分開了，增加了私人度，就算座位的距離十分接近，也不會令人感到尷尬。今天和家人前來，最吸引的最吸引我們的鬥志，就是在星期六日，也能品嚐到免+1的午餐，實在是喜出望外，加上午餐的供應時間，由早上11點至下午5:30 ，感覺非常抵食。特盛刺身定食$75三文魚、吞拿魚、劍魚腩、油金魚、張紅魚、八爪魚、鮮𩶘魚（各x2) 帶子、甘蝦、蟹棒配壽司飯，味噌湯這個刺身差不多有17-18件，以這個價錢，實在絕對沒有投訴的空間，用料當然不可以媲美米之蓮的質素，不過也新鮮，性價比非常高，刺身定食配有壽司飯和湯，就算是一位男士，也會感到十分飽肚。三文魚海膽飯$65這碗飯也沒有令人失望，因為沙門魚已經麥兜了整個飯碗，完全看不到粉粒，金黃色的海膽非常耀眼，一點也不聲，非常新鮮。而且飯量非常多，目測有一碗半至兩碗飯之多呢，