一品雞煲火鍋

營業中

休息中

食一品雞煲不是第一次，因為好食，亦介紹了不少朋友食，亦不介意千辛萬苦的輪侯等位，是否因為做得好就在品質上鬆懈呢？今晚如常叫外賣回家招呼朋友，倒落鍋後，先發現色水很淡色，唔吸引，雞肉不入味，雞汁不夠濃，很浠，再加埋其他配料就越食越冇味，非常失望！本人將以往相片和今次拍下的比較一下，分別很大啊！

自5月幫襯過之後..其實都仲有再食過1次不過果次食得好唔高興~本身已經右限左限..要齊人先可以入又話有限食時間~同埋老闆阿伯好無禮貌..好似唔休做加上果次我地食完雞煲+火鍋~都仲未飲晒d啤酒已經快手快腳黎收拾定檯..放新既餐具~等下一檯客未叫埋單..就催我地埋單先~所以打後..嬲嬲地想食雞煲~都幫襯同區其他雞煲店好過囉!~~~~~~不過論味道一品算係最正..佢獨有一份好fresh又酸又辣既味好令人一食就會上癮~雞煲醬汁底好有回味感覺而且夠濃所以依日係另一半再開聲話幫襯~咪比多次機會佢囉~~~~~~依日去到無講限時~同埋其實佢地租好多間舖位架果d舖位又無特別裝修~牆身掃下油+裝冷氣..又坐得多客~都唔駛什麼限時啦雖然做生意個個都想賺多d~但食物幾正都無用..都要令客人滿意先有回頭囉"細雞煲(中辣)"..醬汁底濃郁芳香~但今次"中辣"無咁夠辣度食到咁上下..轉火鍋~點個"白蘿蔔"..有鮮甜蘿蔔味 "脆脘腩"..新鮮肉質脆口"手打墨魚滑"..彈牙有咬口"白菜仔"啤酒(x4)辣雞煲水準依舊~之前服務差左ma..依日去都有改善同埋無限時火鍋料比第一次去食既時候~用料都靚左

與友人行完商場後,打算先到一品拿票等,配完眼鏡再吃雞煲,玩場所見已有10人左右在等,才6:30!!!奇怪是還有吉枱,就問一下要等幾張(門面所見都是大枱),收銀表示齊人可以立即入座!竟然可以不用等?????問了問友人,既然不用等就吃過early dinner好了!最有趣的是,原來還有一個後店有不少枱可供食客進餐!是晚只我兩人,胃納容不下太多,就來半隻雞煲(微辣),另點了金菇,脆腐皮以及手打雙拚丸(墨魚及蝦丸2種)!在雞煲到前, 脆腐皮最先到位,一碟有8大卷,不過好像炸得不夠焦脆!5分鐘後雞煲就上桌了!用黑色的砂鍋上桌,開火煮過幾分鐘熱了,阿姐就幫我們拌勻那個雞煲可以開始吃了!友人見我在照相為我挾了一件雞!吃下去雞肉很嫩滑,也充分滲了微辣的雞汁!友人也大讚這個雞煲! 雞煲的汁用上了花椒八角紅洋蔥芫荽和辣椒仔等材料泡制,雖然微辣吃得不夠過癮,但卻可以吃到汁的味道!隨後再來一碟共3紮的金菇,最後上桌的是一碟共12粒(每款6粒)的手打丸!基本上金菇是用來索汁吃的,沒有什麼好評了, 手打丸的較喜歡墨魚丸,雖然比較硬但還是不錯的!2種丸也很有彈性….至於脆腐皮真的不能浸過耐,不然就會變成鮮竹卷的腐皮

又到了市場考察的時候，今次的主題，是近期大熱的雞煲。說起雞煲，最近真是紅到痴左線，不理好醜，間間都大排長龍，有的更要等成粒幾兩粒鐘才吃到，就連茶餐廳都話有雞煲食，真係攞命。正宗四川人做的雞煲，我嚐過不少，但這類人氣店的出品，又真係沒有吃過幾次，趁這次出來假公濟私，見識一下外面的水準。來到呢類小店子，當然不會祈求環境會有多麼的豪華亮麗，反而愈街坊就愈有風味，這裡就是了。但加了盞特大的水晶吊燈，我還是首次見識到如此的配搭，是平凡之中加點高尚嗎? 甫坐低，二話不說的來一個雞煲，四個人就是半隻雞便好，辣度則選了中辣。此等雞煲專門店，為了翻檯夠快，自然是一煲煲的準備好，客人一來就送上桌。我的那煲，出來確是有點香氣，卻又不太似四川的味道，但現在的風氣都無所謂了，反正香港人能接受到就是好。至於雞件，算是嫩滑，麻味辣味都足，而且愈滾愈辣，是指天椒、子彈頭和花椒油的效果。我會說，不是差，但未稱得上美味。相信大家都知道，把雞件吃得咁上下，便可以加湯打邊爐的。服務生早早就奉上了一瓶東西，顏色似意米水，但不是贈送什麼飲品，只是大家所加湯的「湯」，實質是「雞汁」來的。火鍋配料，沒揀太多，手切肥牛是其一。要了份細

依晚另一半話想食火鍋~其實我一般想..因為依日都幾熱依d天氣..湯底火鍋我就更加無食慾~不過見佢好想食諗起早前有間"一品雞煲火鍋"~又係叫佢去試幾次架啦不過無表示~依晚再推介佢去~佢話好喎..咁就去得成呢^^依間食店真係好誇張~晚市經過實見一大堆人係舖面但其實佢既座位都好多~分佈係好多唔同分租既位置依晚我地坐上閣樓~環境都好舒服..冷氣都超夠我地先點個招牌"秘製一品雞煲(半隻+小辣)"食完雞煲..加湯再轉食火鍋我地叫半隻雞既份量..都超夠食~而醬汁底超好味酸酸辣辣好惹味醒胃~小辣其實唔算辣..不過之後唔小心食左一條辣椒乾~d辣度直湧出黎..完全麻痺晒成條脷繼而心跳得好快+少少暈~眼水不停流(同有次食釀青椒..差d辣死既感覺一樣)不過小辣已經好ok~唔駛食到太辣變左得辣度而影響整個味道~依個雞煲值得推介..好正之後叫阿姐加湯..轉食火鍋~加湯唔駛錢..如果加"秘製雞汁($10)"我地點左個"日本蠔"蠔肉有鮮味"花膠仔"依個質素ma ma地再叫左2個菜..小白菜,皇帝菜仲有4支大啤整體食店環境好ok~有內舖,露天,閣樓不同分佈區服務都好好~整體食物以雞煲為主打推介~火鍋料就普普通通

人氣雞煲店,等足45分鐘先有位!4人卡位~坐位闊落,4人剛好~但近門口位,不時有人出入,不時有熱風吹入~讚:雞煲雞件大,味濃,配菜洋蔥又大新鮮,連頂頭既莞茜都很翠綠!單點蔬菜同花枝片也新鮮,好味!脆炸腐皮卷配雞煲一流~有待改善:單點配料價錢偏貴,雲吞併魚皮餃共8粒,竟索價$38?! 而且細粒又一般貨色,粉絲係食雞煲既絕配,可以吸收有精華,但可以小心處理嗎?不要連那束紛絲的小麻繩也一併送上!其他食材又偏貴....當我們食到尾聲時,出現小插曲,天花糟頂竟出現一隻為食的街貓,在冷氣糟上僈步遊走,嚇得坐在當下的食客紛紛避開,怕牠掉下來,店員也安排這幾枱食客到另外位置進食.這隻為食貓可能被那個店內的大魚缸吸引來的~哈!

生平食過好多好野，北上南下。雞煲都食唔少，不過這間的水平高過其他好多。雞係冰鮮的，但可以做到好似活雞咁滑。我哋叫咗細煲。手切牛正，好厚，有啲似千福。特別係個洋蔥，要等15分鐘后食，唔好一開始就加湯（白色水）無味，我try 過，每十分鐘加一次湯（100ml)咁就唔會太打邊爐will be back

今日行過荃灣搵野食,經過見到新開左一間火鍋雞煲,天氣咁熱,本應都只係望下,無諗住入去,點知係門口個店員講到有幾好食,都唔係抱太大期望最後都係入左去試.入到去安排左卡位俾我地,由店員介紹,佢叫我地先Order 個雞煲先,之後食完加水做火鍋.我地最後叫左個小辣雞煲.到左之後個煲好香,煲加左大洋蔥,開頭第一件時都唔係覺得辣,但之後愈來愈辣,但係愈辣就愈想食.因為D雞好惹味.食左D雞後,我地叫左火鍋配料,牛肉一定會叫啦,我地叫左一碟手切肥牛.D牛肉好好食,係荃灣其他D食店食唔到呢D牛肉,加理用雞煲食別有一番口味.我地仲叫左蝦滑同手打丸,兩個都好彈牙.最後叫左個日本烏冬!!呢個烏冬真係好好食,我未試過係火鍋店食到呢D質數既烏冬.最後同個老闆傾左幾句,佢話呢度仲有多多好野我未試,但今日我之前食左小小野,戰斗力唔係既好.我下次一定會再試其他野

其實今次已經係第二次成功食到,仲記得第一次食已經忽佢既麻而不辣不油既雞煲深深吸引住,但係因為第一次唔使自己等位,所以完全唔知要等咁耐位.有一晚想去食第二次,大約21:00結果唔洗講,要等成22張枱,小妹實在無咁既能耐等,所以決定下次早啲嚟排,(佢地10個人以上先可以預約).終於等到位,好彩今日係星期二唔係好多人,不過都要等80分鐘,等咁耐一定要盡情食 首先一定要叫小辣雞煲 跟住啲姐姐會比壺湯,等你慢慢放湯變做打邊爐,正.小妹推介:脆鯇腩,手打墨魚滑,響鈐,牛坑腩,鱔,等等.樣樣都好好味,好新鮮.不過一定要多人食先得,因為都幾大碟,抵食

d野食ok.我地點左個中辣雞煲,d雞都好入味.不過就愈食愈辣,雞應該係冰鮮雞.3個人半隻已足夠.如果要等,最好齊人先去.因為唔齊人,唔比入.d火鍋餸菜都幾貴.建議點鮮牛肉片同埋西洋菜.如果覺得辣就唔好飲啤酒,因為會更加辣.不過d服務員就會催你快d食.真係有d影響食慾服務態度真係敗筆..

一直想試此店招牌雞鍋知道此店會好多人等位, 於是放工即刻搭車去雞肉味淡但醬汁香濃叫微辣都幾辣, 會愈食愈麻辣打邊爐必叫四寶丸, 日本烏冬- 四寶丸 好彈牙爽口- 烏冬好彈牙!另外試左花甲, total 6 隻好大隻,其中兩三隻有幾粒沙可接受2 個人去食,Total 叫左6 樣打邊爐配料,埋單加一後37x , 好飽~!

It was a Thursday evening when I first tried this hot pot place. I waited for an hour for a table. I had quite a lot of expectation as there were always loads of people waiting in front of it everytime I walked pass this restaurant in the evening.To be frank, the chicken pot was quite delicious but having to wait for a table for an hour just totally puts me off. Besides, the 2 of us ended up spending $5XX for that meal. I would say that was quite expensive for a "dai pai dong" setting (we we

朋友係荃灣嘅地頭蟲, 佢話呢間打邊爐好味, 不過要等, 點知一等等左45分鐘, 一生人第一次為左食等咁耐....仲要個朋友之前試過等個幾鐘, 真係服左佢....食一品雞煲嘅程序係會有專人幫你攪煲雞, 滾到咁上下d雞熟就可以食得, 雞嫩滑, 就算雞胸肉都唔鞋口, 汁惹味...仲有好多洋蔥同蒜, 一個字"掂"食完d 雞就會加湯打邊爐, 我地叫左中辣...辣就唔算好辣, 食到尾先有d刺激咋...我地叫左響鈴 -- 呢個真係唔得, 未滾之前本身已經一d 都唔脆, 加左落湯度更加淋, 完全唔好食....手打牛滑 -- 好味....打到好滑, 滑得黎又彈牙, 好快俾我地清哂!!!!!!!!!!!!另外我地叫左水餃併雲吞, 金菇, 烏冬, 粟米, 豆腐...呢d全部正常水準本身個雞煲真係好好食, 但加左水打邊爐就變得好一般, 湯底杰身又帶有少少甜味, 感覺似用茨汁打邊爐....好似人地打邊爐食到尾個d湯咁.... 我個人認為唔值得為左個雞煲等足45分鐘!!!!!!!!!!!!!如果唔駛等都可以考慮返兜 !!!!!!!!!!!

老公為食阻住又發現荃灣開了間新店..見店外經常其門如巿,想定必不差,於是約2位荃灣之友齊齊開飯..七點幾到,到足個半鐘,真的等到不耐煩!誰叫自己為食,唯有頂硬上...店內位置不多,但有兩層,但仍不舊應付長長的人龍.雖然只有4人,但真的博老命叫,因為可能未必會再來,因為真的很怕等位..點了秘製一品雞煲,4人份點半隻巳足夠.$98.雞煲熱騰騰不在話下,雞十分嫩滑,而且辣汁夠勁度,又層次,吃得我們如痴如醉!其實煲的靈魂就是雞汁,加了柱侯醬 ,花椒,鹵水料,乾蔥等,之後再用來打邊爐!桂花蚌$68-very sheng(腥),全晚最錯的一個決定!.魚皮$22-佐敦隔離-->油麻地,很碎.花甲-好好味,極鮮甜,讚..手打四寶丸-牛丸有點像山竹牛肉,我喜歡墨魚丸,真的有粒粒墨魚在裏頭.炸枝竹$-很鬆化,索尽雞汁,正.拼雙餃$35-很難吃,皮易散,入邊的內料也不新鮮,可以SKIP!手切肥牛$98(小)-很一般,沒有牛味可言.清湯坑腩-$95,有牛味,還要有根,很爽,比肥牛好很多.烏冬幾彈,索尽煲內日月精華.埋單每人差不多$280,價錢不算平,但整體質素算不錯,而且雞煲惹味,因此在任食火煱臨立的

價錢低但質素好份量又足Asaki $20大支，抵到。。。阿姐超有禮雞煲好食，夠麻，又有其他煲楝。唯一唔好係太多人，同有時要坐露天。快啲再加鋪位啦，唔係點等呀，條龍長到。。。