一品雞煲火鍋

營業中

休息中

星期六晚專程去試一品的雞煲晚上八點幾到達，細枱要等差不多二十張枱，等了約45分鐘終於有位坐低第一時間叫左微辣走麻的雞煲煲左一陣熱辣辣即食，非常暖胃雞塊非常滑，配上獨特的雞汁，帶點微辣，十分惹味雖然點了走麻，但吃時都有麻辣，但可接受吃完雞煲可自行加水變成打湯底打邊爐建議每次加水逐漸加少少，否則湯底會太淡我們點了肥牛，娃娃菜，炸響鈴，蝦滑同黑魚滑眾多火鍋料中，以炸響鈴最出色，浸了雞汁後食非常入味其他火鍋料則一般，都係雞煲最出色

與幾位好同事講話約出來吃雞煲，由舊年講到今年，由年頭講到落年尾，講咗咁耐，終於成事了。公司在葵涌，最就近而我又最熟路的，一定是荃灣的一品雞煲。對為食的我而言，入冬有三件必做的事：BBQ、煲仔飯和雞煲。荃灣一品雞煲其實開業也有幾年，雖然附近都開了好幾間吃雞煲的，但一品雞煲依然人氣不減，就算是夏天都雖然排隊等位。做食肆的，當然越多越排隊越多人龍，就越有TALKING POINT，一品雞煲最懂這策略，所以這店除非有十人或以上，否則都不接受訂座，所以想食就要乖乖地等位，而且每枱只可以坐兩個小時，食完就會被店員請走。 同事七時多就到達拿票，我們一行五人，大概等半個小時，八時就有得入座，不算等得太久。雖然眾安街店看似很少座位，其實穿過這店，可以走到二玻坊店，而從二坡坊店隔鄰的樓梯上二樓亦有樓上舖。 輪候票分大概四種，期間留意到有不少人外賣雞煲，外賣是與堂食同價的。我們被安排坐在眾安街店門口旁，對著收銀機的一個六人卡座位。我們急不及多已經在選擇火鍋配料，店員這刻很親切的提醒我們下單雞煲，因為雞煲製作需時。雞煲可以選擇勁、大、中、小、微、不辣，亦可以選擇多麻、少麻、走麻，一隻雞是$188，而半隻雞是

一行10人,黎到8點幾，雖然已經訂枱,但仲要等位.已經好鬼肚餓，仲要聞到ｄ食物香味傳出來，有得睇但未有得食既感覺真難受等左20分鐘，終於到我地 !!!環境超級熱鬧,人多到有點迫.但總算有位坐.食物方面,!!!另外肥牛,好好味，夠滑夠淋，又有牛味，三碟都有D唔夠喉!!!鮑魚好新鮮，上到枱仲識郁，D湯夠滾一放落去好快就食得，所以真係好好味，夠哂鮮!!!墨魚滑,蝦滑,烏冬,炸腐皮又係必叫, 因為味道亦各有特色.歡樂時光過得特別快,多謝每位200蚊,低食!!!

有親人由外國返黎，帶左佢地去食雞煲，一行九人，唔比book位，由於6:30就有人去到攞飛，當時有位不過未夠一半人唔比入住，我7點零去到，已經見到門外有一堆人等位。如果想食真係預早少少攞位好d。由於之前都聽好多人話呢間好好食，所以都有d期望，因為有小朋友，所以叫左小辣，真係好小辣，不過麻味好重，我估應該辣d個雞煲會好食d。因為原來有人唔食得辣既關係，所以d雞攪掂左不半已經要落湯，落左湯之後再次食雞，d雞無味的。打邊爐料叫左︰雞子︰新鮮蜆︰好大隻，不過一碟得6隻筒蠔︰普通蠔，無乜感覺手切肥牛︰ok啦, 不過其實唔多食出好有牛味肥牛︰無手切咁難咬，ok羊肉︰OK墨魚滑︰超級膠，整落煲d有難度, 不過我無食過, 唔知味道如何蝦滑︰同墨魚滑一樣牛丸︰幾彈牙西洋菜生菜芋絲響鈴x2 <<<  呢個好多人食所以叫左兩次，親戚話試過土瓜灣嗰間好好食，覺得唔同街外嗰d，所以就叫左，但個人覺得呢到唔係我食過最好食既響鈴魚皮x2<<< 都係鐘意食炸野, 所以又叫多次烏冬x2︰冰住上既烏冬, 不過我無食過, 唔知味道如何公仔麵︰原包湯粉同麻油上酸梅湯x2楂汽水x4

由於受過多次教訓, 想食雞煲要等成兩個鐘, 所以呢幾之去我都係6點前到, 費事同人迫.食過5-6次, 始終發覺多麻, 少辣係最好配搭. 兩個人, 半隻夠晒. 見到人地2個女孩子都叫一隻, 都係浪費多了.這裏的手切肥牛不錯, 但最近將貨就價, 越來越細, 越來越小, 越來越薄, 所以乾脆唔點. 反正兩個人半隻雞, 加碟炸腐皮或菜夠食了.這裏的雞煲, 比"來來"的好, 味道較穏定. 但雞件的大細及份量每次相差很遠. 我個人較喜歡細細件的, 所以這裏合適我.還有, 食雞煲必配: 煲蔗水, 這裏不錯.又唔記得影相, 一定係好好食, 掛住食唔記得影LU.

次次黎到都必食嘅雞煲...d雞真係好入味架..,佢個湯底好濃郁..最啱叫d入味嘅食物...好似金菇呀蘿蔔咁~真係索晒d湯..好好味架如果嫌唔夠味..仲可以仲可以加$10要佢個辣湯倒入去煲埋..豉油都慳返..唔駛點都好味佢d肥牛都唔錯架..仲有分手切同美國...有大有細..佢個大蜆我去到係必叫架...因為真係好好味~食過不下數不次喇...成日排長龍先有得食呀~

荃灣一品分店一直多人，到訪最好打電話預位，第一次到荃灣分店，好期待，準時去到後拎位穿過幾個店，去到第三個鋪位，地方算清潔，坐得舒服，一行十人剛剛好, 應該是最大的枱，八時多全場已爆滿，平日來説算好，相信假日更多人，之前去過土瓜灣，食完成身都係雞煲味，所以今次都好怕又成身味，但係走時沒有成身味，可能通風系統比較好，本來諗住叫珍寶檸檬茶但呢間無得叫？叫左一個大雞煲，十人都夠食，雞件夠入味，叫左少辣，唔食開辣的都入到口，火鍋配料勁叫，見到成枱都係食物真係好開心^_^最重要係食得晒，無浪費，叫左幾樣海鮮，有桶蠔，夠大隻，有4-6隻，大蜆，第一次打邊爐食大蜆，仲有扇貝，有啲薄身，又係有第一次連殻火鍋，殻感覺有點不太乾淨，手切肥牛無失手，極力推介牛坑腩，超好味，夠稔又夠份量，烏冬夠出色，唔係普通貨色，叫左手打蝦滑，墨魚滑，最重要夠新鮮，花膠，水餃，真係咩都有得食，啤酒價格合理，叫左竹庶水，是日不夠凍，可能整唔切^_^仲有一提，呢到的響鈴真係超好味，必點！埋單每人二百，抵食，開心的一晚

一品真係成日都有好多人排隊等位 一等就差唔多成個鐘對於唔係好識路既人黎講可能就要 google map喇 因為都唔係近地鐵站的價錢都唔算平 但份量都叫OK 但主要係真係幾好食食一品雞煲 POST幾張雞煲先啦梗係佢入面有好多材料調味 芫茜、花椒、洋蔥 應該有D八角之類唔知名既調味材料但就係因為咁多野 咁重口味而好好食!!!我地食微麻辣 但其實已經夠辣 一開始食唔覺 但愈食會愈FEEL到麻~~好正不過有少少咸 我自己食到覺得OK 唔慣重口味既人可能麻麻熱辣辣既雞煲正!!我地仲有叫響鈴、生菜、烏冬之類其實單叫D菜都30幾40 打邊爐黎講都幾貴但佢D響鈴真係新鮮脆既 唔係淋既仲有烏冬真係係正方形既手打烏冬好好食 唔係圓圓地酸酸地既平價烏冬同埋原來叫一客烏冬已經有兩底比你 好似圖中咁所以叫一客烏冬已經好夠必叫!!!! 墨魚滑真係正到痺~~~但原來雙併係抵過單叫嫁!!單叫講緊係60幾蚊 雙併係多同一份量既魚滑但只係80幾90蚊!!!總結一品咁多人去食 主要係佢辣得好食野味!!! 同埋D雞真係嫩雞唔似得創興果間任食又"鞋"又

第一次黎, 唔知隔局, 2個人食 , 所以準備左現金入座前:1) 攞飛都等左一陣,因為派飛姐姐一個人,又要不停接電話2) 門口冇位企, 所以附近行下, 20分鐘後返去3) 張飛有MARK日期 + 時間 + 人數, 要留意英文字頭分別, e.g.1號,係可以因為人數多少而叫 A1, B1, C1, F1.....入座後:1) 一個鐘後可入座, 因為有幾張飛走左, 同埋我同意阿姐提意...搭檯2) 一坐低, 阿姐就問要咩雞煲, 但我係岩岩先收到MENU睇緊3) 十分鐘內送上半只雞煲4) 碗筷乾淨, 唔係濕立立O既,亦唔見有崩, GAS爐面都乾淨5) 但D阿姐個個都做得冇表情進食:1) $118半只辣雞, 雞件SIZE OK, 唔會太大, 又唔會細得黎碎, 都有少少辣又甜又有酸咁2) 上其他配料快, 手打丸彈牙, 響鈴脆3) 細支裝汽水 $10支, 真係冇可能唔叫野飲, 因為都冇提供茶/水, 杯只係叫啤酒/JAR裝飲品先會比你4）因為搭檯, 所以只比左一壺湯全檯共用5) 叫野時, D阿姐唔會即時彩人, 即使佢係你面前6) 開聲問, 係會有牙簽提供7) 大蜆唔錯,乾淨, 不過$60得6只8)

上個月同十幾個朋友，試過呢個招牌一品雞煲，味道實在不錯，食落啲雞整得很滑，加埋啲麻辣汁，味道惹味！加上食完雞後，仲可以加湯打埋邊爐，唔會咁dry只係食雞！所以今晚心思思，決定介紹埋屋企人試，經過約兩小時嘅等待，終於被安排入座，雖然招牌雞煲味道依舊不錯，火鍋料都新鮮，但呢到嘅入座安排，真係令我不得不對佢扣分

係葵青睇完話劇, 友人說去食出名雞煲. 初頭唔識所謂既雞煲係咩, 就問雞煲得雞咪好DRY?點知雞煲真係得雞, 但佢D味真係好正!去到六點幾, 原來好好好多人排隊, 但唔知點解過左陣就入得, 穿過間舖同後巷, 係街度開左D圓枱坐, 好在唔係好熱.10個人叫左2個雞煲, 麻辣小辣, 仲有微辣. 仲叫左兩枝竹蔗茅根.等左好鬼耐, 兩枝野黎先, 但唔凍 ......UM......期待打邊爐梗係凍野飲先最開心架啦...然後等雞煲... 終於到啦! 一食, 真係幾入味, 佢隻濃汁配D雞同飯真係O. 無SAI雞就食埋D洋蔥. D麻食完依然係我個口度徘徊, 其實我之前未食過麻辣野, 因為本人唔會特別加或者叫辣野, 但今次黎到個個都想食辣就試試.原來麻係可以咁得意個感覺! 食過番尋味! 另外微辣個個就唔知點解有D甜酸味, 又係另一番風味. 但個人黎講我鐘意個麻味. 之後用D汁黎打邊爐, 食左好多野. 最好味有肥牛同響鈴! 肥牛真係好正. 浸完無縮水仲好鬼有牛味. 響鈴不嬲係打邊爐不能缺既食物, 加埋D上等汁, 唔食先奇!得閒經過可以食下~

又去M記又成, 等左成個鐘終於入到去叫左雞煲少辣少麻, 仲接受到個汁好正之後點左D火鍋料 1. 牛坑南:好正, 好林好入味2. 珊瑚同象拔蚌: 好爽口3. 黑豚肉: 40蚊得6片, 好薄, 朋友話唔錯4. 豬膶: 唔食, 但睇落幾新鮮5. 魚皮: 好脆6. 響鈴: 好脆7. 大蜆: 60蚊得6隻, 好少, 鮮但唔係好入味8. 蝦滑: 好鮮好爽口仲叫左D手打丸, 滑雞片, 豆卜, 芝士腸, 芝心丸, 唐生菜, 皇帝菜, 金菇果D不過重味精, 個個係咁叫野飲TOTAL 每人$170還可以

聞名己久，每次經過想食都太多人，不想等，這次專程6:00來到，想不到也要等個多小時，充滿期待之下，吃罷就令我十分失望。。。。　環境亦不太舒服，坐得很辛苦，多一張膠凳擺嘢都沒有，成餐飯要攬住外套和手袋，有點受罪。【雞煲】～　味道尚可，咸了一點，如果以小菜的角度，就算不錯，餸白飯比較襯，但如果用來打邊爐，Ｄ汁加水其實很油膩，吃上來有點難受，如果點了海鮮，相信所有鮮味都會失掉。　雞，只有幾件大件一點的，其餘都切得較碎，"Lun"得很辛苦，食到咀都損。　見到有些花椒、草果等的香料，但味道並沒反映在雞煲內，所謂的＂秘製雞汁＂，吃不出有甚麼特別，調味比較單調，它的濃郁，送可樂一流，解鹹救星。【手切牛肉】～　正如電視上的食家常常說的～～好有咬口，不過小妹還是比較喜歡軟滑的肥牛啊。。。而且這款肥牛比較＂蘇＂呢！【墨魚滑】～　好"Un",真的 好"Un", 感覺也算新鮮, 亦吃到有墨魚粒, 不過真的 Un 到好像擦紙膠咁，彈牙到過哂火！　大排檔質素，譚魚頭價錢？？？？點解要貼錢買難受？？？？二人埋單 $398 ，你話抵唔抵？~~~ 無下次 ~~~

想食雞煲很久,不過一直都約唔到人去食,今次終於約夠人去食,我地先派左一位朋友去攞籌等位,不過其實都無用,佢一定要齊人先入得,而且叫NO. 又唔順序,有時又會叫返轉頭,卒之我地等左個幾鐘先有位, 另外,其實佢二坡坊同眾安街係同一間,打通了,等位一定要去返眾安街間舖度等! 我地5人叫左一個大雞煲($188)小麻小辣,都夠食GE,不過唔夠辣,淨係食到D麻味, 極咸味,係食唔出辣,如果你係稍為食得下辣, 就應該食中辣或以上,不過麻味就維持小麻,因為我覺得小麻都夠晒!!!不過煲野真係好咸,我地叫左3JAR 竹蔗茅根($22@)都解唔到渴(我仲要渴到第二朝呀!!! -_-)而且JAR竹蔗茅根好細, 只可以裝到3杯滿的,真係建議自己買野偷運入去飲如果唔係都飲到你破產!食完雞煲就加湯打邊爐,我地唔想食咁貴,所以D咩手切肥牛, 海鮮乜都無叫,只係叫左D CHEAP野,響鈴, 炸魚皮, 雙拚手打蝦滑墨魚滑,雙拚韮菜餃魚皮餃, 生菜, 粉絲, 烏冬......建議叫韮菜餃同烏冬韮菜餃好香, 烏冬好IN UN, 好好食,其實魚皮餃都靚, 仲會爆汁, 不過韮菜餃香好多, 而且每隻餃都好足料, 十分實正!仲有必叫

食完後有點失望！我同老公兩個人叫了半隻雞煲，老公怕辣，所以叫了走辣雞煲！但成個煲我只覺得一個字就係咸！而且好重味精，除了咸好似冇其他味咁！之後叫了一碟細的美國肥牛，八十元得幾塊！仲有手打丸，手打牛丸似落重味精的山竹牛肉，手打蝦丸同墨丸不過不失！最好食算係切片冬瓜同支竹。環境尚可，因為去食雞煲都冇諗過環境優雅。但呢間的服務態度真係差勁，安排座位那個阿姐簡直態度惡劣！我聽唔到佢叫我的號碼，佢竟然好似訓導主任咁向我訓話，問佢嘢又呼呼喝喝咁答問題，除非佢係老闆娘，如果唔係我唔明點解會請啲態度咁惡劣的員工！咁的食物質素，咁的服務態度，但咁的價錢，我覺得好唔值！好懷念以前係灣仔星街那間重慶雞煲，那間的雞煲味濃但有層次，雞有鮮味，其他火鍋配料價錢也合理，服務又好！至於這一間就真係試過就算~