一寿司 (已結業)

去完科學館見肚餓想食壽司，最衰尖沙咀間爭鮮執咗，搞到要食貴野因為未到晚飯時段，所以唔會太多客人， 壽司都唔係出得太多款式。所以決定自己落單死壽司必食三文魚同埋甜蝦，三文魚好肥美，甜蝦大隻得嚟又鮮甜赤海蝦同普通爭鮮嘅差唔多，但貴好多倍蟹子雖然唔係好抵，但係貴嘅蟹子係唔同啲，味道唔會好鹹，每一粒都好彈牙超級有口感嘅凡立貝刺身，但味道有點腥...總括來講，你間嘅食物質素唔錯，但係價錢就有啲貴，系無其他選擇之下，都會再食。

一壽司到夜晚就開始半價，十點半我都仲未食dinner，就緊係要去啦，去到排隊都有成十幾個人，以為會排好耐，點知大概20分鐘都已經入得，非常好。首先，要來一碟三文魚剌身，三文魚非常肥美，好厚，又夠凍，剌身溫度剛好，唔錯。然後芝士玉子同鵝肝玉子壽司，玉子不會太甜，仲有蛋味，一啖擺入口，正芝士蟹棒壽司就無乜特別，因為個人不特別喜歡蟹棒。鰻魚也不是我的口味，但朋友想食，就照點了。花之戀是我的最愛，仲要勁大件，三文魚都好厚。海膽略嫌唔夠豐富，如果大份d會更好。火炙三文魚真係好香好正，加芝士都好唔錯。呢個黑松露甜蝦都要讚下，估唔到味道會咁match三文魚子粒粒脹卜卜，係口入面爆開，好有滿足感。呢個海膽就仲正，好滑唔會漏。芝士蟹子都好好味啊，芝士好林好軟。

好少唔係黑夜壽司時段去，原來平時好少客，完全唔駛等位就入得去。有個新promotion，入會送三文魚刺身2塊，都厚切架！攞左一碟凡立貝，一碟蟹棒，有可能無咩客，旋轉壽司嘅賣相同口感都無咁新鮮。另外order 個d就唔錯，炸蠔有4件，熱辣辣脆卜卜，正啊！

喺附近上完堂，同成班朋友一齊過嚟食黑夜壽司。十點半黎到，都唔算好多人，等咗15分鐘左右就入得。幾個人嘅我哋一坐低就不停叫，但係啲壽司嚟得好慢，大概等左15分鐘先來第一碟。好彩都夠份量，如果去你得個一兩客我一定會發脾氣，黑夜壽司唔算話質素好好，但係因為半價嘅關係真係好抵食，每個人嘅最低消費係＄90 ,我哋每次都會叫大量三文魚，貪佢夠抵食呀嘛。三文魚唔算好厚，亦都唔係話相當新鮮，不過好在佢都夠大件， 蓋過飯面。特別提一提呢度嘅帆立貝壽司，我覺得幾新鮮，帆立貝仲係凍冰冰嘅，而且唔會乾晒水。另外個芝士蟹棒都幾好食，都冇話講晒身成條蟹柳咁。

係尖沙咀搵食，見好耐冇幫襯過一壽司，所以就決定入去食。平時黑夜壽司咁多人等，我地一行兩個人都決定唔等到十點就去食，因為真係好肚餓！我入到去就寫紙落order, 等左好耐都未有野食黎，係迴轉枱見到個吞拿魚沙律就拎左碟黎食左先！ 賣相都算唔錯，不過吞拿魚不夠新鮮，味道不過不失啦！之後又繼續等，等到個冷面到！ 兩隻餓鬼好快就清左個冷面喇，之後繼續等壽司黎！好奇怪點解壽司要整咁耐，唯有催單啦！原來電腦壞左！！大佬，要人手入單，你都同啲客講聲丫，咁都冇計，繼續等！啲壽司一到，就食哂，相都冇影到。。。其實當晚嘅人客絶對唔多，但係做野嘅人相當混亂！食飽就梗係快快趣埋單啦，點知埋單都等左二十分鐘！仲要已經不停催個侍應！隔離枱都叫埋單，最後頂唔順去左cashier 度計，咁我地為免再等落去，梗係有樣學樣啦！之後過到去，火都黎！原來我地張枱嘅單都仲未計！有冇搞錯呀！都叫左埋單咁耐，我仲要企係度等你用計數機慢慢計？！我明白電腦壞係會有影響！不過應該都要有危機處理丫！仲要收我加一服務費，完全冇服務可言囉！！食到一肚火！

一齊做野2年的同事辭職，我地選左在就近的一壽司餞行，我地點左2個set，有野飲，頭盤，沙侓，章魚🐙小丸子，小食系2件壽司，主食可選三文魚飯，或肥牛烏冬，一個set的份量一個人絕對系食⑤曬，不過當然，美食好味之餘，最緊要有舒適的環境等我地密密傾啦，

回家前，友人想食宵夜，便提意食壽司，一入店，只有一枱客，約十一點半，被安排入座后，職員現只有魚生及壽司，冇問題，我倆來本就打算食壽司，準備落單時，又被告訴就快last order, ,最好一次过叫，亦沒問題，反正宵夜，快食快走，但其中一款.壽司來到，我同友人也認为來錯了，終是問侍應那是什公魚生?她答了吞拿魚，於是我們一致的要求更換，往後，第二位員工回答，那是油甘魚，真的令人費解，从未見过油甘魚如此，最后出动經理解釋，說有些不太靚部位的油甘魚是如此，真的令人無言，理單后發現原來有宵夜半,價惠，未知是last order关系，令產品質数下降，真心的，去食的是因為食物已不是價錢，壽司最其本的要求是新鮮，現为何來的全像擺了很久的样子，連基本顏色也变了，真的令人吃得不放心，如此經營手法，感說，一次便夠！p.s.是次是即興，本人並不是会員，更未曾安排試食

一壽司既黑夜壽司已經推出有好長一段時間，好耐都無黎食過今次夜食飯，所以就黎食一壽司幾黑夜壽司 記得上次食要排好長隊，所以今次早D黎排隊8點幾未到9點就黎 服務員好快就比我地入座半價甘抵食，即刻叫左6碟三文魚同其他壽司2個人都係眼寬肚窄 三文魚都幾新鮮，不過好薄，飯又好大塊 食左幾塊就覺得好飽 口感就不過不失蟹柳壽司好正，肉質滑嫩，沙律醬又恰到好 不過服務員既態度就唔係甘好

食黑夜壽司，我都係會揀一壽司，十點後大部分野食半價再加1，又夠新鮮，上野食又快，算抵食啦！見佢日日都咁多人排隊就知係好野！今次兩個人去食，我地係想食得飽又唔好咁貴，所以就主打食壽司喇！如果想食刺身，個人認為質量唔算高，所以好少叫⋯⋯一黎就一隻長碟咁放，排滿哂，見到都開心啦，呢個陣勢緊係唔少得相機食先（左上）三文魚壽司－普通味，但港人必食（上中）三文魚三食 － 辣汁三文魚 + 大蔥三文魚 + 黑椒三文魚 － 三隻味都好，我最鍾意黑椒！（左下）蟹棒壽司－必食！甜甜的，再加埋沙律醬，好邪惡呀！（右下）珍寶北海道帆立貝配日本柚子－ 配左柚子好清新！同埋真係好大舊帶子，成舊啪入口好滿足！不過貴D，折左都要廿蚊件～特長饅魚壽司（右）辣汁三文魚－小辣的，怕辣都食到（左上）芝士蟹籽－芝士味唔濃，沙律醬咁，都OK（左下）三文魚籽－我最愛！蟹籽蟹肉腐皮－甜甜的，鍾意食腐皮就試啦！

跟朋友晚飯到這裡，未到黑夜時段所以都唔太多人。迴轉帶上冇太多款式食物可以選擇，所以都係自己另外用點餐紙落order，其中有落到清酒煮蜆，都算鮮甜美味，另外係迴轉帶攞左一碟八爪魚仔，但好似擺左好耐咁，色澤暗淡同結撻撻，希望下次再食唔係咁。

之前在新都城的店，覺得這家品牌的食品都過度本地化，服務質素也不好。那次壞體驗後，幾乎都再沒有打算過入去。這日一個人，忙到三點還沒午飯，見對下面的會議之間有大半小時空間，還是先吃點什麼。這店前堂出來招呼，說午市套餐還是有的。想不到套餐可以自由組合，我選了加洲卷，做的相當有誠意，千島汁在碟上也醮上設計圖案。茶碗蒸的好，是意料之外。本地很多快餐式，或連鎖的，用的已經不再是日本蛋。蛋蒸出來的顏色已經不同，蛋香更是大有分別。相反主菜說是辣的，卻一點不辣，肉碎結成塊，湯底也不算很突出。吃了茶碗蒸，這碗湯麵變得不吸引。不過，整個套餐才收 $64；這水準是讚的了。

同隊友比完賽, 有D餓, 好快就衝左入去一壽司食宵夜, 原因只係: 半價!!!  一入去已經係LAST ORDER, 我地好快手咁狂點, 雖然話就話半價, 其實價位的確本身係抬高左DD既, 不過無阻我地雅興  仲可以揀既刺身款唔多, 赤貝好好味, 好爽口, 但略嫌刺身有少許唔夠凍, 但都OK諗住佢半價, 應該好多款都冇得揀, 原來唔係, 只係大慨20%冇, 其他都有得揀 三文魚壽司, 覺得麻麻地 甜蝦壽司, 唔錯喎, 甜蝦屬大隻 帶子壽司真係幾好, 好大隻, 都算鮮 燒海膽壽司超正, 海膽份量有D O嘴, 都幾多下!! 燒得幾好味!  榮螺軍艦, 第一次咁食榮螺, 覺得冇咩特別 海謄軍艦, 都係果句, 好多海膽, 哈哈!  鰻魚壽司, 燒得香, 夠晒鰻魚汁, 條鰻魚夠晒大, 好味!!  芝士蟹子軍艦, 正!! 唔係好多壽司連鎖店都有芝士蟹子食, 好好味!!! 芥辣八爪魚軍艦, 呢隻芥辣八爪魚唔算好辣, 但勝在夠多!下面既壽司都唔係好記得係咩，但都係好食的連鎖壽司店黎講算唔錯 

今次真係不吐不快話說個日我同班frd 9點幾係附近行街唔知食咩好既時間 見到有間一壽司 諗起黑夜壽司 但望一望無人等位咼侍應話 平時要10點先入得 但而家就可以俾我地入我望一望錶 9點9 又餓餓地 半價咼 就入左去啦入到去就即刻嗌野食啦 嗌完一大堆野之後望一望轉轉盤上既壽司 正當諗住拎既時候 我個frd 禁住我一望 d壽司係了無生氣咁既樣... 好唔新鮮...即刻縮返手入去  攞都唔敢攞我地就同自己講 可能d壽司轉左好耐姐我地落單個d應該係即叫即整既  唔駛驚點知.... 我地望入去個師傅到佢旁邊有一盤盤由地下撘到上佢腰間咁高既壽司上面d魚生又係無咩光澤... 最大問題係 我地根本唔知d壽司整好左之後係放左幾耐之後我地見到師傅手執一張單望一望單上既item 然後好似執藥既係個轉轉盤上面 執返起我頭先話中毒既壽司...放上係一個大碟到....我地要6件三文魚的話 就係上面收3隻碟....另外有一d就係佢旁邊個幾盤野到執出黎....然後送到黎就係咁...唔係我地要求高.. 張相都無較過effect而係真係咁樣, 暗啞無光澤 變哂色我地食完第一round之後就無再嗌.

星期一早上就去岀左去見客見天氣咁熱就決定食番啲凍的嘢所以就去左一壽司食個壽司貪佢有set lunch 60-80一個都不錯叫左一個壽司定食有六款不同種類的壽司每款都好新鮮啊最喜歡的是那玉子壽司比其他店的更甜更入味加洲卷都不錯如果配料多一些就好了炸薯餅都炸得幾好唔會太油燒八爪魚丸都大fit不會太多粉

受日本動漫影響，最近一直很想吃拉麵。正好與家人來吃日本料理，自然就沒有放過這個機會。來的時間較早，店內還沒有什麼人，挺安靜。經典的濃湯豬軟骨拉麵。湯很濃郁，略微偏鹹，也一樣配上經典的魚板、粟米、蛋以及蔥花。拉麵爽口彈牙，但似乎欠缺了少少勁道。量很足，一碗下去已七八分飽。再加上幾樣壽司，簡單解決一頓午餐。