一幻拉麵 (已結業)

返工食lunch今次嚟食拉麵 大概12點幾到 都唔算特別多人唔使排隊見到佢做緊呢個推廣 幾抵食餐牌嘅拉麵其實唔算太多 加埋季節限定都係得三個 湯底口味同麵條嘅選擇就同其他嘅差唔多 後面果頁見到有叉燒飯 又幾新奇喎 可能下次試吓 小食方面都唔錯 有少少fusion feel👇🏼我呢個係叉燒拉麵 湯底叫咗原味同埋鹽味 都係佢比較推薦既 湯底其實就算原味都已經有啲鹹 叉燒我覺得可以多啲 食到咁上下啲面索晒啲水又冇晒啲餸 最後都食唔晒啲麵👉🏼同事叫咗個蝦味拉麵 叫咗濃厚豚骨湯底 聽佢講真係好鹹👇🏼餃子就正正常常冇乜特別都係呢啲過江龍 食落其實冇乜驚喜 比較會支持小店多啲

相信一幻大家都聽過，係日本有名到成為過江龍，現在香港都有三間分店。依家剩係可以番係香港，唯有去食拉麵當去下日本旅行🙈/招牌蝦湯拉麵 signature ebisoba🌟佢可以自選麵的種類及湯底的味道，揀左鹽味同幼麵，一碗好食的拉麵，湯底係最緊要，但呢度的湯底，飲完真係好口渴，飲左少少已經想飲水，😅相信加了很多味精。雖然味道正常，但相信唔會再來食了。/餃子🌟不過不失，但相比起日本的，真的有些失望。

朋友們一直熱愛一幻，向我推薦左幾次佢個叉燒撈麵好好食，但係因為我見食評多數人叫招牌湯麵，所以冇試到個撈麵。另外餐廳做緊優惠$148二個人套餐，有二碗麵加餃子同飲品都幾抵，我一個人咁樣食都$135😂不過食一次就夠，不會回頭。招牌湯麵 6/10其實個湯底係好濃，開頭食既時候只係覺得少少咸，但係一路食既時候就發現越食越咸😨食完呢餐飯之後個3個鐘都好辛苦，不停飲水飲左一支水個口都keep住有呢種咸味，味精可能太多了。另外隻蛋煮得太老，唔似糖心蛋。餃子 5/10朋友話必點餃子，但係我又唔覺得有咩特別，就真係好普通好普通嘅煎餃子，個人不推薦。

第一次幫襯呢間, 見到有優惠, 2人套餐$148, 但原來+1 係按原價計, 最後加左$29, 都幾貴, 呢個套餐可以自選2個拉麵, 送煎餃6隻, 同埋飲品 (波子汽水/coke zero), 拉麵其實都係得幾 款, 我地就簡左蝦湯拉麵, 飲波子汽水, 等左5-10分鐘就到齊食物, 可惜侍應們一直傾計, 有少少嘈, 又俾漏左口罩袋, 感覺唔好。賣相: 好吸引, 首先餃子煎得好靚, 隻隻都差唔多, 類似一口餃子既size, 拉麵都唔錯, 碗大份 量都夠, 但麵既比例明顯比肉多好多, 湯紅紅地, 有d櫻花蝦。味道: 餃子幾好食, 熱辣辣, 但唔夠脆, 拉麵味道一般, 食食下覺得有鹼水味, 應該係處理麵既時候處理得唔好, 湯既鹹味都cover唔到鹼水味, 所以蝦味都冇哂, 有d可惜, 肉有2大塊, 少少肥, 麵可以簡粗幼, 我食粗麵都唔錯, 但麵太多, 所以食到最後都一路食麵, 但冇哂肉。整體黎講: 性價比低, 唔會再幫襯

呢間拉麵店每逢平日晏晝都會排長龍一直都想試吓究竟有咩咁特別店舖主打嘅係濃郁蝦湯再配唔同濃度嘅豚骨湯依段時間做緊優惠兩個拉麵一份餃子再加兩個嘢飲 都係$148同朋友就分別叫咗兩款拉麵我就叫左蝦湯配中濃度豚骨幼麵 味噌湯底先講湯底 蝦味好濃郁亦唔會完全覆蓋豚骨嘅味道 (朋友叫咗特濃豚骨 湯底明顯比我叫嘅傑身)不過都個麵就真係敗筆餐牌上推介嘅係幼麵唔似某一啲嘅拉麵店佢冇得比你選擇麵嘅軟硬度而呢一碗拉麵上到嚟嘅時候已經完全淋晒 係overcooked總括 湯底幾好都補救唔到麵煮得太淋

見到訂座平台有八折優惠，加上之前有訂座平台 $50coupon未用，行完街，就嚟咗呢間同事強烈推薦嘅拉麵店試吓。😋😋點了一碗濃厚豚骨蝦湯拉麵和香港店限定的特濃蝦汁叉燒拌麵。蝦湯拉麵 $88 ⭐️⭐️⭐️⭐️像普通的拉麵店一樣，可以自己選擇個人化的口味，我選了濃厚豚骨湯底、鹽味、幼麵、有蔥、有麵酥的蝦湯拉麵。來到後，湯不夠熱，幸好店員願意換來一碗熱騰騰的拉麵。湯底蝦味濃郁，叉燒肥瘦均勻、糖心蛋生熟度適中。至於麵條，煙韌的口感掛着濃郁的蝦湯， 十分美味。不過湯底越吃越鹹，還有少許鹼水味，我沒有把湯喝完。特濃蝦汁叉燒拌麵 $88 ⭐️⭐️⭐️⭐️這個不切選擇個人化口味，拌麵來到，賣相吸引。撈勻了紫菜、面數、蔥和叉燒。一口吃下去，蝦米未夠湯麵濃郁，不過仍有蝦味。叉燒是角切的，口感像廋肉，較鞋。粗面口感適中，每啖吃下去，伴着淡淡的蝦油和香蔥，味道也不錯。

I've been here a few times but don't recall them serving rice in the past.  Besides the signature ebisoa, I've ordered the BBQ pork rice and dumplings for the first time which I like both of them very much.  The signature ebisoba was a bit on the greasy side but that shrimp aroma has totally compensated for it.  The best part is that they are doing a buy one get one free (only on selected  ebisoba) promotion, catch it before it's over.

點左招牌蝦湯拉麵。麵底係最ok的，煙韌有口感，叉燒較一般，below average。至於個湯底，食得出係鮮蝦嘅，但真係好咸...我飲咗幾杯水。如果你比較淡口味的話，我唔太推薦。如果你從事體力勞動嘅工作，相信呢碗麵可以為你補充大量鹽分另外服務態度一般，見到有兩位侍應姐姐喺埋便傾偈，得返一位哥哥仔喺出面招呼客人。裝修幾靚，對外嘅吧枱位置適合傾偈。不過疫情之下呢...大家堂食都係小心為上吧！原諒我冇影到相

一幻拉麵唔係sell傳統，而係新派靚麵靚湯快速冒起既品牌，主打就係香稠濃郁既甜蝦湯底由札幌開到黎香港，令人期待裝修走簡約和風，最中意拉麵店啲半開放式廚房，見到廚師煮拉麵感覺好正餐牌可揀湯既濃度、口味、麵條，蝦湯就梗係必須啦！！濃厚豚骨蝦湯x醬油口味x粗麵上枱已經好香好香蝦味，賣相好吸引，紅色碗好夾蝦湯蝦湯實在好正對於一個蝦控如我，蝦湯無論點都加分架喇，飲啖湯成口蝦味呑左都仲有餘味係口濃豚骨相對會咸啲濃味啲，但食麵同叉燒時就特別濃蝦味，粗麵好滑，入口爽，相對就唔太有蛋味，雖然粗但都掛到湯汁叉燒燒烤味唔濃，但好腍身，肥瘦適中，沾左蝦湯仲正，半熟玉子都一樣，好味！適量豚骨蝦湯x醬油口味x幼麵本身想試吓其他但大家都唔想放棄食覺得最夾既配搭豚骨可自選但個人認為醬油口味會同蝦湯最夾，鹽應該都ok但味噌就太搶lu揀適量豚骨個湯飲落就會無咁重口味，啱飲啲配幼麵簡直係超掛湯，湯同麵合左體叫左個餃子有驚喜，諗住都係一般日式煎餃咁，點知入面既肉驚奇地滑非常建議試下，飲品配左北海道果汁酒，富士蘋果同菠蘿味，唔太酒幾易入口蝦湯係濃既，同埋蝦本身有鈉，唔中意既話煲湯出黎會好似好咸咁，如果驚既建議揀鹽味湯同粗麵(味

11點幾去到蘭桂坊，呢一刻真係好肚餓，附近嘅舖頭都冇開，加上翠華又執咗，突然見到一間拉麵店，正正係喺翠華嘅對面，忍耐唔着內心嘅飢餓，「立」眼價錢覺得都合理，就走咗入去啦，因為朋友話要遲少少到，所以我一嚟到就立刻去個廁所先，廁所入邊有漱口水有面油紙，睇得出佢呢間鋪嘅安排都非常之細心（雖然我冇用到）出到嚟發現已經11:17pm，店員同我講11:15係lastorder叫我快啲點嘢食，咁我即刻問吓個朋友食啲咩，好在3分鐘後即刻落單佢都煮俾我哋食，服務態度真係非常之唔話得！其實覺得有少少唔好意思因為阻住咗佢哋收工有吧枱，同埋裝修比較簡單都非常舒服每一個面都有叉燒同埋溏心蛋半隻，所以唔使另外再叫蛋㗎啦，除非你好鍾意食啦呢碗拉麵真係好好食，個湯底好濃郁，而且d面好彈牙，糖心蛋又整得啱啱好，其實我平時食拉麵唔係話好鍾意飲個湯底，但係呢碗我都飲咗一大半真係好好好好味😋！埋單194，兩個人，係一個合理價錢，原來食夠$150會送你$50coupon，早知嗌多個小食拎多張coupon啦 哈哈走嘅時候已經冇晒人啦，店員同我哋講佢哋個冷麵係招牌，好多人鍾意食，叫我地下次嚟試吓🤪🤪總結係一間唔錯嘅舖頭可以下次再嚟

中環呢間一幻係咪做埋鹽批發，湯底咸到要洗腎，而家仲感覺到俾啲鹽醃緊個胃🤢。麵條揀左幼麵，少麵75g 夠細食既女仔食，起碼我食完好 un 胃滯住滯住咁。早知食個飯團同餃子算啦😰...#test_central______________________________🏠 一幻拉麵💵 $84📍中環威靈頓街50號華威大廈地下A號舖______________________________ig : eatesterhk

原味蝦湯拉麵($88)100%甜蝦頭淆出嚟嘅湯底，配料有叉燒，同半隻溏心蛋，上面係炸過嘅紅薑末，叉燒薄切，肥瘦比例一半一半，之前試過特濃蝦汁，覺得呢個好食啲，特濃會有啲太鹹啲一幻炸醬麵($88)配料有蝦同豚肉粒，上面有少少蝦乾仔，蝦肉彈牙，豚肉好軟身，麵一啲都唔會乾餃子🥟 ($35)正正常常總括而言，麵質好，滑口彈牙；湯底同炸醬都非常濃稠，比較重口味，鍾意食濃味野嘅朋友就好啱，對我而言，就有啲太濃，價錢OK，中價位，分數7/10！

平時lunch要排隊，今日買左外賣招牌味噌蝦湯拉麵。十分美味！ 果種香濃唔係味道，是真的蝦鮮味。湯都飲埋，食完唔會口乾。比座銀好太多了。我咁啱是買外賣的，75折，$66食到咁高質拉麵真係抵到爛。

有coupon先去食，收加一有啲唔扺，因為根本冇服務可言，一入座就係落單上菜，直到埋單你先會再見到店員。座位有齊拉麵胡椒粉，蒜蓉，同水杯水龍頭，全部自助式。要左蝦湯原味鹽味幼麵（＄88），雖然粗麵先係推介，但今日下午已經食車仔麵已經食左粗麵，就想試下其他。聞落蝦味好足，真材實料先煮到咁香，但飲落去略微冇想像中咁濃味同鮮，可能要濃味會好啲，但都係好飲嘅。湯偏清同稀，所以唔會食到好膩，但食耐左麵湯溶合就變濃湯。麵份量都多，細食嘅可以要少麵。可以揀有天婦羅碎，就係面頭紅色嗰啲，浸耐左冇咁好食。有蛋同叉燒，蛋溏心做得幾好，但可以再入味啲。叉燒有兩塊，肥瘦均匀，厚度啱啱好。 整體嚟講拉麵價錢合理 上面雖然未去到驚艷，但如果經過搵唔到好食嘅，入去食碗拉麵都唔錯。

平時晏晝食lunch呢一間拉麵館長期排隊，一直都好想試。咁啱前兩晚大少問食拉麵好唔好，我就話不如去食一幻。一入到麵館裏面，已經聞到好香嘅蝦湯底嘅味道。聞到嘅香味已經令我更加肚餓。等咗5至10分鐘就已經有位啦。我哋梗係點左呢間鋪最出名嘅招牌蝦湯拉麵。飲落去，蝦湯味好重，唔係稀流流，真係唔同平時拉麵館嘅豚骨湯底。叉燒糖心蛋同埋拉麵就冇乜特別，同平時其他拉麵館嘅差不多，最吸引我嘅仍然都係個蝦湯底。另一樣令我喜歡嘅事情就係佢有得少麵，我唔需要夾硬食晒一個麵，又或者食唔晒，浪費食物。