一幻拉麵

營業中

休息中

愈嚟愈多分店嘅一幻🍜二人拉麵套餐抵食😛比起初頭第一間店啱啱新開嗰陣仲要係特登走去試，係覺得完全唔好食，唔明點解個個排隊🤔而家反而水準穩定返👍🏻好食返過之前

輕輕為大家介紹一下拉麵，可能好多人都認識這間連鎖式過江龍一幻拉麵。認真說吃過的朋友都會認同湯底夠濃蝦味，盡用蝦頭煲湯，不過拉麵其實油份極高，加上炸蒜就更油，所以都應該少吃為妙。不過有時候有套餐優惠很划算，溏心蛋還好，如果有兩隻就更貼合小編的口味。溫馨提示，這間小吃就真的一般，可能因為為主要sell蝦湯底，餃子我給了兩次機會，也是腍，不脆口，實在失望，希望會改善一下吧，否則只吃接麵，真的會感到乏味。

突然凍咗好多🥶🥶❄️☃️凍冰冰好想食啲熱辣辣嘅嘢衝咗去食一幻拉麵🤣.招牌蝦湯拉麵 $88一上菜已經聞到好香蝦味揀咗簡單嘅鹽味個人認為配濃郁鮮甜嘅蝦湯 輕輕用鹽提味就夠湯底表面有油脂但唔油膩夠濃郁 湯汁掛到麵每碗拉麵都配咗兩塊叉燒同半隻溏心蛋溏心蛋熟咗少少 唔係全隻溏心.拉麵實在太香 影咗一張相就忍唔住食🤤店內座位都幾闊落 比一般拉麵店坐得舒服

屯門 #一幻拉麵終於去試 呢間 蝦湯頭底出名的 一幻拉麵叫左個 12月 2人set $2xx 尾12月 週年慶 優惠12月份生日正日：免費拉麵1碗非正日但12月的： 拉麵半價蝦湯叉燒拌麵：掛汁，蝦頭湯濃，但嫌汁少左d, 叉燒 似台式肥卥肉粒唔夠深 & 膩，喜歡 紅薑酥天婦羅 脆脆好食溏心蛋沙律：正常貨仔，有大薯塊但算淋軟雞髀菇 & 荀 : 正常貨仔檸檬玻子汽水 & 白桃梳打： 唔錯可能期望太大入去，cp 值有d 低， 特別 男友叫左辛辣味噌叉燒拉麵，好勁鹼水味，應該唔會再去。

日本過江龍札幌蝦湯拉麵 一幻拉麵今次跟朋友食下午茶，店員話下午茶時段嘅拉麵份量會比較少一點，但對我嚟講就啱啱好！套餐包含拉麵+一份小吃+飲品！揀咗一碗蝦汁拉麵湯底+味增+粗麵，喜愛食多蔥嘅我，再額外點多咗一份蔥，可惜蔥嘅份量同其他日本拉麵店相比之下少。不過，蝦汁拉麵湯底就真係好出色，香濃入味，粗身拉麵都煮得剛好！套餐中會跟一份小吃，最後揀咗竹筍，都係一道唔錯嘅小食！仲有額外點咗一份餃子，餃子點醋食，味道唔錯！唔不太油膩，而且好開胃！

屯門巿廣場想打造成為小日本，Donki, 壽司郎, GU, namco, muji 等等新店進駐商場，星期日商場人山人海，一幻未見長龍，結果一試難忘。職員好有禮貌安排座位，介紹餐牌，我哋點咗2 人餐，2 個麵，3 個小食，2 杯飲品共$238 加一。2 個小食糖心蛋、木耳、白桃和蘋果波子汽水，神速送到。糖心蛋眼見juicy ，不用介紹都知合格。木耳份量多，底下有幾件青瓜，醃過味道帶酸非常開胃，刺激味蕾。餃子肉多而且煎得好香脆，可以話比其他拉麵店出色。特別推介牆上面的蒜蓉泥和拉麵胡椒，一定要試，會令你碗拉麵生色不少。主角好快出埸：一碗辛辣湯底，叧一碗香濃豬骨湯底，兩款湯底都好濃郁，上面紅色的是蝦味麵酥加上青蔥帶出香味。飲得出湯底是經過細心研究，他們聲稱每日新鮮製作，絕不過夜。難怪在日本開業短短數年已成為札幌名物， 香港更有幾間分店。一幻拉麵的杯麵更是本人去日本旅行在7–11必買的宵夜。兩塊叉燒比較薄但大塊一點都不油膩，肥瘦度啱啱好。

今次來試下早排勁多人等位於屯門一幻拉麵，由於今日係平日晚上，唔洗等位就入得，餐廳裝修幾特別，好有日本風味，一幻主打係蝦湯，今日就叫黎試下啦。我地叫左屯門限定嘅二人套餐，一碗要原味蝦湯拉麵，一碗辛辣味噌蝦湯，拉麵一黎到，上面有大量，係大量嘅蒜蓉，多到係估唔到有咁多，其實未食已經知道蒜蓉會影響咗個湯嘅味， 已經立即不起咗一啲㗎啦，但始終個湯有蒜蓉浸咗落去，蒜蓉味完全蓋過曬啲蝦湯味，可能原本個他湯已經冇乜蝦味，拉麵方面要左幼面， 但係都比較粗同埋一陣鹼水味只係油麵多過拉麵，辛辣嗰碗亦都唔見得係特別好味辣味蓋過曬啲蝦湯味，拉麵有兩塊肉，塊肉都尚算ok，配料比較少。 個餐可以揀嘅配送食物唔係太多，於是就揀咗青瓜木耳同埋糖心蛋，再後加咗一個餃子先至夠飽， 總結係以拉麵店嚟講真係好一般，可以唔使再去。

嗰日我約咗個friend係屯門食lunch，見到有日本拉麵食。因為之前食過媽霸，所以就試下一幻。店員幾好人，有主動推介一人二人餐。我就點咗個一人餐辛辛辣味噌蝦湯拉麵，包叉燒同半隻唐心蛋，另外可以再加一隻唐心蛋或者其他配料。飲品只包可樂(正常或者無糖)，其他(波子汽水等)要加$15。睇到其他食評話好咸，其實日式拉麵湯底本來就係咁，係睇你習唔習慣或者接唔接受到，唔咸去食清湯麵。講返正題，湯重蝦味好濃，有辣味噌味。麵就普通野，冇話太淋或太硬，我食幼麵掛湯嘅。叉燒ok冇特別，唐心蛋好食。價格正常，日本野一百出頭合理，而家出面食普通一餐都$50,$60蚊，$109包服務費其實大部分拉麵店都差唔多都係依個價，話貴嗰啲返屋企煮公仔麵，出街 唔啱你食。

一幻剛剛開張的時候，排隊排到出商場外的景象記憶猶新，當時排隊情況十分誇張。難得今日放假行過，因為可能係平日關係，人流不像假日咁多人，見到入口位置有做套餐優惠宣傳，有小食和主菜蝦湯面配糖心蛋配叉燒，於是就試一試啦。店員招呼周到，教我如何填寫點菜紙，解釋麵底同湯底的分別，於是就揀左出名的蝦湯拉麵，湯底濃厚，有濃烈的蝦味，可見落足材料做湯底。如果平時食開淡味的朋友，可能會覺得呢個湯底會有點咸。麵底同叉燒口感味道都正常。個人認為套餐價十分底，有小食+主菜同飲品，再加埋有商場有現金優惠卷，呢個份量夠哂食👍🏼

黎到屯門食飯，見到呢間鋪頭門口有10幾人係度排隊，好似唔錯，冇得去日本旅行嘅關係都好耐冇食拉麵喇，都幾期待，等左幾個字終於可以入去喇，入去到發覺原來入面仲有好多位，點解入面咁多位又唔放人入去呢。。。叫左個招牌蝦湯拉麵，$88，同一般拉麵差唔多啦，都係有半隻溏心蛋同埋3塊日式叉燒，一黎到先試一啖湯，OK喎，幾重口味，啱晒我!再試埋個麵，質地有D淋，仲有幾重嘅鹼水味?點解會咁嘅，我依家係食拉麵喎，唔係食雲吞麵，真係唔係太好食，食食下個湯仲覺得越黎越鹹，都唔好話飲晒D湯，我連個麵都唔想再食呀。。。點解咁難食都仲有人排隊，冇下次呀，食出前一丁都冇咁嬲。

之前試過外賣，今次直接來門市試下其他的湯底拉麵。我們試了蕃茄湯底、咖哩湯底、煎餃子。我個人比較喜歡重口味的，所以這2個湯底對我來說比較清淡。如果你重口味的話，建議食蝦湯底。而餃子就normal，可叫可不叫。

一幻岩岩係屯門開張時，都幾多人排隊。 今日咁岩見到唔算多人排隊，只有三四人排緊，就來試下食先排左十分鐘左右就入得。招牌的蝦湯拉麵，湯底好濃厚，的確有重重的蝦味，飲得出係經過研究心思的重本湯底！但係，如果平時食開淡口味的朋友，會感覺有點咸。叉燒，麵質都係有水準的。另加左一客餃子，係正常日式餃子的水準，正常合格。另外小食(味筍同唐心蛋)都好食，味度岩岩好，涼涼的味筍會有令人食唔停的衝動。 最有驚喜係個水蜜桃味梳打，甜甜的好清浪，好岩炎熱的夏天飲！個梳打瓶都好靚，有令人想收藏的衝動

星期日晚上去，排左10分鐘就有位，店員都禮貌，環境幾好，枱距離都夠晒闊，但食物方面唔掂，首先湯太咸，食完成晚都好口渴（我都冇飲到湯，唔知係味鹽太多定係味精太多關係），而且拉麵冇咩彈性，煎餃子皮就ok 但入面冇咩湯汁，糖心蛋ok,而飲品方面真心唔化算，可樂要成15蚊，波子氣水都28蚊樽裝氣水都咁貴又唔係咩特飲。可以大膽講永不再食。好吃既拉麵而且性價比高既好多細店都做到。一碗咁咸咁湯都咁多人熱捧，真心覺得怪。

一幻拉麵食過好多次，今日番黎，突登為試「一幻叉燒飯」！🥩🍚💕由於叉燒飲係個menu 度比較唔起眼，又比較平 (我以為會好細碗)，一直都冇叫。但經過今次之後，我就發現左原來佢係咁好食！！！😋😋😋佢係將日式叉燒切成小件，叉燒肥瘦適中，鋪係飯面，再加入滿滿的蝦麵酥，青蔥同秘製辣椒醬提味，超正！嗰日我沖叫左蝦湯拉麵，同蝦湯一齊食，真係令我對一幻改觀！原來一幻唔止拉麵掂，仲係丼飯都好好食！🥰🥰🥰🥰

🌸_❥❥❥❥❥❥❥❥❥❥❥❥❥❥❥❥❥評分(5分為最高):❥好味指數:❤️❤️❤️❤️🖤❥抵食指數:❤️❤️❤️❤️🖤❥回購指數:❤️❤️❤️❤️🖤❥❥❥❥❥❥❥❥❥❥❥❥❥❥❥❥❀🍱:<蝦汁胡麻冷麵套餐 $99>*配可口可樂🥤+溏心蛋1pc🥚淨麵$88🍜依款麵冇溏心蛋所以就叫套餐🍽胡麻醬份量岩岩好🧂小虎蝦幾大🍤隻隻都爽口彈牙😋有幾隻甜辣小蝦😍好開胃😙如果中意食脆口感覺記得要加麵酥🥳❥➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭麵條:固定(粗麵)加配料:有麵酥(紅薑天婦羅),有蔥*需加一服務費💰➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭