一幻拉麵

營業中

休息中

以前每個禮拜都去食😝就係因為個湯底好濃，麵又大份🥺真係會同個個人介紹食呢間依家湯底又淡又稀，啲麵又少都死😮‍💨咁又無左間好食嘅拉麵店🥲起碼去嗰陣啲服務員嘅態度都OK希望可以返返去之前嘅quality啦🥹

放假中午 12:00 noon，也許時間尚早，人少，多位。我選了對窗的吧枱位，望海正面對住銅鑼灣避風塘遊艇會的遊艇，清楚見到怡和午炮（The Jardine   Noonday Gun）喺岸邊。呢個景觀，無價，超值。QR code 落單，叫了一人拉麵套餐，包拉麵１碗／蟹棒蟹籽沙律１份／餃子３隻／罐裝汽水330ml。正價 HK$128+10%＝HK$141，夏日減價 HK$128+10%-HK$20 = HK$121。食物來得好快。沙律的蟹棒無乜味，餃子一般正路。麵入面的一片叉燒一般，半隻溏心蛋反而幾好，喜歡有好多紅薑天婦羅。拉麵可能我叫幼麵正常軟硬，但因最後先食，結果浸耐咗，比較腍咗少少，但吸汁，下次選軟硬程度時可以試選「硬」。今次選了蕃茄蝦湯底，非常濃郁的蝦味，不會太鹹，啱我口味，喜歡，整碗湯飲晒都唔覺味精唔口渴。值得再嚟！

▪️一幻拉麵▪️📍銅鑼灣告士打道280號世貿中心3樓L3-07號舖📝 ★☆☆☆☆ 👎✅先講好既野，餐廳環境望落幾大，仲有🌆玻璃窗望海景食拉麵，視覺上係幾好🤫❌一坐低想斟杯水飲，🫗見到啲杯好油好肥膩，好似冇洗乾淨咁，已經扣分👎🔹適量豚骨 蝦味湯拉麵🔹 ▫️湯或重蝦味🦐，上面亦有啲脆卜卜嘅炸薑粒增加口感。🈴▫️😣但係塊叉燒又柴又乾，唔掂💔▫️隻蛋係唔錯嘅，好流心🥚▫️🍜個麵不過不失，正常發揮。▫️全碗野靠個湯底，所以啲人話湯底係拉麵嘅靈魂講得一啲都冇錯。🤭🔹煎餃子🔹🥟普通到不能再普通。無野可以評論。💸埋單時發現原來用訂位app 有8折，不過應該唔會再有下一次。😓完！

位置便利嘅世貿中心前面，可以欣賞到怡和午炮嘅餐廳唔多，一幻係其中一間，人流雖然唔多，但如果想坐海景位置最好都係要訂位。二人同行優惠做緊極上海鮮蝦湯拉麵，手機自助方便左加右加，選擇係唔少、蝦大大隻、味道亦都十分濃郁，份量夠多，唯一嘅係湯底唔夠熱，之前嗰啲食完麵碗湯仲超級熱嘅。話雖如此，我覺得整體來說都算唔錯。另外，我哋發現咗日本知名 Afternoon Tea TEAROOM 除咗尖沙咀，仲開咗喺隔離，下次可以再安排去試。

早前去過銅鑼灣世貿中心幫襯過兩間餐廳時，曾經行過這間拉麵店，遇上今天去開銅鑼灣，於是就走去試試。去到大概下午3:00左右，因過咗食飯時間唔使等大把位，員工叫隨便坐，選擇咗望避風塘的吧枱坐。第一次去這間店，什麼出名不知道，見到一人拉麵套餐做推廣，包括拉麵、蟹棒蟹籽沙律、餃子（3隻）、飲品，就叫嚟試試。一個套餐叫咗原味拉麵（醬油/幼麵），另一個叫蝦汁拌麵，飲品要懷舊歌波子汽水拉麵好夠熱有蝦汁味添，喝一口唔錯，另外拌麵一樣有蝦汁味，個人覺得蝦汁多一些更妙（或另上一小碗汁）。餃子夠熱，整個餐拌沙拉可解濃味道，又有蟹棒蟹籽拌沙拉，唔錯的配搭好好。第一次食唔錯！服務方面，員工有禮貌，送上熱拉麵時提一提小心熱湯，只係今時今日大部份餐廳都係QR code落單，與員工少了互動反而覺得員工cool cool的，無服務了，可惜！地方可望銅鑼灣避風塘，地方也整潔。

星期五上左世貿試吓依間拉麵，本來想食格離間日本野但竟然執咗，今晚三四成坐率，其實一向拉麵麻麻，在香港日本都一樣…地方位置其實唔錯，又可以對海，坐底飲杯水，但水杯真心dirty , 有紙巾抹出黃色dirty 的污漬，QR code 落單叫了兩個2人餐，一個拌麵一個湯麵，其實好似個個麵差唔多……..入到口嘅，但味道一般，感覺正常，但反而個餃子又出奇地ok ，個海律前菜也正常。總栝只吃今次啦，如果唔改善少少衞生上和食物都幾難做，2個人食左$304。

公司仲未放完新年假🙈難得係平日放假緊係約朋友仔出去食😌朋友仔係世貿中心番工，近近地就佢係佢公司樓下食一幻拉麵～//Lunch 時間陸陸逐逐多人……好彩一入到去就揀咗望海位置🙋🏻‍♀️等咗一陣朋友到咗～廢麥太太揀咗 🦖 辛辣味噌蝦湯拉麵 🍜 一上枱先飲一啖湯～正呀！重口味呀😆😆😆雖然主打係辛辣味噌，但都仲會飲到蝦湯味配埋流心蛋同埋拉麵，好味～// 食緊麵既中途終於上埋煎餃子🥟係廢麥太太心目中既食拉麵一定要配埋餃子先係最完美亦都係取決廢麥太太會唔會再食呢間拉斱麵店既主要原因一幻拉麵既餃子煎得好焦香，一咬落去好多汁配埋個餃子汁～ 一個人食曬 5 隻不是問題😌✌🏻

這間位於銅鑼灣世貿中心的一幻拉面店，位置很好，因為它望着銅鑼灣避風塘，視覺上不錯。光顧的時候是下午三時左右， 店內沒有什麼人，較為清靜舒適。除了這些，食物的味道沒有甚麼特別。位於餐牌頂端的是‘’原味醬油蝦湯拉麵”，我對一幻沒有甚麼認識，所以就點了這個，再加配“雞肉叉燒”和‘’原味餃子‘’。‘’原味醬油蝦湯拉麵” 味道相對偏淡而且沒有蝦的成份，感覺好像是用一些味精拼湊而成的湯底，與拉麵的其他食物完全不匹配，無法融合。反而它的餃子味道來得自然，上菜時還在出煙，夠熱！正所謂一熱遮三醜，餃子算是好了。最後，服務是令人最為垢病的地方。除了那種冷冰冰的態度外，我曾向職員反映雞肉叉燒有點異味，職員說會跟進，最終不了了之。總括來說，除了餐廳外面那個海景之外，其餘任何因素（包括食物、服務和價錢）都會令我不想再光顧。

講出嚟大家可能唔會信，我從來未食過一幻拉麵 ，嚟自北海道人氣品牌嘅一幻🍜，我又點會唔鍾意食，只係一直未能的起心肝😂。今日同女友人經過銅鑼灣世貿中心見到一幻做緊6️⃣周年慶限定套餐，2️⃣人同行一人free，咁抵？！今次終於可以的起心肝去試😂。$138套餐包括自選拉麵1️⃣碗 / 龍蝦沙律1️⃣客 /綠茶或烏龍茶1️⃣罐，宜家買1️⃣送1️⃣真係勁抵。龍蝦沙律沙律菜🥗非常新鮮，龍蝦沙律味道鮮美，而且入面有唔少切咗粒嘅龍蝦肉🦞，整體味道出色。海老牛乳蝦湯拉麵 (+$30)由於Duck哥🦆想揀期間限定拉麵嘅海老🦐牛乳🥛蝦湯拉麵，問店員可唔可以做到二人同行優惠，店員話只需+$30蚊就可以🫢。咦？！單點都想差50蚊啦，咁而家我賺咗喎😂。(單點 海老牛乳蝦湯拉麵 $138，其他拉麵大約 $88)。講返個麵，佢地嘅招牌蝦湯底🦐，係每日用上5️⃣0️⃣公斤蝦頭熬3️⃣小時而成，加了牛乳🥛完全提升了蝦湯味道和口感，但就冇蓋過蝦湯嘅鮮味🥰，返而更添香濃細滑而且味道濃郁😍，令整個湯就有種好滑嘅感覺🤤。特濃蝦汁叉燒拌麵充滿驚喜拌麵，蝦汁🦐非常濃郁，叉燒粒粒亦整得入味😋。建議大家一定要趁熱食🔥，凍食和熱食完全是兩碼子事。原味餃子 $35二人優惠而

精明港女又有開心大發現🤩🤩🤩銅鑼灣海景拉麵店🌊2人同行1人Free，你食一份送多一份，好抵食呀😍😍🌟海老·牛乳蝦湯拉麵這碗拉麵的湯底是用上北海道牛乳與新鮮蝦頭熬製而成，濃郁的蝦味與牛乳的香滑，簡直係完美的組合👍🏻而且配料也同樣令人驚喜，一隻煎至外脆內嫩的大蝦，搭配上日式叉燒、南瓜蓉和芝士脆片，又特別又美味😋🌟龍蝦沙律 新鮮的龍蝦肉搭配上多種蔬菜，不僅賣相吸引，更是一道營養豐富的選擇😚🌟海苔櫻花蝦豆腐豆腐嫩滑，鋪在豆腐上的櫻花蝦，成為了餐桌上的一道亮點🧡🌟特濃蝦汁叉燒拌麵這道拌麵的蝦汁濃度適中，叉燒肉質軟嫩，拌麵口感彈牙🌟煎餃子外皮金黃酥脆，內餡多汁，做緊買一送一，值得加碼！在繁忙的日子𥚃坐在窗邊，一邊吃拉麵，一邊欣賞著避風塘的美景，也是一種小確幸🥰🥰如果坐到黃昏時分可能還能看到絕美的日落呢🌅喜歡食拉麵的朋友相信都會喜歡這裏吧😇📍 一幻拉麵 📍銅鑼灣告士打道280號世貿中心3樓L3-07號舖

見做緊買一送一優惠，係幾抵，，但一入座見枱上每隻膠杯都有污漬，有隻仲有殘留食物碎😨另外，有某位職員態度非常不友善，尤其對用優惠嘅食客，答食客問題都係串同囂張的，令人感覺很差！沒有下次了。

係附近做完野, 想食拉麵咁岩又見到呢間慶祝6周年做買一送一優惠!! 同男朋友見到咁岩大家又要食過, 所以就試下。雖然做緊買一送一, 但係當日現場都唔係好多人等。等左10分鐘左右就入得去!慶限定套餐每份套餐包括自選拉麵一碗、龍蝦沙律一客、綠茶或烏龍茶一罐。入到餐廳聞到濃濃的蝦湯味, 於是我簡左日本蕃茄蝦湯拉麵及綠茶!! 等左一陣先上左龍蝦沙律及綠茶，龍蝦沙律入面雖然唔知係咪真係龍蝦, 不過食落D肉都少少彈的。可惜要減肥只可以淺嘗一下...日本蕃茄蝦湯拉麵湯底都食到濃濃的蝦味! 蕃茄味就少少啦, 不過唔算濃, 但係叉燒得一塊勁薄, 味道一般啦(可能係太薄搞到我試唔到D咩味)我覺得其實可以多少少既…. 溏心蛋就正常的, 都有流心但唔係好食到味林的香味…另外我加左個木耳絲, 但份量偏少, 味道都係正常無特別…

一直以為自己已經寫咗食評…原來未寫…補番先…之前見到海老牛乳蝦湯拉麵做買一送一屋企又無飯食～就約左細佬一齊嚟試雖然係買一送一，但係佢佢都會收兩次加一嘅錢埋單$166…平均都要$83一碗，諗諗吓其實都唔係平好多…湯底偏淡，麵條比較淋，蝦食得出幾新鮮中間乾嗰塊係芝士😂就咁樣食好麻麻，整溶佢嚟食會好啲…雞肉普普通通…唔係咁鍾意佢pat南瓜蓉…整體嚟講食完嘅感想係….下次再食都係叫返佢哋嘅蝦湯拉麵好啲…

想食拉麵，朋友見到訂座平台有訂座優惠，有折就即刻訂左，真係好多餐廳有折。🍴涼拌木耳 $15 (7/10)比較酸酸地，有少少麻油芝麻去撈，比較開胃。🍴醬油味筍 $15 (7/10) 個筍係份量好足，好爽口甜甜地。🍴胡麻汁脆辣雞拌青瓜 $38 (8/10)青瓜同雞肉個份量都好多，青瓜好爽口，雞肉都正常唔會太乾身，用咗少少麻醬同辣油去撈香濃，好香口開胃。🥟原味餃子 $35 (7/10)餃子有五隻大大隻，皮薄厚肉，食落去係比較偏甜嘅白菜豬肉餃？🍜味噌蝦湯拉麵 $88 (7.8/10)份量好多，原味蝦湯個蝦味好香濃，唔會太油膩，個幼麵係比較軟身好滑，有少少鹼水味，叉燒係薄切，食落去好軟腍腍，一啲都唔油膩有肉嘅香味🍜辛辣味噌蝦湯拉麵 $88 (7.5/10)辣味噌係真係有小辣嘅程度，辣辣地非常之開胃啱晒想食辣，但又唔食得太辣嘅人！🍜特濃蝦汁叉燒拌麵 $88 (8/10)入邊有紫菜叉燒粒明太子同埋蔥花，撈起上嚟食落去係比較咸香又有太子嘅香味，叉燒係正常比較偏瘦，個面係粗身有口感，都幾唔錯，如果唔想食湯麵呢個都係唔錯選擇！推薦指數: 7.5/10份量好足個麵好似有1.5個麵咁多，坐得舒服，味道ok重蝦

今日去世貿行街而家好似叫WWWTC咁岩見到廣告牌寫買一送一對上果次都好似三個月前喇上次優惠我好似食左有五次今次係牛乳蝦湯拉麵之後會送一碗同款/普通拉麵我驚媽咪唔鍾意牛乳湯所以叫左各一如果兩碗都係牛乳蝦湯拉麵係最抵的黎到個牛乳湯好香蝦味隻蝦仲要好大隻湯底唔會好奶/好漏最重要係熱辣辣麵條又彈牙買一送一真係冇得輸今次優惠我又唔知會幫襯幾多次🤭埋單好似$14x 兩碗👍🏼