一幻拉麵

營業中

休息中

一幻拉麵創立於2009年，並於2019年4月正式登陸香港，憑著香稠濃郁的甜蝦湯底，俘虜了不少食客的心。早前到銅鑼灣一幻吃午餐，看見這個「二人拉麵套餐」非常低食，內容包括自選拉麵2碗、凱撒大蝦蟹棒沙律1客、餃子5隻 及 自選飲品2款，比單獨散叫更加優惠。首先來的是兩罐飲品，第一罐係帶有少許威士忌味道的梳打水，第二罐係帶有濃郁水果香味的北海道梳打水。之後係大蝦蟹棒凱撒沙律，內有幾條肉質結實有韌性的蟹棒及爽口彈牙的大蝦，沙津菜加入凱撒沙律汁，更覺滋味。😊外脆肉鮮的餃子，正在做特價，只要堂食任何一碗拉麵（下午茶餐除外），即可以優惠價$1享用一隻餃子。😙主角拉麵終於上場，我選了以北海道牛乳結合招牌蝦湯底製成的「海老•牛乳 蝦湯拉麵」，以濃郁的蝦湯配上牛乳香滑的口感、虎蝦爽彈、配上肉嫩滑溜的慢煮雞胸肉；幼麵爽口彈牙兼且有咬口，雖然掛湯力沒有粗麵好，但我更喜歡這滋味；湯底配上鮮甜的日本南瓜蓉、爽嫩的日本水菜、芝士脆片及炸麵酥，吃得很是滿意！😋老婆選了這款「蕃茄蝦湯拉麵」，帶甜的蕃番配上一幻的特色蝦湯底，味道鮮甜香滑，附上半隻溏心蛋、日本叉燒、切片番茄 及 粟米粒，配上掛湯能力極強的粗麵，麵酥及青蔥，

一幻最出名就係佢個蝦湯🦐期間限定：海老牛乳蝦湯拉麵🥛🦐🍜(原價) $138，網上訂位有8折後$110有8折我地就試左佢個期間限定嘅海老牛乳蝦湯拉麵🍜湯底好濃嘅蝦味🦐，材料方面就有一隻大蝦🦐，兩件雞胸🐔，仲有塊以為係蝦片，但食落似有芝士味嘅一塊野😂😂，湯底仲有啲南瓜蓉係面🎃，隻大蝦好爽，但唔知點解要加雞胸😂雞肉唔算鞋，但放落拉麵都有啲唔太夾🤣飲完第一淡湯後，再搞散啲南瓜蓉一齊飲，令到個湯更加甜😃👍

星期日嘅下午book咗5:30買一送一拉麵🦐原味蝦湯拉麵平時唔鍾意濃味加辣嘅人，原汁原味啱晒啲人會搞錯龍蝦同蝦湯，龍蝦味係會好衝會有人係想食蝦味，但太濃會頂唔順🦐🌶️辛辣蝦湯拉麵中意辛辣又想試蝦味，唔會失望因為係湯面都見到蝦煮既蓉，飲湯都唔會食到後面覺得咸得濟一幻既麵質係幼麵，不過不失🥟餃子 都係叫左辣味 味道幾特別主要係個醬唔同味道，其他都係一樣

趁住一幻拉麵既屯門、荃灣、銅鑼灣分店做緊第二碗拉麵半價，就同屋企人搵咗個Happy Friday放工去銅鑼灣食。銅鑼灣呢間分店仲有海傍景睇添架，不過夜晚去睇唔到景就揀番卡座坐得舒服啲。佢其實有二人拉麵套餐，可以自選兩碗拉麵再加沙律同餃子小食，包餐飲都幾抵食，但今次第二碗半價既優惠就只適用單點產品，下次先試佢個套餐啦唯有🥹平時黎親都係食佢既蝦湯拉麵，今次就揀咗期間限定既牛乳蝦湯拉麵，味道有驚喜！蝦湯既海鮮味原來同牛乳好夾，海蝦都好大隻又鮮甜，唯一美中不足既係雞肉我覺得偏咸。

聖誕節諗住嚟個偽日本遊，諗住食返碗拉麵，點知中咗大伏。湯冇蝦味又勁油，面淋到一個點，似日式超市拉面質素但煮咗超級耐。餃子脆都唔脆。唯一可取係前菜，算係咁。我都唔想花太多時間寫，以免浪費人生。

今次叫咗兩碗拉麵一碗係濃厚豚骨蝦湯拉麵（幼麵）另一碗係粗麵今個月有買一送一優惠所以已經係第二次嚟食喇今次呢個湯底非常之濃郁好重蝦味但係濃得黎唔會好重味精食完唔會好口渴粗麵同幼麵分別唔會好大個人喜歡粗麵好有咬口，麵質好彈牙男士們可以加麵底$15又或者加個白飯撈湯都不錯另外服務同環境非常之好今日星期四見12:45 開始爆場但等位唔耐的會再黎食呀👍🏼

平時食碗拉麵都要百幾蚊襯佢買一送一試試佢除左季節限定個d貴d外基本拉麵都係一律$88加一計正價 除番一碗$53！我哋兩碗都係蝦湯拉麵湯底一碗原味+鹽味 一碗濃厚豚骨+醬油(有葱個碗)睇落個濃度唔算太大分別始終個蝦湯太重味 蓋過晒個口味絕對係重口味人士之選😂麵條有得揀粗同幼 我哋都係各選一粗麵好有口感 似平時沾麵嗰種 好食！至於幼麵佢又唔係好幼嗰隻都有少少口感不過如果係食開平時幼拉麵就會唔鍾意每款都有兩塊叉燒同埋半隻蛋味道都正常 索哂個湯底嘅味都係嗰句 重口味😂整體又唔會食到勁口渴 好食又抵食趁佢仲係買一送一就去試吓啦～

在銅鑼灣閑遊之前，先到一幻拉麵祭五臟廟。二人套餐有自選拉麵、沙律、餃子以及果汁梳打，正合朕意！雞胸沙律的沙律汁調得好好味，少少麻少少酸；雞肉是慢煮的，所以即使是雞胸也不粗糙，只是稍嫌細碎。煎餃子的餃皮上腍底脆，肉餡還透有肉汁。小人還發現一種美味的食法：把餃子蘸點餃子醋之後再加些拉麵胡椒，能即時令餃子昇華起來！北海道咖哩蝦湯拉麵的咖哩蝦湯底實在太溫和了，一點都不夠濃郁，不管是咖哩或蝦的香氣均不夠突出。幼麵條很滑口，湯麵裡沒有叉燒，只有一些半肥瘦的豚肉粒，帶點脂香。反觀特濃蝦汁拌麵就美妙得多！粗麵條每條都滲出蝦油的香味，配著豚肉粒、香蔥、紫菜和炸蝦酥，再加上蝦油是由面穿透到底，因此從第一啖食到最尾一啖都可口不已！在蜜桃與蜜柑的果汁梳打之間，小人會推介蜜柑味，感覺較為鮮香！需要特別一提的是店方供應的蒜蓉是小人吃過的拉麵店之中最香最蓉的，給讚！

銅鑼灣世易中心一幻推出左唔同嘅飲食優惠，除咗有一人套餐買一送一之外，仲有全單八折。見咁抵玩，即刻入去睇吓佢咩料。日本蕃茄濃湯拉麵 🤩🤩🤩🤩落order嘅時候有幾樣嘢可以自選嘅，包括麵底，包括粗幼麵，我個人推介就用幻麵，因為可以盡量索晒湯面嘅汁。除咗麵之外，仲可以選擇味噌還是醬油底而呢次我就選擇咗味噌。落單之後唔使等好耐， 拉麵已經送上。配料唔算特別多。有一片叉燒，兩塊蕃茄，同埋半隻流心蛋。不過湯底俾人感覺就好足料啦，本身我怕蝦湯味道太濃郁，會覺得好鹹，但啲碗蕃茄底啱啱好可以中和蝦湯味嘅喊道，既有蝦湯味嘅香，亦有蕃茄嘅酸甜。平時我食湯麵通常都淨係食麵先，好少會連湯一齊飲，呢次我就建議麵同湯同時食。配料選用嘅叉燒唔算特別肥，食起身唔會覺得好油膩。唯一嘅不足呢，就真係得一片，唔係好夠口。至於流心蛋嘅火候控制得唔錯，用蛋汁同湯再加麵一齊食，個味道都係唔錯既。值得一提嘅係呢間位於世貿中心嘅分店座落喺遊艇會附近，咁啱我就坐咗喺窗邊嘅位置，可以見到遊艇會同埋灣仔避風塘嘅風景，食嘅時候岩岩好係日落黃昏，可以邊欣賞美景邊享受美食，都真係一件賞心樂事。

好耐都冇食過一幻拉麵，對上一次應該係差唔多一年了。 世貿最近翻新完，整體望落去變化不大。 一幻拉麵於世貿三樓，都相當搶眼入到內裡， 第一張睇到就係個海景位 真心超靚 野食價錢都冇加過，因為係用某Apps預訂享有折扣優惠， 所以折埋唔洗$50 ， 咁嘅價錢同咁嘅景黎享用lunch，真心超值🤣🤣Menu方面除咗一般嘅拉麵，最近仲有新嘅優惠係買一送一，岩哂兩個人黎食。 聽到職員同後面嘅客人介紹買一送一仲可以嗌唔同嘅食物。 不過由於只有自己一個就叫番「日本蕃茄蝦湯拉麵」（$78） 可能因為啱啱開門冇乜人， 所以好快就有得食。 都係果句唔好以為有折扣所以半夜會細碗左 ，其實份量都係一模一樣。 感覺而家湯冇以前咁咸， 蕃茄味略淡。 麵條軟硬適中，但叉燒得一塊仲要有小小溶溶爛爛咁😅。 糖心蛋味道一般。 質素感覺略比其他分店差一點點。

去完SOGO買野就過咗世貿揾野食，之前因為皮膚敏感一路都唔食得蝦🥲而家好返終於可以試吓「一幻拉麵」最出名嘅蝦湯拉麵，而家仲做緊8月限定優惠，一人前套餐$172買一送一，套餐包咗一碗自選拉麵、小蝦沙律、餃子同飲品，勁抵食👍🏻我地再加咗個薯仔沙律同叉燒飯，total 只係$292😛濃厚豚骨蝦湯味噌、幼麵食拉麵前飲啖湯先，香濃嘅豬骨湯入口充滿蝦油香，麵質軟硬適中，幼麵亦能掛上湯汁，兩大片嘅叉燒切得好薄身，亦比湯底嘅味道搶晒，變得較為普通辛辣味噌蝦湯幼麵建議唔食得辣嘅人唔好點呢個湯底，我試咗幾啖都真係有啲辣😛本身係食大辣之人😛辛辣味反而令蝦油味冇咁突出，兩款湯底各有特色小蝦沙律個人覺得幾好食，爽脆嘅椰菜絲加上芝麻醬同埋甜甜地嘅蝦乾仔，不錯的前菜餃子餃子正正常常，餡料多即煎皮脆薯仔沙律份量真係比較少，味道一般叉燒飯角切叉燒肉質比較乾，醬汁唔太夠，變咗碗飯有啲乾，普普通通，建議都係食返拉麵算😆📍一幻拉麵 (銅鑼灣)銅鑼灣告士打道280號世貿中心3樓L3-07號舖人均消費：$150食物：⭐️⭐️⭐️⭐️環境：⭐️⭐️⭐️⭐️⭐️回頭率：⭐️⭐️⭐️⭐⭐

放工勁累，那那林搵間餐廳。突然諗起世貿開左新間拉麵鋪，就試試佢。一上拉麵，香噴噴超香濃蝦味湧出來，飲氹湯，都有蝦味。不過，如果不太喜歡海鮮，可能會覺得有點腥味。但本人都ok，啲面質地正常，如果想食下拉麵，不太高要求，都可以試下。同時叫左碟餃子，皮算薄，不過不失，有點油。可惜，食完成件衫有陣食物味。同埋，味精較多，大概普遍拉麵鋪都甘上下。回家後，好口渴。再講環境都有日式風格，可能職員較忙，唔算太親切。

2個人叫咗個2人set，拉麵湯底好濃蝦味，麵可揀粗或幼麵，我哋都揀咗佢哋推介嘅幼麵，整體好味。另外跟餐嘅沙律好fresh好好食，反而餃子無特別，但飲品唔好飲，我哋揀咗2款梳打，蜜桃味似藥水，巨峰無提子味得個甜字。環境唔錯，坐窗邊位仲有海景，食完仲有100蚊voucher送返，下次消費就可以用。

人哋介紹 銅鑼灣世貿廣場開咗間新拉麵好正， 價錢合理， 佢有限時優惠 百零蚊就有個 牛奶濃湯大蝦拉麵， 大蝦爽滑大隻， 湯底濃郁好味， 鮮甜得嚟 唔會飲到人哋 成晚 飲水， 我自己都成碗湯底飲曬， 餃子同其他小食ok正常， 我諗呢啲唔會做得特別好食同 難食， 飲品list都幾多嘢選擇， 全部日本空運到港， 仲有開頭以為碗麵好細唔夠飽， 叫咗幾個飯糰， 原來碗麵都大大碗食完都飽咗， 飯團即叫即整， 啲飯同餸仲要暖暖地， 唔錯唔錯， 我哋都專登早啲去 怕要排隊， 果然 越晏就越多人， 望住個超靚海景， 胃口都特別好， 一路打卡 一路食， 人生一大樂事🤣之前食過好多拉麵， 一係啲 拉麵 好重鹼水味， 一係啲麵質唔夠爽， 要做到爽彈得嚟冇鹼水味真係唔係個個做到， 呢度啲麵同埋湯底真係誠意推介， 希望大家 都可以食到好食嘅拉麵

每次一幻開新店都會有限定優惠，我每星期都嚟幫襯，享受今次第一次拉麵買一碗送一碗！$130 食兩碗麵！到今個星期推出嘅優惠係幫襯一碗正價麵，加$28任食餃子！ 我每人叫咗6 x 6 =36 隻，回本！下一個星期再推出嘅優惠係食二人餐，就送$100現金券．一定繼續支持！佢嘅濃濃蝦湯底好入味，第二間舖頭食唔到的，濃蝦味得來唔咸，返到屋企都唔需要特別飲多啲水，足以證明一幻湯底係真材實料！ 可能未有足夠宣傳，鋪面靜英英，但客人坐到最入可以望到維港，又可選擇卡位舒舒服服，各式其色，好好享受一頓日本拉麵🍜