一心素食 (已結業)

Lunch Set 4 南瓜汁義大利飯 （$50）義大利飯全素但係好creamy 完全唔覺得係素。但係就冇南瓜味碟飯好大份，食完真係飽到上心口湯 - 羅宋湯。前菜 - 冰菜+醋汁 另外叫咗吉列素扒卷 ($29/6件）壽司係新野，今日係第一日開始賣入面有青瓜，沙拉醬同素豬扒好好食既combination

今晚一行五人試食「一心素食」， 味道不錯。 黑松露焗長通炒， 石頭窩茄子煲 pizza 好食👍🏻👍🏻👍🏻👍🏻👍🏻👍🏻😘😘😘 下次會同朋友 再幫襯 。

今次同朋友一齊食晏, 朋友係食齋嘅所以我哋今次就揀咗一間位處於觀塘工業區裏面嘅素食餐廳.餐廳環境十分之闊落!午市精選套餐餐牌坐低之後好自然就拎起個餐牌睇睇!發現呢道嘅午市精選套餐其實都幾抵食下,平均50蚊左右免加一就可以食到一個餐, 而套餐嘅內容亦十分之豐, 包括咗一個餐湯, 一個前菜, 一個主菜,仲有飲品同埋甜品, 可以話係性價比什高!晚市套餐餐牌雖然我哋今次約咗係食午餐,但係因為我同埋我嘅朋友都十分之肚餓,睇完餐牌之後我哋一致決定選擇分量較為多嘅晚市套餐, 我哋今次揀咗嘅係一個二人套餐, 249蚊包兩杯餐飲, 一個冷盤, 一個小食, 一個炒飯, 同埋兩個小菜, 仲有包埋甜品㖭! 咁我哋今次揀咗嘅菜式包括有:秋葵包絲撈起, 特色一心雜菌pizza, 一心炒飯, 石鍋雜菌茄子猴頭菇, 椰香紅咖哩鮮蔬素肉腩!喺啲嘢嚟齊曬之後影返張相!秋葵鮑絲撈起 呢一道菜秋葵鮑絲撈起係一道冷盤以烏冬麵為主, 然後配上沙律,呢一道菜完全適合夏天食, 超fresh,加上有秋葵, 雖然麻醬唔多, 但係本身秋葵會有膠質, 所以就算無醬都係唔會好乾!特色一心雜菌pizzapizza餅底係手抓餅, 比起正常pizz

一直以黎都覺得食素好健康所以一定好淡口味，咁對於我呢個重口味人士一定唔係咁適合啦當我食過一心素食先知道原來呢個觀念係錯嘅，原來食素都可以好多花款好好味架喎今次喺下午茶時段幫襯，叫左個炒准山麵，雖然無落肉，但味道一啲都唔單調，一個字去形容:好好味！

曾經以$9下午茶平通全港而聞名嘅一心素食，經過呢一兩年嘅加價，不知不覺已經加到$16起，特色什菌湯公仔素麵仍然吸引到不少人捧場。始終家下百物騰貴，$16有個麵仲有凍飲，而且免費加大去邊度搵先我地無貪心加大飲品，知道正常size已足夠。素菇麵煮得不錯，麵唔會太淋，菇嘅數量都算多，以下午茶來說，分量算足夠了。最後埋單$32兩位，平時外面食個tea加個凍飲都唔得啦，最重要係間中食下素，對我地呢啲食肉獸黎講，當比個腸胃休息一下都係件好事黎嘅

第三次食一心，三次都是星期六日去所以未見滿座情況，但可以想像平日午膳時候的繁忙景況。前菜點了餐包但亦不能睇少，餐包外脆內軟熱辣辣的，配上牛油簡直一絕！男朋友叫了一道小食炸魷魚圈，但叫得素食魷魚圈當然是麵粉跟這類食品。麵粉跟基本上沒有味道，靠的是粉漿及沙律醬調味，因此味道見仁見智。前兩次主菜我都要叫了法式黑松露素胡椒扒焗長通粉所以我今次推薦了男朋友食這個，他亦大贊黑松露味十足，餐湯黑松露忌廉湯香氣滿溢，身為黑松露控的我們非常滿意。至於我今次就叫了紅咖喱鮮冬菇集菌鮮蔬飯，由於刺激的調味料不屬於素食，所以紅咖喱是不辣的。但我覺得不辣的紅咖喱配上蔬菜有種格格不入的感覺我食了一半就與男朋友的主菜交換了我想我下次應該都是叫黑松露焗長通粉就好了

遲左到餐廳，如果5係跑過去，肯定遲半個鐘。其實餐廳係近牛頭角，多過近官塘，早知道响牛頭角行過去。入到餐廳，order 左個2人套餐。有5個菜。一個金翅湯，一個茄子煲，一個炒飯，一個雜菌，一個一心pizza3個人食，太多。下次有機會再黎，會散叫。主菜ok,唔多油。糖水係馬蹄露，麻麻地。

又到左好友生日既大日子當然要咨詢下主角想食咩生日大餐啦無肉不歡既友人竟然話想試下素菜 因為佢生日飯已經咩菜都試勻哂 差素菜未試於是係openrice大神指引下就搵左呢間位於觀塘既「一心素食」餐牌方面都有唔少選擇 set叫又得 散叫又得 仲有得打素菜火鍋係店員建議下 叫左一個2人set 再加一個小菜， 3個人share~1/ 姬松茸豆腐羹 呢道湯羹飲落去唔會「杰撻撻」而且姬松茸與豆腐的豆腐極佳2/黑松露秋葵炒蛋現在黑松露的價錢到底是有多便宜真的是每一口都有濃濃的黑松露而滑蛋十分嫩 火候掌握得十分好做all day breakfast 配料之一應該好正3/ 干鍋惹味鮮雜菌帶有少少辣道的醬汁十分香口 認真十分卜飯而且醬汁與材料完美混合 煮得十分入味！一人KO兩碗飯完全唔係問題！4/芋頭魚外皮炸得十分香口 而且完全不油膩！入面的芋頭十分綿密鬆軟 再醮上其所配的甜酸汁和生菜 真係一條三個人都唔係好夠分！5/鮮搾生薑蘋果汁一聽個夠就知健康野！飲完即刻補充返哂啲維他命唯一不足之處係果汁渣太多 或多或少影響左口感6/ 芒果千層 提拉千層完全沒期望到一間素菜店可做出咁高質既甜品其千層蛋糕口感綿密 而且沒

本人第一次感受到不🈵️。因為員工態度好有問題。是原中午用膳於此。13:04落單，只送來一碗湯及前菜，等到13:30主菜都未上。忍不住催店員甚至去到老闆那裡。最後只好取消。員工不單止不道歉，一句取消説了就算本人亦希望下次可以再光顧，看有沒有緣了

其實真係成日都黎呢間 一心素食 Lunch, 真係好好食！！每逢有素食朋友黎觀塘搵我食Lunch, 都會黎呢間！！ 同事們每個月亦總有幾日過黎堂食 OR 外賣番公司食！！觀塘友誠意推介！！個人最鍾意呢個午市套餐 先講前菜, 有沙律菜、餐包、百穀方包、泡芙, 4選1個人最鍾意食都係 餐包！！ 每次食都外脆內軟, 水準一直都保持得好好 加埋大大舊牛油, 一絕！！ 餐湯方面, 有 雜菜羅宋湯 AND 鮮忌廉湯, 2選1鮮忌廉湯真係無得頂！！ 而家睇番相都回味到果啖濃郁既湯味！！一入口, 黑松露既味已經充滿你既味蕾！幸福既感覺！忌廉同菇既味道亦濃郁非常！！整體加起黎真係一個絕配！！信心推介！主菜方面, 個人最鍾意食呢個 "意式素肉醬吉列素扒焗炒飯", 絕對好食過真既焗豬扒飯 ( 罪過罪過 )大大塊素扒份量真係超多, 絕對落足成本！外脆內彈牙！好好食！忍唔著又要講多句... 仲好食過真豬扒~ XDDD面頭果層厚芝士又係一個大重點, 極邪惡, 極好味！！配埋炒飯底, 吸收曬所有"肉"汁, 芝士香味, 真係拍枱叫絕！！ 大家不仿一試！！提提各位觀塘番工既朋友仔！ 一心素食既外賣自取真係好抵架！！ 差

早幾年店主接受報章訪問，以$10下午茶優惠顧客和基層，所以星期六日我們也喜歡來這裡吃下午茶，當時很多客人都會點2-3碗$10野菌麵餐，飲品還可以免費加大，但我們試過加大的飲品不過是加水，味道變得很淡，所以做人不要太貪心，普通SIZE的凍飲也很足夠了，不用加大啦XD隨後可能通漲影響，限制客人每位只可以點1個$10麵餐，然後漸漸開始加價到$12，至現在要$16了，人客明顯小了很多下午茶其實有很多選擇飲品也不少，而且凍飲可以免費加大，加大後真的很大杯為了保持味道質素，我們選擇正常SIZE的凍朱古力當初$10的素菇麵現在已經$16了，說真的，吃一碗是不夠飽的，但味道很好，湯味很濃，公仔麵也很彈很有口感，而且間中吃一餐素食算清清腸胃啊﹗雖然加了價，但我們還是會支持良心小店的～

今天相約了中學同學再這裡短聚，我們點了一個四人套餐，菜式如下：（１）海皇翅有豐富的木耳絲，菇絲，不太「結」物（２）脆炸三拼菇自從在台灣吃過炸菇後，是第一次在香港嘗試，處理得很好，很酥脆，不過要快吃，不然放涼後會出水。（３）黃金泡菜卷雖然泡菜不太突出，但也是香口野，伴碟的千島醬有點精作用。（４）咕嚕肉不只波蘿一款水果，所見還有火龍果、哈密瓜，彷肉的口感也很像真。（５）菜甫煎蛋朋友喜歡的一味菜，普通但卻是伴飯之選。（６）麻婆豆腐黑椒味很重，不太是麻辣～（７）豆漿蔬菜鍋以為只有雜菜但想不到有水晶粉，豆漿出乎意料與蔬菜味道配襯～價錢百多元，但食物質素、服務很不錯！

剛過完農曆新年，到處拜年，總是坐埋一齊，都離唔開，聊天、食飯，大魚大肉，開心日子，人也特別肥得快！想起開工，也提不起勁來！開工了，又回到熟悉的工作環境，同事們又聊起大家食飯團拜，唯一要求是要食得清淡為主，都是個好主意！來個素食，清清腸胃，迎接春天的來臨！位於工廠大廈內，地方寛敝，一般裝潢、座位舒適、清潔衛生、招呼周到，介紹菜色，那樣低食等。竹笙素鮑參翅湯，湯底香濃郁，用料十足，配料爽口彈牙，啖啖回味。咕嚕肉～色香美味俱全，素肉味真、啖啖肉、爽口、甜酸適中、生果、彩椒提鮮，清甜。百合雲耳炒西蘭花脛～清炒、原味、清甜、爽口。芋頭神仙魚～魚形態生動，炸得外脆內軟，芋頭泥，夠粉香甜，點上甜酸汁，食落不油膩，脆與粉在口中溶化。

約朋友在官塘一聚，找位吃晚飯，都有點困難，亦唔知食什麼好？有人提議吃素菜，這都是個好提議，一來快過年，未勉日日都是大魚大肉，需要清清腸胃，要食得清淡點。很容易就找到這間位於街角口的素菜館，位於工廠區内，晚上人流比較少，座位十分寛敞。看看餐牌上的素菜都有多款菜式價錢便宜，選擇了好幾款素菜，特別堆介芋頭黃金魚👍，必食！芋頭黃金魚，炸得恰到好處，外脆內軟，芋頭蓉香味濃郁，夠粉，餡料香滑香甜。👍支竹豆腐素火腩鍋，上檯時，鐵鍋還在發出吱吱聲，熱辣辣，香味已散發出來，支竹、冬菇、豆腐卜、配料，吸收了醬汁入味，火腩肥瘦均勻，賣相一流。一心炒飯，色香味美，非常吸晴，飯粒粒粒分明，不油膩，清淡可口。石碢雜菌茄子猴頭菇，熱辣辣，香氣撲鼻，用料及分量十足，茄子軟硬適中，吸入了醬汁，增添了口感，用來佐飯一流。

間唔時都想食下素，就去朋友推介的一心。餐廳好大，晚上去食飯唔駛等位。有朋友想點傳統老式素食，如齋老味，但係都冇，只有新派的素食，要左四人餐($494) 有一湯，兩小食，四小菜，連炒飯、飲品和甜品。朋友主推肉醬時蔬吉列素扒飯，真係幾好味，像真度有80%!神仙魚係芋頭黎嘅，點酸甜醬食，唔錯！菠蘿咕嚕肉有嚼勁，菠蘿又香，可以食唔停口。炸素魷圈超真的，配千島醬，炸得好香口、脆卜卜。炸三拼菇配沙律醬好大份，食極都食唔完，菇仲充滿水份，一D都唔油脷。枝竹豆腐素火腩鍋就差少少，都係茶餐廳真野好食D。姫松茸豆腐羹可以加醋，一般，唔係太like個湯味，用粉開咁……蛋白炒飯好香又好食，飯係一粒粒的，夠鑊氣！紅豆麻糬甜品都ok。總的來說，素食黎講真係幾好味又好抵食。