一杯鐵板燒居酒屋 (已結業)

YOHO嘅餐廳都非常有質素，呢間地鋪居酒屋門口唔大，但入到去真係別有洞天，平時行過隔住玻璃都覺得呢間鋪裝修真係不得了，真係入到去好似去咗日本街頭咁😭每個位都係打卡位！呢晚我最滿意係個服務，俾我見識到咩叫專業嘅服務，經理由一入門口就俾個最靚景嘅位我地，然後又話今日天氣凍，會推介啲食完暖胃嘅菜式俾我地，真係好貼心。飲咗壺水果茶，真係幾驚艷，無諗過原來可以好飲過出面嘅所謂手搖水果茶鋪頭，唔單止水果新鮮，原來連個茶底都係用雪梨茶煲出黎！正🤤之後有油甘魚吞拿魚蓉卷。賣相擺盤都非常不錯！師傅手藝都好高，加咗嘅配茶同topping都令到口感同味道層次更豐富，又唔會掩蓋咗刺身嘅鮮甜！🤩燒鮑魚。燒鮑魚真係超好味😋😋😋上枱已經聞到香味，鮑魚非常新鮮，只需少少鹽粒調味已夠。而且火喉控制得好好，鮑魚切塊後入口仍然都係咁嫩，完全唔怕變橡筋👍👍燒羊鞍。其實係街到食羊鞍都食到怕，好多時都係極騷、肉又鞋又乾，但係呢度真係燒得好有水準，亦食得出來貨已經係靚啲嘅羊！值得一試！😆之後就係令我地暖笠笠嘅鍋飯同埋湯。生薑豚肉鍋飯食到飯焦係基本，講真佢造型唔fancy，唔係將肉推到成座山咁高，但係佢勝在內涵，一杯嘅鍋飯嘅醬汁真係

與朋友吃過晚餐後還覺未談個暢快，便到附近的一間居酒屋繼續詳談。進內後確實被內裡的裝潢吸引著，整間餐廳裝置成一條居酒屋大街，每一個卡位扮成一所所的小店，設有鐵板燒座椅可欣賞師傅手藝與互動，頓時有種置身於日本的感覺。池魚王刺身薄切得呈透明，質感軟腍味道清新帶鮮，多吃感覺單調，適合配以放在中央所提供的青瓜絲及海藻類植物進食，那爽口感增加不少層次。旁邊的赤貝雖然細小呈粒狀，但質感爽滑，談天說地中不知不覺間，刺身盤便吃光了。剛煮起海鮮熱烘烘，大家也爭相品嘗，蜆肉size屬中型，質感新嫩滑彈牙，蜆肉連帶蜆汁及輕鹹牛油湯底進食，鮮味中不失牛油提味，令海水死鹹變得更和諧易入口。炸雞件大約有5件，剛炸起熱燙但可呈現乾身效果不油膩，顯然炸雞有被吸油紙抽乾油份。外炸粉較硬身，包裹著尚算嫩滑的雞肉，雖然香蔥汁味道不太顯著，反而更突顯雞肉鮮味無雪味。深海大蝦燒後切件呈上，蝦肉爽口彈牙，沒有經醃製或調味更顯蝦鮮味，但略嫌份量較預期中少，未能足夠與友人分享大蝦。—整體評語：食物-烹調方法沒有使用太多醃製或調味，顯然可吃出食材原味道，突顯食材新鮮，熱葷最為顯著，品嘗到蜆、雞件與海蝦的新鮮度.服務-場地並非開陽設施，服

生姜豚肉石頭燒飯 熱辣辣！ 有飯焦泡菜牛肉煮 好惹味 少少辣 夠多肉 泡菜好入味！鐵板深海大蝦： 開左邊 燒得好香 調味岩岩好！ 黑椒味好出鐵板鱸魚：燒到個皮都好香脆！ 唔腥少骨白身魚薄切：魚肉緊實 味道清爽 油脂唔會太豐厚 加埋海帶好夾！新鮮水果茶：好足料 好多生果！好補環境好有feel 好似真係去左日本居酒屋咁！ 有番鄉下既感覺 有卡位 岩同朋友傾計飲酒， 而吧台位就可以睇師傅做鐵板燒既過程～店員好細心 會講解食材同食法！整體黎講cp值唔錯既餐廳！

原來YOHO MALL有間勁有裝修勁靚, 樓底夠高既居酒屋! 好似去左東京既居酒屋街咁! 食第款式多, 刺生, 鐵板燒同熱食都好高質! 岩晒依排同朋友飯聚食~1️⃣ 刺身試左白身魚薄切, 即係章紅魚, 係香港真係難食到! 有咬口, 鮮味十足!2️⃣ 鐵板燒試左鐵板深海大蝦同鱸魚, 係鐵板燒個set都有. 蝦勁大隻 而且有膏! 鱸魚魚肉嫩滑, 冇骨~3️⃣ 熱食依幾日凍左, 更加要食d暖笠笠既野, 生姜豚肉石頭燒飯夠晒熱! 加埋個汁好惹味! 泡菜牛肉煮少少辣, 不過飲落真係好暖胃 xd4️⃣ 新鮮生果茶因為真係好凍, 冇飲凍野/酒. 依個生果茶勁足料, 有齊橙, 蘋果, 雪梨, 提子乾, 杏脯, 菠蘿乾, 同 berries! 超級潤 岩晒依個天氣~

尋晚同好朋友嚟到位於元朗YOHO的「一杯鐵板燒居酒屋」吃晚餐，店內樓底勁高，裝修充滿日本和風味道，恍如置身於日本地道居酒屋🏮放工同朋友嚟chill一下就最好不過壽司盛合先叫左個六件壽司盛合🍣三文魚煎香後充滿魚油香，配上日本珍珠醋米飯，正呀！另外仲有青瓜蘿蔔漬物小卷都好出色鐵板燒牛油果帶子日本帶子同雜菌以鐵板燒方法煎香，配上新鮮軟滑牛油果醬，好好食哦味噌煮廣島蠔伴野菜鍋日本廣島蠔大大粒，有5-6隻，好足料，鮮甜美味！和風味增湯配上新鮮雜錦野菜，絕佳配搭，味道同口感都好豐富哦柚子豚肉石頭湯最近天氣凍，所以叫咗個熱騰騰嘅石頭湯🪨裏面有蔬菜、雞蛋、豆腐、蘿蔔同豚肉，清淡唔油膩，夠晒健康！雞蛋同豆腐都好嫩滑呢生薑豚肉石頭燒飯石頭鍋飯保留住高溫，裏面係鹹鹹甜甜嘅豚肉生薑燒，啖啖香濃豬肉味帶生薑香，佐飯一流！而且份量十足，好飽肚呢

想搵間餐廳同男友慶祝紀念日，大家異口同聲話好掛住日本野，就搵到呢間居酒屋🏮係Yoho mall入面，餐廳裝潢令人感覺置身係日本咁，餐牌食物種類好多，燒物、串燒、刺身、壽司等都有齊！▪️池魚王薄切 伴 加拿大海膽刺身池魚王話係薄切，實質好厚切，池魚王好新鮮，肉質厚實，口感好好！海膽有4片，每份好大片，味道濃郁得嚟又鮮甜，包住紫菜放入口，成口海膽味，不得之了。▪️燒羊鞍經鐵板燒完特別香口，羊鞍好大件，肉質嫩，好易咬開，平時好怕羊羶味，依個完全冇，煮得非常好，伴碟仲有芥末醬，點埋食更加惹味店員巧妙地安排好上菜次序，食左道濃味菜後，之後先上左碟炒雜菜清清喉嚨▪️鐵板炒雜菜炒雜菜份量同種類都幾多，芽菜、菇類、椰菜、西蘭花，紅蘿蔔，經鐵板炒過後特別香口▪️和牛薄燒150g和牛薄燒卷起左，牛肉味濃，肉質嫩，唔點燒肉汁食已經好夠味，係靚牛嚟～而店員好細心為我地特製，佢話平時係有碎葱係和牛入面，今次用左堆炒雜菜伴碟取而代之，更多樣化，翠玉瓜、茄子、本菇，多重口感！▪️凍喬麥麵最後點埋喬麥麵，凍食麵質會更有口感，仲有蛋醬點

經常經過呢間餐廳，唔敢入去食，因為餐廳門面好似好高級，但原來價錢好合理，食材新鮮，店長超熱情，座位很多，寬敞舒適，裝修日式，整體都很不錯。特別刺身料理十分出色，唔算好貴，貨真價實！。．．。．．。．．。．．。．．。．．。．．。．．池魚王中切配帶子刺身～超新鮮！！呢間餐廳刺身要bookmark，好推薦，又唔太貴，日本直送，飛機貨，店長會推薦返左咩正海鮮。帶子刺身超大隻，好鮮甜，想encore。池魚王都好出色，唔腥，肉質好實淨肥美，好食！！新鮮水果茶～清甜，雪梨水底煲出來，入面好多水果有橙，梨，菠羅，杏脯，提子乾。鐵板銀鱈魚～銀雪魚煎得好香脆，唔腥，有少少骨，配上酸甜柚子醬，十分夾，非常好食。薄燒和牛～薄燒和牛中間捲左啲蔥花，揀左七成熟，肉質軟嫩，肥瘦適中，很香牛味，蔥香增加口感，中和了牛的油脂感。清酒煮蜆湯～超級熱的石鍋，上枱仲滾緊，蜆大隻，好鮮嫩，滾得咁緊要以為會over cook，蜆湯可以飲，清甜。蟹肉石鍋飯～熱騰騰的石鍋，份量很多，蟹肉很多，有滑蛋，好多飯焦。

元朗形點隱世日本高質居酒屋🏮【#一杯鐵板燒居酒屋 】刺身鮮帶子 兩隻 $60啖啖肉嘅新鮮帶子，夠晒肉質鮮嫩，咬落去一啲都唔係冰鮮嘅感覺，口感一流！牡丹蝦 兩隻 $120一望落去新鮮嘅牡丹蝦真係比較通透，好似識發光咁，食落去嗰種鮮蝦味真係要Encore！金目鯛 $220估唔到咁肉質細膩，入口感覺好軟滑，加埋薄切豉油真心要推介！鐵板爐魚 $180本身對於燒魚類都有一點點抗拒，因為都怕有一陣腥味，估唔到今次食落反而一啲味都無，仲要魚肉都保持得爽口彈牙，香脆嘢外皮仲幫佢加上一啲香口嘅咬感！鐵板鮑魚 一隻 $116香噴噴嘅鮑魚一上就慢慢滲出淡淡香味，雖然鐵板做法，但係一啲都唔乾身，咬落去鮮味汁炸晒出嚟！石鍋鯛魚湯 $148白身魚做魚身 鯛魚自家煲湯 配料足之餘仲要啖啖入口都夠晒味，再加上啲菜入晒味，一路飲湯一路食夠享受！滑蛋鰻魚石頭飯 $138 鰻魚好多 不過滑蛋就差少少醬汁，但本身鰻魚都配搭相宜唔會太搶！一杯鐵板燒居酒屋 (元朗)元朗元龍街9號形點一期地下G006號舖

好耐冇去居酒屋，今次我地去左位於YOHO 的一杯鐵板燒居酒屋，好鐘意以到居酒屋的環境，環境好寬敞，有包廂，有吧枱可以望著廚師製作鐵板燒，亦有園景位置，可以欣賞窗外景色，而且餐廳令我最著迷的就是裝潢，超有日本居酒屋感覺，設計有心思，令人一直想坐落去。銀鱈魚（柚子風味）（$200）銀鱈魚煎得夠香口，魚肉口感嫩滑，沾上柚子醬汁，味道清香。特級美國薄燒牛肉（$320）超級推介，牛肉薄燒，燒得剛剛好，入口即溶，又多汁，牛味極濃郁，而且牛肉包著蔥花，蔥花可以減抵油膩感，超愛吃。東洋卷（$68）賣相吸引，東洋卷外面的皮用上牛油和天婦羅粉搓成的，非常香口，入面包著蟹籽、牛油果、燒三文魚，口感層次豐富，味道一流。

經過一杯居酒屋，已經比佢門口深深吸引，點知入到去更吸引，眼睛完全離不開以到既環境，好像置身於日本，食完好似去左日本旅行。餐廳裝潢設計勁有日本街頭風味，有卡位、吧枱、園景位置，每個位置都欣賞到不同的裝潢。池魚薄切海鮮由日本每天空運過來，所以質素非常高，池魚薄切刀工精細，每片刺身厚薄度是一樣的。池魚肉身透明纖細，口感豐潤帶爽，略帶油香，味道鮮甜、沾點蔥花豉油一齊吃，鮮味更突出。味噌煮廣島蠔伴野菜鍋用上鐵鍋上，一上枱依然熱辣辣，鍋入面有好多廣島蠔和野菜，廣島蠔粒粒肥美飽滿，口感鮮嫩肥美多汁。

呢間居酒屋一入到黎就覺得氣氛好好，裝修方面落左心思，好次置身日本嘅居酒屋一樣🥺每個卡位間隔開，唔會望到其他食客，私隱度都幾高！真心覺得好正☺️居酒屋嘅食物種類十分多，有鐵板燒、壽司、石鍋飯，呢度最出名嘅大阪燒、關西燒等等～◾️凍蕃茄 • $49醬汁酸酸甜甜配上凍蕃茄！十分清新開胃嘅一道前菜◾️火炙吞拿魚牛油果沙律 • $138火炙過嘅吞拿魚帶有點油香，配上creamy嘅牛油果，同醬汁好夾👍◾️南部雞肉 • $180選用了日本產嘅雞肉，肉質雖然唔算非常滑，但雞肉咪香，有咬口，配上溫泉蛋黎食就會更滑喇！😬◾️豚平關西燒 • $76關西燒同大阪燒相似，不過大阪燒係加椰菜，關西燒就加左日本山藥漿，即係我哋平時食嘅淮山，本身以為口感會滑潺潺好奇怪，但食落又唔會！味道同埋口感都不錯，同埋好飽肚🙈推薦👍◾️滑蛋鰻魚石頭鍋飯 • $138大推呢個鰻魚飯😋用咗石頭鍋可以保持溫度之餘，佢嘅特色就係食到飯焦！選用嘅鰻魚肉質柔軟😋😋😋加上滑蛋同埋菇口感好豐富！

疫情期間冇得飛去日本，搞到好想搵個有日式裝潢地方用餐，仲記得之前自己母校的老師在社交平台 分享母校附近的居酒屋照片，所以決定帶小朋友去呢度晚餐⛩廚師推介【十件】的壽司原來係隨季節不同而決定，有廚師發板的感覺。小朋友主要食壽司飯，佢覺得好食，我就要食部份壽司上的刺身，感覺肉厚又新鮮。小朋友一見到炸雞香蔥汁就即刻夾來食，雞皮香脆可口，雞肉夠嫩滑。銀鱈魚西京燒新鮮熱辣辣上，感覺唔到魚腥味，蘸沙律醬已經好食。小朋友最喜歡麵鼓湯，而我就點柚子豚肉石頭湯，呢個湯上果陣超滾，飲落慢慢感覺到柚子醬裡面的黑椒的「辣」。鐵板燒豬鞍扒個人覺得肉感不錯，配的醬酸酸地幾開胃。雖然呢間店的價錢有點進取，但個人覺得裝潢有特色🏯，值回票價😇

兩個人係放工附近食要係yoho有日本野食，就見到一杯，之前係apm都有食過！一於再食下！入面環境好日式，散叫左以下野食。海鮮沙律柚子味道的刺身沙律，刺身粒甜甜，配搭柚子味道的沙律，好開胃。加拿大海膽蟹肉手卷豪華式的手卷，舊舊面頭都有厚身的加拿大海膽，之後就有鮮甜的蟹肉，食完都想再encore。炸雞香蔥汁炸雞扒新鮮炸起，皮脆，肉質嫩滑，咬落都係juicy 。關西大阪燒店員說用了日本小麥粉，配蝦肉及小貝柱，份量係多到爆，三至四人share 都可以。鹿兒島A4和牛煲和牛好嫩滑，入口即溶，牛味香濃，配埋温泉玉子伴匀，食落更香滑水平都好高，仲食到好飽。。環境又舒服，想食又有熱食既日本野可以來食下。

[#元朗日本菜 ] 隱藏商場內日本風味 – 一杯鐵板燒居酒屋.疫情去唔到日本🇯🇵，間中食下日本菜，慰藉一下心靈 🥲 最近和親愛的去了元朗Yoho一期的「一杯鐵板燒居酒屋」，除了食日本菜外，連視覺都有日本風味😍.餐廳內裡裝修打造日本風味，置身其中可以幻想自己身處日本。而內裡寬敞，有卡位及吧枱選擇，我們安排坐卡位，有如一格格獨立包箱，私隱度高。 .一杯是鐵板燒居酒屋，食物選擇類別多，刺身、壽司、窩物、炸物、鐵板燒、清酒也有提供。.🍣「廚師推介十件」食日本菜壽司是必要項目，先來一客「廚師推介十件」，壽司由廚師發板，挑選是日優質食材，有多款魚類赤身、金目鯛、三文魚，更有我愛的牡丹蝦、帶子、海膽及 香蔥吞拿魚腩，魚生厚切新鮮，入口大大滿足。.「鐵板香煎豆腐」用鐵板煎香豆腐，配上洋蔥、菇菇和醬汁，豆腐外脆內軟，入口依然嫩滑。.🐮「美國牛柳」牛柳粒用上鐵板方式整，入口juicy 又有鐵板燒風味，一口一粒十分惹味。.🦐「大蝦山燒茄子」大蝦蝦頭可以啜到鮮味蝦膏，配上啖啖肉既爽口彈牙蝦肉，配上軟綿口感燒茄子，美味可口。.「鰻魚醋物」鰻魚平日都是熱食，第一次試醋物，入口酸酸甜甜，配上青瓜及昆布，可以作開胃的

真的太久沒旅遊了，朋友介紹偽日本旅行，吃日本餐廳，便到 Yoho Mall 一試。果然，由外到內的裝潢，都跟日本的非常非常似，連員工衣著也日式風格的啊打算點刺身的時候，職員推介2款即日空運到店的，就試試吧。必須一提，職員的禮貌，服務態度是我遇到數一數二的。金目鯛 & 活赤貝第一道菜就非常鮮味了，而且有份量 活赤貝: 口感又彈又爽的， 好鮮甜金目鯛: 魚味不太重，肉質較軟身鹿兒島和牛厚燒這是推介推介推介，入口即溶的啊，厚燒也是口感軟綿綿，牛味亦出，真正的靚和牛才做到這個效果，份量也適中味噌煮廣鳥蠔伴野菜鍋足足有5，6隻廣島蠔，2人份量剛好，很是欣賞整個野菜湯，鮮味及菜味十足，喝光整鍋呢鐵板燒鵝肝這是上枱最香味四溢的菜，煎得有點焦，大大塊的鵝肝底墊著薄薄的矮瓜，還有青檸可以自行加配，入口軟棉棉，鵝味不算重，大口大口就吃完呢鹽燒三文魚茶漬飯新鮮厚切的三文魚，鋪在白飯上，顏色鮮明。先在燒熱的石碗內，把三文魚攪拌至熟透，便可把湯倒進同吃了，亦是很好吃啊，就比平常湯飯的更鮮味。作為最後一道菜，絕不比下去呢，喜歡的還可加上䓤花醃瓜啊。非常滿足的一餐，真的有置身日本的感覺，推介想去日本的朋友先來望梅止