一樂日本料理 (已結業)

人越大，食量越細。去食放題都要集一集氣先，仲要認真揀，唔想哂quota。早排就揀左去尖沙咀一樂，完全滿足我想食得精既願望。平日晚市放題，同朋友係第一枱客。食第一輪，等嘅時候見加$48就有任食生蠔，就追加任食。坐低左，侍應介紹用QR code 落單，非常方便。落左單就去排生蠔。拎嘅過程都好簡單，放低寫住枱號嘅紙，轉頭就有人送上。賣相幾好，入口屬creamy質地，好新鮮。略嫌被清水沖得太耐。再嚟就熱葷。有即炒服務，叫了炒菜，有鑊氣，味道不楚。食放題當然唔少得刺身！味道鮮甜，誠意推介活赤貝！天婦羅炸漿唔太厚，亦唔會太油膩，入口香脆。飲品嘅選擇都好多，都有d唔常見嘅罐裝飲品。整體而言，用餐環境舒適，服務不錯。喜歡食生蠔嘅，一定要追加任食生蠔，食半打都已經回本喇！

約咗幾個朋友諗住去食餐好嘅，本身抱有十分大的期望，晚市光顧要超過300多元位，相比起同區的放題還要貴，以為午市的質素應該唔差的。今次試咗12點開始嘅午市放題，只有小貓三四台都可以有miss order嘅情況，有d野無黎，刺身亦上小左種類，但都幾新鮮嘅，亦有啲比較新穎嘅選擇。但其他食物都好一般，比起旺角200元的質素更差。日式燉蛋係凍嘅，手卷紫菜是腍的，唯一可以讚賞的係比一般放題寧靜 ，位置是舒服好多，大好多，同埋12點可以坐到3點。

平安夜大餐後，當然是食聖誕大餐。不過，今次就有點中伏，失望。聖誕節大餐，選了位於尖沙咀的一樂日本料理，形式是放題。預先全數付款，就可以免加一，但當晚六點半時段，每位仍需308元。我一行四人，準時去到，由待應帶路的中途，我亦四周打量環境，中間是蠔吧，可加錢享用，餐廳四周擺置了一些雪櫃，放置各種飲品，但種類不多，另外還有一部橙汁機，可以放置鮮橙，即榨即飲。還有一些冷麵，以及一些自取食品。依照慣例，第一輪刺身為主。等候其間，先試自取食品，味道較佳的，只有兩樣，滷水五花腩，以及即叫即制的卡邦尼意粉，有臘肉的甜味。刺身，有點令人失望，新鮮度不足，特別是蝦類刺身，更腥，劣評，其他熟食，包括羊架，壽司，手卷，天婦羅等等，基本上沒有值得一提，只有兩款食物，比較有印象 醬油流心蛋，及苦瓜炒蛋，炒得很滑。中途還有一些小插曲，有幾張桌，埋單時，投訴還有好多食物沒有上齊，甩單情況嚴重。另外還有一張桌，埋單時服務員不知道他已經預付了。還有一張桌，在上壽司時，服務員用不友善的語氣，叫客人不要每次只叫一件壽司，一件天婦羅，因為要洗多幾個碟子，真有趣的服務態度。一樂日本料理 (尖沙咀) 人均消費 300-350元尖沙

The title of this review may look a bit exaggerating, but if you have ever visited this restaurant, then you'd know that it's just a reflection of the reality（grin）It only costed us $248 for 2 hours of endless food ordering and scrambling as we booked the earliest session on weekdays~You could also add $48 for unlimited orders for oysters, but we didn't try it out this timeWhat I'd first look for in these restaurants would be the varieties of food & drinksIt has a huge drink barThere's even a fr

食放題其實除左睇佢Ｄ刺身好重要之外熟食既質素都好重要嫁！！！係講食物之先而到既點餐系統係掃瞄QR code點餐的，真係好特別餐廳Ｄ熟食其實種都好多，多到唔知食咩先好啦！！！ 首先係黎到係放題必有既牛油粟米，牛油味重，食落去會係有油香味！！！！而到會有自助拎野食的，自助吧位的職員好親切的，比滿分佢地呀！！自助吧位有小牛角包，雞球，小多士等等好多選擇之後到點左既熟食啦，玉子串燒一定要試下，蛋味好足，食落去陣陣玉子味充滿係口到，而到Ｄ串燒味道中上可以一試。燉蛋雖然比玉子燒既蛋味冇咁重，但係佢配埋其他材料，味道夾出黎都ＯＫ。至於各款雞翼味道就食唔到冰鮮味同埋送黎時重熱騰騰的，好正。最後重會有雪糕做甜品！！！！

今日去左尖沙咀食放題，尖沙咀有太多選擇啦！！！！今次就試下一樂日本料理啦！！！！！而間既點餐係手機掃瞄QR code點餐的,真係好特別呀，完全就係顛覆傳統新體驗呀。餐廳食物種類好多，揀到花多眼亂呀，因為我地想食多Ｄ熟食，所以唔係叫左好多刺身同壽司。首先係吞拿魚壽司，味道唔差，同埋黑松露帆立貝，舊飯好精緻，可以食多幾舊咁就易回本啦！！！而到除左點餐之外都會有圭自助拎野食食可以等緊野食黎既時候都可以食住先。我拎左Ｄ魚柳，滷水蛋試下，平時好多邊爐同放題既自助餐區Ｄ野食都會有Ｄ凍，但係我９點幾先入座Ｄ自助餐區野食都重暖暖地，令到可以食到熱既食物。至於口感食物都冇淋到，應該係新鮮整的，可能係好食所以比人清得快掛！！哈哈。重有個龍蝦湯保有龍蝦湯的鮮味和濃郁，喜歡龍蝦湯的話，就不要錯過了。至於燒肉及串燒，「沙嘩啲卡」燒豬頸肉和羊鞍燒得岩岩好。

小妹生日，Boyfriend同我慶祝，問我想去邊食，我話想食下呢間放題。環境呢度好正，地方大，D位又闊，好好坐。綜合那晚，我覺得呢度好多款式，每樣食少少都好飽好飽。我最Buy佢D甜點，全部都係迷你杯仔，樣靚款多又好味，那天好開心，出面有自助蕃薯任食，我好鐘意食蕃薯糖水架! 重有Movenpick 雪糕比你食，成個雪糕櫃，我好開心，因為食放題，甜野係我重頭戲!至於飲品，真係好多款㨂! 至於其他，壽司水準平均，刺身OK，串燒好正，我的原隻燒茄子好好食，好有蒜香! 另外有串燒如安東雞串，鯖魚和明太子醬燒肉子都好正。那晚的紅酒燴牛舌，有水準，D牛舌好腍有酒味，好好食。那晚有雞燉翅，都好正! 石鍋蟹粥係一定要食，好鮮味。其實我同男友食咗好多款野，未能盡錄，但係要讚上菜又快又準，好好。

食過好多放題，一眼望落一樂絕對係裝修得最靚嘅餐廳。好有日式風情！一樂採用手機點餐，點左乜嘢望返menu就知啦！🤤 Menu入邊有好多選擇，真係睇到眼都花！第一round就叫咗以上嘅嘢食🤤法式皇室龍蝦湯好濃郁嘅湯，食落都有啲用龍蝦牛出嚟嘅味道。比起一般放題所供應嘅湯確實係高質好多❤️❤️食放題當然唔少得刺身啦！一望就知道呢度啲三文魚刺身又厚，又肥！咬落入口即溶，超好味🤡❤️榴槤波波都係食放題唔少得架！呢度嘅炸粉比較少，一咬落去榴槤汁就爆曬出嚟😆成口榴槤嘅感覺真係好幸福啊！啲榴槤汁仲要少少甜～係新鮮榴連嘅感覺❤️古法原盅雞燉翅淨係望佢個盅嘅外表已經夠晒靚～一打開睇，入邊超足料🤡係老火湯嘅味道👍🏻當然唔少得啲炸物啦，特別係佢嘅燒菠蘿！一咬d汁就漏哂出黎🤤成個下巴都係菠蘿汁🤣同埋佢啲牛舌，真係咁多放題入邊食過最好味，超多肉汁，juicy到不得了！海膽茶碗蒸海膽味就唔算好重～但係絕對蛋入面仲有好多料🤡食落啖啖都係驚喜！仲有唔同款嘅壽司，款款都值得一試😆最後不得不提呢個一口牛，小小辣味，加上佢煎出嚟牛嘅肉汁，直頭食落有啲大排檔嘅風味❤️🤤一樂相比其他放題都係差唔多價錢，但性格比就真係高得多啦～有得簡都想食多

很久沒有放題了，剛回港便與朋友相聚。曾經有朋友建議要吃放題的話，一定要來一樂日本料理，皆因除了魚生外，還有串燒及其他熟食，而重點的是喜愛榴槤的一定愛上榴槤計時炸彈。既然朋友誠意推介，不吃魚生的我還有得的食物的選擇，再者，我亦都是為了榴槤而來的!!放題的環境來說，一樂真的比起很多放題的環境舒適得多，每一枱的坐位都很寬敞，枱很大，可以一次過叫很多食物也不會覺得擠迫。而且，每枱之間的行人通道亦很足夠!! 不得不提每枱的設計都很有特色，有的用了類似竹的東西作為間隔，有的用了日式卡位的設計，頂部還掛了日式的布，很有風格。放題，魚生當然是主角，朋友點了數款魚生，有北海道帶子、鯛魚、赤貝及蠑螺。從外表看，魚生很肥美；朋友稱魚生很鮮甜，蠑螺很爽口。我們也點了數款壽司，火炙三文腩壽司、火炙海膽魷魚壽司、火炙蒲燒鰻魚壽司和火炙海鹽左口魚壽司。火炙壽司有特製的醬料，格外香口。這麼凍的天氣，當然要叫點熱食暖暖身吧! 這個熱辣辣的龍蝦湯充滿濃郁的龍蝦味，是開胃的好選擇!開胃食物當然少不了海膽茶碗蒸吧!! 蒸蛋有蟹柳，香菇，海膽和蟹籽。份量不算多，但作為開胃菜是很合適的。蛋有點過熟，但味道很不錯，配上海膽的蒸蛋特

一開始見到出面野食，好似都幾好。依到用wechat落單，可以睇到自己叫左咩。點知魚生係唔新鮮，有d腥。😑串燒唔太熱，羊架燒得較乾。🙄蒸蛋唔滑，冇味。🤨蜆有沙。😫玉子燒嚡口。較為好少少只有沖繩涼瓜炒蛋同Carbonara 意粉，意粉即叫即整。溏心蛋夠凍。依到侍應唔夠，所以收碟慢。侍應冇咩禮貌，聽見侍應話個客唔好分開叫壽司，搞到廚房每碟出只出一件壽司，玩死個洗碗，叫個客唔好咁叫。仲有另外一枱，等左好耐都冇野食黎。總結，野食唔夠熱，魚生唔新鮮，燒物太乾，部分侍應服務態度差。只有一樣較為好，坐位比較舒服。

好開心揾到呢間放題同男朋友享受咗好多平時我哋好少會去食嘅日本料理！首先講講餐廳嘅地點同環境先！佢係樓上舖嚟嘅，雖然係咁，但係佢唔係太難揾，出咗地鐵站行幾分鐘就可到達。餐廳環境方面，佢嘅裝潢好有日本風，主調係好舒服嘅木色系，分佈有好多圓枱同卡位，場地佈置好適合朋友聚會！餐廳亦有播放日本動漫音樂，節奏輕快，男朋友聽到幾首佢鍾意嘅音樂，好開心xd 食物方面，刺身質素很不錯！非常新鮮，同時又十分厚身，温度剛剛好！咬下去每一口都冰冰涼涼，肥美又充滿鮮味！壽司種類亦有很多，推介火灸三文魚腩同鰻魚壽司！飲品方面，餐廳有提供十多款供我哋任飲！有果汁，汽水，啤酒等等等！除了以上提及嘅基本嘢外，呢間仲有提供熱嘅熟食，呢一點我哋好欣賞！因為佢牛舌串燒好juicy, 炸物種類又豐富(推介黄金軟殼蟹！) 食完好多生冷嘢又可以飲下熱湯中和下！(推介古法原盅雞燉翅)

臨近聖誕節，節日氣氛令我渴望能從忙碌的工作中放鬆。所以今日星期五放工後，我同妹妹相約於尖沙咀一齊睇燈飾同大吃一番！找吃時，我們在寶勒巷發現了這家一樂日本放題，眼見$268一位可以任吃三小時實在不貴，因此就決定了在這裡大吃！餐廳食物種類繁多，種類除了日式料理必吃的刺身壽司外，還有天婦羅、串燒、燒肉及上湯等熱熟食，總共十一種食物類別，且水準皆甚高。餐廳可以用微信連結點餐，更為方便快捷和節省點餐卡。就算沒有微信亦可用點餐卡點。首先是必不可少的刺身拼盆與壽司。刺身厚身肥美、色澤亮麗。其中油甘魚刺身口感爽嫩、鯛魚及鯨龍刺身美味新鮮。而火炙壽司亦十分出色，味度濃郁甘香，其中三文魚魚腩壽司可謂入口即溶。至於燒肉及串燒，「沙嘩啲卡」燒豬頸肉和羊鞍燒得剛剛好，味道不俗。蒜香燒牛舌串十分入味，肉汁香濃、肉質鮮嫩。川式香蒜燒茄子蒜味混入茄香，令茄子味道新鮮香濃。一樂的「靚湯」更是必不可少。古法原盅雞燉翅清潤可口、鮮美甘淳，完美地中和生冷的刺身壽司。皇室龍蝦湯十分濃厚，龍蝦味十足。伴隨著「靚湯」真的有助再戰更多的刺身與壽司！天婦羅爽脆不油膩，同時內裡肉味充足新鮮。榴槤炸彈更是榴槤鐵粉的必吃之選，外脆內嫩，榴槤

第一次食一樂，竟然驚喜連連，服務貼心，食物精緻，可能係咁多次放題最抵食嘅一餐😍環境很闊落坐得舒適，電子落單配合著悠悠的英文歌曲，幾乎覺得置身於酒店嘆緊buffet～呢度可以Wechat落單，環保又方便，Menu的品種真的很多，各種料理刺身、炸物、輕食前菜數十款選擇任點任食～刺身新鮮度真的很讚，哈哈食多幾份刺身幾乎已經回本😆是晚推介是法式皇室龍蝦湯，絕對不可錯過～烤物譬如榴槤計時炸彈、鹽燒蝦、菠蘿燒一定不可錯過，蒜香燒牛舌串認真好味食出驚喜😋，呢個價位嘅放題但係質素真的一點也不馬虎，讚👍甜點海膽茶碗蒸挺配合港人的口味，啖啖蛋香香而不膩～川式燒茄子燒到恰到好處，黃金牛油粟米粒牛油味非常誘人😍，雖然食到好飽仍然唔捨得竟然食晒～古法原盅燉雞翅燉到非常的熱呼暖身，十分迎合港人對老火湯的需求～總的而言，價錢經濟合理，除了放題主打的日式料理之外也沒有忽略熱葷，非常的適合家庭式聚會～

上網見好評如潮,但今晚試左覺得有點失望, 食物真係一般。雖然地方係闊D,但服務員收野時都打"捨"左食D野兩次,倒左D水係家人身上......另外本人覺得用紙仔點餐比較好, 但服務員話一定要用wechat app,唔係個個有wechat,咁就唔多方便......應該唔會再幫襯。

食物質素ok 加$48任食生蠔😛生蠔由空港直送 有鮮榨橙汁 .初次見部機……試新放題、WeChat order好健康、尖沙咀性價比高日式放題😍午市抵食$208🌟食物質素尚可 加$48任食生蠔😛午市算大隻新鮮未見肚痛……生蠔由空港直送 海水味也重 ;我喜歡生蠔 食了6隻💁🏼‍♀️其中一隻黑色了……有異味、可以棄掉不用上桌;帶子 食了兩轉、薄了些、食品選擇算多、海鲜粥好味……蝦刺身细隻了小小……可以大隻更好串燒 普通👍 玉子燒 不錯 😽羊架尚可…、燉湯還可、仲有movenpick 其他雪糕、食左二小時 食到飽、午市三小時未到已經抱住個肚走。第一次午市放題+生壕每位hkd280左古、我食了生壕藉回票價、2位朋友只食了兩隻……尚可……價錢尚可接受……下次會再食多D種類……可能更有其他贊賞地方、或會可再試。========================