一樂日本料理 (已結業)

久違了的放題😍😍😍我地兩個人都有圓形吧位坐好闊落坐得好舒服😌一坐底就有個員工過嚟同我地講解wechat落單，數量逐件㩒，十分清晰好用！-啲食物上菜速度真係好快😂😂😂-我地係第一round嗌咗刺身先，第二round先嗌熟食，但好快就山成枱都係嘢食，啲員工仲係咁提醒我地食咗熱食先，每一個都超熱情，呢點真係十分抵讚，好少可大型食肆仲會做到哩點，令我同朋友賓至如歸！！-每一樣食物都好正😍😍😍食到勁飽！

預先打定電話去book 位， 夜晚6點準時入座。 雖然只有3個人去但都可以坐5-6人卓，比以前食過其他放題餐廳坐得舒服d。睇落都有大桌，8，9個人黎都可以一齊坐。餐廳用手機入wechat 點菜，唔駛好似平時放題咁寫紙，方便又環保。店員服務態度都幾好收碟收得好快，仲準備埋其他碟。 壽司細細舊好易入口，唔駛驚食飯食到飽，而且有好多種，建議每樣叫少少可以試多幾款。刺身都好新鮮同厚切，尤其係吞拿魚同三文魚! 個人最鍾意帶子同甜蝦! 雞翼，翠玉瓜，燒菠蘿，牛舌都好正，燒得好香好入味。牛舌可以番叫👍 強烈推薦炸榴槤, 上菜10分鐘個流心都仲熱，而且好重榴槤味。 三個人都鍾意食榴槤，每人食左3粒。食到最後先知原來餐廳另一邊仲有另一個自座bar , 有d 即煮熟食。如果唔想食咁多生冷野都有唔少選擇換下口味。甜品都有好多，西式中式都有，岩晒鍾意食甜野的朋友。最後仲有細杯 haagendazs 雪樣送 !不過只有兩隻味選擇。整體黎講都好扺食 ，值得一試!

今晚約左家姐食飯，佢叫我揀餐廳🤭家姐對食一向有要求呢，選擇餐廳確實有點傷腦筋。最後經朋友介紹，我book 左依間放題，佢大讚質素很高。相熟朋友口碑推薦，應該很保險呢😆。 然而，我們兩姊妹的確食得很滿足。-餐廳環境跟傳統去開的放題店，感覺截然不同。地方十分寬敞！ 而且枱很大很大，放了很多食物亦可以絲絲然影下相再慢慢吃。 餐廳用wechat QR code 落單，很方便，又可以自行查閱帳單。不過餐廳上菜速度快，亦冇漏單的情況，是抵讚的。-每次食放題，都一定會先點刺身每次看見侍應奉著一大盤刺身走過來，總會有種興奮感覺。 每款刺身都很鮮甜；而我最愛的是赤貝及甜蝦；就是喜歡他們的清甜爽。-聽到隔離台大讚生蠔好味，我們每人都加了$48，任食生蠔。生蠔的size 相當有份量！蠔肉色澤新鮮，入口沒有很重的海水味，但口感卻是十分清甜。-熟食方面，也相當多選擇每款都有質素，值得推介一下。😊吉品鮑汁野菌燴花膠食材很珍貴喔，居然在放題有最愛的花膠鮑汁炆製，相當入味。-😊一樂石鍋海鮮蟹粥用砂鍋盛載著，保持粥品溫度而且粥不是水稀稀的，綿綿粥有口感海鮮亦新鮮，有海蝦及蜆肉，一起熬製味甜。-😊蒜香燒牛舌串牛舌煙煙韌韌

好耐無食過放題啦🍴呢間新開張幾個月嘅放題 食物選擇未算好多好多 不過平均質素很不錯🤤刺身唔會太大雪味 特別要讚嘅係送餐職員嘅態度十分有禮👍 座位舒適 #一樂日本料理

同朋友chur 完project present 完，諗住食放題賀一賀佢!! 今次就決定試下我地全部人都冇食過嘅一樂放題喇😋首先入到去已經覺得環境幾靚同埋夠空間感，枱同枱之間唔會好似大部分出面放題咁逼，甚至有一部分係有少少開放式包廂嘅感覺，坐得幾舒服，第一印象唔錯!!之後呢間放題採取嘅係電話落單形式，用電話scan QR code 就可以係we chat 落單方便快捷，本身以為會好複雜，但係熟左之後真係大大省卻左要不斷寫落單紙嘅煩惱，仲要環保啲添!!總括嚟講，一樂放題食物種類豐富，由刺身，壽司，炸物，熟食到定格料理等等都令我哋五花八門，選擇困難症發作。出面仲有飲品櫃，烏冬，同埋蕃薯糖水同埋其他甜品攞👍👍壽司方面，火炙三文魚腩，左口魚裙邊同埋黑松露帶子壽司都十分推介，三文魚腩夠厚身帶豐富油脂，左口魚裙邊入口即化，黑松露帶子壽司味道濃厚👍👍刺身方面個人特別鍾意甜蝦，北寄貝同埋三文魚，冇雪藏味，好新鮮👍👍串燒方面安東燒雞串同埋厚切牛舌串燒都有驚喜，燒雞夠嫩滑配上微辣嘅安東汁，牛舌厚身得黎夠juicy 👍👍👍炸物方面炸蝦天婦羅好彈牙，炸粉唔會過厚，正👍👍另外，我地幾個都食榴槤嘅關係，有叫到呢個

今晚約左男朋友食飯，不過佢依排成日OT 接近九點先放工🤭 難得Happy Friday, 夜少少都唔怕啦。今晚餐廳由我揀！ 冇咩主見又成日心大心細既我，選擇左放題，任叫任食唔駛煩。上網睇依間餐廳評價高，而且我地兩個又未食過！Gogogo! -對於餐廳既第一印像係佢同平時食開既放題店不同。 平時放題座位一般偏窄，枱很細。 侍應忙碌地奉上各式各樣的菜式，而食客又好像吃得很趕的😂。 餐廳環境好寬躺，感覺像高級日式餐廳。每枱坐位之間一點逼狹感都沒有！而且大大張台，好正！ 不用擔心食物沒有位置放急著吃🤣另外值得一讚的是餐廳落單用WeChat ， 簡單方便又環保👍🏼-🤩看！ 是即開生蠔吧😍第一次放題有即開生蠔呀每人+$48 任食生蠔，都幾抵呀而且質素相當的高！日本生蠔蠔身飽滿，接近手掌般的大雖然size 很有份量，但口感不算十分creamy ，而是偏清、甜、爽所以我們每人吃了好幾round 也沒有飽膩的感覺。生蠔醬料都有多款選擇，例如：紅酒香醋、時蘿香草汁、莎莎醬等等。我比較喜歡原汁原味，加少少鮮檸檬🍋汁-❤️刺身方面刺身都有多款選擇有：三文魚、北寄貝、甜蝦、帶子、鯛魚、吞拿魚、赤貝、鯨龍(薄切)刺

近排中意咗食放題，因為又多野食選擇，食物水準都算可以接受。今次我就同朋友黎到尖沙咀另一間聽聞食物種類幾多下嘅放題😺😺😺呢間放題宵夜時段有折，我就梗係一於餓定個肚，等到宵夜時段，食餐勁嘅。呢間放題比起其他嘅算係好闊落，有d仲係圓檯添，坐落好舒服。野飲方面，可以話係應有盡有，仲有埋鮮榨橙汁，岩曬我食到好滯個陣，飲啖橙汁解解膩。😍😍😍講翻野食方面，呢到嘅食物種類認真多，中式，日式，台式，泰式都有。😍😍😍食放題首先就梗係刺身先啦，因為我有小小唔舒服，就唔食咁多生野喇，order嘅刺身唔多，整體不過不失啦，都算幾新鮮，解凍得都幾好，已經無乜雪味，我自己就最中意食甜蝦，好鮮甜，一口氣食左成十幾隻，過曬癮。☺️跟住就係壽司同手卷喇。壽司以放題黎講都算唔錯噶喇，飯唔會話太實，凍冰冰，食材都幾精緻，例如帶子上面鋪小小黑松露醬，味道又特別又好味。手卷就食到平時唔多係放題店見到嘅鵝肝手卷，鵝肝煎得好好，外面有小小焦，裡面就完全係軟糯的，滲出來嘅鵝肝油好甘香，連埋壽司飯一起食，真係無得輸。😍熟食方面，比較特別係個胡椒蝦，辣辣地，好野味，岩曬我。😘😘個蒜香牛柳粒都好岩我胃口，同樣都係有小小辣，但個蒜香味好濃，牛柳

我覺得一大班人食飯最易揀嘅選擇就係放題！所以我一有朋友聚會都會去食放題，因為咩種類都得🤣今次就揀咗尖沙咀嘅一樂。呢間餐廳地點可以搵，又係九龍公園附近。由於我哋人多嘅關係，可以坐到一張大圓枱，一去到職員就話俾我哋聽可以用WeChat落單，一聽都覺得幾好，因為既環保之餘又可以避免漏單嘅情況出現。用Wechat Scan 枱面上嘅qr code，就可以進入落單嘅畫面，簡單又快捷。👍🏿👍🏿👍🏿而飲品方面就好多選擇，可以自己出去拎。刺生就點左三文魚、帶子、八爪魚、甜蝦⋯⋯刺身好新鮮，無雪左好耐嘅雪味😋至於壽司方面，無花之戀有d可惜，不過可以借呢個機會試吓新野，最重要嘅係佢啲壽司飯比較少，唔似其他壽司店咁飯仲多過刺身。🤣串燒係食得出即叫即整，唔係放左好耐個d咁。最後一定要講羊架，佢係燒得剛剛好，又不會有好大羊so味，一定要試😍

今日同男朋友係附近行完街，決定再戰放題～印象中朋友講過尖沙咀一樂幾正，食物高質，就決定去試下。😊環境黎講，呢度位置十分闊落，坐落好舒服。特吃之處係佢都會有圓枱，朋友坐落傾計都舒服D. 平時好多放題餐廳都好有幾多枱放幾多，呢度就唔會啦，值得一讚啊😝一係門口就見到個雪糕雪條同甜品櫃，望落好吸引好多選擇！見到除左mega雪條之外仲有一d比較特色既泰國雪條～未開始食已經心郁郁想食甜品哈哈～飲品都好多選擇！呢度係採用半self-service既，佢出面會有唔同小食、飲品、熱湯、甜品比你自己去拎。而其他野食就會需要用手機點單（好先進😝）再送餐，值得一讚係佢送餐服務好快手！另外，亦可以加錢任食生蠔，下次我都會試試佢！食物質素黎講，我會比5星評價！佢既刺身非常新鮮，特別係甜蝦！雖然唔係話好好好大隻，但味道絕對鮮甜過大size既。而壽司黎講，飯都會有微暖，配搭都好多元化。海膽手卷都好好食，海膽新鮮唔會臭，食落好香。燒物最正係燒蝦同燒玉子，推薦大家要試下佢😝另外飲左碗魚翅湯，入面真係有魚翅wor, 食完生冷野飲翻碗好舒服！熟食佢都有好多選擇，味道都唔錯。總體而言，呢度放題食物質素高，多選擇，坐得舒適，朋友

難得朋友生日，一於去食放題慶祝下!! 之前朋友推介過呢間放題話性價比極高，一直想試好耐喇!食店位於尖沙咀K11附近，很容易找! 一入到去，發現地方很寬敞環境舒適，一d都唔會迫，唔錯唔錯!好！事不宜遲開始落單！餐廳係用wechat掃瞄QR code落單既～非常方便又環保♻️ 而且食物既選擇很多，款式應有盡有。落左單之後就出去揀野飲，又係有好多選擇，最後我揀左比較特別既蘆薈飲品👍🏻上菜速度很快，下單10分鐘後食物便一一送上。首次係前菜，枝豆仲有蒸蛋：之後到刺身～嘩‼︎ 好新鮮啊！仲要塊塊都厚切，我唔客氣喇特別鐘意佢個甜蝦丶帶子同埋北寄貝，好鮮味跟住到壽司～燒左口魚邊好正，黑松露帶子都唔錯，好香！串燒方面，極力推介燒牛舌同明太子燒玉子，不能錯過啊!!而呢一餐最有驚喜嘅係佢嘅炸榴槤，一試難忘最後雪糕揀左我最愛既cookies n cream haagen dazs!! 大滿足!呢間放題真係好高質，有機會一定再encore!!!

最近揾到間坐得幾舒服，質素又ok嘅放題店！🍔推薦大家食佢嘅午市放題，$208 一位食足三個鐘。最重要係坐得鬆動，枱又唔會好窄，擺多啲嘢都得😍-刺身種類值得一讚👍🏽 除左通常都會有嘅三文魚，希靈魚，甜蝦之外，仲有呑拿魚，油甘魚同深海池魚！三文魚厚身，油脂分佈平均，冇雪味。呑拿魚都冇筋，而池魚口感比較結實，可以一試！-當日Haagen Dazs得朱古力味，但任食泥講🍔都算滿足！仲有啲韓國雪條，cheese cakes，啫喱等等，甜品款式比較大眾化，不夠特別😢-唯一不足嘅地方係熱食嘅種類不夠多選擇，而味道較普通，吸引力不夠，所以🍔教大家target 魚生同雪糕回本！熟食當中海鮮粥最為出眾，石鍋盛著滾緊嘅粥，夠哂熱同粥底都綿同足料👍🏽⭐️

我最近又同個friend試過呢間放題，都係三佰幾蚊有找貨仔，結論你一山還有一山高，放題競爭白熱化啊! 呢度係用wechat落單，幾先進，重有係上菜夠快。飲品櫃超大，好多嘢飲㨂，有我愛可口可樂同CC Lemon，重有新發現鮮榨橙汁机，幾正!加分。我覺得佢D刺身質素好好，我好鍾意食佢地有鯛魚供應，另外隻鯨龍薄切，魚味正，原隻甜蝦，希靈，油甘魚都好食，刺身上得都快，唔錯。那日我地加$48生蠔任食，抵爆，D日本蠔新又肥，蠔味一流，那晚食番夠本。我個friend係食菜狂，呢度原來有菜Bar，有生菜，西蘭花，唐生菜，翠肉瓜，清炒，蒜蓉炒，羗炒，魚湯灼都得，食死佢啦。海鮮粥好食，有蜆有蟹有菇，出面又有湯烏冬任食。那晚有D美食好正，好似係海膽菜碗蒸，D蛋又滑又鮮，菜膽花膠，炸香蕉(好好食)，明太子燒肉子串，芥茉牛舌，川味牛根(D根好腍又香)，慢煮牛五花和香檳蜆，壽司塔等，記住facebook分享送埋珍寶帆立貝，我地揀䓤蒜焗好鮮味。臨尾食埋D甜品櫃野，甜品OK，滿足到，三百有找算好好。

天氣終於涼左，所以可以又食放題了，因為凍d胃口都大d hehe上Openrice 見到呢間d評語唔錯，而原來一樂嘅前身為係相樸手放題，曾經食過都不錯，加上平日同朋友咁啱放假，所以就book左早段時間(平啲)😆因為book左6點，時間比較早，所以不用等好耐就即刻入座。原來一樂係可以用wechat落單的，scan QR code 就會出現menu，簡單及方面，更可以避免漏單嘅情況出現。我哋首先揀咗一啲刺身，好快到。刺生都好新鮮而且係厚切，好有口感壽司方面：飯不會太多，同刺生比例剛剛好。泰式豬頸肉加甜辣醬很好食！之後一串串都串燒來了：牛舌，雞肉和玉子燒。每個串燒都配上不同的汁，另有一番風味。芝麻雞翼：表味好香脆，肉帶有很多肉汁飲品方面：同大多放題都有自助飲品，但呢間比較特別係有鮮榨果汁飯後更可以任食雪榚雪條yum yum 👅

睇ulifestyle見到有介紹，好似好吸引咁，平日仲幾抵添，即刻捉左個fd去試！平日5點半248一位，放假當然早啲去啦！wechat落單係香港都未見過，又幾方便喎，仲環保啲添Like Facebook有生蠔送，加48蚊有任食，其實食多幾隻都回本啦，生蠔即開幾新鮮好味，可惜個friend唔食得多，所以淺嘗算啦野飲竟然有鮮榨橙汁另外仲有好多罐裝選擇添，一定有款岩你刺身全部都好新鮮，厚切三文魚好肥美，北寄貝都好好食壽司好的骰，唔怕叫多左食唔哂。鰻魚、左口魚同帆立貝魷魚都係我最愛。件挪亞方舟又整得幾靚喎熟食都唔錯～試哂三款牛舌，蒜香燒牛舌最好味紅酒燴同牛舌漬都ok燒豬頸肉好味！芝麻燒雞翼好香口，比柚子雞翼出色海老天婦羅熱辣辣好好味串燒juicy惹味最後食埋個朱古力haagen dazs，好圓滿呀

放假梗係要食好啲啦！朋友食過話幾好食，而家又做緊promo，於是揀左呢間放題！有溫馨提示，所以預先知要wechat落單。偷聽到隔離枱問如果冇wechat咁點，原來都可以寫紙落既，不過最好梗係支持環保啦！一坐底就即刻出去拎野飲，有鮮榨橙汁呀仲有超多選擇添！一字排開好壯觀！熱飲可以試下茉莉綠茶，好香我地試㩒左一輪，選擇困難下全部都叫一樣，刺身好快就黎啦刺身全部都好新鮮，最鍾意甜蝦同北寄貝！冇見過日式放題有生蠔吧添！仲係即開架！加48蚊可以任食，我地like Facebook都有兩隻送，好味講下熟食先！估唔到牛油粟米好好味，超甜粟，又夠牛油茶碗蒸夠熱好味羊鞍，燒得好香呀我地兩個好快就清左個海鮮粥榴槤波波好好味呀，每次去放題必食，榴槤控最愛鵝肝手卷好creamy最後食埋個甜品，好滿足！有哈根大師同movenpick揀性價比高可以bookmark