一樂日本料理 (已結業)

這店是用wechat點菜 ，需然有點煩，因為我初用也很快便上手了，又可以查閱點過的食物。點完之後很快就上菜，多元化食物又有即叫即炒的菜和卡邦尼意粉。最失望就係冇得食瑞士雪糕也安排了下次的約會

又係一個忙到嘔嘅星期，去到禮拜五梗係Happy Friday食餐好啦。一於就去食一樂自助餐。食日式放題黎講，通常都好逼夾，明白到佢哋想做多啲生意有時都冇辦法。但係一樂呢度地方就好寬敞，我哋兩個人就安排坐左張四人枱，你知啦食自助餐咁多嘢食張枱越大放得越多野就越好，有時比張二人台你啲嘢食都唔夠位擺。入座嘅時候店員就問我地需唔需要加$48任食生蠔，一向愛蠔嘅我哋咁就梗係問吓佢d生蠔黎自邊度啦，佢話日本產，咁我哋梗係二話不說就要加埋任食生蠔。佢一開始就先幫我地上咗六隻先，每隻生蠔都大大隻，肉質爆滿，望落去都知道好新鮮。食落去果然鮮甜得來又夠creamy，如果有埋冰鎮上枱咁就完美喇。日式放題點可以唔食刺身啦，喺呢度嘅赤貝亦都好新鮮，食落爽口鮮甜。羊架肉質鮮嫩，騷味適中。炸軟殼蟹香脆多肉，鍾意食軟殼蟹嘅你唔可以唔叫。燒茄子都很出色，同我出去食許願樹嘅燒茄子味道相若， 十分惹味。呢度最特別嘅地方，就係有雞燉翅。唔好以為日式放題整中菜燉湯就好差，個湯真材實料有翅有肉，而且味道濃郁，完全唔係滾湯係真正嘅燉湯。食得日式放題通常都要食甜品作結尾，呢度就有Movenpick雪糕俾你揀，為辛苦嘅weekday作

Happy Friday梗係要搵d好野食賀1賀佢啦✌🏻男朋友收工都比較夜，所以宵夜時段就啱曬我地🙊$268一位，全枱like facebook打卡仲有85折，加$48仲有任食生蠔，細問之下，原來生蠔係來自日本添嫁！真係食幾隻都已經回番本！🌟🌟之前仲擔心宵夜時段會唔會好多食物已經sold out, 不過睇完menu，只係覺得”唔洗擔心無野食，不如擔心自己個胃容量同埋之後要做幾多運動還好過啦🤭🤭題外話呢到落單都好高科技，係用wechat落單，環保得黎就更加減少漏單嘅情況啦👍🏻👍🏻食完之後只能說呢個價錢但有酒店自助餐嘅質素🤩！首先要讚佢嘅座位好闊落，應該係我食過咁多間放題坐得最舒服嘅一間，兩個人可以坐一張卡位，完全唔擔心擺唔晒啲食物！第二讚當然係食物質素啦！估唔到呢間放題無論刺身定係熱盤都非常出色🤫刺身我地order咗兩次都好新鮮，當中最愛赤貝、帆立貝同榮螺🌻🌻熱盤每一碟都熱辣辣上枱，令我覺得係即叫即整嘅，好有heart！尤其係爐端燒嘅串物，安東雞肉串，辣辣地好入味，燒完啲雞肉仲好Juicy！牛舌同燒菠蘿亦係encore必點之選！😽😽炸嘢雖然熱氣，但放題必食嘅榴槤波波又點可以唔點啊！一咬落去

就係見OpenRice 咁多好評所以諗住試吓不過 同想像中有時出入星期日午市放題 $208+1每位229埋單今日好少客 大概坐嘅1/3座位舒服/用wechat 落單 環保之餘仲可以睇返自己落咗咩 對吓有無漏單但最煩嘅係 每次都要嘟QR code先可以再點其間嚟錯咗柚子雞翼(原本點芝麻雞翼)不過我哋照食 柚子味好淡講白d係完全無味嘅雞翼/刺身正常 數量都準確落2塊真係比2塊有時有d放題店係亂比/壽司細細件有件特色d嘅叫挪亞方舟上面有三文魚子、海膽 外面用腐皮包住但腐皮嘅味道搶咗海膽味 完全食唔到海膽嘅味道/而手卷相對就太大件 好多飯 而且有件手卷係包咗2塊紫菜係一個幾大嘅失誤/燒物 最出色係牛舌同牛肉串/見其他食評話必食嘅燴花膠實情係烚熟啲料再加pat汁係上面完全無資格叫做燴 亦都冇乜味/海膽茶碗蒸 海膽唔算新鮮(預咗)茶碗蒸係凍嘅 有d失望/雞煲翅 一開蓋有條浸左好耐嘅菜得2塊指甲size嘅翅主要係飲雞湯 好夠熱因為現場環境都幾凍 所以個湯好暖好好飲/燒羊架 一般 無乜羊味燒茄子 夠蒜蓉好食香檳酒煮蜆 蜆唔新鮮 劣之後再點多一次芝麻雞翼 終於嚟啱但超級失望 好咸亦炸得太過火好似中咗核輻

好耐都冇食過放題 襯特別日子 去食個高質放題 放縱一下自己🤤一樂嘅放題熟食選擇唔多 但係質素卻不錯 揀咗個芝士吐司好好食 芝士味好濃 幾開胃刺身差唔多叫哂嚟試 佢嘅海蝦好食新鮮 冇乜腥味 油甘魚叫咗兩次 第二次嘅味道幾突出唔錯 壽司個人覺得幾高質 叫咗個鵝肝帶子壽司 帶子新鮮幾甜 炙熱類嘅壽司都好好食 油甘魚壽司都好值得食 同刺身嘅味覺享受好唔同 之後仲叫咗個推介嘅娜亞方舟 佢係由多種餸菜配埋一齊 幾特別同清清地 仲可以食到唔錯嘅海膽壽司叫咗幾款串燒 好值得試 其實同朋友都叫咗份牛肉同雞肉串 一上菜覺得好香唔記得咗影 但值得一提佢燒得真係幾好食 牛肉串整體唔老入味 雞肉串仲加咗微辣嘅醬汁 幾好食另外佢嘅玉子串燒都好食 燒得唔太老 配埋沙律醬一流炸香蕉幾得意煙韌另外好鐘意佢個牛肉壽喜燒煱 唔好以為會好飽 佢份量唔多 好岩放題呢啲小食多滋味嘅享受 湯底濃郁牛肉味突出同唔會好韌 十分讚每人打卡仲會送返個扇貝食 清酒扇貝好出色 味道唔濃但好入味 值得一試！

話說我個人都好喜歡食生蠔，平時食自助餐，一定會揀啲有蠔食嘅地方，但一般放題就好少有任食生蠔，而家終於搵到喇，仲要係高質果隻！唔講食物住，先講點餐，我不嬲都覺得平時啲放題畫紙仔好唔環保，呢度就透過wechat用自己嘅電話落單，雖然要download wechat,但都好容易用，又可以減少廢紙，值得一讚！講番食物質素，我最關心嘅生蠔，職員會俾個牌仔你，你只要將個牌仔放喺開蠔師傅度，佢開完就會有人拎去你張檯！啲生蠔雖然係任食，不過質素一啲都唔差，好大隻又夠厚肉，又新鮮，唔會奀挑鬼命，幾好！刺身同壽司都好新鮮，唔會一陣雪味！熟食夠晒熱，特別欣賞佢嘅燉湯，值得推介！

話說係大學同一個同學做左成十個鐘功課，努力過後梗係要食番餐好既勉勵一下🤣心想又滿足又好食既非放題莫屬，而且都有一排無食放題，好似係🤣上網搵下尖沙咀附近，見到呢間一樂日本料理，就去會一會佢！黎到已經係宵夜時段，特價後價錢非常可觀侍應態度非常殷勤，帶我地去到座位，我不禁嘩左一聲！皆因座位非常寬敞！而且枱面很大，唔似其他餐廳平時如果兩個人食放題通常都會俾兩呎x呎半果D枱你。。可以放心叫好多野食，一定夠擺！總括餐廳環境燈光非常有氣氛，一讚！轉身即被呢部儀器吸引，鮮窄橙汁機，望住一個個橙窄出黎既鮮果汁，口水分泌即刻增加不少🤣食物種類選擇非常多！仲可能用apps下單，非常方便！一黎第一盤刺身，非常新鮮，無冰水腥味，剌身厚度適中，甜蝦夠粗身！再黎火灸系壽司，左口魚邊壽司入口即溶充滿魚油香，推介！值得一讚係壽司飯不會太大舊，無咁易飽肚，令肚子有空間可以試多D款式既食物，很細心！黃金炸軟殼蟹，非常惹味香脆！燒羊鞍火候恰到好處！肉質非常嫩，不會太過乾身。天婦羅系列種類多，而且炸粉不多，但保持脆口，最緊要上碟時依然熱辣辣，新鮮炮製🤣總結是非常滿足的一頓放題！

今天和朋友一同在polyu 朝九晚九式的在趕功課。晚上九時後，為慰勞自己一天的腦力，便決定大吃一番。行經尖咀寶勒行，見到一樂放題，便決定試一試！見到宵夜時段268一位加三個鐘任食任飲，已值回票價見到門口環境不錯，餐牌上有十種不同種類食物，而每種食物都有五至十款食第可以任揀，選擇非常多一定要講的，就是依一個鮮榨橙汁機，從未試過放題會有新鮮橙汁飲。非常新鮮好飲。是我這晚主要的飲品來源。食物方面，講明放題當然要一試刺身。各類刺身都非常出色，吞拿魚的色澤一看便知放題的質素。壽司質素也非常出色。最好的是它的壽司飯大小是偏少，可以多試不同壽司🍣左口魚壽司沒有得輸第一次放題有雞燉翅,是真的有魚翅！！仲唔係抵食？串燒炸物都即叫即整，非常新鮮，沒有《淋》的感覺，非常香口。最後，一定要講羊架，絕對好食因為食一般羊都較為用力咀嚼但這間放題的羊，容易入口，燒得岩岩好，不會太老，必定要試用高質movenpick 雲呢拿雪糕做結尾這晚食得非常開心

日式放題食過好多間，次次感受一般，唔係食物唔夠熱就係瘋狂漏單。朋友推薦一樂 平時成日爆好難book枱，咁岩又俾我地walk in攝到枱，咁一於試試啦。食物種類乜都有。烏冬、天婦羅、串燒、蟹粥⋯連花膠都有得你食！所以岩曬我！因為我就是唔食魚生既朋友 所以平時好少食放題。Like & share Facebook, 送生蠔或即燒帆立貝一隻。我揀左香蒜焗 雖然唔係好大隻 但勝在幾鮮甜 入味。推介！炆花膠～ 配上花菇 回本之選。天婦羅🍤 食左唔少 都幾大隻 炸粉唔會太厚。雞翼試左芝麻和柚子 芝麻正呀，香脆！炒牛柳粒 食左2碟。入味 肉質幾腍 熱辣辣 即叫即炒。海膽茶碗蒸 蒸蛋都算滑 放題來說 質素不錯。講真 熟食款式多到我其實試唔曬 連即叫即炒菜、意粉都有。飲品 最欣賞有鮮榨橙汁 飲左幾杯。如果以我淨係食熟食來說 一樂都算幾多野食 幾抵食。推介呀！

同朋友去一樂慶祝生日 食左宵夜時段嘅放題本身約九點半早左半個鐘早 但經理好好人 俾我地提早入去 之後仲介紹埋餐廳嘅自助bar有咩食喺自助bar拎左件蝦多士 多士好脆身 配埋沙律醬同蝦食好正呢個海膽茶碗蒸好正 蛋好滑 配料亦都好多 發現海膽連蛋一齊食原來都好夾 不愧係人氣No.1刺身方面雖然款式唔算多 但勝在新鮮另外壽司都好精緻吸引 不過只係試左其中幾款個人覺得最特別嘅係挪亞方舟 腐皮包住三文魚籽 海膽 甜蝦同青瓜 味道好豐富呢個蒜蓉扇貝同清酒扇貝各有特色 但自己比較鐘意清酒 因為扇貝嘅鮮甜味較突出呢個東京鋤燒牛肉鍋個湯底好正 牛肉好嫩滑 其他蔬菜吸埋湯汁簡直一流如果鐘意食生蠔嘅話 一定要加錢任食 因為佢有好多唔同嘅醬汁俾你任意配搭 而我就揀左最傳統嘅生蠔醬汁 生蠔肥美又大隻 鮮味十足

表弟跟朋友吃過，上次聚餐提起，叫可以去試一試，所以這次就和M先生來每日不同的糖水，一排過的汽水櫃，也有自助即點即榨橙汁機，過程即場可以看到榨出橙汁仲有多款甜品可以任揀，貴價雪糕都係任食最正必提係黃金軟殼蟹，爆汁的鹹蛋醬，係爆多地包住炸香的軟殼蟹，雖然好易膩但非常超級無敵地好吃，這是必必必必點的！肉桂味蝴蝶酥，甜甜地亦夠脆，唔會好硬一樂多士，上面原來是好像蟹肉沙律，幾有肉，咬落去多士仍然脆，做得不錯水煮龍利柳，魚肉夠厚亦好滑，食到陣陣麻辣味滷五花，好入味，五花切到一條條炆到好林，唔算好肥，而蛋亦好入味，入哂色刺身有水準，件件都色水靚，連帶子都十分鮮甜，全部一樣厚切，點幾多來幾多海膽帶子壽司係其中一件花款壽司，黎到靚靚仔仔，一D都唔醜，亦好鮮味至於左口魚、黑松露帶子、鰻魚壽司都係超正，細細件一口一啖，唔怕食得太飽花膠炆到好林，冬菇好軟，醬汁令我連平常唔食的菜都食埋龍蝦湯好濃郁，唔似有加水海膽茶碗蒸，海膽好靚，蛋蒸得好滑，好味天婦羅都不外乎南瓜、海老、蕃薯等等，雞翼同樣炸得出色，肉嫩Juicy，食到流口水海膽、鵝肝、三文魚親子手卷，紫菜好脆，夠新鮮，尤其鵝肝入口就溶，陣陣油香，冇得頂來到串燒

今日約左個大食朋友食飯，佢平時最怕叫多多野，但係我只係食到少少，佢話食日本放題就最適合不過喎。一直有好多朋友都極力介紹呢間放題餐廳，性價比高，質素好而且價錢合理，就立刻煩都唔洗煩揀左去呢度。餐廳已經坐了不少食客，裝修光猛，最重要坐位十分寛敞舒適，每張枱都分隔開，好有私隱 傾計都好方便。加$48就有任食即開生蠔。極力推薦當然係刺身啦。刺身質素極高，見到師傅真係現場即叫即切，每片刺身都有一定厚度而且大大件，甜蝦 帶子等等 全部都好鮮甜。喜歡刺身嘅朋友黎到真係可以淨食刺身都已經回本。一品料理選擇亦不少，串燒炸物鐵板都做得不俗。菜膽雞燉翅記得食 真是有一排魚翅 湯底唔太咸 幾好飲。黃金軟殻蟹 幾特別 濃濃蛋黃味 熱辣辣炸起。燒羊架好juicy 肉質幾軟熟。仲有即炒意粉 即製pancake 炸物熱盤 任食任拎。飲品有十幾款 啤酒汽水茶類 包羅萬有。甜品、蛋糕都好多選擇 基本上 大胃王都試唔曬咁多野 哈哈。上菜速度快而且沒有漏單，每款食品都可以以件數order,唔怕太多會浪費 用wechat落單 環境又方便。呢間絶對係去個最值得推薦嘅日式放題。

前幾日同舊同事聚會，因為好耐冇見，所以我地決定去一樂食放題慢慢傾。ˊ入到去，就見到放滿甜品同飲品嘅櫃，同埋半自助餐式嘅夾食物區。入面都幾安靜，而且座位都坐得幾舒服。先嚟ㄧ碟鹽花燒鯖花魚, 魚身燒得金黃色, 香脆可口, 但又保持住魚肉嘅油香味, 加埋檸檬汁, 絕配。再嚟ㄧ煲海鮮粥, 粥底綿綿的, 唔會太稀和太鹹, 粥𥚃有蜆肉, 蟹, 蝦和鮮菇等食材, 難怪這麽好味。ㄧ碗碗烏冬任由你隨便拿去吃, 只需加上熱湯便可。牛腩煲份量細細的, 牛腩及蘿蔔都炆得好淋, 真係無乜放題嘅地方有得食。作為揚物同榴蓮愛好者，我哋叫咗榴蓮計時炸彈。用刀切開一半，香氣撲鼻，令我食指大動。我即刻大口咁食，炸得鬆脆可口的外皮加上甜美的榴蓮蓉，實在好好食啊！好味停不了，再來個炸鮮奶。金黃色外皮炸得酥脆，鮮奶仍然保持香滑，吾係好多地方吃到㗎。 最後當然要食返個甜品先算完美啦!甜品做得夠精致，吾會太甜，一啖一口，可以多試幾款。一樂嘅食物俱全，實在系一間適合同一大班人一齊食放題嘅好地方。有朋友最愛生蠔，下次一定要帶佢到一樂食個痛快!

放題去得多，要有新鮮感就要試試一樂！首先佢有得加錢「蠔食」，真係任食架！加咗錢（48蚊）之後拎支旗仔，連碟放出去counter度等一下就會有專人將生蠔送上！質素都幾好，佢用嘅蠔唔係重口味嘅，清爽得嚟都清甜，肉質都有中等厚度架，而且次次都會有唔同種類嘅蠔，等蠔吧師傅發辦！推薦大家加呢個蠔package！另外都想提提甜品，呢度啲雪糕同甜食係值得期待！佢有一pack 6粒裝嘅朱古力雪糕幾得意，包裝上面提大家放一陣先食，因為要少少融先最正。當我哋跟住嚟做，第一下心諗，都好硬噃，但一咬落去就成口朱古力香，原來係雪糕版心太軟，好玩又幾好味！濃郁架啲朱古力！至於女士呢，就可以叫下佢嘅魚翅湯，夠哂熱辣辣，放題唔一定要飲凍嘢嘅！暖暖胃可以再戰幾個回合！至於傳統放題嘢，咁就梗係要數刺身，魚生好厚好好肉地，啖啖肉係正嘅！而我最愛嘅帆立貝都有質素，原隻上碟（有啲餐廳會劏半先俾你家嘛），夠哂味！刺身之外值得一提個燒茄子，好入味之餘口感都唔錯，最重要係熱辣辣！如果你都去一樂食嘢的話，可以留下肚試下，新鮮感滿分！

一樂既食評一向都好好，我個人認為現代食評除左評論食物質素，某部份肯嘗試採用智能系統既餐廳都應該包括其中及額外嘉許。一樂嘅落單方法就係採用wechat既QR code掃描枱號再點單，無需平板電腦。其實大陸好多餐廳都經已採用，只係我哋香港走後左一大步，好嘅概念係應該向人哋吸取。試諗下服務員唔需要忙着點單又入單，只需要忙着服務大家上菜，不斷提供食物，保持枱面地方清潔，令到客人坐得舒適都係好重要。一樂依方面真係值得一讚👍🏻地方舒適寬闊，又乾淨；比起其他放題餐廳，有陣時衛生方面真係有啲馬夫。相片上嘅依位服務員，不斷留意橙汁機是否提供足夠橙汁給客人享用另外還給予客人提供大量飲料選擇😍仲有獨立蠔吧，生蠔新鮮😋雖然只係一間放題，但係壽司嘅外型都做得好精緻同有層次😚咸蛋軟殼蟹亦係第一次係放題歺單上見，上枱時亦是熱辣辣🤤可見設計食物歺單都係有花心思😊總結係一間用心去經營嘅餐廳大家都不妨去試下😊