一番日本料理

營業中

休息中

呢間日本餐廳嘅lunch set🈶️好多選揀，價格又唔貴，而且份量都幾足👍🏼一嚟就叫咗一個叉燒拉麵🍜比小朋友填飽個肚仔，因為唔想執佢太多手尾，所以叫咗少麵。雖然係少麵，不過份量都唔少，🈶️2⃣️碗仔架，而且叉燒好入味之餘又唔會鞋颯颯同過肥，佢差唔多全部食曬d麵同1.5片叉燒，之後仲食咗兩舊仿蟹棒壽司😱真係超大食🤣🤣當然味道應該都唔錯佢先會食咁多😌至於我自己就叫咗一個極上迷你雜錦壽司配烏。碗烏冬都有返咁上下份量🥣 六件壽司包括：三文魚近腩、吞拿魚腩、油甘魚、劍魚腩、三文魚籽同系撚鯛。大家千祈唔好誤會，我唔係講粗口🤣🤣店家話俾我知呢個季節魚類嘅時候，我都以為聽錯，所以最後佢直接寫俾我睇，佢話呢個係日文翻譯過嚟嘅名😆三文魚近腩非常肥美😍我最鍾意食嘅劍魚腩亦都非常爽脆。而咁特別嘅「系撚鯛」味道鮮甜，肉質結實有彈性。之後上網睇吓佢其實係乜，先發現原來香港好少有得食架🤩

這家一番日本料理，晚市長期滿座，日日排長龍都很多人願意等，因為食物平靚正， 就算非元朗街坊，都會特地過去食。我們也是第一次來，先在門外取籌和點菜紙，在等候期間點好食物，待有枱可以入座時，就可以立刻下單，以最快速度上菜，這個安排也不錯。我們一入座，壽司和海膽以最快速度送上。由於朋友不吃生的食物，只點了玉子壽司開開胃口，再等主食。玉子壽司$8,大片厚切的玉子很香甜，壽司飯不鬆散，醋味不會太酸，朋友覺得這裏的玉子壽司比其他日式餐廳大件很多又抵食。特地為了海膽而來的我，終於吃到超值價$68一板的海膽。海膽size雖然細小，但味道很鮮甜，帶輕微海水味，質感很creamy, 這個價錢吃到一板海膽，真的非常滿意了！滑蛋吉列豬扒鍋飯$55, 吉列豬扒炸得很香脆，炸粉不厚，豬扒新鮮，肉質爽口，喜歡滑蛋上桌時仍然是流質的，讓你立刻把白飯拌勻；而且滑蛋裏面還有金菇，增加爽口感。飯的醬汁鹹味適中，吃得很開胃。見到這麼一大鍋飯，賣相又漂亮，已經很驚喜。煎餃子拉麵$50, 豬骨湯味道不算濃，但拉麵質感軟硬適中，有半隻蛋和一片日式魚蛋、海帶等配料，屬正常水準；不過有六隻煎餃之多，見到都開心！而且餃子煎得外層香脆，但

一番日本料理在元朗教育路屹立已久，出名是性價比超高，特別是午餐，好抵食。.午餐選擇多，最平$29就有一個定食，$50以下的都有很多。.每一個定食都送麵豉湯，最正的是可以用優惠價加配食物：加$5有壽司兩件，三文魚、鰻魚、蟹籽加$5/8/13 有飲品加$10有前菜、沙律及甜品.汁炒照燒雞扒定食 $39 - 雞扒嫩滑厚身啖啖肉，加上燒汁很惹味。特級肥牛鍋定食 $49 - 肥牛靚，瘦肉多不會太肥。又有金菇、豆腐、雞蛋、冬菇等，好滿足，似是一個迷你版打邊爐。入面有很多冬粉，加上又有白飯，食得超飽 。什錦魚生丼 $59 - 材料好豐富，魚生新鮮厚切，有大約7款食料，超豐富，這個價錢真的無人能及。.抵食！

menu多選擇到呢😂起碼睇咗10分鐘先睇得晒😂😂😂刺身：好抵食此價只應屯元天有🤑珍寶赤蝦刺身 $9Set (三文魚、油甘魚、帶子、北寄貝、北極翡翠螺) $48壽司：賣點係相撲壽司🍣即係大大件第一次食，真係輸經驗😂下次嚟要嗌少飯😂火焰壽司拼盤 $98左口魚裙邊壽司 $11油金魚壽司 $16鵝肝壽司 $29三文魚軟殼蟹卷(6件) $72依個卷物真係好震撼🤯舊飯大到呢一個人食應該會食唔晒串燒：鹽燒牛舌 $22都算淋😛但仲有少少騷味🤭鍋物：肥牛野菜葛絲鍋 (細鍋) $63細鍋已經好大🤦🏻‍♂️仲要好足料好多塊肥牛 再加一堆菜仲有好多豆腐同粉絲湯底味道有少少似吉邊算係懷緬下🥲平+大件 = 抵食醫護仲有8折!!💰

清酒煮蜆。淡淡嘅清酒香味，蜆肉鮮甜，好易入口。燒鰻魚壽司，鰻魚香口軟腍，油潤又唔膩。牛油果飯卷，飯卷中間係蟹柳、青瓜同蛋，上面鋪住牛油果片，洒上蟹子，成個飯卷好fresh，蘸沙律醬食好開胃。芝麻八爪魚，濃稠惹，味嘅醬汁，好香芝麻味，八爪魚爽口。鹽燒牛舌，牛舌好有嚼口，表面洒上椒鹽去燒，又香又入味。明太子雞翼，雞肉香口，包住粒粒明太子，增加咗口感。香蒜雞軟骨香脆有嚼頭。稻庭烏冬，冬菇、紫菜、粟米、芽菜、蛋，料都幾足，烏冬爽滑。蟹籽沙律中華冷麵好fresh，份量好多。日本芝士年糕，軟糯嘅年糕包住濃厚嘅芝士，仲有香芋丸，鍾意香口甜食一定唔可以錯過。如果嫌太油膩可蘸沙律醬食。

今晚去元朗食晚飯, 經常有人推介一番日本料理.裝修簡潔舒適, 牆上掛上是日廚師推介.竟然有日本河豚刺身, 但係今晚無試, 下次一定要叫埋朋友一齊黎食下.馬刀貝壽司, 赤貝壽司, 三文魚壽司, 鮮帶子壽司, 油甘魚壽司, 京蔥拖羅茸壽司主打當然係壽司, 店員講呢度既壽司係屬於相撲壽司, 飯同刺身都偏大件, 黎到都嚇親, 真係勁大件抵食! 魚類貝類都好新鮮!鹿兒島豚肉蜆肉鍋(豬骨湯底)加稻庭烏冬又係勁大鍋, 超抵食, 豚肉蜆肉份量好多, 湯底濃郁, 烏冬吸收湯汁, 味道超正!鹽燒油甘魚頭魚骹仍然係超大份量, 比起其他餐廳的份量多. 魚皮炸得好鬆脆, 肉質多汁嫩滑, 表皮有少少燶燶地, 好香!

第一次食相樸壽司，真係壽司如其名，好似相撲手咁大，唔止飯團大，連上面塊魚生都一樣咁大，每粒壽司都整到漲卜卜，好得意。如果細食既女仔黎到，記得要剔少飯。馬刀貝壽司、赤貝壽司、三文魚壽司、鮮帶子壽司、油甘魚壽司、京蔥拖羅蓉壽司壽司份量唔止夠大，仲好新鮮。馬刀貝夠哂脆卜卜，油甘魚甘香，帶子亦好鮮甜。海鰻壽司海鰻竟然有成隻碟咁長。鹽燒油甘魚頭。骹 (半邊）燒到外脆內軟，平時多數只有油甘魚骹，今次食仲連埋油甘魚頭，超抵食

同朋友經過元朗想食日本野就嚟咗呢間餐廳試吓啦夜晚黎到坐得好滿要等左一陣就入得～餐廳都裝飾得幾簡單好有日本風餐牌好似馬經咁大份密密麻麻好多選擇珍寶赤蝦刺身 ($9隻)有手掌咁長呀🤚隻蝦都好新鮮仲啖啖肉添三文魚油甘魚帶子北寄貝翡翠螺刺身刺身方面都好多選擇但係可惜今日嘅海膽賣晒 全部都好新鮮 鮮甜 三文魚軟殼蟹反卷 (6件 $72)餐廳主打相撲壽司🍣所以所有份量都超級大 大到一啖都食唔晒 建議大家嚟食嘅時候嗌少飯 入面有啲青瓜絲等個口感冇咁單調 覺得上面塊三文魚可以再大啲肥牛野菜葛絲鍋 (細鍋 $63)性價比好高 我哋就揀咗醬油湯底 雖然佢有啲龍但係唔會搶咗肥牛既肉味 入面仲有豆腐冬菇金菇菜粉絲娃娃菜小棠菜 兩個人食都超級飽

清酒煮蜆見佢做緊優惠就試下！不過湯底真係好清下🤣個人都係鍾意食重口味😜燒鰻魚壽司塊鰻魚差唔多成條筷子咁長！賣相相當吸引！味道都唔錯😋鹽燒牛舌牛舌好厚身，食落去好有嚼口，仲充斥着淡淡的鹽香味明太子雞翼非常飽滿，帶點點辣味，令其更野味蟹籽沙律中華冷面麵質相對唔夠彈牙，落嫌美中不足日本芝士年糕好好味😋外層炸到香脆，入裏年糕軟糯，再加上流心芝士，口感豐富，層次分明，讚👍香蒜雞軟骨雞軟骨滲透炸蒜嘅味道，超級野味👍原本餐廳平日9點後會送野食或甜品，但由於近期限聚令，10點要閂門，所以最近8點後都會送甜品同野飲！但可惜我地叫得太多野食，已經飽到上心口，無叫到🙈

阿喵今日今享元朗美食通常日式料理價錢偏貴教育路這間日式料理店內尚算寬敞 簡約整潔主要係做街坊生意價錢可算相當貼地午市套餐款式多多差不多集齊30款😮價錢由$29.00起價錢仲平過茶餐廳😚叫咗新推套餐同串燒🤭# 極上迷你什錦壽司配烏冬 相當之抵 一次過食曬五款魚三文魚 吞拿魚 劍魚油 油甘魚 時令魚🐟刺生新鮮，魚籽唔腥鮮甜👍烏冬一般貨色👌湯底味濃順喉😋串燒# 鹽燒牛舌# 鹽燒大蝦# 鹽燒豚肉串全部大大件 推薦鹽燒牛舌 軟腍 有牛氣🐮其他兩款都唔錯👌食物質素唔錯價錢也相宜 比 like 💪💪

平時我就好少入元朗e區，但今日就入左黎，搵朋友食飯，當然我人生路不熟，午餐就由朋友推介，佢就帶左我去食日本料理，我本身就好鐘意食刺身，壽司，串燒個類，所以去依間餐廳前，已經好期待了去到餐廳都要等一陣先有位，地方不算太大，但感覺溫馨自在，再望一望餐牌，價錢都好親民，而且食物款式多前菜要左香芒鮮蝦蟹子沙律$45芒果好清甜，鮮蝦彈牙，配上蟹子沙律，食落感覺清爽健康刺身要左原隻帶子$98帶子好大一粒，賣相晶瑩剔透，感覺好新鮮，可以加少許檸檬汁，味道會更加鮮甜壽司要左火焰壽司拼盤(6件)$88有蟹棒(面上有沙律醬食落好開胃)，，芝士蝦(加上芝士，食落更惹味)，火焰三文魚(入口即溶)，燒牛肉(牛肉味道濃郁)等

中學嘅時候最鍾意嚟呢度食壽司，因為又平又大嚿，百幾蚊已經食到好飽。最近舊地重遊，見唔係好多人等緊，就入咗去食。青瓜絲蟹子沙律份量依然驚人，壽司都仲係以前咁樣大大嚿🤣

A sudden shop around And discovered this restaurant Affordable price with foodOnly 29 dollar plus service fee for a set of dish Nice try係日本鹽燒鯖魚 配檸檬汁 同埋仲有一個特製嘅source 是不錯的 再配白飯 和湯 覺鹽燒鯖魚可以再香少少 不過$29來講已經係好好 真係小資女同平價學生首選

經過見到好平就入去試試啊個定食係真的好好好平先29 蚊 一個套餐就算加埋一都係三十幾蚊再可加前菜沙拉同甜品平時食鹽燒鯖魚 都要呢個價錢了呢到仲配埋湯同飯 吾叫真係走寶了

只講重點1. 三文魚刺身有骨2. 醬油碟有油水漬3. 雪花芒果酥 = 減料版M 記芒果批4. 壽司落左單無黎，但計落張單5. 壽司無握緊，成舊散開6. 軟殼蟹手卷，成舊軟殼蟹dur 皮幾乎放係到都會剝落最好係冬瓜茶，值得推薦！