一番風味 (已結業)

Delicious food with good portion. It was a dinner gathering of five girls, and we loved it! Golden crab congee was highly recommended by my friend, and it was delicious! It came in a big pot, and some of us had two bowls. You could tell how tasty it was just by the golden color of it, and there was a lot of crab pieces in it. I wished I had a bigger stomach to have more. Lol... we couldn't finish it all, and we packed the rest to go!Steamed scallop with garlic was beautifully prepared. I mixed t

見到黃黃既蟹粥已經好吸引到我去試，呢間位在於灣仔既餐廳主打蟹粥同小菜。咁岩我地6個人就可以試哂唔同既野食先叫左個羔蟹粥（時價，around 400多）基本上個日每一台都有叫到蟹粥，所以係必點既！個粥好黃 好濃 睇得出用料一定唔少，而且都好大煲，我地每人都食左兩碗。之後叫左黃金蝦，本身黃金蝦都係我既favourite，佢用左軟殼既蝦 所以唔洗剝殼，唔洗浪費任何一啖咸蛋黃！鮮蝦粉絲煲蝦係爽既，都好好味，不過係粉絲比較辣，我呢d怕辣人士說唔係好食到喇><另外仲叫左個炒飯同桶蠔，兩樣都好有水準！整體既味道都好好

叫得自己做一番風味一於試吓係咪真係咁有風味呢間係灣仔一間小炒餐廳呢排西餐食得多食返地道嘅中菜先入到去侍應都會介紹拿手小菜自己都唔需要諗咁就有佢哋幫地點先來去黃金蝦鹹蛋黃好足料蝦都大大隻而且炸得好鬆脆可以連殻食埋雖然好多鹹蛋黃都唔會好鹹再嚟一隻黑椒燒乳鴿皮夠香夠脆食落唔會太油不過黑椒味可以再濃點最後上臺既厲害了係黃油膏蟹既蟹粥淨係賣相都好吸引因為多膏所以成煲野都係橙色濃厚既蟹膏不得了仲可以拆埋隻蟹食

聽很多朋友說過這間的蟹粥很出色，正好今天到銅鑼灣睇板，睇完就同朋友去呢間一番風味試試佢個蟹粥！環境都似比我想像中好，但枱與枱之間比較窄，但都幾乾淨的。我們點了招牌蟹粥、蒜蓉粉絲蒸扇貝和黃金中蝦。中蝦蝦殼比較薄身，在經過油炸之後變得十分香脆，再加上有鹹蛋黃醬拌勻在蝦身，有幾隻我連蝦殼都食埋😂蝦肉加上鹹蛋黃簡直係一流嘅配搭搭，色香味俱全。蒜蓉粉絲蒸扇貝肉夠甜美，而且都算大塊。粉絲唔會乾身，加埋蒜蓉一啖擺入口真係有種好滿足的感覺。最期待的招牌蟹粥終於出場了，蟹肉非常鮮甜而且鞋的份量也不小，因此蟹膏也特別多。蟹膏鮮甜甘香，每一口粥都散發蟹膏味，朋友果然無介紹錯，非常出色。

中午時分, 我同朋友經過灣仔一間叫”一番風味”的餐廳, 見到他們的午餐餐牌相當吸引, 全部是小炒套餐,而且價錢又唔貴, 正值午飯時間, 我們徑直行入餐廳順便醫肚, 餐廳內人頭涌涌, 我們等了一陣才有位, 座定之後便叫了兩個小菜套餐, 一個是川味雞, 另一個是黃金蝦. 好快, 川味雞來到我們面前, 白飯跟住上, 這一碟川味雞份量都唔少, 份量似酒樓的例牌, 看上去是白切雞但雞上面淋了些醬汁, 夾一舊來食, 雞肉好嫩滑而且入晒味, 上面的醬汁有少少辣, 少少鎮江醋的香味, 大熱天時食這味道的川味雞很是開胃, 味道非常好, 一啖雞肉都可以扒幾啖飯入口, 好好食! 跟住黃金蝦都上枱了, 用咸蛋黃炒的蝦仁隻隻都被蛋黃均勻的包住, 蝦肉又爽又彈牙, 咸蛋黃少少咸但非常香口,而且這道菜有鑊氣, 新鮮熱辣, 送飯一流. 這二道菜式的套餐有餸有飯有嘢飲, 才68元一位, 真的是平靘正, 茶餐廳的價錢但卻是酒樓大廚的水準, 相當唔錯! 

久違跟朋友去灣仔吃飯，他帶我去一間從沒吃過的店。店外招牌有大光燈照着, 店名清晰可見。招牌羔蟹粥賣相跟餐廳宣傳照相差無幾, 餐廳使⽤用⼤量蟹膏來製作粥底, 令原來⼀⽚片⽩綿綿的粥底染成⿈金⾊，味道也是非常的⽢香鮮甜。粥底不算煮得十分爛, 仍非常有咬感。侍應很細心, 勺時每一碗粥各⾃放上蟹⾁。這煲份量十分充 ⾜，足夠四⼈分享, 十分推介!⿈金蝦蝦身炸得十分香脆, 薄薄一層的蛋黃包著整隻蝦, 感覺有點像天婦羅; 邊吃鮮蝦肉同時也享受烹調方式帶來的不同於海鮮鮮味的美味, 雙重口感。蒜蓉時蔬(白菜仔)是日蔬菜是白菜仔, 味道不俗和份量適當。白菜尚算新鮮, 顏⾊翠綠。蒜蓉的份量也十分足夠。味道十足惹味。

又係良朋飯聚時間，今次食呢間餐廳嘅舖面唔算好顯眼，路過見到門面貼咗蟹羔粥嘅圖片，又幾吸引wor，所以就食呢間啦。我地點咗3樣野，食得好飽。招牌羔蟹粥 - 果然係「招牌」，一開蓋就見到大大隻蟹蓋，差少少就成個煲咁大，仲要係爆羔嘅蟹蓋! 除咗蟹蓋爆羔之外，d粥都唔野少，睇顏色就知，鮮艷橘黃色，粥底鮮味十足。呢煲蟹粥係用咗一整隻肥美嘅大羔蟹，腳、鉗都係鮮嫩多肉。呢個粥嘅份量大概可以分到7-8碗。D人成日話去澳門食蟹粥，原來香港嘅蟹粥仲好食!避風塘炒蝦 - 避風塘系列係代表香港嘅菜式，蒜頭不能吝嗇先至做到精粹。呢個炒蝦就係視覺上已經差d比蒜粒活埋，臭覺上已有令人流晒口水嘅蒜香，口感上有彈牙嘅大蝦，味覺上滿滿蒜香鮮蝦又帶點微辣嘅滿足。香港名菜系列，I'm loving it!黑椒焗乳鴨 - 店員話呢個係新出嘅，$58/隻，比較少見黑椒整乳鴿，價錢又ok﹐所以叫隻嚟食下。雖然唔算係咩特別菜式，但加咗黑椒焗嘅乳鴿又真係香口好多，能夠係普通嘅菜式加上一d變通、新意，追求更好，正正係我欣賞嘅。

由於工作關係啦，食午餐的時候都已經是下午茶時間啦，路過一間小炒店，竟然都見到下午茶餐，懶得再穩就進去試試由於亂甘影的餐牌最後就叫左蒜香排骨蒸陳村粉，佢話即蒸，甘就等左約15分鐘啦，然後就上粉！一上來就已經聞到炸蒜的香味，賣相正常，料都好足，先食件排骨，醃得入味，肉有韌性多汁，都ok陳村粉，油同豉油足夠多唔會蒸得干，但是弊在就太多油，食左一半已經好油的感覺，無奈於肚仔餓，飲汽水清下口再食埋。總結而言，除左太油之外都是適合的性價比。

早聽過在灣仔上課的朋友介紹這間食海鮮的，只是約找不到機會，剛好看展覽後約到同事一起吃飯，便提議來這間吃。從店面看是看不出出裡頭那麼的寬敞舒適～坐下看餐牌，早知道這間海鮮特別好吃，所以也沒遲疑很快就拍板定案了。首先來個羔蟹粥，價錢要問店員畢展海鮮來貨價是不一樣。一看粥的顏色就曉得裡頭餡料有多足～羔是一級多！一個拆件落粥，還留了個仍保有超多羔的蟹蓋給我們享用。粥很軟而綿熬得很香濃，蟹羔鮮味夠，非常惹味。黃金蝦也是一樣讓人驚喜，咸蛋黃皮不會很厚一層，但味覺很足又不會覺咸膩。蝦肉很彈牙，且咬下仍有汁～超鮮又惹味。另外風沙鮑魚也是超出我想像，整隻鮑魚炸了後外邊是一層很香口的脆脆，但不會覺太油且裡頭鮑魚不小一個，還要啖啖肉很爽彈的咬感。也是力推！這間海鮮真的一流！推薦附近想吃海鮮的人來吃～絕不會失望。

我成日係大阪友人面前講一番風味嘅膏蟹粥好正, 講到佢都想試試, 於是乎約埋一齊去開餐.除咗招牌膏蟹粥之外, 友人話係大阪好少見用牛尾煮嘅菜式, 於是乎又點咗個紅酒牛尾,我更加相信, 大阪無咸蛋啦! 所以我點咗個黃金中蝦, 食一D大阪少見嘅菜式, 再加個粉絲蒜蓉蒸扇貝! 易他他key家匙!黃金蝦蝦殼比較薄, 再經油炸變得香脆，有一D我直頭連殼食, 不過我老人家消化唔好喇, 唔敢食太多, 另外淋上面嘅蛋黃黃金醬, 蝦肉加上蛋黃咸香簡直一流, 色香味都有!蒜蓉粉絲蒸扇貝肉夠大隻, 味道鮮甜, 相信材料夠新鮮.最期待嘅膏蟹粥, 又一次放係面前, 令人感動嘅黃金色仍然無變, 粥裡面隱藏一隻有膏嘅膏蟹, 蟹肉新鮮, 最緊要蟹皇夠多味道夠正, 而每一啖粥都散發蟹皇味, 如果無人的話相信我連個煲都瀨乾淨!咪鬼話我核凸啦! 好味嘛!與其鋸大大塊嘅牛扒的話, 我情願食牛尾, 牛尾肉質更嫩, 而眼前嘅牛尾亦煮得夠入味, 連紅酒汁都極之好味可以連送白飯三碗! 超滿足!今次食飯除咗有美食, 又食得開心, 重可以令大阪朋友大開眼界, 感恩！開心中! (^_^)

之前去過呢度食蟹粥今次再食lunch 平時呢度dinner 唔平但係佢d lunch set 幾抵同埋走煮家菜 line ~~~~個肉餅好好味 omgd squid 好香cp 值唔錯 可encore

見咁多人介紹佢哋嘅蟹粥，小妹都係食過一次咁大把，冇特別出色也沒有失禮於人，反而覺貴，所以我哋一家人去親，都係散叫炒菜或者商務套餐。總有前菜必點嘅泡腳鳳爪，開胃嘛～不過個師傅就經常睇心情，有時會幫我哋對半切開，有時就懶到原隻上，份量都係一時時，有時多有時少，侍應姐姐都好可愛，經常講笑話師傅心情好/唔好、下次比返少啲/多啲過你哋。我係一個怪人，唔多好食白飯，對啲粉面特別好，可能平時喺屋企已經成日食，出街梗係要食唔同啲嘅心態，呢個豬扒公仔麵都唔錯，豬扒唔會乾身得來仲夠味。鹽水雞都係每次會點嘅菜式，不過少咗薑蓉就差緊啲味道，如果廚房冇比，記得同侍應姐姐攞返啊～佢哋嘅炒菜呢，就真係普遍都係差唔多，油好多，啲料都差唔多，青椒紅椒、洋蔥同埋啲菇～而有時叫涼瓜炒牛肉要特別吩咐廚房涼瓜炒淋啲，除非你真係好愛苦味。另外仲會有好多唔同嘅菜式，就唔喺到一一介紹啦，其實唔一定食蟹粥，間中喺到食啲家常菜都幾好㗎～

金黃色嘅蟹粥🦀好耐無食海鮮喇，難得今次齊人食飯，多啲人食，可以再叫多啲嘢，嘻嘻呢個蟹粥，望個樣都知吸引啦，整體上都幾好食㗎，個蟹粥足料但略嫌唔夠甜，但蟹係有好多蟹膏，正🥰唔驚肥嘅人可以係咁食 LOL其他嘢都唔錯～ 好似個蝦蒸蛋，我就覺得好特別喇，用嚟餸飯一流～唯一美中不足係，個冷氣頗大，啲嘢食又送得好快，搞到成枱嘅嘢食唔切就凍咗，都係嗰句，相機食先就會搞到咁😂但為咗影低佢，都無辦法㗎喇🙈🙈🦀

今天過海找好姐妹吃飯，他帶我去他的飯堂：一番風味，說知我愛蟹，也愛吃粥，這裏的蟹粥做得很好，讓我在這裏試一下。這裏地方挺大，而且非常客滿，也有不少遊客前來搵食! 看來比我更識食呢！招牌羔蟹粥很快便上桌，看著金黃色的綿綿米粥，還有手掌般大的羔蟹，蟹粥內的蟹羔味相當香濃，令人垂涎三尺，粥底也很鮮甜！2位女士呑下一盤蟹粥也不容易，每位都要喝下3,4碗粥，所以另外只點了兩個海鮮小菜，不用太撐。朋友愛吃魚，點了這道XO醬炒斑球，魚肉鮮嫩啖啖肉，好惹味呢！還有蒜蓉粉絲蒸扇貝，新鮮彈牙，好好味。

朋友對食好有研究，所以 #小秘書 喺安排呢餐 #慰勞宴 嘅時候，都唔敢亂嚟❤️ 聽同事介紹呢日嚟到 一番風味 Crabtain，梗係要試吓佢哋個 #招牌羔蟹粥 同 #黃金蝦 啦😋 另外再加個 #蒜蓉粉絲蒸帶子，一於 #不飽無歸🍻首先上枱嘅係 #黃金蝦，#師傅 將 #大蝦 油泡後，#咸旦黃 均勻咁掛喺🍤上面，口感不油不膩，#小秘書 連埋啲蝦殻一齊食哂落肚，好香口😚 之後再嚟嘅係 #蒜蓉粉絲蒸帶子，#炸香嘅蒜蓉 混入 #粉絲 同 #原隻帶子 一齊蒸，唔使講都個好鮮味啦😉 戲肉終於到，#招牌羔蟹粥 果然 #名不虛傳，師傅將 #蟹羔 放埋入 #粥底 一齊煮，蟹味十足👍🏻 而隻 #羔蟹 又大又多肉🤩 好味到我哋連手指都爭啲食埋呀😅🤣