一粥麵 (都會駅)

營業中

休息中

夜媽媽很肚餓，求求其其買了一粥麵的宵夜外賣，33塊錢有粥或麵，配自選小食一客， 選擇有腸粉、蘿蔔糕、炒麵這些基本嘢。買了兩個雲吞麵餐，一個要炒麵，另外一個要炸鯪魚球。決定點雲吞麵之前都細想了一下，因為拿到家以後，麵條都應該會浸淋了。但 夜晚又唔想食粥， 最後還是要了雲吞麵......回到家，打開外賣膠袋，驚喜發現湯和麵是用兩個膠盒分開裝的。今時今日的快餐，只需33元的價錢，這麼細心的安排。 就在這一刻，我決定要寫個好評。雲吞麵能夠保持韌度，彈牙。(影相的時候已經把湯倒進麵的膠盒內了)第二個驚喜位，撥開麵條，發現竟然有五粒雲吞。 其實如果畀三粒雲吞，我已經覺得很客氣，還要比夠五粒，不知道是不是怕夜晚賣唔曬才放這麼多雲吞， 但總之我就很高興。而且雲吞不是細細粒的， 每一粒雲吞內都有原隻爽滑的蝦，配少量豬肉。家人激讚雲吞麵湯內配有韭黃，說什麼而家的湯麵店為了省錢都不會放韭黃了。他說罷， 我便把韭黃全部吃光。湯底是正正常常有鹼水味的餛飩湯，吃罷很口渴。炸鯪魚球夠煙韌但是有點過鹹。 (總共有四粒，影相之前吃了一粒)夜晚吃了整個雲吞麵已經很飽了， 炒麵留給家人當早餐吃。賣相是正正常常的，有蘿蔔絲、

Super Super Congee & Noodle is obviously famous for congee and noodles but in my opinion their other dishes taste better.What is more amusing is that they have a website which no one seems to know about and the English on the website is pretty good.Anyway, had the sweet and sour chicken which comes with soup, rice and a drink.I was quite impressed with the chicken because it was decent pieces of chicken and not pieces of fatty meat or bones.

很少留評語，不過為左差評呢間一粥麵嘅店員，所以寫呢兩百字。老爺每日最開心是行落去叫杯奶茶、一碟齋腸粉。直至有一日，兩位收銀員你一言，我一語話老人家其他野食唔起！我想問：九十幾歲老人家行得都辛苦，食野又要就住少油少鹽少糖，牙又唔好食唔到硬野。平日屋企食得清淡，落樓行下，佢有佢叫簡單，點解都要受呢D氣？明白飲食行業難做，快餐店人多工時又長，老人家又要幫佢送餐又未必買好多。收銀嘅一句無心挑釁，老人家唔開心左好多日，連出街都唔想！佢話真係無本事食你地D野！

在一粥面點餐，點菜的服務不好，雖然能理解人多可能忙得不可開交，但是速度也要加快吧，其中一份餐等了半小時才上，而且還是我們去拿才給的，等待號碼也沒出現過直接跳過了…

在報紙已留意酸魚火鍋，由於身邊真的冇一粥麵，所以了冇機會。今日機會終於來臨。點了酸魚火鍋及冬至盆菜。在坐位安坐一會，姐姐送上食物，一人一煱, 用咗少少時間煲一煲，保證食物唔會過「龍」！酸菜魚，魚件夠大夠滑，煲內重有豬肚，有鳥冬，菜及肥牛。正！肥牛份量超多，一D都唔Hea.至於單人分童的盆菜算是驚喜，有花膠，冬菇，蘿蔔，蓮藕，豬皮，豬手，雞及瑤柱甫。足料夠味，加碗白飯，大满足。絕對適合個人或小人家庭。本人真心推介！

今日上晝去一粥麵食早餐 叫咗個 薑牛通 炒蛋 蘿蔔糕 熱咖啡 整體表現5分半 環境都算唔錯 都算坐得幾舒服 食物質素則是一般 但係敗筆的是 整體食物溫度不足 如果一粥麵見到 請加以改善 呢間一粥麵我食過一粥麵中 是最不濟的 希望大家樂見到 一定要改善

很久沒有來一粥麵食宵夜餐，即使佢由幾年前的$25>$27>$29>到現在$31，我都堅持佢係庶民hea食之選，雲吞麵配XO醬腸粉性價比更是高！但今日再食，價錢貴了，XO醬變成豉油蒸，腸粉皮厚似班戟皮，入口無味，幾乎咬唔爛🤦🏽‍♂️即使雲吞麵水準依舊，五粒細蓉超足料～但已經不復當年矣。講真，快餐店不應要求什麼，但作為粉麵店基本要求也是要有的，如此出品，實在fail😔與其化咁多錢做廣告，不如做好少少質素啦～👋🏼👋🏼再會了#無諗過會寫食評所以影得好隨便

一心諗住去試新嘢，叫了個新火鍋，可以打邊爐又可以蒸。叫了客最貴的一款$72。再加多一客牛肉。等了20分鐘，才等到食物，再叫了數次，店員才安排到爐給我們。其實看到食物賣相，巳很失望。先講湯底，絶對的味精湯，一點豬骨味也沒有。 食物更弱，兩片魚及一隻蝦，像已放了很久，毫無鮮味。菜又得幾條，雲吞雪味甚重。最奇怪是牛肉，物價真是高脹，原來現在一盒牛肉只得三片。好在有加配多一盒，唔係真係冇野食。要提一提個蒸鍋，真係要有點耐性才可，d火又弱，要蒸熟d魚及蝦要 成15分鐘。絕對是吃不飽、不好味的火鍋。

難得老公一星期放2日假，前日去左大半日街；今日就乖乖在家休息一下，只係落街食個下午茶就算啦。不過其實樓下都冇乜好食，食店選擇真係唔多，所以最後又係一粥麵啦。本來呢，我想食上次果隻芝麻蜜糖雞翼架；因為真係幾好味。點知已經冇左啦但又發現有好抵食既下午茶餐。因為我又想食銀針粉，又想食碗仔翅，所以最後老公就買晒2款下午茶餐Share食啦。碗仔翅配魚蛋蘿蔔，都幾好食，冇話好似上次隻芝麻雞翼咁會令人想再食囉。同埋今日D野完全唔熱的，感覺又冇咁好。銀針粉配炒麵魚蛋，銀針粉幾好食，但係D料真係少左D，重有就係唔夠熱。炒麵，我鍾意食甜醬食，有甜醬就點都好食架啦下午茶餐只係29蚊一個，真係幾抵。配炒麵都真係幾飽，但如果只係配魚蛋蘿蔔就應該會差D囉。

一粥麵喺我心目中一向都係水準較高ge快餐店，所以我地屋企冇飯開就會諗起佢。可惜唔知係咪人手唔夠定入錯貨。。今次水準真係差左好多。。我叫左個楊洲炒飯同熱華田，分量冇變，一樣咁大碟，有义燒有蝦有火腿。但最大問題係，碟飯炒燶左。。食落口有陣淡淡ge濃味。。比起之前真係差左好多。。杯華田冇咩華田味，我諗佢落花奶多過華田粉。。我另外加左個例湯，赤小豆煲粉葛，呢個最正常，冇咩味精味，仲有幾夠粉葛俾我咬下。其實係咪我要求太高呢。。可能呢個先係快餐店應有ge水準。。

今日老公放假，我地就輕輕鬆鬆在家Hea；等下午茶時間再落街食野。其實樓下真係冇乜好食，我地都行左成個圈，都唔知食乜好。最後就去左一粥麵睇下啦。炒麵雞翼，見佢係今日推介特價，只要18蚊姐，真係抵食。炒麵我覺得一般，我加左好多甜醬去食；如果唔係都冇乜味咁。但係雞翼好好味喎，如果下次再去一粥麵，可以叫多幾隻雞翼呢。蜜糖同芝麻好味我就同老公講完要炒麵雞翼後，就行去搵位先。講真，下午茶時間其實唔多人；但張張4人枱都坐左1個人，有D得杯水係枱面，真係唔知佢地坐左幾耐囉。最後行到去店盡頭對住大馬路果邊個門口先有位。老公重問我做乜坐咁遠唔著搭枱丫嘛！老公點既糯米雞同粥，食前重話早知唔黎一粥麵，D野唔夠飽，食完佢咪係咁叫好飽今日個下午茶好抵；Total只係50幾蚊，主因都係炒麵雞翼平囉。不過其實炒麵雞翼真係下午茶重要係份量少的，如果係男仔或大食少少既女仕，就真係唔會飽囉。

平時係九巴見佢賣廣告，見到消夜套餐＄30，有雲吞麵或者柴魚花生粥配一個小食，覺得好抵。所以一粥麵一路都係我消夜嘅選擇。雲吞麵雲吞有成四五粒，份量唔少。小食配以齋腸最抵食，因為足足有10幾條。另外仲可以加＄3隻雞全翼，佢八點半就有消夜供應，所以如果晚飯等遲少少先食，就會好抵。

因為不舒服，連續幾天發高燒，吃了幾天的粥T.T今天選最近的一間 【一粥麵】同樣的價格食物，就是有點距離還是海皇好吃點 ...但沒辦法，附近有粥麵吃的只有這間幸好它中餐不行，還有西餐食品頂上。 朋友過去可以試試~

住在附近，而調景嶺食店太少，所以很多時都要光顧到這店。食物是一般，但服務就超差，經常見到員工互駡，每次買了飛等野吃，都等好耐, 不是人多原因，樓上的大快活一样多人，但流程快，效率高，是餐店經理的失敗管理，還有，成間店只有两張BB椅，離普，每次都要搶拱，大快活有六張以上，希望店的高層關注

約埋幾個朋友新年行個大運，決戰釣翁之山巔！由北區的到將軍澳，發現早餐沒什麼選擇喎，唯有是但一粥麵。朋友們仲未到，食住等。行山前不能食太多、不能太復雜，肚痛要便便就麻煩喇。輕食中式早餐，炒麵加粥。豉油皇炒麵，份量少得可憐，只有平時紅磡買既一半乍，兩啖就被我消滅。何解要跟芽菜青蔥兜亂炒埋一齊呢？好多人都唔食架喎，我都一樣唔食，揀死我咩。濕炒麵勁多汁黏住，味道偏甜、質感黏黏厚厚的。好采麵質未算太腍，還可接受。皮蛋瘦肉粥，唔記得走蔥添。全部料黐埋一舊聚起底，好明顯一早執好個碼，有 order 就求其倒殼粥落去算鬼數囉！得得得，我自己攪勻去。煮都無煮過，泡粥？大陸傳入架？粥底完全無皮蛋瘦肉味，粥還粥、料還料。雞湯味粥有點咸味再加少少胡椒粉較好，入得口唔難食。$35 好貴喎，完全唔值。大排檔、粥舖好食百倍千倍，價廉物美！