一素食譜

營業中

休息中

雖然店子小小，午餐選擇卻不少。職員好有耐心講解不同套餐的特色，口味濃淡悉隨尊便，有充滿蔬菜真味的客飯，例如五色蔬菜養生飯、純手工水餃，也有惹味的客飯，例如素香肉燥飯、欖菜豆皮香酥四季豆飯，今次試左素香肉燥飯，味道啱啱好，唔會太鹹，套餐跟湯味道好好飲，當日糕點係千層斑斕糕，少甜好正！唯一問題係座位有限，見多數人都係外賣。尤其午飯時間，都好多人排隊。舖頭仲有唔少小食，例如香菇貢丸、香菇脆鱔、碗仔羹，有機會一定要試！

今日下午過來觀塘, 去附近東廣場睇下有乜嘢食, 見幾度也多人, 見到依度有素食又有位, 不如試一下😅店員見我睇緊餐牌😜佢話我哋收3点半, 望下望下比一個名吸引, 叫做五行蔬菜養生飯🫘🍅🥬包一碗湯, 55元, 唔算好貴亦唔算好平, 屬於中等價錢😚, 找個位坐低, 店員送上一碗湯, 係紅蘿蔔🥕同一d豆🫘, 飲落好清甜👍好味道😍再等左一陣送上碟頭飯🤣🤣顏色好靚🤩好有層次感, 份量女仔就夠, 男仔可能差少少😅上面鋪上紅色蕃茄🍅, 再用羮整開望下入面有乜嘢, 入面有蕃茄, 西蘭花, 鷹咀豆, 雲耳, 本菇, 食落唔油好清淡, 當時2点多, 又或者素唔係個個啱, 可以係一個清靜的環境慢慢品嚐午餐, 感覺很好😺😻, 我會再來🥰🥢😙

諗唔到食咩，又想食得健康啲，之前路過過觀塘廣場間素食，就諗住去買外賣試下，整體都OK唔差，食咗個蓮藕冬菇飯，蓮藕冬菇，就好似煲湯出黎嗰種感覺，仲會有個南瓜湯送，份量啱啱好。

叫左一份午餐 (五色養生飯+湯) ， $5x , 食完覺得好肚餓，又冇汁送飯，乾食，個餸都冇汁，都係乾食，更唔好提味道，可能就係寺廟嘅味道，但我未食過(寺廟嘢食)，唔敢一口咬定。而且個份量細真係得好可憐，細到覺得自己仲慘過監犯。靜雞雞走左去隔離廣場食多碗生菜魚肉($20)加多杯果汁($3x)先補充返少少能量，但都未夠平時應有嘅飽肚。但見已經洗左咁多錢，就自己心理調節左佢算，唔敢再嘢食。去呢間食要當佢係小食唔好當正餐，唔係會好受氣同懷疑人生。

食到一餐豐富嘅素食盛宴。呢間餐廳有好多款好味嘅素食菜式，其中包括素咕嚕菇菇飯同埋野菜咖喱飯。先講下素咕嚕菇菇飯啦。呢道菜用新鮮嘅咕嚕菇同其他蔬菜配搭，再加上香氣撲鼻嘅素食醬汁，令味道好豐富。咕嚕菇食落去又鮮嫩多汁，配埋飯一齊食，有嚼勁又飽肚。整道菜色香味俱全，絕對係素食愛好者嘅絕佳選擇。仲有另一道讓人流口水嘅菜式係野菜咖喱飯。呢款咖喱飯由新鮮嘅野菜同濃郁嘅咖喱醬調製而成，散發出濃郁嘅香氣。咖喱味道濃郁但唔會太辣，配埋蔬菜嘅清爽口感，真係食到停唔住口。呢道菜唔單止好味，仲好營養，絕對係素食者嘅最佳選擇。素食餐廳嘅食材選擇好重要，我可以感受到呢間餐廳對食材嘅用心。佢哋所使用嘅蔬菜新鮮同上乘，有種天然嘅味道。不論係咕嚕菇定係野菜，都帶有原汁原味嘅美味，令人彷彿置身於大自然之中。

呢間素食久不久都有幫襯，食物不過不失，食得飽嗰種！就嚟端午節，今天去買一些素種和紫豆卷。佢俾錯紫菜卷我，我離開左幾分鐘才發現。返轉頭同佢講：「唔好意思呀！唔知系咪攪錯左呢？我要紫豆卷，系你地食開車仔麵嗰隻，一包有幾條，細細條嗰啲，唔系呢隻！」店員好晦氣又黑面👺👿但問心我系好有禮貌問佢嘅！佢話😡「車仔麵系呢隻，又系你自己話呢隻嘅！你指住呢隻嘅（紫菜卷）」咁佢就走入收銀機後面！我頂住度氣，忍住啲火，叫佢出嚟望真吓吖（因為嗰張圖的確寫著紫豆卷，可能佢圖和寫配錯左）而我真係買過好多次，我系講紫豆卷，唔系紫菜卷。但佢黑口黑面唔出聲，又唔肯行出嚟睇吓自己個牌！跟住佢個同事好惡死就叫出嚟🤬🤬🤬🤬🤬「咁你衣家系唔系換吖，咪換畀你囉」我話「問題系佢好晦氣吖嘛」佢更惡死🤬🤬🤬🤬「咁衣家忙吖嘛，唔通下下好聲好氣咩！」當時2點幾3點，過哂食晏時間，跟本唔忙，無咩客。我就話「咁啫系佢晦氣就啱，我好聲好氣就系我唔啱啦」😖😖😣😣佢就更惡，🤬🤬🤬「畀返錢佢，唔好做佢生意，你去第二間啦，以後都唔好幫襯囉！走吖，去第二間，第二間平呀！」咁我頂住氣，無言！😐畀返哂啲嘢佢，攞返啲錢即走！雖然只系201蚊啫，我唔系大豪客幫襯幾

觀塘飲食日誌day12是日食素素食有新漸有傳統它介乎兩者之間因為它沒有大量使用植物肉也沒有使用那些被鹵得啡啡紅紅的豆製品它主要以蔬菜及各種豆類入撰所以五蔬養生飯看起來顏色鮮艷味道清淡真的做到養生的效果不過美中不足是糙米粒少得可憐主食仍是以精製白飯為主如能改為糙米或紅米那會更為養生

素食譜是一家位於香港觀塘區的素食餐廳，提供各式各樣的素食料理。素叉燒青蔬飯是一道精心製作的素食版叉燒，口感鮮嫩多汁，搭配上香氣四溢的青菜和飯，讓人垂涎三尺。豆豉涼瓜炆吉筋拌飯則是一道健康的料理，用豆豉醬汁把涼瓜和吉筋炆煮得很入味，口感豐富，營養均衡。午飯來光顧還有餐湯附送，簡單的紅蘿蔔扁頭湯，但用料十足，使湯充滿了蔬菜的甜味，清淡可口。對於還未太接受素食的朋友，相信來試過後，會對素食的看法產生了很大的改變，這些美食既健康又美味，令人回味無窮。此外，素食譜亦是是一間很有善心的餐廳，會經常派福飯給長者。感覺在這花錢用餐，也是出了一份綿力。如果您是素食愛好者，或是想嚐試一下健康的蔬食料理，不妨到素食譜一試。我相信您會被這裡的美食所迷倒。#香港素食 #素食美食 #健康飲食 #素食料理 #觀塘美食 #蔬食料理 #營養均衡

本人見識淺薄並唔知韭菜 原來唔係素 只係問左一句會唔會含有韭菜（利申本人唔食的） 可惜被店員嘲諷 恥笑 並罵傻仔 如果食呢間素食 要做好心理準備 員工態度極為惡劣 小心加料感到十分可惜未能嘗試

吃素感覺良好又沒有負擔≖‿≖素咕嚕菇菇飯🍄🍛咕嚕醬比較酸，其他配菜有車厘茄🍅，菠蘿🍍，青椒🫑及生菜🥬，白飯🍚加入少量紅米，跟餐附送赤小豆湯🥣容易下飯😋純手工水餃🥟手工水餃🥟有8隻，餃子皮厚薄適中，餡料有冬菇🍄，紅蘿蔔🥕，薑絲及時菜等好足料💯，另有2條菜心🥬，湯底不會太鹹，全部喝光光😂整體食物都是用心製造❤️，價錢相當合理👍，下次回訪可以試蔬菜車仔麵或其他素食飯餐😋

今日在官塘APM做完運動，下午茶時段突然好想食素食，就喺openrice度隨便search一間，見到呢一間評分都算高嘅，就即管嚟試下。舖頭位於東廣場地下，坐位唔太多，大概20個位，有堂食有外賣，菜單望落唔算貴嘅，一般係50蚊左右，包一個正餐同埋會送一碗素湯。本人好鍾意食酸酸甜甜嘅嘢，所以我就叫咗個素咕嚕菇菇飯 。上枱賣相都ok嘅，但食落口呢，係好酸！得過酸字！嗰個咕嚕醬，真係大失所望，個廚只係將啲茄汁再撈咗啲醋同埋加啲鹽，所以成個整體上好酸囉！我完全食唔到我平時最鍾意食嘅咕嚕味囉！ 好難捱先食完嗰碟飯， 嗰啲素肉係冇問題嘅，但係個醬就破壞咗成個感覺 ！ 咕嚕醬根本就唔係咕嚕，只係茄醬， 完全唔係嗰回事囉。我會再去幫襯，再畀多次機會，下次食第二樣嘢，睇下有冇機會評分上，畀返佢高分啲， 唔想對呢間舖頭一錘定音！

東廣場內食肆選擇多，豐儉由人。我每周一都會選擇幫襯素食譜，腸胃負擔輕鬆啲又健康啲。幾乎每次都會選擇三餸車仔麵，可以選擇湯底（冬陰功加6蚊），麵底（菠菜麵，太陽麵，淮山麵等），同十幾款餸菜。份量唔算多，細食女仔應該啱啱好。車仔麵普通湯底你味噌湯，相當唔錯，唔會有太濃豆澀味，亦唔會太鹹，通常一上菜我都會先飲一啖湯，潤潤喉。麵我通常揀菠菜麵，見到舖頭嘅淮山麵選用壽桃牌，下次可以一試。餸菜方面我十分推薦紫豆卷，剛上菜時，有少少脆，豆皮包裹住紫菜，十分香口；浸透咗湯汁嘅時候口感亦十分飽滿濃郁。至於其他餸菜，我會隨機選擇蓮藕，秋葵，蘿蔔等等，味道正常，唯獨有時每件份量切得太大，唔方便食用。午餐仲有其他飯餐選擇，素叉燒南瓜飯，五行飯等等，味道都唔錯，仲包埋一碗熱湯，比較飽肚。整體來講，小店質素唔錯，如果想食得清新，不妨一試。

開張已經幫襯到而家，本身我唔係素食者，但間中會食素，感覺健康啲，尤其夏天唔想食咁多難消化嘅食物，素食都係好好嘅選擇。如果唔太肚餓，我會揀食車仔麵，可以整餸，材料都好健康，湯底都好好味，好多時都飲晒。如果肚餓，我就食佢啲客飯，款款都食過，都好多選擇，同埋佢係真係用好多唔同蔬菜，唔係嗰啲假肉，選材都算好健康。同埋啲店員都幾Nice，好似家庭式經營咁，幾有人情味，仲不時有向長者派飯活動。香港小店越嚟越經營困難，希望佢哋可以繼續做落去！

雖然只可以俾現金，但嘢食質素唔錯👍🏻👍🏻加$6要咗個養生茶同餐湯，感覺冇咩味精，幾健康區內平價素食唔多，而且見到佢哋有做下慈善例如派飯，值得支持會再幫襯

友人想食素，公司附近得呢間比較就腳，有啲好食既冇開，好唔好食都只係一餐，就黎食啦。每碟碟頭飯都係around $5x，都ok既素叉燒青蔬飯 $55本身叫左咕嚕肉飯，不過黎錯左，價錢一樣就冇所謂啦，唔想浪費食物。叉燒有啲乾，味道一般，只係想食齋有間齋舖係附近，平平地一餐ok既。南瓜鮮蔬素排飯 $55幾香口，炸衣厚左少少，炸得還可以，其他就中規啦。不過下次可能寧願行多幾步食其他，可能更好食🤷🏼‍♀️.味道 ★ ★ ★ ☆ ☆環境 ★ ★ ★ ☆ ☆服務 ★ ★ ★ ☆ ☆價錢 ★ ★ ★ ☆ ☆