一線軒雲南桂林過橋米線 (已結業)

向鰂魚涌呢個甘高級既寫字樓地方，想食平民價錢野，真係有難度，一線軒算係平民之選。兩餸米線連野飲都係 $46，都算係甘。我本人吾食得辣，所以叫清湯。同事叫中辣，食到標晒汗，應該都有啲料到。

譚仔招股上市在即，廣告鋪天蓋地，而家成日都諗起食米線。但譚仔又真係食到悶悶地，難得喺鰂魚涌捐窿捐罅，喺大街後巷搵到間好隱蔽嘅鋪頭，佢若隱若現嘅紅色，帶啲神秘，令我對佢嘅米線，充滿期待。冇諗過鋪仔細細，裝修陳設似麻辣火鍋格局。我點了肉醬、豬頸肉、木耳，三餸格局。打邊爐同食麻辣米線一樣，係要配可樂。雖然點了中辣， 但就好溫和缺少了刺激。肉醬，豆瓣味香濃，食得出應該係佢自己整。塊豬頸肉都算厚身。

本來以為係土瓜灣嘅一線軒分店，點知原來係無關係嘅。呢到嘅主打係米線，選擇都好多而且有d比較少見嘅可以揀，例如係鯊魚丸(???)我就點咗一碗$46雙拼米線，蟹子丸同鮮蝦腐皮巻，仲送一個紙包飲品。上菜速度都幾快。清湯底比出面 x仔 嘅淡一d，唔會有個種食完好大口氣嘅感覺。配料有適量嘅酸菜，蔥同香菜，同米線味道都好夾。腐皮巻同蟹子丸有2粒，米線份量適中。米線質地偏粗，有口感。總括黎講，性價比同同區其他餐廳比較算偏高，不過份量方面可以再多少少就更滿足啦。

行多幾步，多啲選擇。對於鍾意食粉，又鍾意酸辣既我，一線軒係經常去食既餐廳$50就有三個餸，再跟飲品！其實真係好抵次次都係嗌小鍋米線，白蘿蔔，雲南炸醬，大腸。今次嗌中麻辣白蘿蔔係必點，次次食都係好清甜，又無渣。雲南炸醬就好惹味，都係我必叫既餸大腸，正常質素朋友食蘿蔔，蛋白魚腐同冬菇。試左蛋白魚腐，軟淋淋吸埋啲湯好好味。冬菇好入味最後飲埋杯豆漿岩岩好！

在鰂魚涌工作，經過一線軒雲南桂林過橋米線，另外吃酸辣的我食指大動，決定入去一試。適逢下午茶時段兩餸米線$38仲送飲品，我點了肥牛拼豬大腸過橋米線：肥牛不算太肥容易咬；豬大腸軟綿綿很入味，最重要是沒有臭味，這裏的米線配料十足，包括芽菜、韭菜、自製酸菜、蔥和芫茜，雖然是下午茶但餐廳真的沒有吝嗇，滿滿豐富的一碗米線令人捧腹又滿足！注意⚠️：小辣已經很辣，愛辣之人要量力而為囉！下午茶時段真的很優惠，建議可多點幾樣配菜。

「一線軒」，聽人講店員對客人嘅態度一般般，不過沒辦法，近公司而且想快快食，唯有食下佢。胃口欠佳下，叫左雙拼清湯小鍋米線。先講個湯，清湯都預左偏淡，但不至於好似清水吧，完全接近冇味道。平時出面食開嘅，就算清湯，都有一定味道，呢點絕對需要改善。羅白份量都算多，但係唔算甜，冇乜味，就算食落冇渣都挽救唔到。而冬菇同米線就正正常常，冇乜特別。另外，大家都明白午飯時間人多，要搭枱，但態度可以更友善。總括而言，有得揀唔好揀！

#小秘書 已經有段時間無嚟「一線軒」食lunch，其中原因係梗係覺得佢有啲污糟、裝修又殘殘舊舊咁🤪 不過偶爾都會順應吓同事要求... 好又一餐唔好又一餐咁啦！三餸湯米線+飲品$50，喺鰂魚涌呢區嚟講算係經濟😅 我呢日就叫咗碗 #腩肉、#豬腸、#蟹籽丸、#湯米線 + #BB辣，再叫咗罐可樂（跟餐㗎）諗住拎走😏 水準跟以往都差唔多，我就幾鍾意食「一線軒」嘅腩肉，小小辣好惹味🤤 不過我就每次都要求「走酸」，因為我覺得口味唔夾😅 對我呢啲咁特別嘅要求，阿姐都會一一幫我mark抵，好專業㗎👍🏻

好好食！每次都係叫外賣，外賣員態度好熱心。下午茶4個餸好抵，送埋上黎只係46蚊，有野飲。我每次都嗌大辣，辣得黎酸酸地又唔會苦好好味，肥牛又吾會太熟，大腸冇怪味超好味，雞翼吸左辣湯好好味，同埋木耳都勁好食。送外賣好快20分鐘內到送上黎仲熱辣辣。好味到我一星期最少食兩三次都唔覺得厭。可惜星期六日唔開。之前叫過朋友一齊食都話又抵又好味，而且大碗，啲餸又唔會得好少，好足料。我本身比較食得多野都覺得夠飽，朋友仲話飽死

係鰂魚涌，咁多貴價樓，貴商廈既集中地，普普通通食個晏都要五六十。但如果唔係太肚餓，我就會食碗米線，有幾個餸，唔會獨孤一味嘛。兩餸都係 $46， 包汽水或豆漿試過佢地既泰式魚餅，加入咗香茅，係特別既，但我就麻麻啦。另外仲有潮州牛肉餅，又係特別既，不過睇落似撳扁既牛丸。我最鍾意呢，就係古方墨魯餅啦，彈性口感十足。最後要留意，呢到就算你叫少酸菜咩，都唔會少到架，你夾開放上張枱，個姐姐會寸你，下次叫少酸嘛，。我仲有下次？我...我真係下次再黎，佢都唔記得寸過邊個客啦⋯⋯我下次每次都直情叫佢走酸啦⋯⋯因為呢到啲酸菜都幾酸架。

鰂魚涌食lunch係世界上的痛苦，因為多人到喊每日一到lunch hour都好多人等位所以有時我其實寧願帶飯或者落去買外賣就算不過而家原來用Gulu App係一線軒落單有9折優惠所以我係準備落樓前係個位到禁左野食再搭lift落樓 去到店面 時間岩岩好 等一陣就有得拎啦!佢有雙拼 三拼或者四拼既~ 我其實好細食 所以揀左雙拼: 豬頸肉及泰式魚餅一碗面豬頸肉有成5-6塊，魚餅就2塊因為泰式魚餅有少少酸辣，所以食落口覺得好開胃慢慢就食唒成個面!再配埋杯豆槳，岩岩好!就算係堂食我都見佢有好多位，同埋野食都出得好快所以鰂魚涌既朋友仔可以試下喔!

香港人硬係有個米線癮，我就係其中一個！耐冇食過橋米線就會好想食！由於東區冇我最愛既X仔，所以就叫左一線軒既米線外賣過下米線癮。三拼小鍋米線$40 （下午茶）叫左豬頸肉，潮州牛肉餅，腐竹；中辣。雖然係外賣，但送到過黎d米線都冇浸到過霖，抵讚～豬頸肉：煮得入味，而且好軟，但軟得黎仲係爽口既腐竹：索曬d湯汁食好正。潮州牛肉餅：之前未食過，食落味道似係牛丸，但係口感方面就比牛丸爽口好多，都幾好食湯底方面：酸辣適中，雖然叫中辣，但我食落都覺得可以接受，個程度應該只係X仔既3小至小辣，又或者可能佢哋怕我食唔到所以比小d辣我掛。總括黎講，呢間絕對可以過到米線癮，而且外賣都好快送到，仲聽講好似一碗都肯送～！

大家可能會認為，老闆出咗trip，留喺公司嘅秘書就一定好得閒... 而小秘書（我）就剛剛相反。個早餐由開工擺到11:00先食哂落肚，因為成朝對啲emailssss實在太投入，覆完自己果啲又要望吓老闆個email box有無嘢要跟，真係千手觀音都搞唔拈👀所以我每日都好享受lunch時間可以同班飯腳出去聯誼吓，而且亦好鍾意「捐窿捐啦」去搵啲平嘅嘢食。今日我哋又返兜「一線軒」，呢間小店係賣酸辣米線起家嘅，聽講以前啲服務員對客好寸好無禮貌，啲人怕咗佢哋，生意少咗而家先好啲啲。雖然我仲有啲飽，不過我份人比較為食同貪心，所以都叫咗三個餸跟咗碗米線，腩肉、豬腸加蟹子丸都係my favourite ，不過今日「一線軒」個湯好淡，無咗酸辣米線應有嘅風味，但係啲配料都唔差嘅！地方係就凌亂污糟啲，不過只係$48可以喺鰂魚涌食一餐，算係難得㗎喇！

因為午飯時間去咗打羽毛球，又唔記得提前準備午餐，加上唔想營多撈咁就揀咗呢間從未食過嘅一線牽外賣下午餐份量都唔少，外賣紙上面嘅選擇除咗大量丸類或午餐肉等嘅加工肉，仲有好多自家制食品如豬大腸、炸醬咁我今次就叫咗豬大腸炸醬同墨魚卷，三個餸酸菜份量唔少，湯底都幾清甜，我揀咗小辣都好似唔係幾辣，唔知係咪我食辣功力大增😂😂豬大腸鹵得好夠味，爽口彈牙唔韌，唔錯炸醬都幾香，味道都幾濃墨魚卷中規中矩由於我係下午茶時段去，仲有優惠價👍🏻抵食

平時食lunch我都比較鍾意食d麵類既野一嚟唔會食到過飽 二嚟唔會咁煩氣攻心今日就食喺公司留下既呢間米線舖佢喺條巷仔度 唔係特登嚟/有人介紹都未必知呢度有間舖米線分小鍋米線同撈米線兩款湯底辣度可以調整呢度都幾多餸既選擇 鯊魚丸 牛肉餅呢d平時出面都冇乜見過我今日叫左臺灣花枝丸 冬菇小鍋米線小辣等左5分鐘左右就有啦台灣花枝丸其實即係好似墨魚丸咁雖然得兩粒但都算幾大粒既花枝丸入面真係有d細細粒既花枝而且幾有咬口 好食👍🏼呢度既湯底唔似酸辣/麻辣比較似係普通湯底加辣咁小辣我覺得剛剛好 湯底唔會太鹹/味精 餐飲我叫左豆漿豆漿係有糖但唔會好甜同出面豆品店飲到既差唔多覺得呢間米線舖幾唔錯選擇多而且味道好會再幫襯👍🏼👍🏼

下午茶2:00開始三送 凍飲 $42大大碗潮洲牛肉餅勁好食 似汕頭牛丸 彈牙多汁 係爆汁有兩舊燕餃有三舊 好食雞翼都正湯底中辣唔算好辣個味似星林居 但冇雲桂香咁油 好滿意既一餐