一茗堂 (南山商場) (已結業)

休閒精美西餐@南山村去南山村除咗打卡之外，依道都幾多好嘢食㗎。今次就去咗依間新開西餐廳醫下個肚，環境都幾開揚，而且價錢唔貴，一於試下新嘢，自製一點本地旅行渡假 feel～Weekend 同樣有Lunch Set，我哋點咗兩個套餐同埋時令蔬菜。午餐送是日手打餐湯或者田園沙律，我哋就各揀咗餐湯同沙律。田園沙律嘅份量都唔少，salad dressing 係黑醋汁唔肥膩，啲沙律菜都好清爽。餐湯係番茄忌廉湯，酸甜開胃，質地夠晒creamy。香煎帆立貝墨魚汁意大利粉四邊用車厘茄點綴得好靚，帆立貝幾大隻鮮甜，意粉亦煮得相當有水準。味道濃郁嘅墨魚汁充分包住意粉，每一條都烏卒卒，食落好惹味！ 焦邊荷包蛋堪稱完美啊，令招牌雞扒煎蛋配白飯嘅賣相大加分。厚身雞扒十分重量級呢，雞皮帶少少香脆口感，好好食又啱哂送飯。另外點咗蒜蓉白酒炒雜菌，蒜蓉味好香好濃，簡簡單單但意料之外咁好味！甜品叫咗個法式啤梨焗撻加雲呢拿雪糕，個撻瀰漫住新鮮焗起嗰種餅香。梨肉清甜，熱騰騰嘅啤梨撻配透心涼嘅雲呢拿雪糕，實在係依個周末嘅小確幸。

今日去石硤尾探好耐冇見既婆婆，之後就落去搵食，一段時間冇黎，原來樓下開左 一間西式餐廳Casa Kitchen 。餐牌有小食、pizza，主菜，主菜可加配為套餐，我覺得最抵食就係加配套餐C，只係加$42就有是日手打餐湯、酸種麵包、餐飲一杯，精選甜品一份。酸種麵包-酸種麵包帶點天然的酸味，口感煙煙韌韌，估唔到又幾好食蕃茄忌廉湯-用新鮮蕃茄打，稀稠度適中，酸酸地，好開胃9oz 美國極黑美國安格斯西冷扒配脆炸薯條，原粒燒蒜頭-西冷扒好厚身，差不多9成熟，西冷扒仲保留到肉汁，口感帶點嚼勁。70 %可可撻-用上70%黑朱古力奶油製作，朱古力味非常濃郁，朱古力控必食。香草蜜糖燒雞翼-我至愛既蜜糖雞翼，雞翼夠香脆，蜜糖唔會過多，剛剛好

今日去石硤尾南山村朋友家聚會，天氣非常熱，又不太想到叫外賣，就在南山村街市裡找到一間西餐廳 – Casa Kitchen , 餐廳與周邊圍境格格不入，卻有一間裝修別緻的餐廳，認真難得。餐牌款式眾多，有午市套餐、法式甜品套餐等等，樓底高不會太嘈雜，跟朋友聚餐確實一個唔錯的地點，而且價錢不太貴。我跟朋友分別點了套餐A招牌雞扒煎蛋飯$56、香辣茄茸雞柳燴飯$54、脆炸洋蔥圈$22、蜜糖香草雞中翼$29、鮮奶凍咖啡$18、鮮奶朱古力$16。招牌雞扒煎蛋飯 – 醬汁非常惹味，雞扒份量十足、加上配菜茄子、翠肉瓜鮮甜多汁，認真一流！香辣茄茸雞柳燴飯 - 用上意大利米，雖然吃不出有辣，但雞柳十分入味、帶點忌廉的香氣，不錯！炸洋蔥圈 - 色澤金黃，外酥里嫩，原本洋蔥那特有的味道，卻因為這樣的做法變得奇香，簡直好吃到爆蜜糖香草雞中翼 - 外層有蜜糖嘅甜味，味道清新又有層次

一直知道南山邨附近有比較多嘅食肆，所以今日去開石硤尾都嚟咗南山邨搵地方食晚飯，結果搵到呢間比較寬敞嘅餐廳。今次同朋友點咗兩個套餐。餐湯洋蔥蕃茄忌廉湯，入口好Rich，蕃茄嘅酸味同忌廉平衡得好好，亦好細心咁落咗橄欖油調味，餐包佢哋特別選用咗酸種麵包。朋友嘅套餐係招牌雞扒伴虎蝦拼香草燒新薯。雞扒煎得恰到好處，薯角處理得好好，食落唔乾身，唔會有鞋口嘅感覺。我嘅套餐揀咗比較特別嘅泰式冬陰公鮮蝦意粉。將泰式冬陰功味道放入西式嘅意粉感覺好得意，啖啖有冬陰功嘅香辣，相當開胃。飲品試咗呢杯藍蝶白桃寒天梳打，飲落有白桃清香，加埋寒天，感覺好fresh好清涼。小食方面就點咗白酒忌廉藍青口，冇諗過好有驚喜，好香濃嘅牛油奶香帶出青口嘅鮮味，入口味到好豐富，值得一讚。一直感覺南山邨都係大排檔、茶記，如果突然想係呢邊食一餐有心思嘅晚餐，絕對值得一試。👍

以前中學午餐都會嚟南山村食，好耐冇嚟過呢一頭，咁啱今日過嚟呢邊搵朋友，見到開咗間新嘅餐廳，而且環境特別出眾，因為本身呢邊多數都係小店，但呢間佈置係比較新潮啲，所以我同朋友二人決定食呢間。裝修真係幾小清新，又帶啲西式嘅風格，座位之間闊落，有空間感坐得都好舒服。我同朋友二人各嗌左一個午市套餐，贈送餐湯或沙律。而當日嘅餐湯係手打番茄湯，好濃嘅蕃茄味，顏色偏橙，同一般嘅西餐廳飲到嘅真係幾唔同，蕃茄味比較真，都唔錯。《黑松露蘆筍龍利魚卷配白飯蔬菜香草忌廉汁》$68第一次見蘆筍龍利魚卷呢一個菜式，本身鍾意食魚同埋蘆筍既我，覺得兩者配合一起都唔錯，味道比較清淡少少，點汁味道就會更突出。黑松露略嫌味道唔夠出，如果多番少少就更好，整體一般。《意式蒜香辣椒雞柳扁意粉》$48蒜味香濃，而且雞柳唔會好乾好孩，食起嚟都算幾滑，而且扁意粉口感好好唔會過林，都幾彈牙，推薦！追加小食《明太子雞翼》$33好鍾意食明太子嘅嘢，呢個雞翼咬開超多明太子，好滿足！最後仲有兩杯美式咖啡，即磨夠晒香濃，亦都睇得出有誠意。

環境：👍👍👍👍服務：⭐️⭐️⭐️⭐️味道：😍😍😍😍😍影相：📸📸📸📸📸Encore:98%📝進入前要度體溫📝免加一➖➖➖➖➖➖➖➖➖➖➖➖➖➖➖「為食兵團」今次要掘下石硤尾嘅隱世美食🙆‍♀️呢個隱世小店位於石硤尾嘅南山商場地下最快捷嘅方法就係穿過街市，最盡頭就到🙈.🔸泰式冬陰功鮮蝦意大利粉 $82泰式冬陰功意粉系列，係西式小店比較少見因為味道難以拿捏而呢個改良版冬陰功意粉，吾似得傳統版刺激性強味道溫和，但仍保留住冬陰功嘅酸辣💕每條意粉都沾滿醬汁，酸酸辣辣，開胃又Juicy!仲有大大粒嘅蝦球，入口彈牙，真係吾錯😍.🔸香煎三文魚 $118不得不說，呢個三文魚真係勁高質👍目測有4cm厚，肉質緊密四面沾滿黑椒，再煎至金黃色，賣相相當吸引😘輕輕咬落，先係酥脆，後係鮮嫩，繼而係黑椒鹹香配上檸檬牛油汁，更係開胃解膩呢😋.🔸套餐 $42加多$42仲可以升級至套餐包括是日手打餐湯，酸種面包，餐飲同甜品堅係抵食呀😈手打蕃茄忌廉湯，入口順滑，蕃茄味濃郁而自然酸種面包烘至香脆，鬆化又帶嚼勁玫瑰荔枝梳打（特飲半價）硬玫瑰撞上荔枝，味道清新，開胃又解渴🥰揀左70%特濃朱古力撻由於係70%朱古力，朱古力味突出，吾會好甜口感好似

今天到了非常有特色的地方，拍了網紅相片，同時也到了晚餐，跟朋友在這尋找好吃的食物。這店特色的食物多：餐飲點了普通飲品，好飲，棒也也。酸種面包網上看到，是個好吃又天然的面包，很有愛心～比常見之商業酵母麵包健康呢～基於以上簡單原因，我點這個酸種面包喔~吃上來感覺非常好，沒有平日吃的油油感覺，同時也很有咬口。雞扒飯拌虎蝦雞肉含有蛋白質、維他命A、B和醣類，容易被身體吸收和消化，補充營養。這雞扒飯也不遜色，雞扒Juicy嫩滑，醬汁惹味，拌暖白飯同吃，味道出眾喔。香煎三文魚　時令蔬菜　配新薯仔在外國生活的半年間，每當有閒錢，會買三文魚扒回家做菜，而且獨沽一味只做香煎三文魚。失敗品多，這店牛油煎三文魚是鮮香店內的裝修舒適～是一個不錯的聊天地。

肺炎期間真係太耐冇出過街，都唔知道原來南山村開咗間新嘅西式餐廳🍴真係可以話係一枝獨秀，成個南山村一直都係以食碟頭菜，大排檔，冰室嘅食物為主。遠處就已經比呢間新開嘅西式餐廳裝修吸引住餐廳四周環境都係以休閒渡假風及配有好多植物喺餐廳內，感覺非常恬靜休閒主要都係以意大利菜為主，價錢非常合理，大約每一個套餐價錢為150左右，單點的話都是100以內餐湯配酸包餐湯是忌廉蕃茄湯，蕃茄湯嘅蕃茄味好重，鍾意食蕃茄嘅朋友不能錯過。湯上面亦都有少少類似橄欖油，帶出忌廉湯的鮮味。但若然不喜歡油膩東西的朋友，記得提餐廳不要落油。扒露筍黑松露雜菌忌廉燴飯這個菜式就是意大利菜最經典的一款，香濃嘅忌廉汁配上雜菌，淡淡都是充滿着忌廉香味的燴飯。而且黑松露醬都非常多，可以媲美在高級餐廳的燴飯.香煎三文魚配香草燒新薯三文魚扒的份量比想像中大，經過香煎嘅三文魚散發着香草味，而且三文魚亦都非常香口。配上新薯的組合，淨係食呢個都非常飽.雪梨檸檬梳打呢個飲品都係出面比較少見嘅特飲，雪梨配檸檬嘅組合口感非常新鮮，適合在炎炎夏日飲一口！味道是清爽甜口，亦都非常配襯三文魚嘅組合.法式焗諾曼第蘋果批焗完嘅蘋果批批面上散發濃郁嘅蘋果味，而且

坐低食晏都已經2:30，望住Menu被多款小食吸引，決定叫一個沙律餐再加名款小食share沙律份量蠻多，有沙律菜、雞胸、麵包粒、雞蛋、合桃、蕃茄等 雞胸肉醃得入味、較鹹，配上新鮮、較清的沙律菜剛剛好。雞翼裏面釀入滿滿的明太子，每隻都脹卜卜！內裏餡料微辣。梳打大大杯，消暑一流！裡邊還有寒天，既解渴又有咬口～肉醬薯條一來已經吸引我們的目光，想不到跟餐的份量如此大，感覺像單叫一樣多。滿滿的肉醬芝士看上去很吸引，濃郁的肉醬加上拉絲芝士，還有熱辣辣脆卜卜的薯條，邪惡又滋味！蜜糖雞翼外皮香脆，充滿蜜糖的香甜，好吃～跟餐點了個熱情果芒果撻，果撻充滿夏日風情，酸酸甜甜十分開胃，吃到熱情果果粒，味道天然～洋金菊花茶有大大個花茶茶包，花香清新，喝完成個人十分relax~

招牌雞扒煎蛋大大件香脆雞扒脆卜卜的外皮厚實的雞扒肉,咬落口好實在,肉質完全唔"鞋"口,都幾多肉汁再配上香濃的蒜蓉汁真係好滿足👍當然唔少得煎蛋的蛋漿配飯 整體黎講成個餐份量都頗多,細胃朋友建議二人可食一份就唔驚浪費食物啦😉巴馬火腿義式茄蓉燴飯淡淡的蕃茄汁再加上巴馬火腿味道好夾,巴馬火腿唔會搶左飯的蕃茄味,加上飯的質感又唔會太多汁令到個飯太"林" 整體味道真心不錯!脆炸粗薯條薯條外形又長又粗,外層外脆內軟好豐富的薯肉真係好吸引就算唔沾茄汁味道都足夠好味😋值得推介👍吉烈炸蝦四隻 味道同食日式放題的炸蝦好相似,蝦的質感好彈牙外層好脆口,再沾上沙拉醬味道更突出

打開餐牌食物多選擇，除了午餐這裏還有早餐， 3:00後有下午茶，原來這裏的Menu是兩星期轉一次的朋友就點了一個紐西蘭牛肉眼扒配紅酒汁，牛扒煎得外脆，點了下七成熟，入口牛味濃，咬落有口感，配埋濃味的醬汁，更加惹味，配料是燒蒜頭，燒過的蒜頭沒有了那種的辛辣味，薯條是厚切的，點買茄汁非常好味我就是了一個期間限量黑松露蘆筍龍利柳魚卷, 龍利柳包著新鮮蘆筍，再配上香草汁，配菜有切粒的翠肉瓜,雖然味道比較淡,但很適合喜歡清淡的人，白飯軟綿，食哂成個餐都很飽了套餐還包括餐湯和新鮮的沙律菜，另外點了一杯寧神養氣的甘菊茶還追加了一個小食蜜糖香草雞中翼，雞中翼炸得脹卜卜，食落一股香濃蜜糖味，好juice

最近係九龍塘做野，多左去石硤尾覓食😝已經太耐冇去，南山村都唔同哂...行行下竟然發現有西餐食😲 佢有露天戶外嘅座位，望下Menu都好多選擇，感覺幾好，決定試下呢間屋村西餐有冇驚喜..餐廳座位都幾好，好闊落，樓底又高，坐得都幾舒服😉 食物佢都好多選擇，小食、意粉、意大利飯、漢堡、就連扒都有😏 我地叫左Set，好快就有湯同麵包😎佢地嘅麵包係酸麵包黎，好似無用天然酵母黎做先會有酸酸的風味，味道好特殊，口感好有鬆軟，加埋南瓜湯食都唔錯🥳叫左白酒忌廉煮藍青口當係頭盤，青口點都會有啲係細細粒，但大部份都係好厚肉而且份量多。佢啲青口就唔會話好重海水味，但都好鮮甜👍🏻 佢個醬都好勁，有種高級餐廳感覺，重忌廉味，所以略為有啲鹹，但隱約食得出有白酒香，中和返味蕾🤩個人鍾意食辣辣地嘅野食，主菜就叫左泰式冬陰功鮮蝦意大利粉，唔好講笑，都真係幾辣🥵食第一啖係估佢唔到，咳左一下，但其實辣度係可以接受😉意粉軟硬程度適中，個Source好好食，夠酸又夠辣，好惹味！雖然有些小油，但整體好有質素，勁想encore🥰🥰一食呢個雙重芝士牛肉醬薄餅🍕🍕就知佢用新鮮牛肉，材料靚唔靚真係冇得呃😌 啖啖芝士加牛肉，咬埋脆卜卜嘅薄餅底

意想不到於舊屋邨內竟然隱藏著一間西餐廳，而且價錢相當親民。芥末籽蟹肉忌廉汁意大利粉 ($56)意粉掛滿香濃忌廉汁，口感creamy，濃厚美味。蟹肉份量多且鮮甜，醬汁內加入了芥末籽和洋蔥粒，口感豐富。紐西蘭牛肉眼扒配脆炸薯條 ($88)點了五成熟，肉眼扒切開時露出粉嫩的色澤，生熟程度控制得宜，完全不會有過熟的狀況，水準不錯。入口肉質軟腍，鮮嫩多汁，肉味香濃。蜜糖香草雞中翼3隻 ($28)熱騰騰的，外脆內嫩，雞翼與蜜糖可算是絕配，味道香甜，吃得滋味。

位於南山村南山商場既Casa Kitchen, 今晚決定一試!!簡單既裝修，環境舒服，座位寬敞，最重要係價錢吸引兩個人食，order左兩個main course +$42可升級套餐，有手打餐湯、麵包、餐飲、甜品，夠曬飽喇，不錯不錯羅宋湯&酸種麵包香煎三文魚配香草燒新薯，用左檸檬牛油去煎既三文魚，好香，外面小小脆，好濃郁既魚香味五顏六色，又靚又好味黑松露雜菌忌廉燴飯，好重黑松露味依個燴飯唔好"漏"，落咗好多茹類，好好味海鹽朱古力~味道唔錯，又有小小鹹鹹地，幾特別法式啤梨焗撻個撻焗得脆脆地，好啱我口味，中間個啤梨好juicy, 唔會好甜

石硤尾南山邨主要係講食懷舊茶餐廳冰室大排檔但最近開咗一間清新Cafe主打輕食意粉咖啡蛋糕😛香煎三文魚配檸檬牛油忌廉汁🤤三文魚皮香脆不過肉質過熟所以不夠但好口肉至於黑松露雜菌忌廉義大利飯好creamy🍚而且有鮮芝士片慢慢溶會同意大利飯融合一齊🥳🥳更加滑 雖然黑松露味道唔夠濃 最推薦係香烤蜜糖雞翼外皮咁滋味肉質嫩滑而且蜜糖分量足夠好香甜😚- 黑松露雜菌忌廉義大利飯香煎三文魚配檸檬牛油忌廉汁 香烤蜜糖雞翼番茄忌廉湯法式蘋果撻--𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝:💃🏼 💃🏼 💃🏼/𝟻𝙿𝚛𝚒𝚌𝚎: $200/𝚑𝚎𝚊𝚍. ————————————————Casa Kitchen (石硤尾)石硤尾南山村南山商場地下1號舖————————————————