一豊 (已結業)

今晚同老公放工番到天水圍搵餐廳食晚飯，醒起早前住天水圍既朋友仔話天耀商場翻新後開左間幾好既日本料理餐廳，於是同老公一齊去試下。由於我地番到去都系7點左右時間尚早，所以好快就坐低準備開餐啦😋餐廳裝修幾簡潔新淨，坐位都算幾寬落舒適提供既食物種類都好多元化，有丼，刺身，拉麵都有😆👍🏻 價錢都抵食，特別系魚生丼睇openrice知道有隱藏版既韓國馬糞海膽，而$78咁抵食，鍾意海膽既我當然吾會錯過啦😁海膽飽滿塊塊分明有光澤，好新鮮好甘甜👍🏻連平時吾太好海膽既老公都讚話幾甘甜😋燒牛舌--一放上台就聞到一陣燒牛舌既香味，啱燒好仲熱辣辣好新鮮，肉質好厚身同吾韌👍🏻😋之前系第二度未食過咁厚身既牛舌😆老公好快就ko左大半碟🙈🙈🙈 刺身丼飯，美人丼($128)--用料好豐富，刺身新鮮有油脂甘香😋特別系吞拿魚同三文魚，油脂分佈平均特選壽司盛--壽司質素都吾錯，新鮮得來，賣相都掂👍🏻老公都讚話質素幾好，而且價錢好合理，下次值得再來，可食其他熱食👍🏻👍🏻😆😆另外，員工態度都好有禮貌，加茶都加得好勤快👍🏻☺️ 天水圍終於有一間高質素既日本料理食，吾使特登走去第二度食了👏🏻

最近去天水圍探朋友， 發現天耀邨個街市拆咗，仲變咗一個好靚嘅商場， 行到咁上下，俾我發現一間全新裝修嘅日本料理， 裏面嘅裝修同環境都非常之好，於是就入去試下， 個餐牌都幾多選擇， 店員極力推薦之下， 我試咗一客蟹皇丼蟹全部都係蟹， 蟹膏，蟹肉同蟹籽全部都好香好鮮味， 而且份量都唔細，值得一試再試海鮮大阪燒， 味道唔錯材料都幾豐富壽司全都好新鮮， 尤其係三文魚腩鰻魚飯，正炭燒安格斯肉眼， 肉質一啲都唔靭， 味道都唔錯， 如果價錢平D就更加好啦總括嚟講， 店員嘅服務態度同埋食物嘅水平， 我覺得非常滿意， 值得推介。

今次去食既呢間餐廳叫一豊, 估唔到原來同我之前係元朗食個間丼物店係同一間黎!!之前係元朗已經係大排長龍而到天水圍估唔到仍然KEEP到咁高人氣我地等左20分鐘先有位入去去 呢度既位同埋舒適度一定係比元朗好好多又大又日式裝修 野食既選擇都好似多左唔少今次我揀左食既係蝦皇丼一次過可以食哂五種蝦!! 超吸引 一黎到個賣相好似係日本食緊咁仔細五種唔同既蝦, 唔同既口感, 一次過食哂 一開始就更係將佢地分返開, 再將個飯底同醬油混和 每隻蝦我覺得都係新鮮既, 由其是牡丹蝦, 一食D汁勁鮮甜, 而且連個蝦頭都有汁可以食到, 好有海鮮既味道, 而且大大隻咁唔會覺得唔夠飽!! 價錢來說唔算係特平, 但係性價比高, 仲有好多不同種類既丼物可以選下次一定要黎試多幾種唔同既野!!

今晚入左新界食野，聽聞元朗丼家班底, 之前打響名堂既蟹皇丼, 美人丼呢到都有，黎試下咩叫美人丼先！芝士軟殼蟹卷$78(特濃芝士，軟殼蟹，蟹膏，蟹籽，蟹棒)卷物黎講，都幾有誠意同用心製作，推介！好濃郁既芝士味！加上蟹膏係面頭，配上炸到恰到好處既軟殼蟹！好食！美人丼$128(中拖羅，吞拿魚他他，吞拿魚蓉，三文魚)好搞笑，黎到時候待應大叫美人丼，仲話同你一樣係美人，真係唔知俾咩反應好。肥仔話拖羅口入即溶，吞拿魚蓉伴壽司飯一流，吞拿魚他他重黑椒味，三文魚非常肥美。加上有蛋卷和蟹棒，$128食到咁多樣野，性價比極高。幾抵食！伊勢壽司$85壽司共八件，三文魚，油甘魚，玻璃蝦，帆立貝，北寄貝，吞拿魚，火灸左口魚，芥辣八爪魚，推介火灸左口魚，因為真係入口即溶，我仲見到隔離台叫左成碟都係左口魚，而帆立貝大大粒，玻璃蝦好大隻，呢3樣最抵食，可以獨立叫。係屋村入面有性價比高既日本菜，可以一試。聽聞海膽好食…下次先試到。

身為九龍人既黑洞 黎到天水圍真係大鄉里出省呢到D基建 包括圖館 游泳池都勁新我同朋友仔游左一個鍾水都勁肚餓 就佢地膽帶我食天耀廣場都開左好多新食店 眼見快餐店,星馬菜,日本菜樣樣齊最後我地揀左一豊 完全俾佢門口勁有日式風情既裝潢吸引同埋魚生丼飯好吸引 大大飯岩晒我黑洞坐低見menu有lunch set 平均$60/70都有不過我對散叫既丼飯仲有興趣 見佢係推介款式 當然要一戰我地揀左美人丼($128)同蟹皇丼($128)兩款share食 美人丼有中拖羅,吞拿魚他他,吞拿魚蓉,三文魚我特別中意吞拿魚蓉口感 入口軟棉棉 十分配合撈壽司飯一齊食中拖羅啖啖散發吞拿魚油香 亦無任何根 抵讚三文魚夠鮮甜 油脂分佈都好平均而蟹皇丼有齊蟹腳,蟹蚶,蟹膏,蟹籽 對於愛蟹者講完全係流晒口水成碗飯勁多蟹籽 咬落好同食爆爆珠一樣咁爽YY蟹腳同蟹蚶都己經拆好肉 一咬就食到完全吾麻煩岩晒中意殘廢餐既我重點!重點! 蟹膏超濃味建議細細啖蟹膏配合飯食會更滋味整體蟹肉夠鮮甜 亦無咸鹽水味 正順帶一提 伴菜既玉子岩晒我口味 甜度剛好之餘亦夠蛋香雖然丼飯飯量吾算超多 但加埋滿到瀉既魚生都夠晒飽肚下次再黎天水圍一定再食過

韓國馬糞海膽係一個隱藏菜式，在點菜紙上沒有出現，是因為我很想吃而問起，侍應告知有一板及半板選擇。我又想留肚試其他餐點才選擇半板。配有紫菜是習慣，想不到還附送飯團伴吃，周到！特選五目丼包含三文魚，劍魚腩，油甘魚，拖羅，還有時令鮮魚-鱲魚。拖羅好鮮甜，如果再大片少少會更滿足。三文魚同劍魚腩都好肥嫩，油甘魚同鱲魚就較為清新。另外仲有迷你鰻魚炒飯下午茶餐$48連飲品。加$12蚊有小食，我選擇吉列炸蠔，隻蠔比想像中大，炒飯嘅鰻魚量都唔少，不錯！這個配搭兩個人都算好飽滿，滿足一段時間無食日本嘢嘅我。

自天耀商場翻新後多了很多食店，普遍裝潢都挺有特色，好像這一間在舊街市的日本料理一豊，不說根本不知道這裡是天耀吧！店內環境也是一流。餐廳還很新，衛生很好，用具亦見清潔整齊！六時後是晚市，而六時前免加一唷！呵呵，識食當然是來下午茶！份量很大，一家四口來到覺得又幸福又滿足！（自從生b後，才學會珍惜一家人相聚的時光，如你未懂，你未來就可能會想起這番說話...）原來一豊是元朗丼家班底，怪不得有點相似，我點了一客甜蝦三文魚呑拿魚，看到賣相已覺新鮮，讓人食指大動！除了以上配料，每碗丼飯還有青瓜絲，蟹柳，甜蛋和炸麵，薑漬物，絕無欺場！甜蝦中size，鮮甜的，一碗有三隻。港人最愛三文魚！厚切，肥美，我覺得絕對是對得住這個價錢的水準～老公點了蟹皇丼！店員推介！老公一向喜歡蟹，這一碗全部食材都是蟹，就算不是蟹粉看見這個賣相也不禁嘩一聲（笑）雖然這一款比刺身丼貴一點，不過比起之前我過海食過的一間明星丼便宜了，而且份量豪不吝嗇！如要數最最最好味的，一定是那罪惡感滿滿的蟹膏啦！（嗚…好想吃不過健康理由，還是老公獨樂樂算了…）火炙松葉蟹棒，有淡淡海水味！每一口飯都是蟹肉和蟹籽！除了一個字【正】之外，不知道怎樣形容啦

天耀商場大翻新，成個街市無左，變埋商舖同食店。是晚同朋友來到食日本野，到了地舖的一豊，環境又幾正喎。裝修似無似樣，光猛舒服。枱與枱之間不算太迫。餐具ok無污漬，店員送上熱茶一杯，添滾水添得頗勤的。蟹皇丼（$128）朋友點的蟹丼，顧名思義就係全部都係蟹有蟹腳，蟹蚶，蟹肉，蟹膏同蟹籽，滿滿的一盤，賣相甚有霸氣。蟹肉鮮甜但略散，不過呢個價錢收貨了。美人丼（$128）另一位朋友點了美人丼，主要由吞拿魚構成，有中拖羅，吞拿魚他他，吞拿魚蓉，同三文魚，刺身很厚切，有口感。火炙四色丼（$128）自己點了火炙丼，四色則有左口魚，三文魚，鰻魚同吞拿魚他他，魚肉同樣厚切有口感，但略微不夠肥美，火炙後亦沒有魚油的甘香，但至少食材新鮮，有魚的鮮味。飯不是珍珠米，但加了醋味道還不錯，喜歡酸酸的味道。軟殼蟹（$58）再點了一客小食share，炸軟殼蟹份量十足，但有點過氣，軟掉了。小店服務不錯，環境也好，挺適合一家大細帶小朋友的，店內有提供bb櫈啊

紅雨下，想食好少少對自己。係海南雞飯同壽司之間，最終簡左佢。三文魚腩、三色丼 、蟹皇丼、海膽帶子卷，刺身類全部都好新鮮同夠凍🖒同埋都欣賞廚師會砌得靚靚😊韓國海膽比想像中多，因為佢寫明細板都唔期待有幾多，而且鮮味過海膽帶子卷既海膽，粒粒分明，冇異味。火灸左口魚壽司如果燒得再耐少少，魚油出多d，魚身質地會軟d大蝦雜錦天婦羅，炸粉唔厚，可惜蝦得2隻😣丼飯類加18蚊變定食E餐連加一，6百幾，飽到頂上心口😍

朋友屋企附近嘅商場擴建左， 開咗幾間食店，我哋行完全商場後， 感覺呢一間比較有heart，唔係街坊小食餐廳，想坐得舒服少少就揀咗呢一度開餐！原來佢哋做緊鱆紅魚祭，門口一大個魚頭！等位嘅時候職員話呢一個係真嘅魚頭！好大！坐低就開始點餐，價錢不貴。壽司之外仲有好多唔同嘅丼飯同熟食。原來呢一度係由元朗丼家嘅班底開嘅，我哋當然叫番個蟹皇丼試吓！果然十分豐富十分好味！上面有勁多蟹肉，蟹膏，蟹籽，樣樣都好甜好香！就咁睇以為好細碗， 但食落原來份量好多！仲有原條燒蟹腳同蟹鉗，十分焦香又甜，肉質一絲絲好味！我哋鍾意咗個芝士吉列蝦櫻花蝦卷！卷上面灑上好多芝士粉，芝士味十分香濃！一邊有甜蝦吉列蝦，上面亦都鋪滿香脆嘅櫻花蝦！層次分明又有口感！好特別！另外仲要左火炙蟹棒同埋三文魚腩壽司，三文魚腩入口即溶，油脂豐腴！蟹棒燒過之後好有焦香，不錯！海鮮大阪燒反而個人覺得一般，其實入邊材料豐富，有蝦，三文魚，蠔，蟹柳，但不知怎的就始終差一點點，可能就係醬汁味道影響，不夠日本的香和蛋味不足， 不過響香港來講已經滿意了。由魚生刺身，蟹丼及熟食，我同朋友都已經好滿意。希望佢哋能夠保持水準，因為個蟹丼真係好好，而且只係百幾蚊

見商場裝修完新開叫無耐入左去食結論係天耀兩間日本野都好難食一入去枱都未ready就叫左入去，成張櫈都係蟹子同飯店員用手掃走就叫我地坐，仲要唔拎布黎抹叫左兩個拉麵，一個叉燒，一個咖哩吉豬湯係cheap cheap濃縮汁大大支個啲，勁重味精麵勁淋，完全煮到過哂時，麵質同超市買一包包好平拉麵無分別叉燒拉麵，叉燒乾到一個點，完成係豬肉，同一般日本叉燒兩樣野咖哩吉豬拉麵只係吉豬面淋上咖哩汁，厚炸粉，咖哩超喊芝心吉列蠔卷隻蠔細到近乎無，落左好多紫菜同芝士粉蓋過所有味，飯一pat野咁魷魚鬚炸到勁乾勁燶，咁既價錢份量勁小唯一最簡單既金菇肥牛卷係正常，如果呢個都難食無架啦價錢偏貴，同樣價錢元朗是但一間好食過佢服務態度極差，尤其黑衫女人，全程黑面。唔會再食

呢日掛著8號風球 不想走太遠的心態跟男友到樓下食晚飯 得知開了一間新日本料理當然要去試試裝修幾有日本feel 看得出比另一間更有心思可惜剛剛坐下便看到碟上有洗唔乾淨的油漬 我用送上既熱茶抹乾淨 呢樣作為新開既店舖要認真改善 。第一樣 蟹肉蟹籽沙律 食落去幾新鮮好食 作為頭盤必叫之選。第二樣 汁燒牛脷蓋飯 米飯用咗珍珠米 牛脷幾大塊味道都可以 但食完就未稱得上有滿足既感覺各式壽司 海膽壽司好新鮮好好食 啲海膽唔會有臭味 另外燒左口魚裙邊壽司 左口魚好滑溜 燒三文魚腩壽司食完成個口都係豐富嘅油脂 好滿足 珍寶帶子壽司 不過不失都係普通街上面嘅急凍帶子 兩個人食咗四百五十一蚊連加一 個人認為佢嘅壽司真係好食既下次會試埋炸物 同其他熟食呢個價錢同另外一間好似差唔多但有多一個選擇 唔使下下同人迫而且環境同坐位都坐得比較舒服 如果下次再想食日本嘢但唔想去咁遠就可以揀呢間喇