一輪 (一門町市場)

位於荃灣荃新天地的「一輪」是香港首間現打燒烤和牛漢堡專門店，去年嘅年頭已經開幕，採用北海道自家農場直送和牛，每日新鮮手製漢堡扒，而且更自家研發食譜，漢堡扒共有多款口味可以選擇，基本上開業以來非常人氣，任何時候門口遠遠都會見到一條人龍，今日我午市嚟到朝聖，當然一樣唔例外都要排隊🫶🫶店家有多款套餐供應，食邊款口味幾多件，任君選擇豐儉由人，而且更有多款日式小食飲品供應😋所有漢堡扒都是北海道十勝產和牛使用🐮我就點咗最豐盛的套餐 $ 128分別有三款不同口味嘅漢堡扒😋🐮北海道和牛漢堡原味一定要食，牛肉味極香濃，入口Juicy鬆化，不需沾醬已經夠晒入味，亦可沾上店家自製嘅燒肉醬或者海鹽增添風味🍅微辛蕃茄汁和牛漢堡醬汁就像蕃茄牛肉一樣，濃香蕃茄味酸酸味味帶點辛香，配上漢堡扒和米飯，味道清新夠晒開胃🍅芝士三重芝士汁和牛漢堡芝士控又點會放過呢一件，三重芝士漢堡，師傅先將車打芝士和水牛芝士醬汁淋上漢堡扒，然後再爬上大量巴馬臣芝士碎，完全滋味滿瀉，而且一啲都膩，好味道我需要加多半碗飯去配合🤣配送：前菜、日本國產生蛋、麵豉湯、珍珠大米白飯（任添）🍺Suntory 380ml有多款飲品選擇，我就最鍾意嘆番杯啤酒

之前同朋友食過，今日等咗一陣有人問我哋幾多位，之後有職員喺入面向我們招手，我們就入咗去坐低，然後有位個子高大的男職員不斷問係咪有人叫我哋入嚟，好似唔信我哋咁，令到我哋都好尷尬，唯有離開，最後食唔到。其實招呼我哋坐低就可以了，為何要令到客人覺得難受呢？真係以後都唔敢再入去。

性價比極高嘅餐廳，價錢唔算好貴。雖然佢食物嘅款式就唔算多，但啲嘢食都高質！🥳好彩今次早嚟，就唔使排隊，平時好多人排隊！都係值得Encore嘅餐廳之一💕今次就嗌咗套餐B，有三重芝士汁、香辣蕃茄汁嘅漢堡扒！蕃茄汁嗰個就唔覺得辣，味道正常。三重芝士汁大推，鍾意芝士嘅朋友就一定要試！芝士汁，再加埋芝士碎，好滿足🥰和牛漢堡扒唔乾，仲鎖住啲肉汁好juicy!食落好香口👍🏼唔食牛嘅朋友，可以簡食雞，不過相對上比較乾～有汁個款就好啲啲～～

最近大熱嘅席前燒漢堡扒，竟然喺荃灣搵到一間！主打「北海道十勝產A4-5級和牛」，聽落已經好吸引，當晚特登去試，果然人氣滿滿，門口排住20人左右。落單後，師傅即場燒製漢堡扒，嗰陣陣燒肉香已經令人肚餓。期間侍應送上套餐包括嘅半熟溫泉蛋、日式麵豉湯、沙律，仲有珍珠米飯可任裝。-原味漢堡扒熱辣送上，外層微焦，內裡嫩滑多汁，牛味濃郁，油脂香氣充滿口腔，唔會過乾亦唔會過膩，簡單但令人滿足。-三重芝士汁(現刨芝士+三重芝士醬)芝士版本最具「儀式感」，侍應會即場淋上三重芝士醬，再刨上滿滿芝士絲，濃厚嘅芝士香同牛肉油脂完美結合，邪惡程度爆燈，芝士控必試！-香辣番茄汁番茄汁版本清新平衡，酸甜味中和咗牛肉嘅油膩感，微微香辣但唔會搶去主角風頭，反而更突出牛肉嘅香氣，啱晒怕膩嘅人。呢間席前燒漢堡扒用料講究，味道選擇多樣，套餐豐富又抵食。原味濃郁，芝士邪惡，番茄清新，各有特色。作為荃灣嘅隱藏美食，絕對值得一試！

估唔到荃灣都食到座前燒漢堡扒，餐廳主打唔同嘅漢堡扒套餐，可以選擇漢堡扒嘅數量，選擇咗兩塊漢堡扒嘅套餐，份量啱啱好。餐廳混合咗澳洲和牛同日本和牛嘅漢堡扒口感豐富，而且即叫即整，真係新鮮滾熱辣🔥🔥套餐包咗前菜、麵豉湯同埋一隻無菌生雞蛋，白飯仲可以任裝，真係好啱無飯不歡嘅朋友🍚兩塊漢堡扒嘅套餐包咗一塊原味漢堡扒，另外一塊漢堡扒可以選擇芝士醬同辣味蕃茄醬🤤鍾意食芝士嘅朋友千祈唔好錯，師傅會喺你面前加好多芝士醬，之後仲會刨超級多嘅芝士碎喺塊漢堡扒上面🧀🧀

唔好意思，篇嘢好長。原本都無諗住咁快寫呢間食評，因為前面仲有好多仲等緊。。。不過佢某位員工/合夥人？嘅行為令到我不得不寫佢先。話說因為果日午餐遲左食，3點先食完，不過因為物二日有嘢做要早出所以諗住晚餐早啲食可以早啲返去抖下，跟住5點半左右係citywalk 見到呢間以前排好長隊既和牛漢堡無咩人就諗住試下。佢餐牌普通成人餐係2-3塊100g 既漢堡，而小童就係一塊再加小食。因為我哋未係太肚餓既關係就首先叫左兩個三塊漢堡既餐，再叫左兩杯啤酒。我哋total 4人（兩大兩小），我哋入去之後就有另外兩個都係兩大兩小既家庭都入左嚟，不過佢哋既小朋友就大啲，目測都應該大過10歲。咁我哋叫完餐就係到睇其中一個職員燒漢堡喇，而另一位女職員就係我哋order 完嘢出現左，開始係到上湯同前菜，我發現我哋3個家庭既枱都叫晒嘢食後個女職員淨係上左湯俾對面一個家庭，但我同另一個家庭既湯就遲遲唔肯上，咁因為同屋企人當下傾計既關係就無特別為意，但都有望到個職員拎住成堆單同燒緊個職員係咁講嘢，當下我無諗住理所以就無聽到。跟住我先生事後食完出左間餐廳先同我講返原來個女職員因為我哋叫既食物總額唔夠佢哋既最低消費額：大人$

自從荃新天地2「一門町市場」開業之後，就開始有吾同既食肆進駐，而今次，同大家介紹既系 一輪 和牛漢堡扒專門店@一輪既和牛漢堡系採用北海道十盛黑毛和牛、澳洲M4和牛，牛味濃之餘充滿油脂香，而且一輪仲系採用席前燒方式，落單後會由師傅即席生煎、即席淋醬/現刨芝士🌟套餐B 三重芝士汁和牛漢堡 x 原味和牛漢堡 $98🌟套餐C 三重芝士汁和牛漢堡 x香辣蕃茄汁和牛漢堡 x 原味和牛漢堡 $118原味和牛漢堡 牛味濃郁 漢堡扒表面煎香，咬落去充滿肉汁之餘滿滿和牛油脂香🤤👍🏻👍🏻三重芝士汁和牛漢堡三重芝士汁非常濃郁，淋上醬汁之後師傅會再現刨三種吾同既芝士(車打芝士、水牛芝士、巴馬臣芝士)絕對邪惡到一個點🤤👍🏻👍🏻👍🏻香辣蕃茄汁和牛漢堡 香辣蕃茄汁味道酸中帶甜，同時帶微辣香氣，比較平衡到和牛油脂既油膩感🤤👍🏻👍🏻每款套餐均附送 和風沙律、半熟温泉蛋、珍珠米📍一輪 地址：荃灣楊屋道18號荃新天地2地下一門町市場J36-38號舖#荃灣 #一輪 #和牛 #漢堡扒 #席前燒 #留港消費 #支持小店 #覓食荃灣 #食在荃灣 #和牛漢堡 #為食關注組 #荃灣食乜好 #和牛漢堡扒 #三重芝士汁 #香辣蕃茄汁 #原味

#chuchu食在荃灣📍 一輪一直都好想去食ifc挽肉之米，但又book唔到位又唔想去排隊🤫知道咁近有間緊係去食‼️💡🐷平日夜晚6:30左右食，唔洗點等！但食飽出嚟，條人龍都好長！—————————————————————❣️ 套餐B $98呢個餐包咗2塊和牛漢堡，可以揀原味、微辛蕃茄汁或者芝士汁！廚師會燒到7成先會放上前面嘅鐵板！原味可以食到牛嘅香味，三重芝士除咗有芝士醬，廚師仲會再刨芝士碎係上面，好邪惡！✨每個餐都會有沙律、半熟溫泉蛋、麵豉湯同任添珍珠飯！麵豉湯有驚喜，誠意地加咗本菇同滑豆腐！.❣️ 期間限定套餐 $108係北海道米豚雞肉漢堡，唔食牛嘅朋友仔都可以食到！不過當然牛會香好多😜.❣️ 鮟鱇魚肝 $46唔係周圍都有的！仲要整得幾好食！.💬 CP值唔錯！開心！#chuchu推介—————————————————————不專業評分👅好味指數: 8.5/10 💰性價比: 8.5/10👍🏻推薦: 9/10 —————————————————————🏡地址: 一輪 (一門町市場) (荃灣)荃灣楊屋道18號荃新天地2地下一門町市場J36-38號舖🕑營業時間: 12:00-22:00—————

一路冇機會去食ifc個間, 得知其實一輪都有做類似嘅嘢食！晏晝特登過嚟食~~雖然冇午餐Menu，但就咁過嚟食都唔算好貴！而且份量都幾多~ 漢堡扒即煎即上~ 多汁又好食！

荃灣早過IFC有呢類型嘅鐵板燒漢堡 🥩剩係得3個餐 同埋得三款漢堡去做combination 每個餐都會有 沙律🥗 溫泉蛋🍳湯 🥣同埋飯🍚（任添）但係湯我想再添都冇沙律正常 飯就珍珠米 軟硬度適中👌叫咗套餐B 原味和牛漢堡一件 + 三重芝士汁和牛漢堡 $98 🥩🧀套餐C 原味和牛漢堡 香辣蕃茄汁和牛漢堡 三重芝士和牛漢堡 $118🥩🧀🥫和牛漢堡會喺烤爐上燒到7788 先會放喺你座位前面嘅鐵板上原味和牛漢堡 就燒到表面香一香食落去牛味都好香 牛嘅肉汁同埋牛嘅油都散發出嚟🐄三重芝士除咗倒一Pat芝士上去🫕仲會再刨芝士係上面 🧀每一啖都好重芝士味 好邪惡和牛漢堡會放喺香辣蕃茄汁裏面🌶️🥫香辣蕃茄汁都多 唔算太辣 個人認為三重芝士會夾啲🧀🧀🧀🧀🧀

本來約朋友喺如心廣場個邊食lunch, 但朋友泊錯車黎citywalk, 然後就試下呢間漢堡，外觀都幾吸引😁😁開放式店鋪，分別有2個圈，都係食客圍住廚師咁坐，每圈十人以下。廚師同食客之間有個加熱盤，廚師整熟左漢堡就會放喺加熱盤一直暖住唔怕好快凍👍但唯一唔好處係個加熱盤同食客的碗有d 距離，好易整到d 汁/配糙周圍都係。午市有套餐，配送飯，湯，前菜，漢堡差唔多整熟，飯先至上👍 食左套餐A (原味和牛漢堡+香辣蕃茄汁漢堡）好鐘意食香辣蕃茄汁，因為酸酸辣辣又唔會太辣，好正😋😋 2件漢堡+一碗飯，其實都好夠飽👍👍下次再黎可以試下其他口味🥰

咁啱行過見到新開嘅漢堡扒咁就試吓啦已經有一啲人喺度排緊隊等左15-20分鐘左右就有位，都唔算太耐服務我覺得幾好，冇任何唔舒服嘅感覺落單之後都好快上左碗湯同煎菜麵豉湯有啲驚喜，加咗本菇同埋一啲滑豆腐令到個湯冇咁單調漢堡扒都好快手就有，一開頭係有少少生但係塊鐵板會令佢慢慢熟，唔生太生就可以夾散佢擺多一陣個芝士同個漢堡好夾，加埋飯真係一流另一個香辣蕃茄幾開胃，酸酸辣辣咁幾過癮我唔太食得辣都接受到整體嚟講體驗唔差，不妨一試

有三種口味嘅漢堡扒揀：原味、芝士味，同埋蕃茄辣汁。（$88-$118） 👌🏼芝士汁風味和牛漢堡漢堡扒煎得有點生，味道正常。芝士汁好濃郁，係Mac & cheese嗰種車打芝士味。👌🏼香辣蕃茄風味和牛漢堡預期中嘅味道，唔算太辣，酸酸甜甜正常嘅蕃茄醬味。前菜同湯正常。飯嘅質地偏軟腍。個蛋我覺得佢應該只係比蛋黃就好。因為連埋蛋白加埋一齊，成個飯就會好濕。環境： ★★☆☆☆ 食物： ★★★☆☆ 推介： ★★★☆☆

今日經過荃新天地，見到有和牛漢堡，亦見佢係日本直送牛肉，即刻入去試吓。叫咗原味、蕃茄味和芝士味，我覺得三款都好好食，我自己就最鍾意食原味，因為肉汁最多，亦都可以食到和牛嘅味道，同埋佢唔會調味得太濃，可以自己控制加鹽或者黑胡椒，呢個我覺得幾好。蕃茄味就會有少少重嘅黑椒味，可能唔食得辣嘅人就未必頂得順，芝士味就正常味道。我覺得啲侍應服務都幾好，和牛漢堡唔錯，個餐前小食有中華沙律同螺肉，麵豉湯都好大碗，我覺得可以改善嘅係個飯，可以考慮吓用啲再好啲嘅日本米，咁就Perfect啦。

本身無留意開，以為係扮日本嘅漢堡扒，點知等緊果陣發現係用北海道和牛環境都有小小似日本果種裝修風格，環境乾淨不過感覺太開揚，大家都係坐吧枱位，可以睇店員即場燒漢堡扒，儀式感黎講係無咩嘅，亦唔算太專業芝士汁和牛漢堡首先稱讚係芝士比得幾足，店員係面前係咁刨芝士，幾足料同igable和牛漢堡用鐵板烘住，有一個就另外有個兜放住，食完第一舊之後，個兜放住果舊唔太熱，成件事食到好漏，可能和牛油脂較重，同無咩牛味重點係個飯比較差，有種食茶記白飯嘅感覺，應該唔係日本米，既然主打日本漢堡，點解唔用番珍珠米？有碟小菜，係螺肉同海帶同湯，都係叫貨無咩特別價錢唔算貴，但對個飯小得失望