一輪 (一門町市場)

估唔到荃灣都食到座前燒漢堡扒，餐廳主打唔同嘅漢堡扒套餐，可以選擇漢堡扒嘅數量，選擇咗兩塊漢堡扒嘅套餐，份量啱啱好。餐廳混合咗澳洲和牛同日本和牛嘅漢堡扒口感豐富，而且即叫即整，真係新鮮滾熱辣🔥🔥套餐包咗前菜、麵豉湯同埋一隻無菌生雞蛋，白飯仲可以任裝，真係好啱無飯不歡嘅朋友🍚兩塊漢堡扒嘅套餐包咗一塊原味漢堡扒，另外一塊漢堡扒可以選擇芝士醬同辣味蕃茄醬🤤鍾意食芝士嘅朋友千祈唔好錯，師傅會喺你面前加好多芝士醬，之後仲會刨超級多嘅芝士碎喺塊漢堡扒上面🧀🧀