一風堂 (德福廣場) (已結業)

今晚一人晚餐，本來想煲粥食，但又懶懶地，最後拖到九點幾先落街捃食。在樓下逛咗兩個圈，要食粥粉麵嘅前題下，最後揀咗拉麵。對一風堂無乜特別好感食完後完全無話要下次再食，對上一次食應該係差不多年半前⋯相隔咁耐姑且比多一次機會⋯ 各檯面也有辣芽菜白芝麻隨自己口味隨意落 今次吃特白（$88）內有半隻蛋、一件肥肉肉、兩片叉燒、兩片餃子、兩片紫菜和特幼拉麵。 我揀硬身走竹筍另加水煮野菜（加$15），此水煮有別於川菜的水煮，這兒水煮是烚的意思!  雲吞扁扁的，始終都係港式的好.....叉燒普普通通，無乜味 蛋火喉剛好，蛋黃仍是半流半凝固狀，但味道淡淡。 舊肉好鞋口、唔夠淋⋯完全唔合格；相比更令我掛住麵屋武藏那大片勁入味又夠淋，完全唔覺肥膩 。 這兒用的是幼麵，不煙韌也不彈牙

好欣賞佢有餐前小食，任食。 最喜歡😍芽菜，夠爽夠辣。 辣醃鹹菜，辣辣地脆脆地,幾惹味。 星期二，五點食下午茶先。黎到呢間同事話唔錯嘅拉麵，但我見空無一人😳😳。如果入去咪得我一丁友，😳好，博一博先。入去點左個赤丸半份$45，加一隻蛋$13，赤丸上有一pat辣醬，辣中帶鹹，開胃。麵in un,亦係我鍾意嘅幼白麵條。㕚燒上下瘦 ，中間有肥肉，肥🐷肉食落口，有少少化嘅感覺。蛋咬下會b出溜心，溜心蛋汁很香同夠厚身，蛋'老'過鹹鹹地，呢個俾十個like😂😂。其實質素唔差，但如果唔叫半份可能比較貴，所以下午茶時段無咩人。😖

昨天一嘗一風堂的拉麵，真係好好味，叫了普通拉麵來試，好有咬口，軟硬適中，那湯底更是一流，好浓味但不太喊，係会想飲完它的感覺。叫了兩款小食，一口餃和炸雞，兩款也十分好味。不太肥膩的感覺，炸雞好脆，啖啖肉，好正呀。

不是第一次吃一風堂，但九龍灣卻是第一次。lunch time吃可以選拉麵餐，有一碗拉麵，一個小食及汽水，要約$100，lunch來說太貴了，於是只選了麵。點了「黑」(黑蒜油)。以黑椒入饌，配以黏韌的太極粗麵製成，配以香蒜豬骨湯，味道濃郁。黑蒜油極之香濃惹味，卻不會過份油膩，水準依然。加入了少許辣醬，別有味道。

同太太去九龍灣行街，四圍都排長龍，去茶木、丼丼屋、小南國分別取票等位，等左20分鐘都未到，已經餓到腳軟，唯有去最無咁想食既一風堂，因為好似無咁多人等。果然，取票後1分鐘就有位…一風堂食過兩次拉麵，普普通通，坐低唔再叫拉麵，叫D其它野試下！先講食物…名古居風雞翼﹕新鮮熱辣辣，無用炸漿，香口但唔脆口，味道好，但係炸得太油…和風鐵板醬油炒飯﹕呢個係豉油皇炒飯，飯粒粒分明，就係無咩醬油味道，配料同期望一樣小，真係普普通通！溫泉蛋豚肉丼﹕呢個賣相可以但食落攞命…居然係甜，唔知師傅係咪張鹽同糖放錯左…好似食甜品咁，豚肉又小又簿兼得個甜字，無一可取。再講服務，店員點菜快，收碟快。但係全程黑面，唔係一個人係咁，幾個都係咁！仲錯漏百出…老婆叫左熱水，5分鐘都無，再吹…原來唔記得！我另外又點左個飲品…最後無到，食品咁差，唔黎就算！整體黎講，失望。佢周圍都係有實力既餐廳…唔怪得D人寧願排隊都唔入去！

After watching a movie, it was 8:30pm already. I haven't had Japanese ramen for a long time so I went in there for dinner. I got the special tokyo shoyu ramen, it had a strong soya sauce flavour. The seaweed was crispy and I like the boiled soft egg very much. The egg yolk was creamy. The simmered soft pork was delicious, it was soft and meaty. There was not a lot of filling in the wonton but the pastry was very smooth. My friend got the special Akamaru shinaji ramen, this one was pretty sim

又係屋企附近搵野食 唔係淘大花園 就德福花園 好多間都食晒 ，今日又食多次一風堂，好在唔洗等位餐牌同以前差唔多，不過多左啲小食，我同男朋友分別叫左特制黑拉麵，辣肉醬味噌拉麵同埋芝士蕃茄牛舌鍋配法包。我係黑蒜油湯底既粉絲！當然叫返黑拉麵啦！麵底是粗身，無得揀軟硬度，但即使浸得耐都無變林湯底不夠黑蒜味但都濃郁，叉燒好軟熟但角豚煮太"鞋"了，似食湯渣！男朋友是味噌粉絲，選了這小辣味噌湯底，但都幾辣蓋過了味噌味！我比較喜歡一風堂這幼麵，可以選硬度而且較爽口！小食方面，芝士蕃茄牛舌配法包，法包賣相非常差，看似放微波爐叮過龍，牛舌切粒，份量都幾多，好軟熟！芝士如果再多點會更好！可惜這味菜與日本拉麵格格不入

由於工作關係，要兩點後才可吃午餐，就選了一間拉麵店作為午餐。之前吃過一風堂的「黑」拉麵，猶記得店員會特別送上牛油紙的大圍巾，以防墨汁拉麵的湯彈到襯衣點點黑色。筆者今天則選了個赤丸定食，搭配炸紫菜墨魚鬚和蘋果汁。沒有「特製」的赤丸只是少了紫菜和半隻糖心蛋，麵量是一樣的。麵質不錯，幼、略彈牙；湯不太辣，味道香濃，入口不太鹹；豚肉大塊，有口感，質地適中。炸紫菜墨魚鬚十分香口，炸粉不多，好趙口。另有檸檬汁或沙律醬調和熱氣感，任君點嚐。蘋果汁比想像中略淡，只有輕微蘋果香，個人認為再甜一點會更好。

今天我和男友專程去德福廣場吃一風堂的拉麵，晚上8時左右沒有太多人等位，等了大約10分鐘便可以入座，我們叫了小白丸(半份拉麵)和特製東京醬油。拉麵外形方面，小白丸和特製東京醬油的拉麵份量是沒有分別的，只是小白丸配料比較少而已。味道方面，小白丸的湯底味道不錯，可惜拉麵完全不入味，很淡！拉麵是幼身的拉麵，而已比較(煙韌)，口感不錯的，只不過真是完全沒有味道，不好吃！配料方面，只得一塊很薄的日式叉燒，芽菜，蔥和木耳，有點dry-_-特製東京醬油方面，湯底完全不行，很難喝！拉麵是比較粗身的拉麵，和小白丸拉麵相比，口感比較差。不過拉麵比較入味，可是由於湯底很難喝，所以拉麵都很難吃！配料方面，比起小白丸，這個多了半份塘心蛋，豚角煮，日本雲吞和紫菜。塘心蛋是凍的，不好吃，豚角煮即是(肥豬肉)，而且又硬，口感像煲過湯的豬肉，完全不好吃！日本雲吞只得很小粒，又不好吃。紫菜味道普普通通，另外餐廳提供的麥茶很難喝！價錢方面，小白丸$42, 特製東京醬油$88，另收加一服務費，總共$143，很昂貴，而已又這麼難吃，完全不值得這個價錢！總結來說，一風堂的拉麵又貴又難吃，沒有下次！

九龍灣美食選擇多,但一風堂都係第一次幫襯,因無咩聽過朋友來呢間店食嘢,對於自己來說是迫生的,抱住一試的心態見識一吓這店的美食吧.對於拉麵本身興趣不大的,因諗起終是覺得湯底好肥膩,成碗麵和湯底咁大份,在我心中都係高KCAL的食物,所以好少去食.不過工作辛苦之時,終有些時候想俾自己大吃大喝一頓.揭開餐牌,都翻開左兩次,發現原來有半份拉麵,真係好啱我地呢D怕肥又想食的心.起碼食後罪疚感都會相應減半吧赤丸一碗,好快送上,望去色菜好吸引,枱上有D配料係可自由加的,有芽菜仔,成粒新蒜蒜頭可自行壓落去,也可自行摸芝麻,因應自己的喜好,確係好玩的.因有得攪攪陣牛油困熟蝦伴山葵醬,這個沙律唔太"供"鼻,好清新開胃.有驚喜服務確係好,職員主動加左幾次茶和幫手壓個粒蒜頭,算係好細心喔,值得一讚

Kamen Rider 雖然每年都以不同主題推出新超人，但講到最經典及最懷舊都要數到1號、2號吧。得知一風堂以它來做主題，當然要與超人碰個面啦。來到九龍灣分店，在門外拿票後就能入座。空間尚算寬敞，而袋可放在椅下的籃中，不用抱著袋子吃拉麵呢。不過其實店內採用超人的裝飾品沒有想像中多，除Menu外，餐廳各畫架也有超人呢。是次就超人推出的限定版的龍蝦豚骨拉麵，盛惠$98，有特別Menu，封面也是幪面超人，而內頁是超人全彩漫畫，後面也教怎樣將圍巾及快子套，接成超人圍巾呢。龍蝦豚骨拉麵一到，圍巾跟拉麵一併上，以防吃拉麵時的濃湯飛彈到身上。小妹亦乖乖鋪上圍巾啦(ゝ∀･)，單望拉麵顏彩實在很紅，像是蕃茄湯，碗上的龍蝦殼是假的，因龍蝦肉在碗內，龍蝦濃的確味道很濃郁，粗身的拉麵沒有鹼簡水味，亦彈牙，不過未能吸收龍蝦湯，味道太淡。原隻龍蝦尚算大大隻，有咬感，另有鮮蝦雲吞及半熟蛋，而小妹最愛半熟蛋，將金黃色的蛋黃半流心的狀態，流進羹內的拉面中，實在太好吃了!品嚐過拉麵後，發現用手機儲分也可機會有超人禮品，而臨離開時一想「1號還是2號?.?」哈哈~小妹雖然家中也有不少其他超人Figure，但每次望見1、2號超

 I was looking for a place for dinner and saw the advertisement of the lobster ramen so I went inside to try it. The Lobster Tonkatsu Ramen was quite good. You can taste the lobster in the soup. The lobster was delicious; the meat was soft and easy to chew. There was also a fried dumpling and some dry shrimps. I drank all the soup because it was so tasty.My friend ordered a Tokyo Shoyu Ramen with fish and chicken soup. The soup was not too fishy; the ramen was soft and easy to chew as well. Ther

今日午餐又是與同事一起「撐枱腳」，一行5人，想吃得好點，於是又到德福廣場了。不過，正值12：45這午飯繁忙時間，要跟其他人排隊等候入座一風堂。對我來說，「一風堂」的名字實在太特別，亦教我猜不透，到底這餐廳供應甚麼菜式呢？原來是日本拉麵店…等候時間長達15分鐘，佔據了不少的午飯時間，入座後同事們都趕快點食物，沒顧其他的。首先上「炸紫菜魷魚鬚」，這是單點拉麵優惠價$25加配的。很貴，但是非常優質—雖然沒有紫菜味，但魷魚爽脆，炸粉微薄、香口。檸檬的用處不大，只能稍作伴碟。反而碟邊的沙律醬，絕非市面上買到的沙律醬，應是秘製的，很香。主食是「一風堂辣肉味噌」（$76）小辣。一碗$70多的拉麵，到底有甚麼魔力呢？首先贏在麵質吧—拉麵是手打的，很幼細。至於湯底，未至於極之高水準，但不是普通味精湯吧，不過只叫「小辣」的我，卻認為廚部或侍應給了我一碗「中辣」：越吃，舌頭越開始頂不住，而且汗不斷在流！我是一個能吃普通辣的人，點小辣已經辣得如此…餘下的麵都是忍着辣而吃的！不過最喜歡還是拉麵配料多，就像這碗的蒽和辣肉末兒都令每一口吃起來的口感都有所提升。真是挑戰味蕾的一碗麵啊！

今日打波前又要搵食揀左食拉麵 於是食一風堂la~~好鐘意豬骨湯底又鐘意黑蒜油就揀左重口味既黑丸黑丸外表不討好 不過好有內在美黑蒜味道夠濃 再加上濃厚既豬骨湯 再加粒生蒜同磨芝麻粉成碗湯仲好味左～不過的確有d重口味牛油果蝦沙律 我以前吾會話特別好食牛油果 不過食左呢個再加上有washabi 既沙律汁成個會沙律會好夾

夜晚8點幾睇完戲，每個餐廳都有不少人在等位食飯，一風堂相對較少人在等，咁就食一風堂啦! 之前食過呢度嘅拉麵，貴但味道麻麻，而且因為時間較夜，都唔想食太大碗麵，起初點了沙律，誰不知沙律菜冇貨，咩沙律都冇啦…睇多次餐牌，小食類多是煎炸野，選擇又不多，唯有點一個細細嘅包食啦～ 整個包都是暖暖的，不會燙手，外層是普通的饅頭(還不錯)， 裡面是一塊小生菜，小片日式叉燒 (肥膏偏多)同沙律醬，味道一般。如果有得揀，我諗我都唔會再黎食。