一龍蝦兩餸王

營業中

休息中

雖然疫情之後，好多兩餸飯嘅舖頭，但我都比較少食，今次食咗一間，完全改觀，原來兩餸飯都幾好食㗎喎😎😎選擇好多見到都幾開心，唔使自己煮，真係慳好多時間😛😛估唔到連炸子雞都有，而且佢哋都有幾多海鮮嘅選擇，大大隻帶子，蒸魚，蝦等等，實有啱心水嘅嘢食😌😌最近比較少食白飯，所以直接買咗兩餸，返屋企煮粉絲😛😛肥牛炒勝瓜 + 豉汁白鱔先$40！！勝瓜比我想像中出色，非常幼嫩，一啲根都冇，而且切段大大嚿，口感超正🔥🔥依個餸感覺上都好用心製作，除咗勝瓜之外，有肥牛，木耳，甘筍絲，自己煮都冇咁多花臣😂😂豉汁白鱔 非常推薦！肉質爽口，而且非常入味，份量都幾多，性價比超高！ 如果之後都喺附近放工，一於再接再厲，試埋其他菜式先😎😎

📍一龍蝦兩餸王 (佐敦)佐敦文蔚街1-23號文苑樓地下7號舖收工打俾呀媽問佢食乜，佢話唔想煮，但我又想食煮家飯，咁就買啲淨餸，同屋企人一齊食外賣煮家飯，原來宜家啲兩餸飯係癲到有龍蝦！仲好餸過屋企🦞🦞🦞👉龍蝦伊麵💰78😋😋😋😋/5有咁大隻龍蝦真係大癲！試問點可以唔叫🤩🤩🤩食落仲要係酒樓的質素！！勁新鮮！肉質夠結實，肉質鮮甜，龍蝦勁多肉，另外伊麵索埋啲汁好鮮甜😆😆好正💓👉 蒜蓉粉絲蒸扇貝💰35😋😋😋😋.3/5點解可以咁大隻！就快大過個盒😂😂 蒜蓉粉絲蒸扇貝，扇貝都大過隻手掌！扇貝上面鋪上蒜蓉粉絲黎蒸，入面舊肉都有隻手掌咁大，而且好厚身，真係超肥美鮮甜。最鐘意既係佢地放面既蒜蓉超多，真係特別滋味!！👉淨兩餸💰40😋😋😋😋.5/5✨金牌炸子雞老闆同我講唔好食會退返錢俾我！我就一於試下佢！雞肉肉質鮮嫩，雞皮薄而香脆，咬落有口感，入味而且不油膩 ！這裡用的雞真有一手，✨✨必叫果然我呢40蚊係抵俾！✨炒蛋蛋可以係我最鍾意嘅食物，越簡單嘅材料越難煮得好食，望到佢個蛋好似好滑，食落真係好滑溜，有質素，師傅有功架 ！👉淨兩餸💰40😋😋😋😋.5/5✨ 鎮江醋排骨調味的醬汁很吸引我，，肉又不硬，酸酸甜甜味道適

一龍蝦兩餸王 (佐敦)佐敦文蔚街1-23號文苑樓地下7號舖龍蝦伊麵$88新鮮嘅龍蝦伊麵，香噴噴，龍蝦肉鮮甜彈牙，肉滑多汁，美味非常，必食推介😋😋😋鳳爪排骨，新鮮肉餅兩餸$40豉椒鳳爪排骨，好入味，鳳爪皮脆爽滑，排骨鮮甜肉滑多汁，粒粒入口離骨，超正👍👍👍冬菇肉餅，豬肉新鮮，冬菇香滑，自家製，肥瘦適中，入口滑彈鮮甜，大人，細路都中意食，極力推介🥳🥳🥳欖角蒸大鯇魚$45香濃欖角味香，鯇魚大大件，鮮甜肉滑，沒有泥味，好食，抵食🥳🥳🥳豉汁蒸大白鱔一份$88香噴噴，大大份嘅大白鱔，豉椒蒸，新鮮肉彈白滑，味道特鮮甜美味，好食到不得了，食過回味無窮，必食之選😋😋😋

食物品相很好 但吃到一半發現西蘭花有些變色 完全不敢再食 牛肉也很硬 😞雞翼只有甜味 之前買過幾次都很好 這次很失望 應該不會再光顧 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

真係無諗過窮人恩物既兩餸飯都可以升級為兩餸王 除左平時基本既家常小菜, 呢到仲有好多海鮮選擇有原條既斑, 開邊蝦, 又有扇貝,仲有龍蝦伊麵揀!真係打破左我既想像!又抵食又有鮮味,去邊到搵升價比咁高既兩餸飯仲有每日唔同既是日精選, 今日係紅酒燴牛尾小菜款式都唔算少~價錢真係超親民~糧尾恩物!今日叫左小炒王同欖菜肉鬆四季豆小炒王個蝦乾勁香, 個蝦油香味包住每條菜~龍蝦伊麵龍蝦肉係彈牙,證明係新鮮海鮮呀!其他幾味家常菜都OK~

間唔中都會去友人在渡船街家中打麻雀，平日有工人姐姐負責預備晚餐，今日工人姐姐休息，友人提議買兩餸飯，佢話呢間兩餸飯和其他的有所不同，係有龍蝦，鮑魚和扇貝賣㗎！一於同佢落去見識一下！鮑魚$28/隻~陳皮味好香， 鮑魚肉質爽彈鮮甜，不錯。龍蝦伊麵$78~龍蝦半隻，肉質鮮甜，龍蝦鉗勁多肉，伊麵炆得好腍好入味，芝士味好濃郁，好抵食！蒸沙巴龍躉$98~大約一斤重，肉質滑嫩，入盒前先 贊熟油，返到屋企仲熱騰騰，正！淨兩餸$40~ 魚香茄子+鎮江骨魚香茄子~ 茄子炆得好腍，加入肉碎和少許辣椒，酸酸辣辣，十分惹味，送飯一流。鎮江骨~ 肉質嫩滑有嚼勁，酸梅味好香， 味道調教得很適中，酸酸甜甜好開胃。一餸$40~小炒王~ 有火腿，蝦仁，蝦米，叉燒和韭菜，口感豐富，味道不錯。

兩餸飯以前俾人嘅感覺係窮人糧尾恩物，但今時今日嘅兩餸飯真係唔講得笑，分分鐘要出咗糧先食得起。之前見人介紹過呢間一龍蝦兩餸王，咁啱今日喺隔離街買法式布甸，就順道嚟幫襯下呢間名貴兩餸飯。好彩今日嚟到，時間尚早，仲有齊龍蝦、鮑魚、蒸扇貝，聽講一晏咗就會賣晒。另外仲有其他家常菜，賣相都相當吸引。因為今日屋企冇煤氣，阿媽話煮唔到餸，所以佢就負責準備白飯，我就負責加餸。第一次食兩餸飯係有龍蝦伊麵，味道完全有中式酒樓嘅級數，半邊龍蝦夠新鮮，肉質非常彈牙，而且算係幾好肉，而伊麵就用龍蝦汁燴過，非常夠味。蒜蓉蒸扇貝嘅粉絲超多而且又夠入味，扇貝都好新鮮，加埋蒜蓉真係夠晒惹味。蒸鮑魚就帶有淡淡的陳皮香，同埋佢呢隻鮑魚都算係幾大隻，非常彈牙。除咗豪食海鮮，當然都要食吓家常菜。鎮江骨味道調得啱啱好，而且排骨都相當嫩滑唔嚡口。梅菜扣肉撈飯就最一流，佢相對地冇咁多肥肉，食起嚟都健康啲。呢間一龍蝦兩餸王真係非常精彩，感覺簡直好似去咗中式酒樓一樣，下個月出糧一定會再去過。

之前上網見到有唔少兩餸飯店有賣埋龍蝦🦞，呢日放假日頭去完西九文化區，就諗住順便幫襯喺附近嘅「一龍蝦兩餸王」。諗住湊熱鬧去買龍蝦俾阿媽食，點知六點半去到已經售罄😢，大失所望。店員姐姐話龍蝦每日限量供應嘛，五點幾開始賣，好受歡迎，好快就賣晒，特別係假期。不過一場嚟度，阿媽又冇煮飯，所以都買幾樣餸返屋企食啦🥢🏡。姐姐好好人，裝餸裝得好滿，一啲都唔孤寒。食物賣相吸引，而且多人買，流動率高，所以每款都新鮮整，唔係擺咗好耐嗰種。梅菜炆腩肉，呢樣超邪惡😈，豬腩肉大大件，肥膏位炆至入口即溶，瘦肉位亦唔會好嚡🐷。但有個别一兩嚿就太肥，放棄咗。椒鹽炸蝦，🦐炸蝦用椒鹽爆香，帶少少辣味，連殼食埋相當可口。啲蝦應該幾新鮮，因為有蝦香同埋口感幾彈牙。鎮江骨，🍖一字排骨骨肉分明，鎮江醋濃而不膩，酸酸甜甜，幾正。我平日唔鍾意噒骨，但呢個令我食唔停口，個汁撈飯亦都好味。豉汁炒蜆，🐚炒蜆大約有十幾隻，份量都算幾多，而且啲蜆大隻肥美，食咗咁多隻都冇沙。豉汁幾惹味，唔會太濃太鹹。蜜汁薯仔雞翼，蜜汁如果甜啲就好啦，🥔薯仔煎得夠淋，雖然雞翼唔大隻🍗，不過就有五隻補返數。小店好似仲有涼拌小食賣，因為見有雪櫃，但就唔覺有寫價錢🤔。總

放工諗唔到食咩又唔想煮 幫襯兩餸飯真係方便快捷實惠今日喺佐敦附近想食勁多人排隊嘅布丁麵包，估唔到比我發現到呢間咁特別嘅雙送飯六點晚飯時間超級多人排隊因為估唔到其中一個選擇係龍蝦伊麵龍蝦伊麵有半隻龍蝦，肉嘅份量都有一個手掌咁多，肉質唔會好霉，算得上爽口鮮甜，另外伊麵份量都幾多，$78算係咁，見到幾多街坊買另一個估佢唔到佢係鮑魚😱😱出奇地都幾鮮甜，口感爽滑，有驚喜😋仲有好多選擇㗎我仲買咗鎮江骨、甜酸排骨同椒鹽炒蝦🤤🤤要讚讚過鎮江骨，好入味，肉嘅比例都算多，同埋唔算過肥，酸酸甜甜走味香濃，好惹味開胃下次再嚟會試埋其他餸

宜家愈開愈多賣兩餸飯的餐廳，疫情關係我都食過好幾間了。而這間一龍蝦兩餸王比較特別的是他們有龍蝦，鮑魚，扇貝，海蝦等海鮮，令到食雙餸飯都可以食得豪一些。我點了三個很好送飯的餸，有梅菜扣肉，糖醋排骨及紅燒豆腐。梅菜扣肉是老世落力推薦的自家制手工菜，的確很入味淋身，瘦肉跟脂肪層層相間，有入口即溶的感覺，配上梅菜鹹甜開胃。糖醋排骨啖啖肉，味道酸酸甜甜，很惹味。紅燒豆腐口感嫩滑。清蒸鮑魚$24 一隻，size 比大連鮑為大，簡簡單單用果皮清蒸已經很好味，是抵食的。一份上湯龍蝦伊麵（$78), 龍蝦肉爽口彈牙，配伊麵是絕配的，可媲美酒樓質素。

兩餸飯真係食唔少，價錢大眾化餸菜又多選擇。疫情之後越開越多間，今次終於試咗有龍蝦嘅兩餸飯。佐敦新開嘅一龍蝦兩餸王，主打龍蝦，仲有多款新鮮海鮮，包括元貝、龍躉同鮑魚，一於買啲返屋企加餸😋店面乾淨企理，夜晚六點未到已經有人排緊隊，三十幾款真係花多眼亂，先講價錢:限售 活龍蝦伊麵$78元貝、鮑魚 $24/隻兩餸飯$30三餸飯 $35魚+兩餸飯 $45街市買條魚都去左一半價錢，而家煮埋仲有兩款餸，超平！原條魚豆豉蒸，鮮甜肉滑。另外叫左臘味炒蒜心、西蘭花炒蝦仁、糖醋肉、什菌扒豆腐，全部都好好味，新鮮煮起肉質唔「霉」，蔬菜爽口。重頭戲嘅龍蝦伊麵，半隻龍蝦份量無欺場，啖啖肉又彈牙👏🏻 伊麵好香。元貝上嘅蒜粒淋上熱油，米粉吸收曬蒜油香味，元貝夠鮮味。鮑魚鮑味濃郁，肉質柔韌，一餐飯加啲海鮮已夠好滿足🥰

估唔到兩餸飯都有龍蝦伊面食～而且係有酒樓質素，龍蝦肉爽口彈牙，伊面撈上上湯芝士香濃creamy~~$78一盒睇見咁多款餸，另外仲買咗兩盒兩餸，一盒淨兩餸就$40，份量都幾多，味道又ok, 呢個價錢性價比高！鎮江醋排骨酸酸甜甜味道適中，食落啖啖肉～蘿蔔炆牛腩嘅牛腩炆得好林，咬落有嚼口，唔會散晒，蘿蔔好入味，仲爽口～菠蘿咕嚕肉就都係酒樓質素，咕嚕肉炸得外酥內嫩，醬汁香甜，食得滿足～～揀埋青菜就夠均衡飲食喇，炒得翠綠～

餐廳位於佐敦，地鐵站路程有點不太方便，但其實附近有不同的交通工具，可以選擇巴士小巴也能十分方便到達。餐廳主打的就是兩餸飯，款式選擇眾多，我更發現居然有原條沙巴躉供應，其實無需在家煮飯，也能感受得到家的味道，這個體會令我最深刻的就是他的湯品，彷與媽媽的味道，不禁令我再次想起。最驚喜的當然就是龍蝦伊麵。足足半隻龍蝦，性價比極高，價錢合理，大眾化，加上味道彷如處身於酒樓內，做得比酒樓更為健康，本著低卡路里先行的概念，真是一個不錯的餐廳。

今日出佐敦跟文件，做完野五點幾，即刻行快兩步，就係要嚟呢間「一龍蝦兩餸王」，買番個外賣返屋企食。之前網上見過介紹，已經覺得好吸引，今次難得順路，專登嚟試佢兩餸飯。店鋪老闆非常好人，叫我坐坐多等5分鐘，龍蝦便新鮮出爐。今晚兩個人食，選了「活龍蝦伊麵」，蒜香炸蝦，梅菜扣肉，糖醋排骨，最後加埋老闆推介嘅燴牛尾。龍蝦足足原整半隻，味道超鮮甜，跟伊麵底真係絕配，好食到汁又撈埋，連殼都吮到乾乾淨淨。梅菜扣肉，梅菜夠咸香，扣肉是自己炆製，並非坊間用現貨加熱便算，肉鬆化入味而不油膩，好好味！炸蝦超級香脆，配有炸蒜及蔥花，香口惹味，用嚟送酒一流。燴牛尾絕對有驚喜，肉香淋陣陣牛香，個汁不得了簡直是靈魂，配白飯又是一流，配酒亦係好滋味，令人忍不住喝多兩杯。糖醋排骨肉嫩醋香，呢味餸做到糠醋效果，味道偏甜。總結：有家的味道，並非求其粗糙嘅兩餸飯，其實菜式多達三十多款，一次真係試唔曬。真的可以每天品嚐不同的家常便餸。

朋友極力推薦佐敦一龍蝦兩餸王，仲專程揸車陪我去買，兩餸飯成日食得多，第一次食兩餸飯有龍蝦，元貝，鮑魚去到門口見到排長龍，就知道無介紹錯龍蝦伊麵 $78龍蝦新鮮爽口彈牙有咬口，配伊麵食一流，咁既價錢好過自己煮元貝，鮑魚 每隻$24元貝粉絲粉絲吸曬元貝精華，好味道！鮑魚同樣新鮮美味，岩曬鍾意食海鮮，但又唔食得多既我淨兩餸 $40咕嚕肉--炸得好香脆，酸酸甜甜好開胃，好好食蘿蔔牛腩--蘿蔔牛腩炆得好淋好入味，好香濃，兩餸既份量都好多，好夠食臨走時見到我至愛既小炒王，下次再來買過