七喜粥麵小廚

營業中

休息中

🥢行完花市第一餐 ,好味粥粉麵🥢請支持即刻俾心👍🏻仲有follow @eatgoodwesteatbadwest 🥢行完花市已經半夜了，當然去食個宵夜，呢間的粥粉麵飯小菜唔錯，出名是薑蔥撈魚皮，見半夜3:00 仲有開門，一於去食🥢蜆介炸鯪魚球 鯪魚球炸得非常熱又香口，充滿魚肉味，蜆介醬內有5-6 隻小蜆，咸咸鮮鮮的🥢雲吞撈大大碟麵爽口有少少鹼水味，雲吞有六粒，蝦鮮爽好味，大小剛剛好🥢咸肉粽蒸到好淋身軟熟，有大隻咸蛋黃...請按右上角按三點，要按 就唔會錯過貼文啦七喜粥麵小廚 地址: 太子花園街224號地下 電話: 27876280 #辣#香港美食#香港小店#今晚食咩好#今晚食乜好#食好西#食好西系列#非廣告#吃貨#吃貨日常#吃貨人生#吃貨日記#支持小店#旅行日記#食評#hongkongfood#food#foodie#hongkongfoodie#eat#eatgoodwesteatbadwest3

同同事落太子食lunch,因為同事係遲遲唔肯起行既工作狂,搞到落到太子既時候想食既餐廳已經排滿人唯有是是但但去左旁邊既茶餐廳食,就係今次食到既七喜粥麵小廚啦,估佢唔到又幾好食!午餐款款$52,我地叫左乾炒牛河、沙薑雞飯同埋鹹魚煎肉餅飯,可以揀汽水或中湯鹹魚煎肉餅一上到黎叫佢煎得幾靚仔,有四塊手板仔大小,食落好香口,有鹹魚鹹香味但又不至於過鹹見到香口野大家都掛住食,唔記得影相!XD沙薑雞飯都幾好食,雞醃得好入味,只係食到胸位有少少鞋口,提一提鹹魚煎肉餅同沙薑雞飯都配左D小白菜係底,叫有D菜食下,都幾貼心唔似一般碟頭飯,真係旁邊得棵菜心,抵讚乾炒牛河色水炒得唔錯,牛肉都幾多同埋大大塊,都幾好食,不過乾炒牛河實在太太太邪惡,我食左少少都唔敢再食啦

素聞七喜大名，對其名物爽滑鮮魚皮一直垂涎三尺，可惜今次獨自光顧未有機會品嚐。不過七喜並沒有讓我失望，點了一碗鯪魚球豬膶粥$39相比起動輒五十元以上的魚腩粥，此乃性價比高之選，豬膶爽口沒異味，厚薄適中，不會過分醃料調味，佳👍🏻 ；鯪魚球有三大粒，口感軟滑，沒有太重的果皮或蔥味，亦不會有魚腥之感，整體上十分滿意😊

我相信大部分的食物都有一定的水準，但又不可以說高質素。今日只點了一碗雲吞麵，並不是傳統細細粒，沒有韭黃只有蔥。麵質素是好的，爽的。我覺得雲吞餡的蝦並不是新鮮蝦，似冰鮮的。湯亦不似是大地魚傳統雲吞湯 但沒有鹼水味。不好要求這店會有服務！

響太子工作差不多十年，每次經過呢間茶記都係過門不入，但因為琴日ot完真係太肚餓，附近又冇咩選擇，唯有同同事入呢間醫肚。印象中七喜好似唔止一間，另外響唔同區都見過，不過我淨係得新蒲崗有一間。差不多十二點入到去都坐左六成，心諗應該都唔差。我因為好肚餓所以叫左個麻婆豆腐飯，而同事叫左個咸蛋粥。叫餐時叫左侍應好多次都冇應，加上大媽黑口黑面，所以覺得服務好差。啲野離到都知伏味濃，個麻婆豆腐不知所謂，豆腐凍的，落生粉又勁重手搞到一舊一舊，完全係食左幾啖就食唔落。反而同事個粥正正常常。另外杯凍檸茶都正常，但鑑於佢服務同食物質素，唔會再有下次。

一向都喜歡吃這間店，不過通常在土瓜灣那邊，其實都不太清楚是否屬同一間。今晚在太子做完野，都10點多，只想快快吃完回家休息！一行2人，叫了三個菜，原本擔心不夠吃，但份量好大，最後都食到飽飽。先來個肉丸粥，粥都好綿，但有點過杰，個肉丸好好味，有6粒！時菜炒牛肉，我揀左介蘭，好多牛肉，但介蘭反而少，個牛肉都好好味，好林！最後蜆介鯪魚球，好大粒，脹卜卜，個醬吾會太咸，因為剛炸起，所以好脆口，但其實鯪魚肉不算多！

去到太子，梗係食七喜👍高質兩個人去，點了三個餸: 蜆蚧鯪魚球必食每次去必點，新鮮炸起，熱辣辣，食落肉質好彈牙，唔食魚既我都唔覺腥，真材實料，又唔會成口粉同太油生滾蠔仔粥沙煲上，真係生滾，上枱仲滾梗，岩晒宜家天冷食，粥底好綿，味道好正，蠔仔都好多粒，係我食過最好味既蠔仔粥白洽豬雜唔係度度有得食，亦都唔係人人敢食雖然白洽，但豬雜好新鮮，好鮮甜，下面有少少芥蘭做底，誠意推介每次來啲姐姐服務態度都好好，好nice!

話說妹妹好介紹，特別推介香菇蝦球花膠粥和油菜~西洋菜。今日去完花墟順道來品嚐。我們3人叫了香菇蝦球花膠粥和油菜~西洋菜x2碟。、還有我至愛蜆介鯪魚球。最後還加了$20西洋菜老火湯夠3人份量。粥底不錯蝦球彈牙有4隻，花膠都有5隻。份量足夠每人食2碗。另外油菜~西洋菜不錯，很少店舖有這款油菜，因為西洋菜菜做油菜，莖用來煲老火湯，不錯的安排。值得一試。

太子道的花園街食肆林立，泰、越、星、粵、淮揚、山東、潮州以至各種西式等均有，要在這熱區生存，質素是維生要訣之首選。選擇「七喜」一方面因為它顧客不少，但流量多，尚能找到座位，另方面也久未光顧，聞説它仍價廉物美，即管一試。可惜，這次失望了！這是仍能保持水準的菜式，熱騰騰香噴噴的極夠鑊氣。醬汁濃而不油，羗蔥足夠而香口，魚腩新鮮，誠為水準之作👍🏻昔日「七喜」的鵝腸是著名的，只是今天卻改「鵝腸」為「雞腸」，雖然理由是「我們的雞腸是新鲜的」，但口感完全不同，毫無爽脆感，失諸交臂了！實在差強人意的一煲，煲夠熱，但煲內任何一珍均具雪氣感，似是現成熟了的素材執進煲內兜兜拿出，汁液太稀完全上不到食材，惶論香味！歸根究底是先天食材不理想，後天大廚救不了！

去完花墟公園既香港國際美食巡禮，行番出太子搵嘢食。6個人真係好難搵位，啱啱七喜有人走有張枱，即刻入去開餐。先叫個首選煎蠔餅，次次食都唔會令我失望，蛋煎得香，蠔仔又肥又乾淨。平時好唔鍾意食魚片既我，只會係七喜食魚片粥，因為佢哋既魚片一定唔會腥臭，而且有魚味，加薑絲同軟綿綿既粥，好味道。再叫個魚塊芝士撈伊麵，超好味，芝士夠香，又唔會太結黏住個口，汁既份量又夠多撈晒所有伊麵，perfect！另外仲叫左油菜、胡椒粉腸、炸鯪魚球同豬手，豬手既水準永遠都keep得住。

沒想過我的第一遍文章是....今日下午12點，我和外婆還有我媽媽陪同外婆看完牙醫，打算午餐，外婆很想吃七喜，因為她平日不能動只可以留在家中。外公已過世，她很懷念當日外公帶她到七喜吃飯，因此叫我們帶她去。我外婆八十多歲中風，半身不能走動需要靠輪椅.....大家都知道七喜有兩級樓梯，我伕著我外婆很辛苦才走完兩級，打算用輪椅坐最後最裡面那個位置，不想阻礙通道。怎麼知道店員大聲喝止我們，大聲說不能進入不可以，說我們阻礙他們做生意，但我解釋我們會坐最裡面，因為當時沒有位子....最後我們坐了第一排 我跟他們爭論...對不起 我對於你們很失望我以後不會再來。將來你老了行動不便去到一間餐廳，你想回味和你過身丈夫的時光，怎料職員大聲喝止說輪椅人士不能進入，你就會明白我外婆的感受。

是晚羽毛球聚會，約咗打九點太子打咁就係附近搵下好嘢食啦嚟到呢道大部份位置都坐滿店員安排咗係房仔裡面坐，但房有少少似以前雲吞面檔改裝得嚟叫咗白灼豬雜呢道嘅白灼豬雜有大大塊豬潤，豬心，豬肚本人特別喜歡豬心，以後咁厚好難咬開，但師傅細心將其切花，令豬心易咬又易熟，一舉兩得豬潤煮得剛剛好，咬落好似肥美拖羅，入口即溶，十分抵讚沾上特製鼓油尤其出色友人點咗雞腸撈面雞腸爽口，份量亦多湯飯怪一定係食蠔仔泡飯，可能之前食嘅嘢太濃味，此湯飯即時被比下去可惜

查實不是對七喜小廚很熟悉，但小時候跟家人到新蒲崗分店(定還是那兒才是總店🤔)吃過，印象深刻，感覺舊式、經典、甚具本土色彩，是次路過剛好可以再嚐七喜。很多內臟選擇，本人特別喜愛豬雜、牛雜，便點了個淨豬雜，然後我點了鵝腸撈麵，一次過試勻麵條及豬雜。這兒的撈麵挺多荵，荵比起深水埗的劉森記的薑荵撈麵多而香😏，技勝一籌。鵝腸撈麵，鵝腸不怎特別出色，好像肥膏還黏著在腸，麵條不太軟林，有點彈牙，但難免有點兒乾，要拌點濃味蝦殼湯方能下嚥。白灼豬雜挺多，以兩個不久後要做運動的人來說，一人一碟麵條/泡飯，經已差不多飽肚。如除此之外還再加一碟白灼豬雜，好像多了一點。但是點了餐，又不要浪費。豬潤何奇精彩，灼一灼，僅僅到了9成熟的狀態，本人認為，豬潤甚至無可說是未竟全熟，內裏還有少許呈流質狀態，但各位可以放心食用🤘🏿，因為吃了幾大片又厚又大的豬潤也沒肚子痛。又厚又大，蘊藏汁液在內，完全不會乾硬，雖然切片起來較薄，但與深水埗的「漢發」可較高下😏。另一個是蠔仔泡飯，本人向來不太喜愛泡飯，飯浸泡在湯中，微飲不硬，沒甚口感，又熱，因而沒試

每次來七喜，總有視死如歸嘅感覺！白灼姜蔥豬膶，正到冇朋友。椒鹽鮮魷香脆美味蜆介鯪魚球蜆介美味，魚球炸得香脆。咸魚田雞煲簡直超級美味！最平凡嘅係炸雲吞。一般一般。

This is a chain Cha chan tang with many branches in Kowloon area. It is a nice place for people who need to work very late and come to have a late dinner.I ordered a seafood congee. There was many big shrimps inside, the texture of shrimps were good, colourful, but it had strong taste of alkaline. Typical Kong style but I did not like very much.The congee was nice, soft, hot and taste good.