七喜粥麵小廚

營業中

休息中

七喜粥麵小廚 @ 太子道花園街224號完全估唔到係茶記可以食到咁正既粥， 粥底超綿，而且超多料！！！仲有必食的鯪魚球.— 北菇雞及第粥 $75， 粥料多到滿， 豬雜都好新鮮，好正😋😋😋— 鯪魚球 $38，大大個，一啲油膩感都無，不錯— 金銀蛋小白菜 $58， 正常好食— 乳鴿 $40 一隻， so far so good.但個粥係會令人想再食。正😋😋😋.

成條街都有好多好野食呢間七喜應該都好多人識之前仲上過電視主打係生滾粥同小菜不過我呢兩樣野都冇食過反而係呢度好鍾情佢地既細蓉原來佢係麵係好爽口彈牙唔會太硬唔會太林可以講係成條街最好食既麵質寶物尋歸底有五粒好爽口既雲吞蝦肉多過豬肉一定好足量佢地既辣椒油更係畫龍點精唔太辣，但十分香口第二樣野推介既係佢地既鯪魚球每粒有小朋友拳頭咁大又係打到好彈口鯪魚球粥同鯪魚球麵都好好食當然唔少得係蜆介鯪魚球啦～

夜晚經過太子見到七喜，朋友話野食唔錯，於是入去試下。試左個蜆蚧炸鯪魚球，一碟六粒，超大舊！鯪魚球炸得好香口，魚肉彈牙，點埋蜆蚧醬超正！難怪朋友極力推介！跟住食撈麵。黑柏葉好少地方食到，呢間唔錯。鯇魚皮

好友相聚，時間緊迫，又要叫餸食飯，七喜小廚的確唔錯。地方細細，坐得唔迫，又唔嘈，仲有雞食添，咸檸七又夠正西蘭花就太大件，椒鹽豆腐可以再炸均勻些，上檯有點涼唔記得影飯添，軟硬合適

去花墟買花。到達太子站，已差不多中午十二時了。先吃點東西吧。附近的選擇很多。路過此店，粥粉麵飯都有，坐下才決定吃什麼吧。 眼花撩亂，結果要了碗粥。 鯪魚球牛肉粥。三粒鯪魚球，實實的，無胡椒味，有點腥。牛肉四、五片，傳統的製作方法，很是鬆軟。粥底很廣東，非常重口味。如果你身體不適，口淡淡得毫無食慾，可以叫碗粥。但如果想清清腸胃，那就千萬不要在此店食粥了。

首次到七喜是15年前的土瓜灣店, 初嚐蜆介鯪魚球,今天再度重温, 但地點轉了太子。一如以往, 鯪魚球炸得夠香, 但我愛的卻是它的蜆介, 咸味適中, 配上炸物, 即時變成人間美食。第二道美食必定是爽脆鮮魚皮, 混合麻油, 芝麻, 薑蔥絲, 炸花生, 鼓油等....同時轟炸味蕾, 回想起都流口水。味道一流, 但略嫌價錢有點貴, 兩個小食比普通一個晚餐還貴,魚皮也比以往少了。

其實只有粥麵勉強可以，其他食品真的令人難以接受。勞動節中午行入七喜見佢午餐有個沙薑雞飯，好奇之下試一試，一般佢既面食都可以接受，但叫得小廚就放膽試下佢既雞飯。等了大約15分鐘，我面前的雞飯終於出現，大大舊既雞肉有5舊，外加一堆小白菜。雞肉淡而無味，返熱令雞肉硬如石頭。沙薑雞配的不是沙薑，竟然是薑蓉。難食得要命.....其實入得七喜，有粥麵你唔食，食雞飯，要怪的只有怪我自己。

今晚準備出門之際，家中小狗扭計要跟出去,但太子區實在冇乜露天地方食野,七喜有後巷位,咁就可以帶埋佢啦~粥真係好味,有埋蝦子好食到唔停口,但其餘小菜好似失準咗少少啊…腰果炒肉片,d肉片好“鞋”,西芹又冇鑊氣,得d腰果好少少,到乳鴿啦,都幾滑.但都係冇乜香味,同埋毛都未清得夠乾淨囉～

好少食肆有魚鰾，這裡的薑蔥爆魚鰾味道很好，只是有一點靭，不過相當不錯。粥底無得彈，生滾雞粥一絶，但如果喜歡吃螺片，會失望，又沒有螺味，而且硬，花膠還可以。炒粉麵保持高水平。

朋友的同事推介，加上響呢度都有幾十個，咁就去試試吧。因為四個人，所以可以試多d，試小菜，叫左爽脆魚皮$40，南乳豬手，炸九肚魚，生炒排骨，炸鯪魚球，煎蛋蠔餅，一枝青島，四個白飯，共385大元。食物份量，佢係同大排檔差唔多，但分量就少一半，應該係適合一對夫妻去食飯，咁一定唔會剩野，如果四人或以上，肯定叫十款先飽。魚皮真係好少= =九肚魚同生炒骨有85分，其實都係60分度，煎蛋蠔餅好普通，豬手係入味，但未至於要推介。。。。而且可能係小㕑類餐廳，係談不上服務。。有樣好驚訝，就係竟然係無奶茶！第一次遇到間中式餐廳係無奶茶賣，應該是我太孤陋寡聞吧。。。

平時同老公都凈係叫碗麺填個肚，今日特別肚餓，所以叫多兩樣餸食。北菇蠔仔雞粥~ D粥好滑好好味，北菇得一個... 但都入味，如果有多兩個菇仲好。脘魚皮~比起以前食細碟左，但都係咁爽口&入味凈牛筋腩~d牛筋好好味，好淋，入口即溶牛腩有d韌左少少，但都入味下次會再黎試下唔同小菜~

難得行過七記門口有卡位, 即刻衝入去坐低, 二話不說就點了我的最愛 "牛腩豬手撈粗"根本上係七喜食牛腩豬手一定係滿足而走.牛腩豬手都係同一個要求, 個汁調得好, 入味同夠淋. 七喜做到晒!杰濃的醬汁纏著每一束粗麵, 同時粗麵煮得剛好, 爽而不糊. 雖然吃到嘴上黏黏的, 吃這些就是要這種感覺!不得一提如果喜歡吃蜆蛤的朋友, 一定要點蜆蛤炸鯪魚球. 就算你不吃蜆蛤都可以一試, 因鯪魚肉新鮮, 球又炸得圓卜卜, 不會過火. 如果你愛蜆蛤, 再配上有很蜆蛤仔的汁, 就來得更完美!

七喜開左咁多年...都唔係食過好多次...呢間分店都係第一次唔係講笑...一隔就隔左咁多年冇再黎過以前個印象就普通啦...今次感覺幾好出面同入面都坐到爆晒...好彩等左一等就有位白灼螺片 生滾豬膶粥 金針雲耳蒸田雞 白灼螺片先$50一碟...好抵食喎其實見到白灼...樣樣都想叫...樣樣都想試白灼配埋d辣椒蔥花豉油實在係絕配...簡直完美當然...都要睇d豉油如何呢度d豉油太咸...甜d就正好多如果用埋少少指天辣辣辣地...就仲爽初初以為螺片係白螺片...唔知係原隻螺頭切片成碟滿晒螺片肉...食極都食唔完...因為都要少少牙力o既幾有彈力幾堅韌...幾有趣o既不過唔似白螺片咁軟綿咁滑...唔同風味囉白灼牛肉通常都好正...下次要試埋剩係食過佢d雞粥...未試過其他料發現食雞粥有少少錯...d雞整到個粥底油左d俗左d原來個粥底咁清甜...幾有水準嫁以前d雞油破壞晒個粥...試唔真個粥底添豬膶厚切...冇問題啦...唔過熟...好嫩好好食金針雲耳蒸田雞上枱已經覺得好吸引...陣陣香味撲埋黎金針係咸左少少...但食落幾甘以為會係清蒸...竟然額外落多左d蒜蓉其實唔落清新d仲好...不過

又係星期日，完咗崇拜搵食嘅時間，落到花園街，大伙兒話想食粥，不假思索，就只有想起七喜。因為晌依區，佢啲粥都幾唔錯，不過，好老實，我自己就少幫襯，一來地方淺窄，唔好坐，二來招呼麻麻，啲嘢又唔係平。但事實上，佢又確係有幾多選擇，有成三十多款，人多叫一煲（煲仔粥）又得，一個人嚟叫一碗就梗得。平嘅鹹瘦肉粥賣$18，貴嘅有款叫十三頭原罐鮑魚雙雞粥，一碗賣成$450，唔知真係有無人叫呢？鹹瘦肉粥 $18我就真係平平哋叫咗碗鹹瘦肉粥，下吓火。粥底的確綿滑米香，不過，近乎有味白粥，因為少料到極，鹹瘦肉得嗰3、5、7條。佛山鹹肉粽 $13何解鹹肉粽前加「佛山」二字，不得而知。但隻粽無乜餡，鹹蛋黃都欠奉，五花腩都叫有肉有膏，但我食到底下只得舊肥膏，只有食緊齊糯米點甜豉油。

雲吞麵 - 麵質爽口，吞麵夠大粒，湯底普通。及底粥 - 材料不算多，粥底好像無味粥。食完好口乾，我想是味精作怪。茶餐廳式服務，環境一般，看不見地下有垃圾，尚算整潔。不用等位省去不少時間。