七喜粥麵小廚

營業中

休息中

今晚約咗好友食飯原本諗住去小店食西餐點知無walk-in 爆曬好友嚟個180度嘅提議去食粉麵好耐冇食過粉麵點咗勁多食得勁飽薑蔥黑柏葉撈麵 $54因柏葉本身都無乜味所以靠薑蔥辣椒豉油嘅功力黑柏葉新鮮爽彈面嘅硬度Q彈適中又冇乜鹼水味好喜歡面底仲有白菜仔好食蜆蚧炸鯪魚球 $56鯪魚球打得勻旬有果皮味好彈牙炸得金香唔燶蜆蚧汁亦都唔會太鹹好欣賞佢個脆炸鮮味生炒骨 $80熱辣辣酸酸甜甜好開胃排骨外脆內軟新鮮菠蘿片同三色椒都好鮮甜好好食#七喜粥麵小廚 #七喜 #香港 #太子 #美甜 #粉麵 #黑牛柏葉 #撈麵 #生炒骨 #蜆芥炸鯪魚球 #hk #hkfoodies #yummy #CHUZZZTASTYJOURNEY #princeedward #food #traditional

喺旺角花墟附近行行下街落大雨，想搵間舖頭坐低避一避，明明條街就係有好多食肆，不過唔知點解隻腳自自然就行咗入七喜。對我嚟講七喜真係由細食到大，細個屋企附近又有佢，大個返工附近又有佢。而太子呢間舖其實都幾細，坐得有啲逼唔多舒服，不過食物種類就真係非常多，總有一款吸引到我。今日叫咗一碗豬潤生腸粥同埋豉椒牛肉炒河，唔知係咪因為已經係下午茶時間，啲粥嘅配料感覺冇平時食咁鮮味，粥底都偏淡。不過豉椒牛肉炒河就發揮水準，夠份量有鑊氣，調味都好好，總體嚟講都係食得滿足，當懷下舊都好呀。

在附近經過見還有時間特意進去吃碗麵，叫了薑蔥牛肉撈麵，吃了幾口確定鹼水麵是苦的，同阿姐反映啦，阿姐答我拎返入去再煮煮佢，我嘅反應係：吓，我食過個喎，咁由佢啦，我淨係想話俾你聽啲麵係苦嘅啫。跟住阿姐叫我落醋冚咗浸苦味。我諗住食完啲牛肉就走人，轉頭阿姐走埋嚟同我講話拎返入去廚師會洗一洗佢再煮，我話唔使啦，我鍾意食麵先至叫撈麵但係呢碟真係苦嘅。呀姐示意隔籬枱都食緊雲吞麵，人哋都冇出聲即係冇問題，佢拎左碗湯俾我浸浸佢。雖然最後都幫唔到啲咩忙，我都好感謝個阿姐三次嘗試幫我。 可能我望住碟撈麵個樣太無奈。公平啲，我另外叫咗三粒鯪魚球係好食嘅。完。

朋友好鍾意這家餐廳，有鍋氣，地道口味服務感覺一般般 但是食物不錯姜蔥魚雲煲，色澤鮮艷，口感鮮美，魚肉嫩滑多汁，姜蔥的香味融入其中，讓人回味無窮涼瓜炆魚腩，涼瓜的苦味和魚肉的鮮味相互搭配，好惹味👍🏻 腐乳支竹，少少香辣，腐竹軟嫩，腐乳的香味和辣椒的辣味相互融合，讓人食欲大增🙌🏻瑤柱蛋白煎蠔仔餅，外酥里嫩，鮮香美味😋星洲炒米，米粉根根分明，蝦仁、叉燒等配料的香味融入一起👍🏻鹹檸七，檸檬的酸味和七喜的甜味相互搭配口感清爽🤩

牛腩知道要時間炆到腍，放工已入夜多時，應該都炆都夠晒火候，叫碗牛腩河，來到碗湯底非常油，牛腩就平面方角，好似隻麻雀完全咬唔入，結果要去七仔再買叮叮飯盒食，好失望！

我們對這次的用餐體驗感到非常失望。我們不僅發現食物的味道不佳，而且服務態度也極差，更讓我們感到無法接受的是他們對待小朋友的無禮貌行為。首先，讓我們談談食物的味道。我們點了幾道菜，但每一道菜的味道都讓我們感到失望。菜肴的味道平淡無奇，沒有任何特色或新鮮感。我們感到非常失望，因為我們對這家餐廳的期望很高。除了食物的問題，服務態度更令人無法容忍。服務人員的態度冷漠且無禮，他們對待我們和其他顧客時毫不友善。但最糟糕的是，他們對待小朋友的態度。他們對小朋友呼喝、無禮貌，這種行為讓我們感到震驚和憤怒。作為家長，我們不能容忍這樣對待孩子的行為，這種缺乏尊重和禮貌的態度絕對是不可接受的。在這樣的情況下，我們決定永遠不再光顧這家餐廳。我們不願意再經歷這樣的糟糕體驗，也不願意支持這種對待顧客和小朋友的無禮行為。此外，我們將向我們的朋友和認識的人極力宣傳此餐廳的惡行。我們希望其他人能夠避免這樣的糟糕經歷，並選擇支持那些真正重視顧客福祉和提供優質服務的餐廳。在我們的觀察和經歷之下，這家餐廳在味道、態度和對待小朋友的態度方面表現得極其差勁。我們對這次的用餐體驗感到非常失望，並希望這篇評論能夠引起人們對於顧客服務

第一次去七喜，大約廿年前，就係呢間太子店，一食就愛上，幾乎去親花墟就會嚟食。其他分店都有食過，呢間最就腳。佢嘅炸鯪魚球係必食，只係人少我改食伊麵，係呀，呢度係少有供應伊麵嘅食店，同埋玻璃樽可樂都係呢度有，要強調玻璃樽呀，個人覺得味道好多㗎!今次早啲食晚餐，咁啱有卡位就坐啦，叫咗碗雲吞伊，一碟通菜同玻璃樽可樂。雲吞有5粒，皮薄又熟透(有比較就知呢度好)，蝦又爽彈，豬肉份量又啱啱好。未嚟前諗緊油菜叫通菜，佢會跟咩油，哈，原來跟腐孔上，又啱喎!]

七喜呢間小店，已經去咗十幾廿年。由最初北角放飯食晏，到而家兩小口子去完彌撒打咭，不經不覺由少女變大媽。今次專登由窩打老道行出太子，就想起呢間小店。專登就去打咭。兩小口叫咗沙爹牛炒麵、魚香茄子飯同炸鯪魚球。 初初諗住鯪魚球成六粒咁多，應該都食唔晒。點知三扒兩撥，已食淨一粒。鯪魚球炸得香口又唔酲，配埋蜆介醬真係絕配。沙爹牛炒麵，竟然係新鮮波蘿！麵炒得乾身脆口但又唔會過硬。魚香茄子算交足功課，夠晒鑊氣。另外，外賣楊州炒飯，腐乳通菜，炸大片雲吞同干炒牛河返歸餵飽兩位小主。干牛河乾身唔太油又有鑊氣。楊州炒飯，蝦大大隻，炒熟都好似一蚊銀咁大隻。最欣賞嘅係連炒飯嘅蝦都有挑腸。大片雲吞皮就略嫌梘水味好重而腐乳通菜返到屋企都無變黑，腐乳醬調較得剛剛好。總括嚟講，樣樣都係水準之作，味精算有少少但可接受！

太子花園街向來都係美食重鎮，能夠喺呢條街站穩陣腳一定係有一定實力。老牌粥粉麵店 — 七喜 既#腰潤粥 $42 絕對係有水準既出品。厚切豬腰豬潤，口感爽脆。粥底香濃綿密。加埋鹹肉糭就夠晒飽，餡料有蛋黃和咸豬肉，再配上秘製豉油，味道很夾。

很好吃! 很好吃!  很好吃!  蜆介炸鯪魚球. 必點必食之選!行過路過, 怎能錯過, 坐低食即炸熱辣辣, 真材實料炸魚球.京都炸醬麵, 也惹味!醬汁恰到好處.太子店:  七喜粥麵小廚

七喜粥麵小廚 🍜📍 太子花園街224號地下❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙話說小編細細個既時候，已經覺得呢間粉麵店既野食好好食🤤，估唔到今日經過，間鋪都仲係度。老字號果然係唔同d 😎, 咁多年都咁多人去幫襯🤓，如果未食過既朋友仔，真係要試下啦，非一般嘅粉麵店🤭🥢。🌟響螺片湯麵 $66由於未食過呢個麵，一於試吓先😍，果然響螺肉好大片，有彈牙既口感，湯底都帶有一陣響螺味，必試👍🏻🌟薑蔥黑柏葉撈麵 $52黑柏葉既份量都算係好多啦🤓，撈埋一齊食， 再落少少辣椒油，有一番風味🙈👍🏻。🌟爽滑鮮鯇魚皮 $56新鮮魚皮真係唔係間間都食得到🤤，估唔到呢間都有囉🤭，入口好彈牙，鮮味滿滿😍。整體推介指數：❤️❤️❤️❤️🤍❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙

Wait time: got there 9pm on a weekday. Thankfully only one table was empty which I got to eat there.Environment: Venue is alright. Local style noodles shop/cafe. Food: I was starving so I ordered the spicy shredded pork lo-mein, Choi sum, stir fried beef ribs with potatoes in black pepper sauce, and 2 bowls of rice. The lo-mein was okay, but portion very very small, the pork had almost no fat LOLz. The beef ribs dish was nicely cooked with some “wok-hay” , the sauce was amazing too. Good to eat

上網搵開粥店見到呢間排名第二就黎試一試佢，位置唔算附地鐵站但都好易搵。見佢呢間鋪唔淨係賣粥，仲有雲吞麵/飯都有。北菇滑雞粥 $48-雞同冬菇醃到好夠味，就好似將北菇滑雞飯嘅雞送落粥到咁👍🏻👍🏻👍🏻而粥底煲得綿滑。皮蛋魚片粥 $41-魚片新鮮夠滑，皮蛋唔會太腍太爛有咬口。👍🏻蜆介炸鯪魚球 $47-新鮮炸起熱辣辣,食落肉質好彈牙👍🏻少少魚腥味都無👍🏻但個蜆介醬超鹹。😫😫連我唔係好食鯪魚嘅都覺得好食

細個喺石硤尾附近讀小學，放學通常都跟屋企人去七喜食碗雲吞麵一個星期起碼食幾日啊長大後搬走咗，機緣巧合底下今日經過太子，一於入去食個下午茶重溫一下以前嘅味道。裝修同埋嗰啲雲石枱都冇變，真係同20年前一模一樣。首先叫咗一碗水餃粗麵同埋黑柏葉湯麵🍜上菜速度我諗10分鐘已經上齊左兩碗，湯底仍然係晶瑩剔透，面嘅質感仍然軟硬適中。另外叫咗小食炸雲吞同埋蜆介鯪魚球炸雲吞出面個皮好脆，入面果然係鮮蝦仲要好大隻，值得推介。不過兩個小食食完就有啲口乾。

醬爆鴕鳥肉$96胡椒豬肚湯好味指數：😋😋😋😋抵食指數：💲💲💲💲💲環境舒適：😌😌環境衛生：🧹🧹服務質素：💁🏼‍♀️💁🏼‍♀️推介原因：小時候經常跟爸爸媽媽去七喜粥麵小廚。因為他們很喜歡七喜的粥品及豬手。前幾天，跟爸爸經過太子分店，又再試試。雖然食物價錢感覺貴，但量真的很多。2個人根本吃不完。那碟醬爆鴕鳥肉大得如酒席的量。至於胡椒豬肚湯，就有一大個湯碗裝，應該可以分6碗左右吧。鴕鳥肉即叫即炒，鑊氣十足。胡椒豬肚湯好足料。總括是抵的，但最好有4-6人才比較適合點小菜。1-2人還是簡單點，吃點粥麵就好了。