七月餐室 (已結業)

假日夜晚行過九龍灣工廠區，好多餐廳都冇開，選擇唔多，見有一間個樣幾新淨既有開，就入去試試🤨餐廳地方算大，坐位都闊落。晚餐食物選擇唔多，主要係小菜，飯麵同馬來咖哩。我地叫左一個麻辣水煮牛肉同豬頸肉炒麵，野飲就紅豆冰同雜果賓治🤔主菜黎之前先黎兩碗例湯，雖然個湯係送既，但都好足料，唔馬虎😋麻辣水煮牛肉配有兩碗白飯，估唔到呢度唔係專食四川野/麻辣野，整出黎又幾好味喎。麻辣味個辣度岩岩好，唔會話好辣好難入口，而且食落好開胃，用黎餸白飯一流。牛肉亦煮得好淋好入味，整體黎講甚至拍得住d專門店👏豬頸肉炒麵都有正常水準，d肉都炒得好有鑊氣，炒麵麵質都算彈牙有口感，即使只係用豉油炒都一樣好食😛所以唔好以為工廠區會冇野好食，呢間餐廳既食物絕對係誠意之作😍

之前係九龍灣返工見到又有間新開嘅餐廳 — 七月餐室，聽講呢度有爆漿阿華田西多士，當然要試下！餐廳裝修以綠色同木色系為主，好乾淨企理同光猛，整體感覺好舒服。馬卡里牛肉飯（$70）七月其中一個招牌係馬來咖哩，呢度嘅咖哩款式好多，有馬來式、瑪莎拉、馬卡里，今次食左馬卡里，姐係印度式奶油咖哩牛肉，落左香料蕃茄，好濃嘅香料味，送飯一流！牛肉用左牛腩，份量都好多！日式讚岐冷烏冬配雞扒（$58）有沙律、兩塊日式甜雞扒配紫菜烏冬，另外有一碗鰹魚汁，口味清爽，好岩夏天食。七月漏奶華（$38）另一個招牌就係邪惡爆漿阿華田西多，超厚花生醬西多士面頭鋪滿阿華田粉，一切開就會爆奶，口味唔會太甜，一個人食曬都唔太膩！飲品就叫左啡豆同茶豆，紅豆幾綿密，配上香濃奶茶同咖啡，非常特別！好難得係茶餐廳有甘印度口味嘅咖哩，下次要再黎試Masala！而家新張期內，外賣仲要有8折至98折，好值得試！

呢日同屋企人去左九龍灣呢間茶餐廳食lunch，餐廳都幾大間，坐得好舒服。打開餐牌，見到啲嘢食好抵食，而且選擇有多。我地一人點左一個餐，分別係泰皇咕嚕肉飯同埋時菜海鮮炒河粉，啲野食份量好夠，勁抵食！咕嚕肉飯方面，啲醬汁酸酸甜甜，好開胃。肉既口感幾結實，仲有菠蘿、三色椒等配菜，好足料。炒河粉係濕炒，入面有好多唔同既海鮮，包括有蝦、魷魚、蜆等等，仲有大大棵既菜，夠哂健康。飲品方面，點左紅豆冰同埋雜果賓治，最後再叫多杯熱奶茶。

以前來九龍灣開飯大部分時間都係食茶餐廳, 今日都唔例外, 食店經過一輪禁晚上堂食後, 很多餐廳都關門大吉了, 所謂一雞死一雞鳴, 今日嚟到呢個食開既舖位, 已經變咗另一間新開嘅餐室,  以英文提名.......JULY CUISINE。新開關係, 入到餐廳非常光猛, 顏色配搭都好醒神。大路餐廳食品, 亦加入了大排檔小炒元素, 晚市套餐大部分都係數十元, 己包例湯、小菜及白飯,  飲品半價優惠。**例湯 - 有湯渣送, 好鐘意, 呢個例湯頗有誠意, 夠火候, 有紅蘿蔔及節瓜嘅清甜, 亦有豬骨的肉香, 最好係唔喊唔係味精湯, 飲完都唔冇口乾, 呢個例湯一定要飲, 咁前最好先撇走湯面嘅油。**七月小炒皇 ($72) 包例湯及白飯鑊氣十足的小炒王, 大大碟, 材料非常豐富, 很抵食的晚餐, 用上正宗大排檔小炒王食材, 有嚼口的魷魚鬚、鮮味蝦乾、爽脆韭菜花、走過油的香脆銀魚乾、脆口炸腰果及大大隻爽口蝦仁, 當然還有爆炒提香的薑片及蒜蓉, 係咪淨係睇啲材料都已經非常想食呢? 七月的小炒皇夠鑊氣, 炒得鹹香惹味, 送飯送啤酒皆一流**麻辣水煮魚 ($78)定一個套餐, 魚件走過油, 肉質較結實, 魚

Before i meet up with my client, I planned to have brunch first as I was feeling slightly hungry. I walked past this cha chan teng and was attracted by their newly decor. July cuisine was located at Wang Hoi Road, several minutes walk from Kowloon Bay MTR.For their breakfast, their menu offered several options for us to choose from, ranging from noodles, steak, sandwich and thick toast etc.Coffee with red bean  - The chef was generous with the serving, served in a tall plastic cup. Red bean was

🍤韭黃蝦仁炒蛋好味指數：👍🏻👍🏻👍🏻👍🏻👍🏻 佢嘅蝦仁非常彈牙而且新鮮，雞蛋亦都好嫩滑同時充滿咗蝦仁嘅香氣。店家亦都落咗好多九黃，鍾意食韭黃嘅朋友仔一定要試吓。🥦蒜蓉炒時蔬好味指數：👍🏻👍🏻👍🏻👍🏻👍🏻 佢有三種蔬菜可以選擇，小編就比較鍾意食西蘭花，所以就揀咗佢啦。呢間鋪真係非常細心，佢嘅西蘭花每一粒都切到一口嘅大細，唔會好似其他店舖咁，切到太大舊，都唔知點咬好。而且佢炒嘅菜唔會太油，識落都會健康好多，但係蒜蓉嘅味道仍然好足。🦑椒鹽鮮魷好味指數：👍🏻👍🏻👍🏻👍🏻佢嘅魷魚非常新鮮，咬落爽口，唔會太硬。而且魷魚嘅外皮都炸得好脆，面頭加咗椒鹽粉，沾上喼汁，整體嘅味道配合得好好。🥣是日餐湯好味指數：👍🏻👍🏻👍🏻👍🏻👍🏻今日嘅餐湯就係雪耳牛肉紅蘿蔔湯，佢嘅湯係非常之濃郁，每一碗湯都有好多料喺入邊，絕對睇得出佢哋係真材實料。🍹熱鴛鴦及雜果賓治好味指數：👍🏻👍🏻👍🏻👍🏻佢嘅鴛鴦比較重咖啡味，但都會有奶茶嘅香氣。而雜果賓治嘅外型好靚，好少會喺餐室飲到咁靚嘅飲品，味道都唔錯，夏天飲就好爽啦。🪑環境環境闊落舒適，適合一至六人入座。以下係餐牌俾大家參考一下：

今日揸車經過九龍灣，泊低咗架車之後行多左兩步就見到一間新開嘅餐廳，咁就兩條友入去試吓新嘢😆打開個Menu見到都係啲家常便飯嘢，選擇困難症起上嚟問吓啲員工有咩推介😎咁佢就推介左我哋食咖喱，話係正宗馬來西亞人煮嘅😋另外再嗌咗個小炒王同咕嚕肉。呢個咖喱牛腩唔係好辣同好重椰香味，馬來西亞咖喱就被印度咖喱小咁幾分香料味，多咁幾分椰香味，最啱啲唔係咁鍾意重口味嘅人😁😁小炒王就好足料啦，聞起嚟好香，不過味道偏濃，我個人就鍾意淡口味小小☺️咕嚕肉就酸甜度適中，配料夠足，最重要係冇骨嘅，啱晒我啲懶人食🤪而且佢仲有送青紅蘿蔔湯，呢啲天口，飲番個老火湯，滾紅滾綠都幾唔錯😂最後嗌咗個紅豆冰同奶茶紅豆冰，啲紅豆都幾香甜，不過我唔記得咗走甜，甜咗少少，如果走埋甜，就一百分啦七月餐室九龍灣宏開道19號健力工業大廈地下2B號舖