三代目 (港運城)

營業中

休息中

環境清幽嘅日式居酒屋，仲有sake放題！豚肉醬油魚介拌面🌟🌟 🌟🌟🌟好少見既拌拉麵🍜通常魚介湯底拉麵味道會好重口味，呢款相對幾清淡，拉麵煮得岩岩好撈起，入口暖暖哋，好滑。配菜包括竹筍、櫻花蝦、蔥、海苔、蛋同叉燒，撈埋一齊食，推薦！三盛燒肉丼🌟🌟🌟🌟因為每種肉都想試下，呢款有曬雞肉、牛舌、燒肉既三盛丼就啱哂我！我最鍾意既係牛舌，燒過脆脆地，入口幾有韌性，醬汁撈飯好惹味，份量唔算多。味增甲羅燒🌟🌟🌟🌟用味增醃漬過既蟹肉、蟹子同蟹膏，配上一顆鵪鶉蛋，賣相好靚！用海苔包住白飯，淋上一茶匙嘅蟹子，口感鮮甜，味增味道非常突出。松露紋甲墨魚🌟🌟🌟🌟🌟好特別既冷盤，松露油浸墨魚，淡淡既酸味加上松露香，非常開胃，係一道精緻美味既餐前小點。

朋友住係北角，我們相約在港運城的三代目相聚。鋪頭位於地下當眼位置，部份座位更面向英皇道落地玻璃，景觀開揚😁我當日係被安排坐卡位，坐落都寬敞舒適，部份位置則為吧枱位，外加師傅表演😎除左一般日本菜式外，呢到仲有清酒放題，飲返幾杯，叫小小串燒食，都係1個選擇。豚肉丼 (細)絕對有驚喜，豚肉為炙燒過才熱身上枱，配上沙律醬及紫菜粉，飽肚唔少得😌味噌甲羅燒膏，紫菜，蟹籽及飯 DIY，有得食有得玩，4樣食材加埋一齊，美味しい♥️鰻魚雙霸其實即係野生鰻魚及人工鰻魚串燒雖說野生為天然，但是野生其實味道偏淡及較多細骨，反而人工鰻味濃肉厚，真係食慣左人工養殖返唔到轉頭🙈 海之天婦羅食材包括蝦，鯛魚，黑松露帶子，墨魚，紫蘇葉，天婦羅粉份量剛好，香脆有咬口之餘，更唔會有好油膩的感覺及保留左各種海鮮的鮮味。海佬。膽海膽對板鮮甜，天婦羅蝦肉身嫩滑雖叫一口壽司，但係其實份量可以2人食，分甘同味更好味🤓宇治抹茶慕斯蛋糕好久也沒吃過咁香濃的cake，口感和味道同酒店cake相比有過之而不及，甜品係必選！！！總結：平日都8成滿是有原因的，價錢中上，但環境及味道符合，疫情後鬆鬆傾計飯聚Good choice👍

燒油甘魚魚鮫是一向都係一道讓人食指大動的居酒屋美食。魚鮫肉汁豐富，肉質鮮嫩，油脂分布均勻，肥美多汁，入口即化，讓人難以抗拒。燒烤過程，令魚鮫表皮呈現出微微的焦香，所以外表係脆卜卜，增加了風味層次。另外，魚鮫脂肪含量高，而且富含營養，是一道美味又健康的選擇。三代目，這碗燒肉丼飯是口感豐富，而且非常飽足的美食。切丁的煙燻雞肉、切片的五花肉和燒牛舌肉汁豐富、肉質嫩滑、肥美多汁，每一口都讓人垂涎欲滴。配以日本珍珠米，口感香口，配上烤肉的鮮美醬汁。肉香四溢，讓人難以抗拒。照燒魷魚筒魷魚肉新鮮、爽口、豐滿，入口充滿魷魚香，肥美的口感讓人滿足。照燒醬汁香噴噴，增添了層次感。整個料理的呈現方式非常精美，讓人一見鍾情。不僅味道出色，視覺效果也非常迷人。總體而言，這道照燒魷魚筒絕對是一道值得一試的佳餚墨魚肉天婦羅墨魚肉新鮮、肥美，經過天婦羅的油炸後，香口，外酥內嫩，讓人愛不釋手。配上滾熱的天婦羅汁，味道層次更加豐富，而且還有天婦羅炸麵條作為配菜小吃，讓整道料理更加完美。Suntory Mix 啤酒是一款非常特別的啤酒。這款啤酒是由Suntory麥啤和黑啤混合而成，味道非常獨特。入口時，先是麥啤的香氣和清爽

餐廳簡約清新嘅設計，令人感到Chill🥰紫蘇燒豚梅肉拉麵燒豚肉用上梅頭肉，不算大件，勝在鮮嫩多汁，口感十分豐富，麵條也相當有嚼勁，口感唔錯。鮮海膽褐色嘅海膽看起來很新鮮，入口Juicy，有奶油感。海之天婦羅有蝦、鯛魚、墨魚和帶子，每種食材都炸得酥脆，好新鮮！咬落去滿滿嘅鮮味。炸紫蘇勁香口，帶有清新草本香氣，同時也有一點點薄荷味，非常獨特。彩虹凱撒沙律係我個人很喜歡嘅一道菜，色彩繽紛漂亮，羅馬生菜非常Fresh，入口新鮮多汁，搭配上芒果、柚子和粟米粒，好開胃，讓人忍唔住一啖接一啖。

餐廳木質嘅裝潢，清新雅緻，有日本嘅傳統氛圍🙌🏻晚上仲有清酒放題時段，可以同朋友把酒言歡！辛燒豚梅肉拉麵拉麵口感辣味十足，麵條煮得恰到好處，有嚼勁，日式豚肉很嫩滑，肉質柔軟，油脂含量較低，入口唔會感到油膩，總括整個拉麵都頗出色。味噌甲羅燒用蟹殼裝住蟹籽、蟹肉、蟹膏、鵪鶉蛋，呢道菜膽固醇偏高😅但係偶爾一次半次都應該OK嘅！即叫即烤，味噌香氣與蟹肉蟹籽完美混合，令人難以抗拒。燒喜之次、燒油甘魚鮫燒烤後，表面烤得金黃酥脆，喜之次魚肉比較實淨，富海水味，好鮮！油甘魚鮫肉質較鮮嫩多汁！各有千秋🙌🏻

同朋友經過北角，試左呢間餐廳：🟠味噌甲羅燒 $98甲羅燒除左有蟹膏香味，仲配上蟹肉同蟹子，撈埋紫菜同白飯一齊食唔錯！.🟡炸芝士培根魚腐卷 $68熱辣辣配上芝士一齊食，好多芝士，有拉絲效果.🟣海之天婦羅$118天婦羅材料豐富，有蝦，鯛魚，黑松露帶子，墨魚、紫蘇葉！炸粉唔會太厚，海鮮肉質結實彈牙。.🟢辛燒豚梅肉拉麵 $98鍾意食辣嘅朋友可以叫大辣，梅肉幾肥美.🔵鹽燒牛舌丼 $98牛舌份量都幾多，夠晒飽肚！

今日同朋友黎到位於北角嘅「三代目」，呢間居酒屋除咗有氣氛之外，佢哋嘅燒物、手卷亦係相當有口碑，好適合三五知己去摸住酒杯傾偈。🦀味噌甲羅燒 $98味噌甲羅燒烤得剛剛好，蟹膏上面加咗些少蟹肉同蟹籽，加隻鵪鶉蛋撈埋一齊食，鹹甜適中、鮮味濃郁，超級好味😋😍撈埋白飯同紫菜，簡直係Perfect match！🐟粉嫩吞拿魚 $58咁粉嫩嘅紅色，見到都好心動魚油脂十足而不膩，紋理細緻，甘香十足，用紫菜包住同飯食一齊非常一流。🐟燒油金魚餃 $108燒到油脂香出晒嚟魚肉細緻，嫩又甘甜真係入口甘香，油份充足。滑嫩得黎滿滿既膠質。真係配酒非常適合！🐟燒白鳝串 $68外層燒到脆卜卜，入面一樣保留肉汁，啖啖肉好Juicy🐙紫菜墨魚天婦羅 $68係紫菜片同烤墨魚上涂上天婦羅麵漿油炸，口感鬆脆，香脆可口。

北角有間幾高質嘅日式居酒屋🏮座位幾闊落環境幾舒適而且食物高質幾多選擇🤓鮮海膽 $68軍艦蠔（附他他醬）$48打開餐牌 即刻被一口壽司飯吸引🍣點可以唔叫😆最小每人整反一件啦🤣大大塊嘅鮮海膽 幾鮮甜😙軍艦蠔炸得金黃香脆大滿足😚_燒雞肉京蔥 $38燒一口牛 $38黎到居酒屋 點可以唔叫返兩串串燒串燒燒得好香😙_粟米天婦羅 $48有驚喜！其實我好似第一次食粟米天婦羅🌽原來好正！粟米切成一片片 炸左佢 點埋天婦羅汁食 好夾 食完一舊又一舊😋_芝士牛丼（細）$52有驚喜嘅唔止粟米天娜羅！芝士牛丼都好好味！薄切肥牛上面鋪滿厚厚芝士芝士係可以拉！絲！架肥牛加芝士加飯 一齊放入口 好好味！飯嘅份量係細嘅 岩哂細食嘅女仔 可以試多幾樣野😋_另外重食左幾款野😋薯仔沙律 $42黑松露帶子天婦羅 $82佃煮小女子核桃 $38

彩虹凱撒沙律，呢個沙律非常新鮮，啲蔬菜好清爽，有唔同食物配搭，有南瓜、粟米，唔同嘅沙律菜，無咁單調！宮崎辛稻庭烏冬，烏冬麵條筋道有彈性，而啲湯汁又好濃郁，亦都唔會太辣，只係BB辣程度紫蘇燒豚梅肉拉麵，拉麵麵條好彈牙，而啲豚肉又好嫩，好滑口感好好，同埋紫蘇梅嘅味道好特別和風燒茄子，茄子好香好滑，而啲醬汁又惹味，真係好開胃！和風炸雞，啲雞肉好嫩好多汁，而啲炸粉又好香脆。照燒魷魚好鮮美，而啲照燒汁又好香甜！

之前都來過三代目，覺得性價比超高，隔一排就想來開餐。❤️🥗薯仔沙律 $42口感充滿層次，薯蓉香滑軟綿綿，讓人胃口大開。🍆和風燒茄 $68燒茄子配上和風醬油清清地又低卡，上面還有木魚花，做前菜頭盤就岩唒。🥢 原排海膽配壽司飯 $288成晚嘅焦點🤤原板海膽送上，口感細滑creamy，入口即溶，鮮味澎湃，配埋紫菜同白飯一齊食，味道非常豐富。🦪吉列牡蠣$72充滿日式風味的吉列蠔肉，皮脆裡面Creamy，夠甜而且唔膩。點埋沙律醬食，超正。🍢牛之拼盤(牛舌,一口牛,牛肉蘆筍) $108串燒即叫即燒，燒得岩岩好。牛舌厚身有咬口、一口牛肉質軟腍夠juicy 。牛肉蘆筍以薄薄嘅牛肉包住蘆筍，外軟內脆，保留蘆筍脆嫩的口感。😍

工作關係無得去旅行唯有喺香港頂住癮先😅最近迷上日本菜，今次搵到一間喺港運城嘅三代目見佢樓底高 坐得舒服寬敞睇個menu樣樣都想食點算好😂咁先叫3款小食做前菜先啦自家製餃子-粒粒爆滿照燒魷魚筒-燒完再加燒汁香噴噴燒牛肉露筍-牛肉鮮嫩多汁加露筍減少油膩感見到鮮海膽一口壽司海膽超鮮甜 我本身最怕食到唔新鮮一口腥😍蒲燒鰻魚飯-呢個要讚下，饅魚超肥美，燒得香脆好味😝連啲飯都浸入饅魚香芝士牛肉飯-芝士控嘅你唔好放過細細碗，啱晒細食嘅你呀

<三代目> 📍鰂魚涌🔹薄切切叉燒夠膽死收一舊水🔹味千拉麵集團旗下鍋燒豚肩叉燒豬骨稻庭烏冬 ($108) — 鍋物有個爐興住望落有誠意，齋睇外表其實OK。湯頭飲落似味精豬骨湯，稻庭烏冬正常發揮，配料有竹筍、糖心蛋，而叉燒得一塊！！！一塊！！！仲要係薄切切，好似食左陣風落肚 🌬️ 唔怪得跟餐會送幾舊卷物，應該係驚啲客食唔飽可以包底。依稀記得2021年11月黎幫襯質素都幾好 🤔 唔明點解渣左咁多。午市做到揸流攤咁，咁冇誠意唔好做啦。2點食完晏4點又肚餓 😓 嬲嬲地睇下呢間野個Background，點知真係比我食得出係《味千集團》旗下。本身對過江龍有啲期望，而同集團我試過金色不如帰、牡蠣不如帰，都係失望而回 😔😔😔 最記得果件牡蠣一口飯，陣雪味時至今日都仲記得 🤢。

日式餐廳主打拉麵日式丼，午市套餐都係百零蚊一個，上次食過拉麵一般，今日試下丼飯，套餐包左一個飯，沙律，湯，蒸蛋再加一杯嘢飲。🍴吉列豚扒拼廣島蠔定食 $128 另收加一 (7.5/10)份量好足好豐富，吉列豬扒唔係一塊切開，係一舊舊，有四舊，廣島蠔有三隻。豬扒炸得香脆唔乾身，係日式炸法，炸粉偏厚身，肉質彈牙有油脂，食落唔油膩，幾唔錯。蠔炸粉幾厚，蠔肉比較細粒就但食落一啲唔腥，有蠔味。飯係珍珠米，煙韌有口感，唔會太濕，沙律正常用左袖子醋，湯有麵豉味，幾香唔鹹，有海帶同豆腐，蒸蛋有鰹魚湯嘅香，口感幾滑，可惜冇咩料，得舊細粉乾雞肉。冷泡焙茶正常幾香茶味嘅！推薦指數: 7/10丼飯好食過拉麵，128加一要成$141，比較偏貴，不過份量好足，勁飽肚，味道ok，間中可一試。

豚肉醬油魚介拌麵外賣落左12點取 我11:40去到 已經放左係門口 等極無人接待 摸落已經凍晒 註明走配料 一樣都做唔到 豚肉冇味又乾柴 筍同紫菜切得粗糙 口感又鞋又韌 醬汁少 只有魚粉死鹹的味道

一直以來坐車經過，見到環境唔錯，都想試吓呢間過江龍，星期六晚到北角三代目開餐，約七點鐘到，兩個人食飯，唔駛排隊可直入，目測約坐七到八成，前後逗留約一個鐘，都keep住有人入嚟食，估計生意算OK，但又未至於好多人果種，唔會有壓迫感，算幾舒服。食物方面，點左海膽天婦羅，味增甲羅燒share，主食有紫蘇拉麵同三盛燒肉丼。海膽天婦羅算普通，可能海膽份量相對小，基本上食吾到鮮味，價錢吾貴不過有種吾上吾落感覺。味增甲羅燒味道出乎意料地好，蟹羔加上蟹肉，蛋混和，配紫菜同日本米，非常好食。紫蘇拉麵算OK，冇驚喜亦冇失望，麵上枱時溫度亦唔係好熱（可接受但冇果種出晒煙熱騰騰嘅feel，湯頭算好，不過未至於令你感覺到用十幾個鐘煲果種濃厚，味道亦較符合香港人口味，偏淡少少，麵亦冇乜特別，唯獨豚肉份量大但肥肉較多，扣小小分，整體可接受，價錢收98亦算可以。三盛燒肉丼好食嘅，但論賣相可以夠投訴料商品說明條例，相同現實落差唔細，不過味道可以，份量亦ok，老婆特別欣賞塊鷄肉，望上去吾起眼但味道好好。總體而言呢間餐廳係ok嘅，環境好，食物ok, 定位係casual 食餐便飯，價錢吾太貴，你吾會投訴不過又唔會特別深印象，