三代目 (愉景新城)

營業中

休息中

今晚放工同朋友去荃灣食野，大家又想坐得舒服啲，愉景新城比較多選擇，所以就去左。見到三代目平日晚上時間都幾多人食，一定唔係伏，但又因為餐廳好大，所以有位。三代目鋪面都好靚又舒服，大家就好快決定食呢間。發現性價比都好高，食物質素唔錯，重點想提係服務態度好好，令人好舒服。食物方面，鹽麴枝豆 $32居酒居必叫，新鮮好有豆味，鹽麴味比較少見，特別！ 燒鳳梨牛柳串$38、燒一口牛$45居酒屋🏮一定要食燒牛，鳳梨中和左油膩感，值得一試，兩款牛串唔會韌，好香牛味！大蜆味噌煮$82啲蜆真係好大，味噌唔會太咸，調味做得好好！大蜆都好新鮮！海之天婦羅$118天婦羅外層好香脆，唔會太厚，即叫即整，夾落去已經知道好食。我地鐘意炸蝦同帶子，夠大隻又新鮮！帶子有黑松露，超香！另外魷魚、魚都唔錯，我自己最鐘意呢款！最後我地兩個都叫左熱沖繩黑糖珍珠牛乳烏龍（$36），好好飲，係幸福嘅味道，我見佢鋪面中間好飲可以叫飲品外賣，下次行過可以買！食完真係好幸福！🏮🏮

同家姐慶祝生日，搵間啱食既餐廳真係唔容易😮‍💨要多選擇又可以多蔬菜少肉既地方真係好難搵🤦🏻‍♀️睇到呢間佢又ok既就入去試下。都係我鍾意既QR code落單👍😁彩虹凱撒沙律嘩，呢個真係不得了，沙律黎講佢真係好多材料係裏面😂有溫泉蛋、秋葵、櫻桃蘿蔔、粟米、南瓜、三色椒、橙仔肉，超級豐富🫨最利害既係佢個半塊粟米切得剛好，你以為佢好難分開啦，點知用餐具好易就分開左啦😮，真係值得一讚👏火焰雞個雞好嫩，提議大家食件雞時真係要夾埋d青瓜同芫茜一齊食。雞上面灑了調味粉，同芫茜一齊食就可以解左個濃度但同時又食到個種香味😁蒲燒鰻魚飯要係香港食高質鰻魚唔係咁容易，盡管味道ok，但好多時都會燒到偏乾或者係鰻魚太薄身。呢度既鰻魚又竟然唔錯喎~佢厚身之餘，仲有冇煮得太乾，食落都好juicy 下🤩南瓜甜薯天婦羅同平時係出面食既天婦羅唔同，南瓜沒有切得很薄，真材實料👍，出面炸的部份也很脆口，所以肯定是新鮮炸的🙂鮮水果茶（熱）裏面真是超多生果😮飲到咁上下仲可以畢d生果出黎食，正香蕉紅蘿蔔奶昔沒有很甜，也沒有很假的果味，應該都係真材實料，滿滿健康感❤️

📍三代目(荃灣)荃灣愉景新城1樓1064-1065號舖今晚同屋企人行愉景新城，正當諗緊要食咩就行到黎呢間日本料理，大家二話不說就入去坐低叫嘢食，款式多，價錢親民😋😋👉彩虹凱撒沙律 💰$68😋😋😋😋.5/5沙律菜新鮮爽甜，有彩椒、粟米、南瓜同溫泉蛋。將溫泉蛋吉穿，蛋汁沾滿沙律菜，味道更佳👉和風燒茄 💰$68😋😋😋😋.5/5茄子面層鋪上滿滿黃金蒜，搽埋特調醬汁燒到茄子香噴噴，入口即溶嘅感覺👉辛燒豚梅肉拉麵 💰$98😋😋😋😋.5/5兩大塊豚肉，肥肉偏多，食落一啲都唔油膩，拉麵麵質適中，湯底最為吸引，香濃豬骨湯加上辛辣味道，更加惹味😋😋👉三盛燒肉丼 💰$108😋😋😋😋.5/5煙燻雞、五花肉、牛舌，全部都整得好林好入味，白飯吸哂肉汁同醬汁嘅精華，特別好味，每啖都好有咬口，食唔停

最近返工都好忙，放工就想食啲餐好啲既獎勵下自己，於是捉左我親愛的男友大人陪我去食佢之前想去食既三代目去到可能平日+比較夜，唔洗等位直接有得坐，係出面商場既籃球場有啲吵咁解。一口壽司飯（鮮海膽）我覺得要改名叫兩口先啱因為份量足料，一啖咁啪晒就冇咁好細細品嘗到食物啊個海膽夠鮮甜，同埋啲紫菜好脆，配少少芥末同醬油一齊食好搭味噌甲羅燒原本我以為只係得個蟹殼👻點知原來係有埋紫菜同飯跟，將甲羅燒拌勻後拎紫菜加啲飯一齊食，蟹膏同蟹籽連蟹肉既味道好香，必食之選汁燒五花豚丼男友讚話個五花肉燒得啱啱好，有少少焦得黎又唔係乾，味道剛好，連埋蔥一齊食好送飯肥牛配蘆筍口味清新，一口牛有驚喜，牛舌好好味，冇筋一咬就斷總括黎講食物同食材質素唔錯，環境都坐落幾舒服，可以之後再encore😆

前幾日去咗荃灣《三代目》日本料理食lunch，選擇咗散叫。首先揀咗大蜆味噌煮$78。一鍋蜆，大蜆都幾鮮甜。主食揀咗炙牛拉麵$98。牛肉經過炙燒，牛味香濃。拉麵麵質幼身幾好味😋湯底都唔錯～至於三盛燒肉丼$98，入面有煙燻雞、五花肉同牛舌。三款肉都燒得好入味，飯底都係有汁幾好食～抵食！串燒揀了燒牛舌$48串，牛舌薄薄爽口～～黑松露帶子天婦羅$82。帶子炸得好脆，而且佢地用咗黑松露提味，味道更加香濃～

想食日本野行過見到餐牌同價錢都幾吸引。日式裝潢同地方整潔，加分～第一時間點嘅味噌甲羅燒，會配個飯同紫菜，撈混左蟹羔蟹肉、味噌、蛋之後，放一塊紫菜、放少少上d飯，可以食到好厚重嘅蟹羔鮮味。彩虹凱撒沙律同燒油甘魚鮫都好新鮮，沙律有溫泉蛋、紅黃椒、新鮮粟米同沙律菜，好夠味同爽脆。油甘魚肉勁滑，外面燒得焦香，大件嘅，算抵食。火焰雞就偏向川味同少少花生味，勁多青瓜同芫茜，岩哂我口味，好正。至於個炙牛拉麵係新出嘅，一片片薄薄唔韌有炙燒香～整體黎講樣樣都好味，而且價錢唔貴，店員都好有禮貌，會再幫襯。

同朋友突然想食日本料理，係愉景新城閒逛之後發現一間幾吸引嘅居酒屋，地理位置方便唔難搵，發現價錢都好大眾，但好食，性價比高。豚肉醬油魚介拌麵拌麵好足料，食落好香口唔會乾，加上豐富嘅櫻花蝦令咬落去爽口有口感層次，生雞蛋撈落去更係畫龍點睛嘅效果，好睇又好食海之天婦羅 (蝦，鯛魚，黑松露帶子，墨魚，紫蘇葉)天婦羅好脆口，乾身，炸粉唔會太多，熱辣辣上枱，唔錯👍火炙帶子燒得啱啱好，火炙過特別香，帶子有鮮味，加上少許檸檬，好fresh燒雞肉京蔥燒白鱔串燒牛肉露筍燒一口牛(新)串燒賣相吸引，肉類同白鱔都好juicy,好味🤤總括食物性價比高，環境坐得舒服，店員都好有禮貌仲不忘係咁幫人加水加茶，值得推薦

呢排食開日本野，今次喺愉景新城搵到呢間睇落價錢合理又坐得舒服嘅日本餐廳食下🥹(午市定食)鍋燒豚肩叉燒豬骨稻庭烏冬配加洲卷💰HK$98加州卷味道正正常常！純粹係午市定食包埋，感覺抵食啲～烏冬份量偏多，呢個餐感覺似係食緊一人火鍋咁！鍋下面一直有火慢煮緊個烏冬，咁樣可以令啲烏冬keep住個熱度，稻庭烏冬口感彈牙！日式叉燒好普通！個湯推薦加七味粉，個湯會更惹味～飲品就叫咗熱荔枝洋甘菊果茶，唔會太甜，飲落好香荔枝味～

咁啱喺荃灣收工就直頭同同事喺度食埋嘢先走，同事介紹我黎食呢間日本菜，兩個人食咗5樣嘢，超級滿足<<薯仔沙律>>薯仔沙律係用薯蓉再加入洋蔥、紅蘿蔔、青瓜同雞蛋嚟整成，呢個組合又清新又好味<<燒喜之次>>條魚燒得啱啱好，肉質好滑，而且鮮嫩多汁，再配上醬汁，味道更突出<<海老天婦羅>>蝦炸得金黃酥脆，同時保留到鮮味同質感。外層香脆，內裡鮮嫩，係我今晚嘅最愛<<蒲燒鰻魚飯>>鰻魚燒得好食，配埋蒲燒醬汁恰到好處，飯粒粒分明，好好食<<牛之拼盤>>呢個拼盤包括3款唔同嘅串燒，包括牛舌，一口牛同埋牛肉蘆筍，味道各有特色，每一款都展示咗牛肉嘅層次同口感。牛舌爽脆，一口牛好有牛味，牛肉蘆筍感覺清新。成個拼盤都非常出色～另外值得一讚係啲員工嘅服務態度好好，而且好貼心，真係值得讚賞

荃灣D-park 日本野😍Dpark 食野都好方便因為好容易就可以free parking!今次食日本野！都有條人龍仔既三代目！兩個人就等左10分鐘後就入到坐！選擇都好多有拉麵，飯，壽司，天婦羅重點係有珍珠奶茶飲😍☺️叫左😋三盛燒肉丼（煙燻雞，五花肉，牛舌）飯量真係好大！ 啖啖肉！一次過滿足三個願望！5花豚肉軟綿綿！雞肉好滑大大粒！燒肉配飯底粒粒珍珠米！😋海之天婦羅入面有蝦，鯛魚，黑松露帶子，墨魚同紫蘇葉天婦羅重點係要炸得夠薄！唔好勁厚粉！佢就岩岩好！魚肉厚厚一片！唔會乾身！重有大大粒帶子😋抵食好味道！😋鮮海膽同軍艦蠔軍艦配成條手指長既海膽！好fresh !重有wasabi! 另一份係炸蠔，外脆卜卜入面軟林林配埋紫菜青瓜！唔會太油膩！沖繩黑糖珍珠牛乳烏龍！外賣杯上方便未飲曬都可以拎走！黑糖加埋濃厚既日本牛奶！大滿足！

很久沒有去過愉景新城，在我腦海裏的印象這商塲是好靜沒有什麽特色，但今次一行給我改觀了不少。 現在的愉景新城食肆林立，當我行過“三代目”眼球就被吸引住，舖頭門面很大，應該有3個舖位大，各式各樣的日式料理應有盡有，最特別是她們還有台式飲品供應，好Fusion😍😍同朋友坐低後，服務員就好有禮貌地送上茶水和介紹餐廳特色菜，服務態度不錯，值得一讚！👍💢 火灸牛肉拉麵🍜🍜 HK$92湯底濃郁但不會太鹹！牛肉嫩滑，麵軟硬適中！💢大蜆味噌煮 🍲🍲HK$82本身大蜆又肥又新鮮，加埋用味噌煮提升蜆的鮮甜味，十分鮮味😋😋😋💢燒喜之次🐟🐟 HK$118師父手勢非常好，燒到啱啱焦香，一點都不乾，魚肉鮮甜。雖然是一夜乾，但不會死鹹！👍👍💢串燒鷄之拼盤🐔🍢 HK$105有雞腎、雞胸軟骨 及雞肉大蔥。鷄肉大蔥，肉質鮮嫩，而且燒得好juicy。 鷄胸軟骨和鷄腎，又香又脆，佐酒好配撘 👍😋💢飲品：手作香檸雪芽 HK$30台式飲品，清新可口，茶香洋溢，水果味十足，好解渴！正到爆！😋😋😋青森蘋果汁 (小) HK$22💢和風芥末豚足骨膠原滿滿😁😁

✨牛之拼盤拼盤包括牛舌、一口牛、牛肉蘆筍非常推薦佢既牛舌，厚薄適中，而且爽口👍🏻一口牛好嫩滑好香口，牛肉蘆筍配搭好夾，蘆筍爽脆。✨大蜆味噌煮呢個大蜆會連埋火爐，令大蜆同味噌湯一直都保持熱辣辣既狀態。大蜆好肥美，粒粒都漲卜卜，包住味噌湯既湯汁好好食。✨燒喜之次開邊鹽燒魚好香口，魚肉嫩滑，配搭醬汁味道更佳，但小心會有魚骨。✨辛燒豚梅肉拉麵我比佢既湯底吸引左，唔算好辣且惹味，我最鐘意就係佢既豚梅肉，佢既肥肉係好好食，豚梅肉好淋，加埋啲湯簡直不得了！✨三盛燒肉丼呢個丼飯相當豐富，三盛包括牛舌、煙熏雞，五花肉。牛舌與串燒係一樣厚薄適中爽口，煙熏雞嫩滑入味，五花肉更係出色，油香加肥肉令人更加垂涎三尺。

-三代目 🍢舊年食三代目係初初新開係北角既時候唔係朋友介紹 都唔知道原來近近地既荃灣都有分店所以就過黎試下係咪仲keep 到個水準！經過左一年 食物款式係有啲唔同 但味道都仲係好唔錯~🍣粉嫰吞拿魚 一口壽司飯 ($58)新鮮既吞拿魚肉質粉嫰軟綿 油脂豐富 鋪上蔥花 為吞拿魚既魚鮮味增添蔥香氣~🍣火焰牛 一口壽司飯 ($58)牛肉經火炙過後迫出油脂 肉香四溢配搭醬漬山葵莖 - 散發出特有辣味同時爽脆鮮嫩口感 好味得黎又平衡番油膩感🦐海之天婦羅 ($118)包括蝦 鯛魚 黑松露帶子 墨魚 紫蘇葉個人比較中意食黑松露帶子 非常鮮甜黑松露份量係剛剛好 唔怕蓋過帶子鮮味;而其他天婦羅建議加入七味粉同天婦羅汁調味去提鮮~🐮牛肉蘆筍 ($45)食落肉香四溢又帶點爽脆口感露荀清甜多汁 牛肉味濃而不膩 燒汁都好惹味🐮牛舌 ($48)牛味濃郁 肉質柔嫰爽口 咬落有肉汁本身已有鹽同黑椒 唔洗額外既調味🍜辛辣豚梅肉拉麵 ($98)湯底辣得好惹味 雖然有D辣但都會想一口接一口咁食燒豚肉半肥瘦燒得好香口 拉麵麵質彈牙掛湯配上一隻半熟溏心蛋 岩晒近排成日落雨既天氣食🧋雪芝大紅袍 / 雪芝茉莉雪芽 （$30）全晚最有

食左三樣野個食d肉仲衰過放題d肉個芝士培根魚腐卷煙肉無煙肉味食緊牛脷酥咁杯朱古力沙冰d垃圾朱古力真係完全搞唔惦門面係吸引既但食物同價錢完全唔成正比永不再食搞唔惦

好耐未去過愉景新城，朋友約咗過嚟呢邊食飯。食咗呢間三代目，之後都覺得唔錯可以評一評佢。前菜叫咗個鹽麴枝豆（$32），呢個枝豆都幾特別，出邊啲枝豆通常都係加鹽就算。今次呢一個係加埋鹽麴，鹽麴係一個幾有益嘅食物，同時間佢令到個枝豆既風味都變得比較豐富。再配埋啤酒非常正👍味噌甲羅燒（$98），個甲羅燒係配埋白飯同埋紫菜可以一齊食。蟹蓋內放了蟹膏及蟹肉。滿滿的蟹膏，加埋白飯同紫菜食好快就清晒啲白飯😍和風炸雞（$68 ），一客入面有四球，但係份量都唔少。而且餐廳係即叫即炸，所以食個時要小心，但係啲肉汁就掃晒落去個炸雞球入邊，咬完就爆曬出嚟！即炸嘅炸雞真係非常出色嘅！最後叫咗兩個都有海膽嘅一口手卷，我自己叫啲個個就係純海膽，朋友嗰個就有個天婦羅加埋海膽。我嗰個海膽就多啲，海膽新鮮好味，我仲試埋個朋友嘅天婦羅，炸得都幾好食，配埋天婦羅都好夾。