三家村水產 (已結業)

日式海鮮濱燒食得多，平常大多數在旺區的高級居酒屋。而鯉魚門感覺上就係食中式海鮮的地方。但今次朋友仔話帶我大開眼界，深入鯉魚門，尋找隱世日式水產店。一到達目的地，海鮮櫃入面養著各種生猛海鮮，已經令人目不暇給。有傳統的新鮮海鮮貨，亦有唔少較為罕見的日本飛機貨。再行近座位，見到冇遮冇掩的全海景，實在令人十分興奮。冇諗過喺呢個地方，竟然有一間無敵海景的靚靚日式水產店。朋友仔快手揀咗幾款食物，打頭陣係我哋最愛的龍蝦。雖然呢款唔係游水龍蝦，但質素都幾高。店家處理得唔錯，肉質緊實，味道鮮甜，而且配搭的醬汁亦都幾特別。再來一客開胃刺身，朋友仔大讚，食得津津有味。浜燒海鮮，我偏愛貝殼類。店員會在我哋身旁，即席燒製。肥美飽滿的生蠔，配上店家特制的清酒醬汁，好juicy，味道亦更上一層樓。至於貴妃蚌，非常厚肉，每一啖都鮮味十足。又鮮又甜又有咬口，我同朋友仔都認為，這是我哋食過最好食的貴妃蚌。至於熟食，整體水準亦唔錯。串燒夠晒惹味。天婦羅香口得來又唔太油膩。燒魚的火候亦剛剛好。飽餐一頓，估唔到最後仲有驚喜！我地點左一客燒菠蘿作為甜品。分量十足，一客有8小件。火候亦恰到好處，表面有點焦香，咬開又會爆汁，甜甜的，

趁超級颱風山竹黎之前要食番啲好野先，因為打風就無得出街架啦💨💨💨💨💨💨💨哩間三家村日本野一直都好想黎，不過就好似有點遠，講左話要食好野架嘛，一於試試佢先，即刻打電話book定今晚黎食飯，不過一打電話，嗰侍應完全唔好態度🤨🤨🤨有一刻唔想黎食囉最後七點鐘過到黎，見到好多枱都係留座，怪唔知得啲態度咁差，唔休做？定係今晚係星期五？諗住睇下menu有咩食，點知侍應帶左我地欣賞啲海鮮，原來睇岩啲海鮮就可以直接揀黎食，不過好失望，今晚啲海鮮好多都無，原本想食日本燒蠔又無，得番法國生蠔😫😫😫😫最後底番埋位睇menu，然後嗌左嗰金槍魚丼，炒安格斯牛柳粒，燒安格斯牛肉，燒菠蘿，火🔥三點壽司，白酒煮蜆原本想嗌玉子燒，又無左😴😴😴首先個金槍魚丼飯到咗先，三塊魚，三塊魚腩加兩塊蛋，淨係望個賣相一啲都唔吸引，再食埋啲壽司飯加魚生，啲飯好難食，魚生唔係好新鮮，成為$368，唔知有無記錯然後個炒安格斯牛柳粒到咗，哩碟係好食既，牛柳粒配埋旁邊嘅芥末醬同埋炒蒜片，好好味！然後嗰火焰🔥三點壽司到左，原來係三文魚，帆立貝同埋吞拿魚腩，味道一般般既，嗰燒牛肉串啲燒汁幾好，不過嗰肉有啲un ，燒菠蘿加左啲粉更加甜，最後嗰清酒煮蜆

有一次搭渡輪⛴️發現鯉魚門除左出名傳統中式海鮮酒家以外，碼頭旁有間日本餐廳。朋友上網買左優惠劵四人套餐試下👫👫炸蔬菜天婦羅 （冬菇、 茄子、南瓜）炸粉質質量剛好， 市面少數好食的致婦羅海鮮刺身拼盤 （蝦、三文魚、鮑魚）刺身尚算鮮甜，份量好磯燒龍蝦🦐幾大隻、 肉質彈牙蝦鉗湯烏冬龍蝦湯清甜，蝦鉗啖啖肉吞拿魚壽司壽司師傅細心加芥末在壽司面，如果不喜歡可馬上夾走芝士蛋糕拼和菓子賣相一流芝士蛋糕不太膩，和菓子不太甜整體環境一流，有海景，食材新鮮，食物份量無因缺用優惠劵而減少💗💗💗

補足生日, 緊係食好d, 本身訂左檯食西餐, 最終嚟左食日本野, 都幾好味, 刺身好新鮮, 都叫抵食($688),季節性刺身盛(8款), 另外order左生蠔, 但就差少少, 唔太fresh! 同埋得一款選擇!之後仲叫左d熱食, 燒左藍殼鮑魚同石恒蜆,燒得剛剛好, 一d都唔過老; 最後再叫多個海鮮粥

星期六係小西灣上堂，順道想去鯉魚門食下海鮮.上網一查，發現好多人都推薦呢間餐廳. 放學就搭船過去，船程只需5分鐘而餐廳就係正隔離，非常方便.原條象拔蚌刺身比較細條但鮮甜爽口.至於魚生拼盤就麻麻地，無乜鮮味.一夜干燒得好好，塊皮燒到脆卜卜香噴噴，魚肉依然嫩滑，沒有燒到乾晒.生蠔好肥美又爽口，燒得剛剛好卷物中規中矩，玉子燒就過熟唔滑兼有d硬之後重叫左一系列串燒.牛舌爽嫩，雞皮香脆等等...整體燒物比刺身更出色.

同屋企人食飯總要豪一次嘅！估唔到食開中式海鮮嘅地方有啲咁高質素嘅日本料理。呢個刺身船勁新鮮 值得推薦！呢個燒比目魚扒估唔到咁出色，好有酒味，食得出唔係急凍貨色！睇住佢即燒即食！勁飽滿嘅蠔！呢個價錢食到咁高級嘅海鮮同埋超好嘅服務！一家人都食得好開心！

今日同以前既同學去左食飯望住個無敵大海景食飯真係無得頂環境又舒適我地3個女仔嗌到成枱都係野食當中佢地既招牌菜「馬友一夜干」真係無得輸燒完出黎又唔會太乾身值得推介×N

老實講餐廳十分之大, 裝修係偏日式, 座位都夠大, 唔會話放完野好窄咁樣, 見到有餐廳竟然有得叫半熟蛋當然要試試, 蛋就唔算話太甜, 小小凍的, 應該整法既問題, 同拉麵店既半熟蛋相比下 比較軟身D 同無咁甜.三文魚入口即溶,  鮮味都重, 外觀都整得好好, 刺身方面完全無問題,師傅明顯有一定既功底.叫左D熱食黎暖暖胃, 廢事全部都凍, 會好易胃痛, 湯底係醬油湯, 味道沒日本個D咁咸, 應該係為左合乎香港人口味,香港好少人食太咸. 麵身彈牙 唔會煮得過耐.生蠔味道小小金屬味, 無咩太大問題, 有專人煮俾我地係十分之好既服務, 因為我地咁岩煮生蠔既技術不強~西京燒既銀雪魚係我最中意食既菜式之一, 主要係西京燒陣味同銀雪魚好夾, 銀雪魚口感好軟, 魚味本身都夠重, 無咩骨, 易入口, 必試!整體價錢正常, 服務好食物質素高推荐

想試三家村好耐啦！不過冇咩特別日子就唔想食咁貴啦！終於等到一個值得我請佢食幾多錢都冇所謂嘅朋友生日終於可以黎試啦如果喺油塘地鐵站行過去大約10分鐘，住港島的話，建議喺西灣河馬頭搭船。一早訂定個窗口位，全店只有兩張窗口枱，想坐得舒服的話，記住要預早訂定啦！天氣咁熱，一坐低緊係食個冷盤啦！點了刺身8款拼盤再加了一隻粒貝刺身，同5款拼相差$300，但內容都差好遠，8款拼有Toro,海膽，鮑魚。5款係三文魚果d平價野，毫無懸念，當然要呢個8款拼盤啦！海膽好食，值回票價。牡丹蝦唔得，係完全冇味，好似食緊舊冇味嘅啫喱咁欣賞店方從善如流，我地提出牡丹蝦問題後，立即替我們更換其他刺身不過不失，合乎價錢。粒貝刺身新鮮爽甜，唔錯終於到我最期待嘅馬友一夜干，可能為了迎合香港人嘅口味，呢個改良版嘅一夜干缺少了原本的咸香，多了的是肉嫩。兩種唔同食法都好食，但就比較更喜歡傳統一夜干的咸香，因為啱我送酒嘛另外仲點左d串燒，都燒得唔錯 ，蝦尤其新鮮。值得一讚係幾位侍應都相當醒目，仲代我們燒串燒，燒烤手勢仲非常專業。總括而言，值得一試。我都會再幫襯

紀念日既關係，專登揀左間環境靚既餐廳！因為呢到有個無敵大海景！所以一早已經預約左坐窗口位先叫左一個季節刺身特上選拼盤有8種，會睇當日邊款海產新鮮而選！有海膽，拖羅，象拔蚌，鮑魚，油甘魚，帶子，深海池魚，左口魚款款都好新鮮，又肥美另外再叫了壽司，牡丹蝦同三文魚子牡丹蝦個蝦頭仲可以叫廚師幫你另外炸黎食最後叫了呢到推介既菜式馬友一夜干，果然是不能錯過！魚味鮮甜，肉質有彈性，魚骨又少餐廳仲有好多串燒，仲有新鮮海產可即場揀再用磯燒形式煮！價錢中上，但食物質素高！值得再來

幾年沒有試過在香港慶祝生日，今年因為前後日子都有trip的關係，最後選擇留港。 本身女友安排了兩間好想去的餐廳，一個是人氣的paper moon，一個好似話係米芝蓮餐廳，但最後，我話不如簡單食少少野算，畢竟，人大了，生日冇乜值得大事慶祝，人生，身體健康，身邊人安好就好了。 最後，我選擇了一間想去了很久的餐廳，朋友C和G兩公婆今年也在這裡慶祝生日，評價不錯，而是就順理成章學佢地來食個簡單晚飯。 唯一不方便地點在鯉魚門，不過揸車和的士是滿方便的，交通也還算不錯。 今晚來到近來鯉魚門近來大熱的三家村水產。 餐廳的酒家就是多了一份寧靜，也多一份格調，走的路線像日本的磯丸水產，和本身鯉魚門的風格好唔同，因此多了份特別。 如果你喜歡貓，隔離碼頭還有兩隻可愛的貓咪係據點欣賞。 餐單有多種不同的食物，最喜歡佢有海鮮任你選，大到不行的龍蝦同好多不同種類的貝類食物。 先來的蟹肉伴蟹子沙律，勁大份的沙律非常慷慨，蟹肉蟹子同樣咁多，沙律菜一比一，已經係一碟海鮮咁樣。 季節刺身特上選拼盤有爐魚，油甘魚，金槍魚，三文魚和左口魚，仲有帶子，質素新鮮絕佳，特別喜歡較少見的爐魚，配上那獨有蔥花豉油，不錯，價錢也是不

其實我一向都鍾意食日本嘢，日本水產更鍾意！去親日本都必到築地，幾點都會起身去！平時好少去鯉魚門，都係今次朋友聚會一齊去食估唔到真係幾好味又有驚喜，價錢我唔敢話佢平，但cp值極高！絕對對得住價錢。同埋環境幾靜，同朋友傾下計食下嘢真係一個好地方。香港雖然細，但好開心仲見到有唔少人會開呢d特色餐廳，因為去到食飯都有種心曠神怡感覺！因為有時我好怕食飯好迫好多人又嘈，因為返工都夠壓力大，唔想再食飯咁大壓力，哈哈！

一頓豐盛的晚餐是使人十分幸福、快樂的事情。在燈光璀璨的夜景陪伴下，食物顯得份外的美味。我們的餐前小食是日式糖心蛋。糖心蛋是我十分喜歡的小食，濃郁的蛋黃香氣是十分誘人的味道。接著是刺身拼盤，八種刺身分別是深海池魚、拖羅、海膽、帶子、左口魚、鮑魚、油甘魚及牡丹蝦。刺身都是十分鮮美的。在它們當中我最喜歡的是海膽，海膽鮮甜、質感細膩，配上海苔，是魔鬼般的滋味，使人吃再多也不會膩！在侍應的介紹下，我品嚐了一些伴碟用的雞冠藻，它雖然沒有味道，但口感佷爽脆，是十分有趣的食材。這份香脆的蝦頭是刺身中牡丹蝦的一部分。平日蝦頭都是扔掉的，十分浪費；把它炸至香脆，加上蝦本身的鮮甜可口，簡簡單單的，但已是一道美食！品嚐完刺身，便來到熟食的時間。我們的熟食分別有南非龍蝦、馬友一夜干及福岡岩蠔。新鮮的龍蝦肉充滿彈性。店員烹調時沒有加上太多的調味，畢竟食材本身的鮮美便是最佳調味料。馬友一夜干是不能錯過的！鹹鮮的味道有別於新鮮魚類的鮮甜，而且肉質亦會較新鮮魚類更有彈性。這裡的馬友一夜干鹹度適中，它沒有死硬硬的鹹味。但經過醃制，馬友顯得份外的美味！至於福岡岩蠔，它十分可口！蠔肉肉厚、香甜，帶點海水味，真的十分美味！最後

鯉魚門三家村水產正宗日本傳統浜燒🎌わわ〜香港でも浜焼がありますか？平時去鯉魚門食海鮮多數都是以中式酒樓為主，這次就去了新開的三家村水產試試傳說中的日式浜燒。「浜燒」是日本沿海居民的傳統飲食文化，「浜」是「濱」，即是海濱的意思，漁民會將剛捕獲的海產於碼頭或是魚市場上，圍爐即燒即食，風味十足！三家村水產佔盡沿海優勢，除了有來自日本的海鮮，還有來自本灣的海產，一邊歎海鮮一邊欣賞海景，再加上店內的日式裝潢，的確可以欺騙自己暫時去了沖繩度假😌😌翻開木製的餐牌，海鮮、刺身、壽司、烏冬、卷物、魚生飯、燒物、甜品等等，好豐富！點了季節刺身特上選拼盤，這碟極盡奢華的拼盤，有拖羅、金鎗、油甘魚、左口魚、海膽、池魚王、帶子和北寄貝，陣容鼎盛，完全是大滿足😍😍😍接著就是重頭戲部份 - 「浜燒」！試了宮城蠔場手掌般大的生蠔，燒蠔肉厚鮮嫩多汁，燒熱後蠔汁鹹度剛剛好，不需要加任可調味料鮮味已經非常澎湃🤤！最後就算很飽也試了日本菠蘿、水蜜桃雪葩，將新鮮果肉冷藏至結冰後磨成沙冰，入口軟滑香甜，沒有額外添加糖分，所以比雪糕健康，作為飯後甜品不錯😋雖然三家村水產地點有點偏遠，不過食物質素絕對令人滿意，浜燒概念亦幾好玩〜推薦

男朋友今天帶我拍拖, 是夜好好慶祝中了公司的標書。不得不大讚一下, 今次他做足功課, 找到一處超浪漫的地方! 開車來到鯉魚門, 門口有足夠的泊車位, 我們下車就是很有漁村色彩的鯉魚門碼頭, 黃昏天氣應該會見到很美的雲彩餐廳位置在三家村碼頭側, 仲會有船可以去西灣河碼頭, 這個碼頭設計得好有特色, 介紹了碼頭的發展歷史, 更有草蓋的渡輪每半小時穿梭往返! 我忽然覺得自己很村姑, 香港有如此美景一直不知 這間餐廳座落的位置可以飽覽維多利亞港的景色, 面向太古城, 愛秩序灣那邊, 夜景很美, 而且那草蓋渡輪就很吸我眼球的每半小時如圖畫般出現, 非常有漁村風情。餐廳門口有個巨型3D 發光的蟹在頂, 非常易記認, 當我們入去餐廳時, 職員會敲門外的巨型和風鼓, 歡迎我們的到來餐廳以和風設計, 椅子用了竹做的設計, 加上軟身的 cushion, 十分舒適 牆上畫上了很多海上鮮, 令人覺得很有海岸的味道 此外, 餐廳細緻到 menu, 筷子套, 濕紙巾及牙簽都印上自家logo , 貫徹了日本人嚴謹的品牌作風 客人可以先過去海鮮檔看看是日海上鮮有什麼選擇, 再決定想吃的海上鮮是如何去烹調, 用煮還是浜