三小姐海鮮小菜

營業中

休息中

話說今日入左大埔食飯，去左想去好耐又從未去過的大埔墟街市﹗呢個街市既光鮮又乾淨，一o的街市味都無﹗上到去熟食中心超多人，最後行左一圈之後揀左呢間﹗三小姐海鮮小菜﹗原來是以前歌星黃翊開的，佢仲咁岩得咁橋招呼我地添﹗雖然街坊裝，不過明星即係明星，近睇幾有型有款架﹗全場爆滿，應該都有幾多人好似我咁冒名而來呢﹗呢個就係今日既重點推介﹗籠仔蒸羔蟹糯米飯﹗$68，有兩隻小羔蟹﹗飯身吸收左蟹既鮮味精華之後，又甜又彈牙，最緊要係因為蒸既關係，糯米飯唔會油淋淋，配合埋本身蒸蟹既蒜蓉，撈落0的飯食真係超好食﹗我同食家都比一百分﹗蟹有兩隻，雖然細細隻不過幾好肉地喎﹗仲要係鮮甜的﹗講到明羔蟹，個蓋頂角架﹗正﹗咁開心當然啤啤佢啦﹗之後來個好耐都無食既辣酒煮花螺﹗份量不少，至少一斤螺有多，比起出面食的叫做很抵食的了﹗辣而不嗆喉，入口陣陣酒香﹗螺肉新鮮甜美，彈牙，正﹗差不多有成三十隻，其他地方吃有十五隻都偷笑了﹗再來一個小炒王﹗料夠哂多，有蝦乾、魷魚、西芹、魚、帶子、蝦、腰果及草菇等，切到一粒粒食落十分方便，誠意之作，本來我就唔鍾意打左芡既小炒王，不過食落都覺得夠鑊氣好味，用來送酒最開心﹗埋單一百蚊左右，如果多0的

我地久不久都會去食＂三小姐＂吃飯，只因太近了。。。。。。長期能保持水準，只是一，兩味小菜，有＂籠仔糯米蒸羔蟹＂＆＂新腐竹浸時蔬＂今次叫左三個小菜，兩個人吃，都夠曬＂飽＂（１）籠仔糯米蒸羔蟹。。。勁好味道，味道長期都能保持水準，正得一試（２）黃金蝦。。。沒有在此吃過＂黃金蝦＂，無特別，一般味道（３）泰式骨。。。味道就同＂M記＂泰式醬味道一樣

又入大埔探班的太公，是晚選了在大埔墟街市覓食。晚上十時的熟食中心，大部份店家已關門，只有三數間小炒店仍開門；太公伉儷選了「三小姐」一試。看著餐牌，兩個餓鬼樣樣都想吃，最後要了蒜蝦陳村粉、魚湯浸手打墨魚丸和椒絲腐乳通菜。椒絲腐乳通菜先上桌，通菜新鮮，鑊氣又夠，菜又嫩又香口，平淡中見真章。然後是蒜蝦陳村粉 - 陳村粉感覺如未卷起的腸粉，爽滑但不像粉皮般煙韌；這道蒜蝦陳村粉，是將新鮮開邊蝦，舖上蒜蓉，再舖在陳村粉上與之同蒸；開邊蝦汲收了蒜香，更能突顯其鮮甜之味；帶蒜香的鮮蝦汁往下流，都被陳村粉汲收，鮮甜蝦味撞上澱粉質，又是另一種境界。更誇張的是，蒜蓉蒸透了，汲收了點蝦鮮味，食味竟也甚豐！太公伉儷最後連這些蒜蓉也消滅了；一道才賣$48的菜竟有如次多層次之食味，實在值得推介！最後來的是魚湯浸手打墨魚丸 - 店家自製的手打墨魚丸與蘿蔔和冬菜，放在魚湯裏同蒸。此墨魚丸的確是以新鮮墨魚 (不過非游水墨魚) 打出來，只略嫌不夠彈牙；不過墨魚丸裏加了馬蹄粒，豐富了口感，挽回不少分數；而同蒸的蘿蔔，汲收了魚湯後很清甜，雖然蒸得不是太腍，但與墨魚丸的口感很配合。美食當前，要了支青島純生，才賣10元。辛勞工作後

由於有野整ge關係,見d食評唔太差,專登黎試試~一埋去就俾個廚房大聲呼喝,吹脹.因為只有2個人,所以淨係食左2樣野食......好難作準.....1)芝士蝦伊面D蝦好似炸過咁先去焗?......D蝦幾大隻,蝦頭D蝦膏唔少下~伊面冇乜特別,係有芝士,但白汁好似仲多咁"....好漏@@"2)烏頭煮耐左,un左少少,不過味道好就補番數.由於係街市來的,所以環境都知道好極有限...........***強烈建議多人先好去食~~~(4人係下限.....最好6,7個以上)真係想搵次多人試多一次"

我已經幫襯過3小姐好多次,但次次都要想好耐才點到餸,次次試新野 都有一兩碟失望今次(1) 試左醬烤骨,,,,,好肥,,,好試食左一堆油,,吃完已經飽左一半 (叫番生炒骨穩陣,,上幾次吃過) (2) 咖哩斑腩煲,,,,d腩好似一堆粉,,想叫埋個飯撈d汁,,已經瓊到一舊舊 (叫番d 海鮮雜菜煲 比較好,上次吃過)(3) 椒鹽鮮魷,,,,失敗(完全沒味,,,,,炸野不是好出色,,要吃的就吃 椒鹽雞軟骨)(4) 招牌菜蟹焗糯米飯是ok的,,,,不過我地轉左用扇貝(可轉),味道更加ok,,推介(5) "炎西"魚雲湯 味道,分量ok,,,比次次都飲唔晒的栗米匙 好,,推介其他菜色都ok,,,一個月吃一次,不錯(P.S. 好奇怪,次次一去就催你落單,但食完晒想賣單,就成日都搵唔到人 V.V)

晚飯一行5人，食左沙薑CHICKEN 腳 - 好香，好好味。炒聖子 幾好味，不過份量少左D椒鹽9吐魚 - 好明顯即整既，好食雜菜BOWL - 呢個好難唔好食醬烤骨 - 我覺得一般，好似東岥肉既野，但要肥D...同埋D肉唔係好入味，唔建議叫。籠仔糯米蟹飯 -OK，但個蟹出黎好乾，似係番丁熱返佢 椰皇燉奶 X 5 - 一般，唔食都得，可以留返出去食RAINBOW 糖水，仲有D 肉唔知點解黑黑地，蒸得太耐??20蚊一個，一人一個就俾佢炒貴左張單啦...哈哈白飯X3 - 一般白飯, 但要成9蚊個...係唔係貴左小小哩。白弼X1成餐飯$450 , 都OK, 抵食...可以一試。服務，又唔係D人講得咁差喎，佢地係趕D，但係你對佢有禮貌既，佢地都對你幾好喎，仲有講有笑^^

今次的組聚終於衝出大學的餐廳...第一次到大埔街市三樓品嚐小菜..到達時已經有十多人等位..大多是一家大少到來吃飯的...等了十分鐘多...終於有位置了...我們便點了..1.枝竹羊腩煲(附時菜)2.蒜蓉開邊蝦蒸陳村粉3.炸花枝丸4.芝士大蝦伊麵5.海皇時菜煲先來的是炸花枝丸,外層炸得香脆彈牙但沒有鮮味,只是一堆魚肉似的東西,即使沾些秘製醬汁亦平凡不過...$58 一客確是有點兒不值...海皇時菜煲有大蝦,魷魚,帶子等雪藏貨色,味道一般,但仍爽口..,主角為我們在大學飯堂很難吃到的時菜(該次是小白菜)..味道淡,簡單,但搶手,為接著濃濃的羊腩煲作好準備.主角枝竹羊腩煲終於出場,附帶爐具為羊腩煲保溫,馬碲沙葛的湯味極濃,羊腩軟腍而不臊但羊肉的肥膏太多了,食得滿口是油,但味道是不錯的..配菜枝竹盡吸羊肉和湯的味道,食味十足帶嚼勁,口味比羊肉更佳.食到最後加入新鮮生菜,一涮即吃,滿足,開心.芝士大蝦伊麵帶淡淡的芝士味,當然不能滿足我吧.整道菜焗得不太夠香味,但熱騰騰的汁醬混和著帶彈性的伊麵亦不失為好的菜式..大蝦不大,連殼一起焗..食得不方便,如果把蝦穀先去掉的話我會更為滿意的!!!最後的陳

晚餐我地就去大埔街市度食好似幾出名咁都係周生朋友介紹的d食物真係味道唔錯樣樣都好味不過天氣凍啦..d送好快都凍本來仲有叫多個送既..不過佢冇哂取消左估唔到兩大兩小只食3送一湯都夠哂飽

點解話"好似"一般....因為得兩個去食....叫左兩個菜...返黎再睇其他食家的評語....佢地話好味果D....我都冇食到....所以"好似".....兩個人..食左:籠仔蟹蒸糯米飯 - 行過見好多檯都有叫....於是自己又叫.....落 order 後3分鐘即上檯...應該係一早蒸定.....蟹細隻...但都算多膏....可以蒸到老哂....底層的糯米飯反而勁好味.....可惜漏左D.....兩個人的話應該唔好叫呢味....因為食兩碗仔已非常頂肚....失策....榨菜肥牛陳村粉 - 香港好少地方可以食到陳村粉...上次食...已經係幾年前廣州之行.....印象中的陳村粉係好好味...所以一見到即叫.....呢度的陳村粉係用籠仔上....底舖荷葉....略嫌淡味....部份粉完全無味...要夾一兩條榨菜伴住食....肥牛又唔知點解整到一舊舊而非一片片.....怪怪的....由於食哂個糯米飯先上陳村粉....所以食左一半已經食唔落.....唯有打包走.....埋單 $116.....

男友家庭晚飯, 伯母話之前食過三小姐覺得幾好味, 故不作他選.男女說以前都會先訂位, 但現今市況應該walk in都有檯, 七點鐘去到果然大把吉位, 其他檔口亦如是.人未齊, 坐到七點半先點菜, 只需十分鐘六個菜全部上齊, 好在五分鐘後人到齊, 否則菜涼了就不好吃. 醬燒骨保持水準, 喜歡半肥瘦炆肉的必食, 豉椒炒蜆及炒蟶子份量比以前畧多了, 芡汁卻過杰, 切雞用鮮雞仍鮮味十足, 籠仔糯米蒸膏蟹 - 蟹膏豐盈, 糯米飯稍稍濕了但未至於爛飯, 金銀蛋菠菜合格, 後加兩個餸 - 豉椒鵝腸爽口而不肥膩, 陳川粉頗多開邊蝦, 用蒜泥齊蒸令粉皮入味, 所有熱菜都沒有令人失望. 吃飯其間啤酒推廣員相當落力推銷及不停為我們添酒, 但埋檯太頻密有點overdone的感覺. 埋單$538, 市況欠佳卻免除排隊之苦, 何妨多來幾次.

為食成團, 一行14人.好彩早D去, 唔係都無咁大張枱俾我地咁多人坐.呢到gei姐姐服務都唔錯~因為我地想等齊人先叫餸,個姐姐就叫我地留定甜品先.唔係好快就無.ha^ 我地個個等人齊都等到好肚餓了.叫餸到上菜時間真係好快呢~唔駛再等.朋友仔差不多一放低餸就係咁夾~等我連影下相gei時間都唔夠.果度gei推介菜式羔蟹糯米飯同芝士焗大蝦e麵都好好味.另外, 本人就認為蝦醬豬頸肉蒸陳村粉真係不可不試ar!雖然個人偏好蝦醬, 但係呢味餸食到我個個朋友仔唔夠喉,要再叫多碟的~最後.我地個個都食到飽飽.再上甜品.椰皇燉奶.都依然食得晒.證明真係好正~我地又食又飲. 仲坐足成兩個幾中,埋單一人一百都唔駛.真係好抵!

jul 25, 08睇完夜生態之後,9人來,叫咗 : 1) 炸花枝丸-熱辣辣-新鮮出品,雖然無咬口,但都有小小鮮味-配以酸汁,不俗 2) 椒鹽雞軟骨(留咗)-都幾多吓-炸得外脆口-唔錯嘅1道小食,送酒更佳 3) 粟米魚肚羮(留咗)-淡咗小小-呢個普通 4) 啫啫通菜-幾惹味,都幾夠鹹味-通菜好嫩 5) 籠仔蒸膏蟹(留咗)-蟹蓋還可以,蟹肉"鞋"身,無咩甜味-最出色喺墊底嘅糯米飯,又有蒜香味,又入味-1致讚賞 6) 豉骨蒸陳村粉(留咗)-陳村粉同排骨都滑-不錯 7) 醬燒骨(留咗)-望落都幾多肥膏-入口肉嫩,1d都唔實-酸酸哋,最啱用嚟送飯 8) 椰皇燉奶(細) x 3(留咗)-自從上次食類似燉奶比人"串"之後,今次留之前問清楚個椰皇殼喺唔喺reuse,回應喺用完即棄,所以留得安心,食得放心-好滑,又清甜-good- 訂位時,佢知道我哋咁夜嚟,都好主動建議我留菜,但我要徵詢友人們嘅意見無留到任何嘢。估唔到佢當晚7點多再打比我問要留番d嘜,唔喺驚我食唔到想食嘅嘢,服務真好,又夠細心

早兩天跟家人特地去大埔吃東西，剛巧看到這家的門口很多報紙雜誌的訪問推薦，當然不得不試。坐下來之後發現，這家店是全場最旺的店，當下立即很放心。本來是想點蟹的，但蟹已經賣光，老闆娘服務態度超好地連說不好意思，還幫我們進廚房找找有沒有漏網之「蟹」。最後確定沒有，還推薦我們吃可能更好吃的蒸雞糯米飯。因為之前已經吃了點東西，所以當晚只點了蒸雞糯米飯和辣酒煮花螺。蒸雞做得很滑又入味，而且雞汁滲進糯米飯裡，讓本來已經惹味的糯米飯更添鮮味。至於辣酒煮花螺也是難得一嘗的美味，特別是那湯汁，香辣惹味，讓我們一口接一口地喝。這是一家可以encore的餐廳。

20/7/2008 我們中午已打電話去位於大埔市政街市的"三小姐"訂檯,(大家姐說看到"肥媽"有介紹,說這兒是一個80年代飛圖男歌手的家人開的,介紹得好似好正的,大家便盡管去試新野囉)晚上六點鐘到達~叫了以下菜式~1. 沙薑雞腳 $ 28 -->>夠味~2. 冬瓜盅 $ 68 -->>我整得好飲過佢,唉~3. 小炒王 $ 48 -->>蝦干不夠香,腰果又太細粒~味道普通啦~4. 千島骨 $ 38 -->>個名好有特色,但~~味道~不外如是5. 特式芝士焗大蝦跟伊麵底 $ 78 -->>芝士味不夠濃,又不夠惹味~超失望6. 炸大腸 $ 38 -->>太肥~仲衰過早幾日同老公去"金魚街"時,在小舖買果D街邊 炸大腸,魚魚街那兒的街邊炸大腸,整得又薄,又脆~呢度~唉~~7. 炸花枝丸 $ 48 --->> 我老公最愛吃的小菜之一,這兒的又細粒, 口感又不好~都係沙田廣源村對面的"榮發"好吃過佢,那兒的花枝丸, 又大粒,又彈牙,口感又好~呢間的花枝丸,食都

補祝母親節, 一個遲來的家庭晚宴, 屋企人想試新嘢, 唔去伍仔記而選了這裡, 依然要提早致電訂位.餐牌上都是大路大牌檔菜色, 落單阿姐介紹餐牌無的醬燒骨, 再叫炒蜆, 炒蟶子, 半隻雞, 金銀蛋時菜, 蒸白鱔, 炸雞軟骨, 炸豬大腸. 炸豬大腸是預製貨色, 唔夠熱唔夠脆份量少, 炒蜆份量亦然, 比伍仔記例牌真的相形見拙, 幸好醬燒骨意外地出色, 做法倒像倍大了的杭州菜東坡肉, 骨肉剛分離而肉不散, 醬汁惹味, 白鱔選材新鮮而烹調時間洽到好處, 肉質彈牙, 其他菜色亦屬合格. 連酒水白飯埋單$560, 仍然可以再去, 不過唔會再叫豬大腸和炒蜆.