三小姐海鮮小菜

營業中

休息中

星期日,逛完街後,約了一班老朋友一聚,食餐晚飯...這個8人飯局,剛來到的時候...全部滿座了,等了數分鐘後才能入坐...今晚總共點了八道菜,排名不分先後...主打極品籠仔糯米蒸蟹- 大家都抱著比較大的期望在這道菜身上,糯米飯做得出色...!但是,朋友說蟹就沒有味道可能被糯米飯吸光了~芝士大蝦伊麵- 蝦,真的是大蝦...伊麵,雖然不夠龍蝦伊麵正,但是芝士味算濃,而且伊麵還很入味~金銀蛋莧菜- 有皮蛋及鹹蛋外,也有一粒粒的蒜子調味...沒有過鹹...真的很不錯,鹹蛋蛋白剛剛好不會老!滑滑的...椒鹽九肚魚- 九肚魚每一條都肥肥的,肚漲漲...但可惜炸得不夠鬆化,吃起來有點骨...流心芝士丸- 剛炸起,熱熱地~不禁咬了一口, 芝士汁從內心流出來~芝味濃郁!別看它平平無奇,原來真的令人流連忘返....蒜蓉茄子- 茄子蚊得很林,完全入味我吃了很多.....炒聖子- 肉質新鮮,不過份量太小了...什麼炒牛肉?-不記了....因為我沒有吃...但朋友說做得不錯~椰子水- 鮮甜可口,食完不健康的食物...渴一渴!可以清熱解毒....這一餐飯大家都很滿意!食了多少$?不知道...因為是朋友請的...

當天我上去這間店食.真是有種戰爭感覺.我同朋友叫了２碟菜...雞.是雪藏..值５０分魚好重味精..但不難食总括,,,,都合格.但不太好最好不要星期日去好迫...６人枱坐１０人.....

這個慶祝不是那些週年紀念"而是慶祝我身體健康~!!經過一日辛勞的工作他仍然依舊由老遠的炮台山趕來和我吃飯'幸好是星期五,人不是很多所以等10分鐘就有位'點了花枝丸,扇貝,小炒皇,椒監鮮魷,一個飯同可樂由於點了花枝丸, 椒監鮮魷明顯地被比下去他的皮膚敏感,所以未能嘗試糯米蒸蟹

上個月的窮鬼大局,地點在大埔街市三小姐.與黃翊再續未了緣.這夜一共五十多人,連開四圍,周六晚上八點半入座,簡直是向難度挑戰.雖然店方已安排好我們四圍坐在一起,但如果上一輪食客瀨死不走,那就麻煩了,幸好,七點入座的食客,果然在我們入席前逐一離去.因為我們是尾圍,菜式要一早留定,免卻來到已賣清光之苦.上一次得三個人,今次菜式便豐富得多了,先來的是三小姐小炒王,蝦仁,鮮魷,西芹,腰果炒埋一堆,很爽脆.最佳配搭當然是送大支裝青島.上次已對醬烤骨讚不絕口,今次再吃,仍然出色,肥瘦分明,上面的一層肥肉很甘香,下面的瘦肉極為鬆化,而且很入味,醬汁酸酸甜甜,非常開胃.芝心丸今次做得比上次好得多,是夜的芝心丸,粒粒流心,夠Cheesy,用墨魚肉打成的丸,十分彈牙.籠仔糯米蒸蟹,又是上次吃過的一味.這夜的主角是蟹底的糯米,因為全部吸收了蟹肉的精華,本來是主角的蟹,頓變成雞肋.金牌雞就有點過譽,肉質不夠滑,雞味亦不夠,一點也不配金牌這兩個字.金銀蛋莧菜,尚算湯甜菜滑.炸大腸其實做得不錯,口感香脆,保留著大腸的獨特味道.如果腸內的肥膏多一點,就更加好.接下來的是三味香口的菜式,鹽水蝦,椒鹽茄子,同椒鹽九肚魚.

我們一行四人到大埔遊玩, 晚上特意去三小姐處吃飯, 慶幸不用等位, 但見環境煙霧很多,可能係炒東西所發出的煱氣........坐下時, 開始点東西, 詳談一會兒后, 食物都好快便上枱,我們还飲啤酒, 真係人生快樂事。不好意思, 可能我要求高, 对食物有獨特見解~相片 1的評論 : 肥豬肉一堆, 口感真係麻麻地~ 相片 2的評論 : 無乜蟹的鮮味, 有点失望~ 相片 3的評論 : 墨魚丸都不錯, 開頭原本叫芝士丸, 因佢比錯, 吃了數粒, 便叫他更換, 都有品嚐芝士丸, 無乜芝士味 。相片 4的評論 : 魚仔幾好味, 呢碟都 ok~ 整体上都, 不過不失啦 ~ 可能明星效果, 會有人去幫襯~ 才有位, 時間剛好下午1:30左右, 首先試了批先, 蘋果批好好味, 而雞批略為麻麻地,我們叫每樣兩个, 吃下都不過多, 还可品嚐此餐廳的下午茶, 薯條+炸豬扒, 因我朋友品嚐, 她覺得都不錯。

上星期六，窮鬼再度入侵大埔墟熟食中心，於三小姐連開四圍，令本已經沙塵滾滾的大檔更加熱鬧起來，眾人除了期待美食外，更希望一睹檔主黃翊的風采。小弟對黃翊的印象並不深刻，依稀記得他在無線處境劇的演出，當年青澀的外貌確實係吸引不少妹妹仔，我相信連他本人也想不到，近廿年後的今日，竟然有近五十人找上門，搵佢．．．簽名。在小型簽名會之前，當然先醫好個肚，打頭陣是每逢大檔局必點的「小炒皇」，一般以雜錦海鮮炒腰果西芹，三小姐也不例外，最主要貪其夠鑊氣、配料炒得夠爽口，用作佐酒更是一流。接著是名物「醬烤骨」，這大片肥豬肉不是人人也接受得來，膽固醇之高可謂數一數二，但當中的滋味實在豐富，上肥下瘦，肥肉炆至入口即溶，瘦肉也散發出肉味，配合出色醬料，味道絕對見得人，拜得神，不可錯過。緊接上檯是一頭雞，不知是甚麼名堂，斷估是「鹽水雞」，這兒吃到的雞肉有點韌，但卻可嚐到其鮮，雞皮不肥已可知不是下等貨。三小姐「芝心丸」是另一開心大發現，賣相平平無奇，誰知入口芝味濃郁，雖未去到瀨尿牛丸噴汁的境界，但輕咬開看見那白色的芝士汁已足夠使人亢奮，但這道炸物只是開始。除了芝心丸外，這晚還有「炸大腸」及「椒鹽三響炮」。先說前者，大

今天的局在大埔舉行，對於我此等從南方來的人仕，當然是遠了一點，所以也和女友乘這個方便，在早上已入了大埔尋吃的，所以我們亦當然能準時到達。來到的時候，只有幾位食友在打點，而店家也策略性的安排了靠近窗邊的四張大圓枱，最後在大概半小時後，也順利安排了大家入座。點菜當然是由攪手發辦，今晚總共點了十三道小菜、小吃及飯麵等，試問又乘會不飽，要吃香口食物的有醬爆芝心丸、炸大腸、椒鹽酥炸茄子條、酥炸鹽水蝦及椒鹽九肚魚；小炒也有小炒王及沙拉骨；有照顧食肉獸的醬烤骨及金牌雞；也有素食如金銀蛋上湯浸莧菜及啫啫通菜煲；最後當然也有澱粉質下肚，來了打雙上的籠仔糯米蒸羔蟹及肥牛陳村粉；最後的也當然是最重要的，就是吃大牌檔唔少得的啤酒，最後是前後點了四枝青島，純生及原味各兩枝，配起炸物來喝，清涼順喉，絕對一讚。以上菜的先後次序來評吧！先來的是小炒王，看上去材料果然是豐足，有西芹、魷魚、蝦乾、蝦仁、甘荀、帶子及紅椒等炒埋一碟，而上述各樣的材料也着實不錯，沒有明顯梅梅腍腍的感覺，西芹吃起來爽口，配合不同材料的鮮味，另外還有蝦乾的鹹香，也可說是不錯，但若蝦乾可以再香一點會更好，另外小炒王其實最重要也是鑊氣，但不知是否師傅

今次的窮鬼大局, 同為食入新界做了一個 Cross over, 黎到我熟悉的大埔街市. 再次追星, 追到黃翊的三小姐. 上一次三個人, 淺嘗了幾道招牌菜. 今次係街市連開四席, 甚是壯觀. 訂位時, 有朋友更說了, 我們是黃翊的fans, 令到黃老闆緊張起來, 本來是晚在黃金海岸有表演的, 表演完了, 就飛快的趕回來, 成為是次飯局的高潮.先來清新的炒蝦仁, 清清淡淡, 但魚乾又為這道菜添了少許香口. 大熱天時, 先食一些淡口的開胃小菜, 再後上濃烈的醬點, 炸點.醬烤骨, 同上次一樣, 味道濃香. 而且今次比起上次整得淋, 而且肉質夠滑, 送上白飯是最好不過. 可能是上次食過吧, 自己始終偏向未品嚐過的其他小菜.芝心丸, 也是上次三人行時有叫的. 本來不抱太大期望但紅叮一吃便衝口而出說: 呢次真係有芝士味. 匣我便趕快搶回一粒. 這次芝士非常足, 咬開一口, 芝士汁從內心慢慢流出來, 不沾甜酸醬顯得更加好味.雞, 是新界風味的鹽水雞, 雞肉嬌嫩, 鹽水夠味, 雞亦夠雞味. 而且亦夠晒大隻, 要食雕靚雞是否真的要入新界乎, 期待下月頭的奇香雞 及 不日會舉辦之東江雞局. 金銀蛋浸菠菜,

七月二十五日要說這間我不是第一次來,對上次和陳真,南瓜小試牛刀.是否能夠刨丁解牛.我沒有打那篇食評,只因看著今回十分窮的飯局會在這裏.因場地的關係,只能在八時半後才開始.因熟食中心關係,沒有一絲炎熱之意.聽不到車輛的引擎聲.沒有了大排檔之感.但還有那一遍熱鬧的笑聲.上回三人行每位九十元.價錢來得還便宜,今回那麼多人價錢會否打多個折扣呢.在這類型的食店不叫啤酒就有點格格不入.先來了二支青島啤來揭起序幕.前後共十三道菜.其中不乏上次來的四款菜式,醬烤骨,芝心丸,糯米蒸蟹以及椒鹽茄子,現在加入了椒鹽九肚魚,白切雞一隻,炸大腸,金銀蛋浸波菜等整晚最好的包括醬烤骨以及芝心丸.前者上回吃過後感那肉質來得幼嫩,食落來得鬆化.份量絕欺場,表層那一片來得最好吃,但最不健康,醬汁來得濃厚,實神來之筆.伴飯也不錯.二回水準來得穏定,師傅的水準就給眾人留下信心的一票.後者則上回帶點失望,因丸內絕無芝心可言,雖有彈牙的優點.但沒有那主題之零魂.今次來得帶前一句的優點,更內真的有溶化的芝士,來得有趣.,熱燙不給人一點餘地.一小碟價錢不便宜.糯米蒸蟹每圍各有二籠.可能一次蒸得多過火?其中一籠來得濕了少許,因那簡單的

好友肥豪4號大婚完後,日日都好多節目成日浦,浦慣左成日唔黐家,加埋前日好友小貴子生日,今日當補祝請佢食飯,約佢地兩個今晚去呢道食晚飯。我當晚收工要八點半,我叫小貴子揸我部車去接我收工,再一齊去大埔會合肥豪。到左大埔街市附近露天停車場一齊將車泊低,一齊步行去到街市內【三小姐】。我第一次去當然要睇下【黃翊】,睇下佢近年個樣有咩變化啦! 嘩...好 man 下喎!叫左【咖喱雞煲】、【豆腐魚雲湯】、【豉椒炒蜆】及【金銀蛋浸時菜】四樣菜色。先講【咖喱雞煲】咖喱汁超正開胃,係西式咖喱底好香好正,雞件炸得過火但都好多肉,成晚最好就係呢個。【豉椒炒蜆】茨汁好似凈蠔油咁,較甜唔見有新鮮辣椒及蔥花等襯托,但蜆係沙蜆算新鮮但細隻,下次未必會再試。【金銀蛋浸時菜】用生菜襯底好陌生,味道 ok 清清地幾健康。【豆腐魚雲湯】幾甜味精唔覺多,豆腐都好多好足料,魚雲都幾大舊,ok。值得一讚係上菜好快抵讚,阿姐招呼都 ok , 但唔知點解啤妹冇理過我地呢枱,莫非知我地揸車,哈!現場有冷氣夠寬敞,冇飲啤酒小貴子飲左一罐可樂,叫左四碗白飯,我埋單HK$207元我覺幾抵食。一齊駕車先到肥豪屋企坐,去到佢屋企坐到晚上十一點多,

假若在八十年代尾,九十年代頭時已聽Canto pop的朋友,相信一定聽過黃翊的名字.曾經被新藝寶唱片公司力捧,唱過奧運主題曲,更憑一曲"最愛的你",贏取過電台榜no1,勁歌季選等等...後來四大天王冒起,份屬二線,出過數張大碟的他,便無以為計.不久便退出樂壇,動向一直未明.當年與他合唱一曲"遲到的愛"的王菲,已一早被封后,現今回歸北京嘆世界.那邊廂的黃翊,將人生舞台,搬到去大埔街市,繼續用另一個形式,用鑊剷來代替米高峰去演繹自己.地點是街市熟食中心內的"三小姐".聯同陳真,紅叮兩位大埔朋友前往,三個人來,時間尚早,輕易找到位坐.聽說平日的晚上,也很旺場.是夜亦在場內,見到身為老闆的黃翊,不斷為客人落單,送菜.闊別多年的他,留了一頭長髮,身段黑黑實實,同當年在"淘氣雙子星"內的青靚白淨形像,判若兩人.三個人的飯局,實在不能夠吃得太多.在菜單上研究了很久,便點了四味招牌菜式.身穿青島制服的啤妹走過來,便來支青島純生.來小炒檔吃椒鹽菜式,是不變的定律.先來一個椒鹽茄子,真是做得很好.外面香脆,入面的茄子並未炸到乾透,吃落仍帶一點水份.真是吃到不停口.另外的墨魚芝心丸,同牆上的相片相差甚遠,並

食完豆腐花, 本來是想上來街市看看三小姐是什麼回事再過去食咖喱的. 不知是食物香, 或是黃翊的明星效應, 睇下睇下, 見有位, 便被招呼下來了. 難得入黎大埔一走, 吃就別得特式一點吧. 雖然我欽點的兩間老字號都是非常有特式的. 但上到街市, 呢間明星大排檔, 頓時覺得更為吸引.首先招呼我們的, 當然是啤妹. 不過, 未點菜先點酒, 不是我們的習慣, 看看牆上的大字報, 看看手上的菜牌. 3人點了4個餸. 點了菜再叫兩支大青島.先來的, 是椒鹽茄子, 外面香脆金黃, 味道十足. 裡面沛清淡非常. 不過, 始終是炸物, 食落非常之熱氣. 芝士墨魚丸, 食友搞要地, 係都要試下佢有幾彈, 夾起一粒, 放下, 打打乒乓. 測試結果, 果然會彈起, 夠彈. 味道, 頭一粒點了汁, 食唔出有芝士味, 第二粒, 沒有點汁, 一咬口, 有芝士汁出黎. 不過, 味道不夠重, 難免被那個酸甜汁蓋過. 燒醬骨, 味道濃郁而應該是炆得好淋既厚肉排. 醬汁不錯, 但講到鬆化, 入口能溶, 就未夠班了. 暫時食過最好的, 仍然是屋企樓下間花膠大王出品.羔蟹蒸糯米飯, 蟹比起上次魚排食到的, 更加細隻. 雖然幾好

今日提早食飯慶祝母親節..我地叫左 乳鴿兩隻..唔叫好過叫囉-_-"42蚊一隻炸過龍..小炒王 (佐酒一流)椒鹽九肚魚...超好食..果頭食緊已經聽到話售罄..就知道超受歡迎芝士焗大蝦伊面...noway!!完全唔得..d 面又lum patpat 蝦肉又唔爽最出色既就係 籠仔羔蟹蒸糯米飯..超正~~~ d飯索埋d 蟹味整體黎講都ok既...不過有d菜式真係偏咸左D..

都幾個月之既事喇, 同左大學同學去大埔街市, 本來諗住食點心, 原來好早就會關門, 然後又見呢間咁多人, 又有雜誌介紹, 咪試下, 點知又幾好味喎!!我地叫左:海鮮雜菜煲: d菜好入味, 湯好正!! 同埋都幾足料, 都有好多唔同種類既海鮮沙爹肥牛粉絲煲: 好好味! 唔會好salty, 但又好濃味, good! 搞到我地尊登要多d飯黎撈汁炸九肚魚: 蒜香好味! 炸得都幾鬆脆!! 好快就清左碟!!蒜蓉蟹糯米飯: d飯好香蒜同蓉蟹味, 不過略嫌冇乜咬口咁, d蟹又太多shell!! 不過係好味既!!整體黎講都唔錯!! 服務都幾好ar, 價錢又幾啱~ 一班人食飯開開心心就好啱喇

今次係五個人份量:籠仔蒸羔蟹糯米飯 - 都真係幾好味,個飯好香,d蟹真係有羔架鮑汁炒野菌 - 都好好味,唔油豉椒炒蟶子 - 好好味,好有鑊氣,好夠味沙薑雞腳 - 唔夠林,呢個差少少炸花枝丸 - 太油啦,食完成個底都係油,味就麻麻地啦,但個汁好酸豉油皇鵝腸 - 好爽,但個味就偏淡,濃少少會仲好味六點半去到已經好多人,訂左七點的黎到都要等位,好彩我地早左到,如果唔係一定放棄~~~